Кыргызстан 30 миллион доллар насыя алып, заманбап мектептерди курат

© Пресс-служба правительства / Сабыр АильчиевПоследствия землетрясения населенных пунктах Чон-Алайского района Ошской области
Последствия землетрясения населенных пунктах Чон-Алайского района Ошской области - Sputnik Кыргызстан
Жазылуу
Эл аралык донор 30 миллион долларлык насыяны бир пайыздык үстөк пайыз менен берген.

БИШКЕК, 26-сен. — Sputnik. Сауд өнүктүрүү фондунун каржылоосу менен Кыргызстанда 27 мектеп курулат. Бул тууралуу Архитектура, курулуш жана турак жай – коммуналдык чарба мамлекеттик агенттигинен кабарлашты.

Билдирүүгө ылайык, Ош, Бишкек шаарлары менен ар бир облуста үчтөн заманбап мектеп салынат.

Агенттиктин алдындагы Координациялык топтун жетекчиси Ражабали Эркебаевдин айтымында, курулушка жалпы 30 миллион доллар жумшалат.

"Кыргызстан менен Сауд Аравия ортосундагы макулдашуунун негизинде өлкө аймагында 27 мектеп курулат. Ош, Бишкек шаарлары менен ар бир облус аймагына үчтөн билим берүү мекемесин салуу пландалган. Учурда консультациялык жана тиешелүү документтер даярдалып жатат. Мектептердин курулушун Сауд Аравия каржылап жаткандыгында эч кандай саясат жок. Анткени каражаттар насыяга алынды", — деди Эркебаев.

Город Айдаркен в Кадамжайском районе Баткенской области - Sputnik Кыргызстан
Мамкурулуш: Кыргызстанда быйыл жаңы мектеп куруунун зарылчылыгы жок
Ошондой эле ал курулуш иштери 2019-жылы баштала тургандыгын кошумчалады.

Сауд өнүктүрүү фонду 30 миллион долларлык насыяны бир пайыздык үстөк пайыз менен берген. Кыргызстан ал каражаттарды беш жылдан кийин төлөп баштап, 25 жылда кутулуп бүтүшү керек.

Жаңылыктар түрмөгү
0