Ишкер Роза Бегалиева. Архивдик сүрөт

Майыптыгымды билген курбум батиримди тартып алган. Роза Бегалиеванын маеги

3750
(жаңыланган 09:03 01.10.2018)
Роза Бегалиева Канттын карапайым кызы. Мектепти аяктаган кезден тарта өз турмушу үчүн жан үрөп соода менен алектенген, иши жүрүшүп Казаксанда байып, дос тааныш күткөн. Бирок 27 жашында тагдырдын оор сыноосуна кабылып, унаа коюп кеткенден кийин буту баспай коляскага отуруп калган.

Учурда Бегалиева жиптен буюм-тайым, кийимдерди токуп, бул боюнча сабак берүүнү пландап жаткан учуру. Мындан сырткары, визиттик карточкаларды даярдап, видео монтаж жасап, ар темадагы семинар, тренингдерден калбай катышып, өз жашоосун көрктөп жаткан учуру.

45 жаштагы Роза Бегалиева Sputnik Кыргызстан маалымат агенттигине тагдыры тууралуу маек куруп, майыптыкка моюн сунган кыйын күндөрү тууралуу айтып отурду.

— Алгач өзүңүз жана үй-бүлөңүз тууралуу айтып берсеңиз?

— Мугалимдин кызымын, ата-энем мектепке кызмат кылган адамдар. Үч эркек, эки кызды тарбиялап өстүрүштү. Менден кийинкиси кыз. Тагдыр экен, бир байкем 28 жашында ток уруп каза тапты, өзү электрик болчу. Үч-төрт жыл мурда дагы бир агамдын жүрөгү токтоп каза тапты. Атам он жыл мурда ашказан рагынан көз жумган. Азыр апам, сиңдим болуп чогуу жашайбыз. Бир агам кошуна турат.

8-классты аяктаганда медициналык училищеге тапшырып өтпөй калдым. Андан кийин окууга деле умтулган жокмун. Тигүү цехтеринде, чайханаларда иштедим. Кийин Казакстанда туугандарыбыз менен беш жылдай соода кылдым. Тараздан Алматыга желим пакеттерди сатып тиричилик кылчубуз. 

Предприниматель с ОВЗ Роза Бегалиева на фотосессии
© Фото / Гулзана Жаркынбаева
Бегалиева: тууганым менен тең көргөн курбум кырсыктап калганымда жүз буруп кетти

— Ал жактан жакшы эле каражат таптыңызбы?

— Эстесем бир сүйүнүп, бир кайгырып алам. Соода кылган киши кантип кедей болсун? Казак курбу кызым менен биргеликте эки бөлмөлүү батир алганбыз. Мен Кыргызстандын жараны болгондуктан ага каттаткан болчубуз. Мен минтип майып болуп калганда жүз буруп кетти, абдан нес абалда калдым. Үйдү сатып мага жарым акчасын бер десем, кааласаң "соттошуп ал" деп айткан. Болбосо ал убакта операция жасатканга каражат таппай карайлап тургам. Ошондо баары бир буйрубайт деп зээним кейиген. Ал кырсыктаса орто жолго таштамак эмесмин, керек болсо кийин издеп бармакмын. Ал курбумду тууганым менен тең көрчүмүн. Эки-үч жыл мурда курбум ошол батирде каза болгонун уктум, себебин деле тактабадым.

Кырсыктаган учурда көп кишинин анык жүзүн көрдүм. Кыйын кезеңде ата-эне, бир тууган, жакындарыңдан башка эч ким деле көңүл бурбайт экен.

— Ошол каргашалуу күндү айтып берсеңиз.

— Базарда тиричилик деп жүргөн убак эле. Унаа өткөн жолдо жайгашкан жол чырак менен жөө адамдар өтүүчү чийинди көзгө илбей ортосунан өтө калайын дегем, дүңк эле дей түштү. Көзүмдү ачсам ооруканада экенмин. Машине артыман сүзүп, натыйжада кабыргам сынып, алар ички органдарды тешип, жүлүнүм кысылып калыптыр. Операцияда көк боор толук алынып, калган органдар жарым-жартылай кесилиптир. Бир суткадан кийин өзүмө келе баштадым, али дем алдыруучу аппараттын жардамы менен аба жутуп жаттым. Эмнегедир бутумду сезген жокмун. Дарыгерге бут жагымды карагылачы деп жаңсадым. Алар аппарат менен текшерип жүлүнүм кысылып калгандыгып айтышты. Ошондо эле бутума таасир бере тургандыгын билдиришкен.

Ата-энем Бишкектен дарылатмай болуп Казакстандан алып кетишти. Бул жактан дарыгерлер начар карады, 10 күн бою жылдырбай жаткыра берип жамбашымды жара кылып салышты. Ал айыкмайынча бел омурткаларына операция жасаганга болбойт деп, капталдатып жаткырып коюшту. Ошону күтүп үч ай жатып калдым, жүлүн болсо биротоло кысылып калыптыр. Кийин операция жасатканым менен бутум баскан жок. Ошентип коляскага отуруп калдым. 

Предприниматель с ОВЗ Роза Бегалиева на интервью
© Sputnik / Табылды Кадырбеков
Бегалиева: кийим токуп, интернет аркылуу жарнамалап өткөрөм

— Майыптыкка моюн сунуу кыйын болсо керек?

— Ата-энем, бир туугандарым майыпсың деп бөлүшкөн жок. Өңгөчө атам базарга барса да москвичине отургузуп алчу. Конок дегендерден калчу эмесмин. Мени караган дарыгер ар дайым "колу-буту мунжу болуп, тилден калгандар бар, шүгүр кыл" деп менден төмөндөргө салыштыруу менен стимул берчү.

Бирок түпкүрүңдө өзүңдү майыпмын деп кабыл алуу кыйын экен. Төрт жыл үмүтүмдү үзгөн жокмун. Элдик дарыгер, бүбү-бакшы, молдо дегендердин бардыгына кайрылдык. Кийин атамдын өлүмү үмүттү үздү окшойт. Мурдагыдай мал багып, чарбачылык кылып, оокатыбызды кыла албай калдык. Жер тилкебизди да сатып ийдик.

— Бирок бир нерсе менен алектениш керек болду да. Токуганды кантип үйрөндүңүз?

— Апам бизге орустардын колунан чыккан токулган кийимдерди алып келип берчү. Ошолордун токулушун жакшылап караштырдым, журналдарды да карап чыгып үйрөнүп кеттим. Азыр кийим-кечектерди интернет аркылуу жарнамалап өткөрөм. Антпесек сата албай кыйналабыз. Борбордо токулган кийимдерди алып саткан дүкөндөр иштесе бизге жакшы болмок. Көптөн бери ушул маселени ойлонуп жүрөм. 

Предприниматель с ОВЗ Роза Бегалиева в рабочем кабинете
© Фото / предоставлено Розой Бегалиевой
Бегалиева: майып болуп калган убакта үйдөн чыкчу эмесмин, 15 жылым үйдөн өттү

— Коомдук бирикмелерге мүчө болуп, тренинг, семинарлардан да калбай катышып турат экенсиз…

— Майып болуп калган убакта үйдөн чыкчу эмесмин, жадакалса бут кийим да жыртчу эмес экенмин. Жайдын күнү эле күндү көргөнүм болбосо, калган убакта терезени тиктеп кийимдерди токуп отурчумун. Ошентип 15 жылым үйдөн өттү.

2013-2015 жылдары кыргызстандыктар интернетке активдүү кирип баштаганда өзүмө окшогон Гүлзар аттуу кыз менен таанышып калдым, ал мени республикалык протездик-ортопедиялык буюмдар чыгарылган мекемеге чакырды. Ал жакта майып кыздардын атайын бөлүмү бар экен. Ошондогу тааныштар аркылуу майып кыздардын жөө жүрүшүнө катыштым. Көрсө мага окшогон кыздар толтура тура, кийингендерин, боенгондорун көрүп оозум ачылды. Анан мен дагы сырткы келбетиме кам көргөндү үйрөнө баштадым.

Азыр ар кандай темадагы тренинг, семинарлардан калбайм. Токуу боюнча адис болдум деп ойлойм, учурда каалоочулар үчүн курс ачып жатам. Жакында эле өзүм мүчөлүк кылган ЛОВЗ принт бирикмеси менен визиттик карточка менен видео монтажды жасаганды үйрөндүм. Буюрса бул иштерди да колго алам деп ойлойм.

Бир гана жол маселеси кыйын болууда. Канттан Бишкекке чейин күндө такси менен келүү түйшүк, ошондуктан өзүмө окшогон курбу кызым менен борбордон батирге чыгууну пландап жүрөм. 

— Кыскасы бош убактыңыз аз турбайбы?

— Жашоомду кызыктуу өткөрүүгө аракет кылам. Бош болгондо кыздар менен кафеге, тоого, киного барып эс алып келебиз. Үч миң пенсия эмнеге жетсин, болушунча сарамжалдуу кечелерге барганга аракет кылам. Бөлө келгенде 200-300 сом болгудай жерлерди тандайбыз. Экинчиден ыңгайлуу жерине карайбыз. Биздей адамдардын бийик кабаттан түшүшү азап. Бирок кайрымдуу адамдар көп, жардам керек болсо чуркап келишет. Маселен кетип бараткан адамды токтотуп алып көчөдөн өткөрүп кой же такси чакырып бер десең баш тартпайт. Ошол эле учурда кайдыгер мамиле кылгандар да жок эмес. Өткөндө апам менен дүкөнгө кирели деп тепкичтен коляскамды жылдыра албай калдык, маңдайыбызда 7-8 класста окуган кыздар карап турат, ачуум менен "эмне турасыңар" дедим эле, бирөөсү чуркап келди.

— Көбүнчө такси менен жүргөнгө туура келет экен. Бир жагынан каражаттан, экинчи жагынан кооптулугунан кыйналсаңыз керек. Себеби мурда мүмкүнчүлүгү чектелген кыздардын бири менен маек курганымда ушул көйгөйдү айтып берген.

— Таксисттерге ишенбей айылдаштарыма суранам. Ар кандай болуп кетиши ыктымал, өткөндө бир майып кызга таксист тийишкен экен. Эл каттаган маршурткага бир-эки жолу түшүп жүдөдүм. Ал үчүн бирөө коляскаңды артка киргизип, дагы бирөө сени көтөрүп ичине отургузушу керек да. Такси чакырганда деле бизди көтөрүп салыш керек. Айрым айдоочулар макул болсо, кээси "белим, бөйрөгүм ооруйт" деп шылтоо табышат.

Азыр бир жакка бараарда тепкичтен чыга аламбы, жардам бергендер болобу деген ойлор болот. Өзгөчө бейтапканага барганда кыйналабыз. Көп жерде мүмкүнчүлүгү чектелген адамдарга шарттар түзүлгөн эмес. 

Предприниматель с ОВЗ Роза Бегалиева в рабочем кабинете
© Фото / предоставлено Розой Бегалиевой
Бегалиева: көрсө мага окшогон кыздар толтура тура, кийингендерин, боенгондорун көрүп оозум ачылды

— Дарыгерге бат баттан көрүнүп турасызбы?

— Алты айда бир канымды текшертип, ички органдарды маалы менен тарттырып турам. Бутта жан жок, кесип алса да сезбейт. Былтыр байпак кием деп жатып катуурак тартып жибердим эле, жамбаштан сынып кетиптир. Буттун сөөктөрү жумшарып, эбак кальцийи кеткен экен. Шумдук челектей шишиди, көрүп жүрөгүм түшүп калды. Бутум сезбегени менен башым зыңылдап ооруду, дарыны кооштоп ичип жаттым. Ошентип үч ай төшөктө жатып калдым. Андан айыккандан кийин керебеттен түшөм деп колум тайып кетип томугум сынып калды. Ушундай оор учурларда ооруканага араң жатып аттым. Дарыгерлер алдын ала жазылбайсыңарбы дейт, биз кырсык качан болоорун билбейбиз да, туурабы?

— Аялдык турмушуңуз тууралуу кеп кылсак.

— Басып жүргөндө жигитим бар эле, баспай калганда бардыгы жүзүн бурду. Кырсыкка чейин деле турмушка чыгып, балалуу болушум керек деп ойлонбоптурмун. Акча азгырып жүрдү да. Апам турмуш кур деп кулагыма куйчу. Мен отузга чыгып деле жетишем дечүмүн, ага да жетпей калбадымбы. Коляскада отуруп деле түгөйүн таап, турмуш кургандар болот экен. Бир эки таанышымды көрдүм. Негизи отуз бештерде төрөп алсам болмок экен деп кейийм. Азыр эми кеч болуп калды го… 

Предприниматель с ОВЗ Роза Бегалиева на фотосессии
© Фото / Гулзана Жаркынбаева
Бегалиева: азыр ар кандай темадагы тренинг, семинарлардан калбайм. Токуу боюнча адис болдум деп ойлойм, учурда каалоочулар үчүн курс ачып жатам

— Эмне тууралуу кыялданасыз?

— Жол жүргөндөн кыйналдым. Тыпырайган унаа болсо алып алайын дегем. Апама насыя албайлыбы десем, ары турчу деди. Албетте бул материалдык муктаждык. Колумдан келсе өзүм сыяктуу мүмкүнчүлүгү чектелген кыздарга жардам бергим келет. Азыр жолуккан кызга эле токуганды үйрөтөйүнбү дей берем. Майып болгондон кийин өтө боорукер болуп калат экенсиң, өзүмө окшогон кыздарга кеп-кеңеш айтып, психологдой кеңеш берип коем.

3750
Белгилер:
турмуш, тагдыр, соода, унаа, оору, майыптар
Тема боюнча
Ишкер Азамат Байматов: эки буту жоон санынан жок энени көргөндө денем муздай түштү
Улан мага дем берет! Төрага Жумабеков майып жардамчысы тууралуу. Видео
Сокулукта жыгач цехин иштеткен майыптар кантип жан багат? Иш учурундагы видео
Ак-Кула ипподрому. Архивдик сүрөт

Ишембиге карата аба ырайы

17
(жаңыланган 21:01 25.09.2020)
Синоптиктер ишембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 25-сен. — Sputnik. Ишемби күнү, 26-сентябрда, күндүз Баткен, Ысык-Көл өрөөндөрүнүн кээ бир райондорунда, өлкөнүн тоо этектеринде жамгыр, тоолуу райондорунда кар жаайт. Башка облустардын дыйканчылык аймактарында жамгыр жаабайт. Бул тууралуу Кыргызгидромет билдирди.

Жер планетасына дагы бир астероид жакындап келе жатат

Абанын температурасы Чүй менен Ысык-Көлдө +16...+21, Талас аймагында +14...+19, Ош, Жалал-Абад, Баткен облустарында +20...+25, Нарын жергесинде +17...+22 градус болот.

Күндүн табы борбор калаа Бишкекте +18...+20, Ош шаарында +22...+24 градуска жетет.

17
Тема боюнча
Кыштын илеби жакындап... Октябрь айына карата аба ырайы
Москвадагы ЖОЖго тапшыргандар. Архивдик сүрөт

Россияда билим алууга квота бөлүү: система реформаланат, орун көп болот

27
(жаңыланган 20:08 25.09.2020)
Россиянын жогорку окуу жайларында жакынкы чет өлкөлөр менен Балтика боюндагы республикалардын абитуриенттеринин бекер билим алуу системасын реформалоо керектигин Россотрудничество агенттигинин жетекчиси Евгений Примаков билдирди.

Алексей Стефанов

РФтин Мамлекеттик думасынын депутаты Евгений Примаков быйылкы жылдын июнь айында Россотрудничество агенттигинин жетекчилигине дайындалган. Ал дароо эле россиялык бул агенттикте олуттуу өзгөрүүлөр болорун убада кылган. Жаңы жетекчи аталган уюмдун талылуу темаларынын бири – чет элдик жарандардын россиялык ЖОЖдорго квота бөлүү системасы экендигин айтты. 

Депутат Государственной Думы РФ Евгений Примаков на пленарном заседании Государственной Думы РФ.
© Sputnik / Владимир Федоренко
РФтин Мамлекеттик думасынын депутаты Евгений Примаков
"Квотанын саны көбөйөт, президент (РФ президенти Владимир Путин – ред.) алардын арбый тургандыгын айтты. 2023-жылга карата эки ирет көбөйөт. Бирок биз Россиянын Жогорку билим берүү жана илим министрлигиндеги, Мамлекеттик Думадагы кесиптештерибиз менен квота тарыхы майнаптуу болбой келгенин талкуулап жатабыз", — деп айтып берди Россотрудничество уюмунун жетекчиси Евгений Примаков Sputnik агенттигине.

ЖОЖдорго көп орун бөлгөн Беларусту мисал катары келтирип, бирок Россиянын "ал тургай Польша менен теңтайлашканы оор" экендигин билдирди.

Россиянын окуу жайлары кыргызстандык студенттерге кандай жеңилдик берет

"Поляктар билим алууга гана мүмкүнчүлүк бербестен, студенттер үчүн гранттарды, стипендияларды чектейт. Биз атаандаша албайбыз. Биз болгону студенттерге келип, окуганды гана сунуштай алабыз. Квоталардын жок дегенде бир бөлүгүндө стипендия менен гранттар пайда болгондой системаны өркүндөтүшүбүз керек. Келип, окугула гана дебестен, учуп кеткенге билетиң мына, а бул — жатакана же баш калкалай турган жайга мүмкүнчүлүк беришибиз керек", — деди Примаков.

Россотрудничество Россияга билим алам деп келген чет элдик студенттер окуган тармагында мыкты адис болуп чыгышына кызыкдар экендигин айтты. Окуудан кийин алар мекенине кайтып, маанилүү деген позицияны ээлеп, жакшы ишке орношуусу керек. Бирок азыркы системада бул пландар ишке ашпай жатат.

"Россияга келип, кыйын кырдаалга тушуккан балдар бар, алар короо шыпырып же такси айдап иштеп кетип жатышат. Биздин бюджеттик акчаны ал студенттердин окуусуна чыгымдаган учурду эске алганда да такыр туура эмес көрүнүш", — деп түшүндүрдү Россотрудничество жетекчиси.

Азырынча квота бөлүү системасын реформалоо боюнча так пландар болбогонун, аталган жааттагы көйгөй учурда талкуулануу стадиясында экендигин кошумчалады. Примаков анткен менен реформасыз мындан аркы кадамдар болбой турганын белгиледи.

"Росскызматташтыктын" деңгээлин көтөрүү керек. Жаңы жетекчи Примаковдун пикири

Чет элдик студенттер үчүн бюджеттик орундарга бөлүнгөн квотаны 15 миңден 30 миңге чейин көбөйтүү Мамлекеттик Думада 2020-жылдын башында бир топ талкууланган. Анда Думанын КМШ иштери, Евразия интеграциясы жана мекендештер менен байланыш боюнча комитетинин төрагасы Леонид Калашников 15 000 орун Россиянын гуманитардык күчүнө жана эл аралык ролуна туура келбей тургандыгын айткан. Беларусь жарандары үчүн 10 миң бюджеттик орун бөлгөн Польшаны мисал келтирип, Румыния жыл сайын Молдованын 5000 атуулун бекер окутуп жаткандыгын кабарлаган. Ал учурда Россияда билим алууну ниетинде арыз берген чет элдиктердин саны 100 миңге чукулдап барган. Жыйынтыгында Россиянын Жогорку билим берүү жана илим министрлигинин планында чет элдик студенттерге каралган квотаны 30 миң орунга көбөйтүү планы коюлду.

27
Белгилер:
квота, билим берүү, ЖОЖ, Кыргызстан, Евгений Примаков, Россия
Тема боюнча
Бир маалым кат жетиштүү. Кыргызстандык студенттер Россиядан кантип иш таба алат
Европа биримдигинин желеги. Архивдик сүрөт

Европа либералдык пикирлештик жана демократиялык тоталитаризм үчүн күрөшүүдө

0
(жаңыланган 21:31 25.09.2020)
Иш жүзүндө Батыш тарабынан жарыяланган кансыз согуш таптакыр жаңы баскычка аяк басты. Антироссиялык риториканын аркасынан өздөрүндөгү расмий идеологияга сыйбаган ой жүгүрткөндөрдү да куугунтуктоого чакырыктар башталбай калбайт көрүнөт.

Кырдаалдын өнүгүшү менен РФ эми мындай антироссиялык каралоо жана санкциялардын негизги бутасы болбой калганы аныкталат. Болбосо, Европарламенттин соңку резолюциялары Россия жана россиялык саясатка карата катаалдай туюлган. Мунун тегерегинде Владимир Корнилов саресеп салган.

Анда ал түгүл РФ Конституциясын өзгөртүү талабы да камтылган. Бирок ошол эле мекеменин трибунасынан Еврокомиссиянын башчысы Урсула фон дер Ляйен сүйлөдү. Россия тууралуу бир гана ирет үн катты, болгондо да кандай?! “Россия менен тыгыз мамиледегилердин баарын” коркутту.

Башкача айтканда, анын кайрылуусу Москвага эмес, Евробиримдиктин өзүнүн ичиндеги Брюсселдин тышкы саясаты дурус нук аларына үмүттөнгөн мамлекеттерге жана саясий топторго багытталгандай. Ага удаа эле Германиянын мурдагы коргоо министри европалык оппозицияга “Биз силерге баратабыз” дегендей сөөмөй кезеди.

Вашингтон Тегеранга эмнеге кайра санкция киргизди? АКШнын жеңилүү коркунучу

Ал гана эмес батыш басма сөзү ошол кеңири кебинен негизги билдирүү катары Россия туурасындагы кыска эле жерин: “Евробиримдиктин лидери Россия менен байланыштан сак болууну эскертет” деген темада биринчи бетке чыгарды. Баарына кулак кагыш кылгандай. Айрым европалык саясатчылар ынандыргандай, ички оппозицияга мамилени кескин катуулатуу “берлиндик бейтаптын” тегерегиндеги жаңжалга жооп эмес экендигинде шек жок. Бул болду-болбоду Берлиндеги россиялык элчиликтин алдында “Путин! Путин!” деп жапырт кыйкыргандарга “эскертүү” болду окшойт.
Бул “маселени” жакында эле Süddeutsche Zeitung басылмасы да көтөрдү. Сөзмө-сөз келтирсек: "Россиялык мамлекеттик маалымат каражаттарынын таасири Навальныйдын ууланышы көп талашты жараткан Германияда да жогору.

Мамлекеттик телеберүүнүн немис тилдүү бөлүмү RT Deutsch материалдары болуп көрбөгөндөй популярдуу. ЕСВС (Европалык тышкы байланыш кызматы — авт. тактоосу) маалыматы боюнча, ушул тапта Германияда социалдык медиада айтылышы боюнча экинчи орунду ээлейт", – деп жазылган.

Эмнеге немис гезиттеринин популярдуулугу төмөндөп баратканын Süddeutsche Zeitung басылмасынын авторлору изилдөөгө алы келбейт. Алардын пикиринде, Европада россиялык маалымат каражаттары европалык коомчулуктун катарында “шек жаратууну” көздөйт.

Газдын баасын бороон-чапкын жана бандалар аныктоодо. 2020-жылдын оош-кыйышы

Кызык, кандайча батыш журналисттери шек саноолордун болушун өтө жаман нерсе катары санашат? Кыязы, демократиялык Европа дайым тоталитаризм жана расмий пикирлештикти айыптап келишпеди беле.

Батыш журналисттери жана саясатчылар эми эмнеге алардын мекендештери “уулануу” боюнча кабарлардын чындыгын издөө аракетинде жергиликтүү гезит жана маалымат каналдарына туура альтернативаны издеп жатканына чындап таң калууда.

Бул Германияга гана тиешелүү эмес. Европанын кайсы өлкөсүн албаңыз, ушул жөнүндөгү талкууга күбө болосуң. Мисалы, чехиялык эксперт Ян Шир журналисттердин “даярдыксыздыгы” менен түшүндүрөт. Аларды тек гана “туура багыттоо” зарыл: Донбасстын көтөрүлүшчүлөрүн "сепаратист" эмес, "россиялык армия" деп атоого мажбурласак, дароо керектүү жыйынтыкты алабыз. Донбасста ушунча жылдан бери россиялык армияны эч ким таба электиги менен кимдин кандай иши болсун?! Ширдин оюнда, чехиялык телеберүүнүн эфирине “туура” эксперттерди гана чакыруу керек имиш.

Европада эпидемиологиялык абал эмнеге начарлап баратат. ДССУнун түшүндүрмөсү

Чындап эле Шир жана мындай эксперттер ой жүгүртө алган киши эртеби-кечпи сенсациялык “фактылардын” чын-бышыгын билүүгө аракет кыларын ойлобойбу? Гезиттерден алгылыктуу эч нерсе таппаса, альтернативдик булактарга сөзсүз кайрылат. Россиялык маалымат каражаттарынын окумдуулугу артканы ушул менен да түшүндүрүлөт. Анткени, булар кеминде эле тигил же бул көйгөйдү ар тараптан карап, өз бүтүмүн чыгарууга мүмкүндүк берет. Россия жана Европанын ичиндеги бөтөнчө ой жүгүртүү менен күрөшкөн батыш эксперттери дал ушундан кооптонот.

Ошондой күрөштүн жапжаңы мисалы — Италиянын аймактарында ушул аптада өткөн жергиликтүү шайлоо. Оппозициялык “Лиганын” жеңичинен чочулагандар дароо маалымат каражаттарына антироссиялык картаны көтөрүп чыкты. “Лигага” байланышы бар деген кайсы бир электр ишканасынын ээсинин орус аялы бар, ал ага Россияга акча которуп турган” дегенди далил катары келтиришкен. Аталган уюмга каршы уюштурулган бул жаңжалды акча Италияга эмес, Россияга “которулганы” деле жокко чыгарат. Бирок кандай болгон күндө оппозициянын Кремль менен байланышына окурмандарды ынандырууну максат кылышат. Акылга сыярлыкпы же болбогон жолбу, аларга баары бир. Ушунча жылдан бери “рублди да, матрешканы да” эч ким таба албаганы тууралуу “Лиганын” лидеринин билдирүүсү либералдык италиялык маалымат каражаттарын жана брюсселдик саясатчыларды таптакыр кызыктырбайт.

Ушундай саясий чайкоочулукту уюштуруу менен европалык либералдардын идеолог жана негизги күчтөрүнүн бири Ги Верхофстадт Европарламенттин залынан Сальвинини "Путинден акча алууга" ачык эле айыптаган.

Россиялык адис: Европа неоулутчулдуктан азырынча чочулабайт өңдөнөт

"Жеке мен бизге үйрөтүүгө тырышкан бул адамдар Европа биримдигин кыйратуу үчүн акча алышат деп ойлойм", — деп билдирген Бельгиянын мурдагы премьер-министри.

Европа “саткын” деп жарыялагандарды тегиз тазалоо менен коркутуу — бул согуштун жүрүшүндө туткун алууга ашыкпайт. Ал эми бул башталышы гана...

0
Белгилер:
Россия, согуш, Батыш, Европа
Тема боюнча
ДССУ Европада коронавирус боюнча кырдаал начарлай баштаганын жар салды