Керемет көч мультфильминде Акылайды сүйлөткөн Адеми Кулмамбетова

Акылайды "сүйлөткөн" Адеми : "Керемет көч" болбосо кыргызча билбей калмакмын

2013
(жаңыланган 09:31 02.10.2018)
"Керемет көч" долбоорун билбеген, көрбөгөн бир да бөбөк жок болсо керек. Ар күнү кечинде көпчүлүк балдар мультфильмдин каармандары Актан, Акылай жана Такай менен түрдүү жерди кыдырып, керектүү, пайдалуу анан кызыктуу маалыматтарды ала алат.

Дал ушул мультфильмде Акылайды сүйлөткөн Адеми Кулмамбетова Sputnik Кыргызстан агенттигинин коногу болду. "Керемет көч" 2006-жылы ишке киришкен. Андан бери убакыт өтүп азыр кичинекей Адеми созулган, суйкайган чоң кыз болуптур.

— Акылайдын үнүн коштогондо канча жашта элеңиз?

— 10 жашта болчумун. Долбоорго үндү 11 жашымда жазып баштаганбыз.

— Азырчы?

— 21ге толдум.

Актриса Адеми Кулмамбетова, которая озвучивает Акылай из кыргызского мультфильма Керемет көч во время интервью на радиостудии Sputnik Кыргызстан
© Sputnik / Табылды Кадырбеков
"Керемет көчтө" Акылайдын үнүн коштогон Адеми Кулмамбетова

— Кандайча Акылайдын үнүн коштоп калдыңыз. Сынактан өтүү оор болгон эмес беле?

— Ата-энем "КТРКда ушундай долбоорго сынак жарыяланыптыр, барып катышып көрчү" деп алып барышты. Мен анда кичинекей болчумун өзүмө ишенбей эле баргам. Актан менен Акылайды "сүйлөтөбүз" деп сынакка 500дөй бала катышкан. Такайдыкына 700дөй киши келген. Анткени анын үнүн коштоо оор болчу. Ошолордун ичинен Актанга Дастан Мадылбеков, Акылайдын үнүн коштоого мени тандап алышты. Чынын айтсам өтпөй калам го, башка каарманды сүйлөтөт болушум керек деп сүрдөп, толкунданып жаткам. Бирок эки-үч сааттын ичинде эле жыйынтыгын айтышты. Анда бизди текст окутуп көрүп анан алган. Менин оюмча бизде кандайдыр бир динамика болгон үчүн алса керек.

— Жаңы жумушуңуз окууга кедергисин тийгизген жокпу?

— Жок, тийгизген жок, атайын графигибизге карап анан иштечүбүз.

— Калем акыңар жакшы эле төлөп беришсе керек?

— Бизге канча төлөп берип жатканын айтышчу эмес. Баары ата-энебизге берилчү. Кичинекей болсом акчага эмес, ал жакка барып микрофондо сүйлөгөнгө, ошол жактагы жумуштун жүрүшүнө кызыгып барчумун. Анын үстүнө ЮНИСЕФ уюму бизге ар кандай пайдалуу, кызыктуу нерселерди өтүп турчу.

— "Керемет көчтө" кыйналып же тажаган учурлар болду беле?

— Жок андай деле кыйынчылыктар болгон жок. Башында кыргыз тилинен аябай кыйналдым. Себеби орус мектепте окуп тилим жатыга түшүптүр. Андан кийин үйдөн кыргызча китептерди көп окуп, үн коштоп жатып кыргызча жакшы эле сүйлөп калдым. "Керемет көч" долбоору болбосо мен таптакыр кыргызча билбей калмак болушум керек.

— Үйдөгүлөр менен да орус тилинде сүйлөшчү белеңер?

— Орус, кыргыз тилинде сүйлөшчүбүз. Бирок ортодон англис тилине да ыктап, айтор такыр эле кыргызча сүйлөбөй калгам. Бирок окуганда акцент жок эле жакшы окучумун. Ошентип жүрүп ортодон "Керемет көч" долбооруна катышып калдым. Азыр кыргызча нукура адабий тилде сүйлөбөсөм да, оозеки жакшы эле баарлашам.

Актриса Адеми Кулмамбетова, которая озвучивает Акылай из кыргызского мультфильма Керемет көч
© Sputnik / Табылды Кадырбеков
Адеми Кулмамбетова: "Керемет көчтөгү" эмгегибиз үчүн канча акча төлөнүп жатканын билчү эмеспиз

— Үй-бүлөң тууралуу да азын-оолак кеп кылсаң?

— Атам режиссер, киносынчы, драматург — Жаныш Кулмамбетов. Апам дагы чыгармачыл чөйрөдөн, мурун актриса болчу. Аты Махабат Байгабылова. Ал "Чыңгыз менен Бүбүсара" деген фильмде Бүбүсаранын ролун аткарган, театрда да бир топ иштеп жүрүп акыры "бул тармак меники эмес экен" деп ишкерликке өтүп кетти. Ата-энем эки ара жолго түшкөн. Бирок биз атабыз менен мамилебиз абдан жакшы. Менден беш жаш кичүү сиңдим бар. Ал дагы "Керемет көчтө" тыйын чычкан сыяктуу майда эпизоддордо үн коштоду.

— Балалыгың тууралуу да айтып берчи? Бишкекте эле төрөлдүң беле?

— Бала кезимди эстесем албетте жакшы күндөр эске түшөт. Кызыктуу өткөн десем жаңылышпайм. Атам негиздеген "Адеми" деген куурчак театры бар болчу. Бизди таенеме таштап коюп атамдар театр менен көп аймактарды кыдырып кетчү. Мен Ысык-Көлгө барган учурунда чогуу барып калдым. Анда кичинекей эле кыз болчумун. Атама билеттерди сатышып, эл менен кадимкидей эле соодалашчумун. Кайра куурчактарды сүйлөтүп, балдарга жагымдуу маанай тартуулап, айтор ал мага жумуш эмес оюн сыяктуу сезилчү. Атам мени ошондо эле кичинекей кыз дебей жоопкерчиликтүү жумуштарды берип койчу окшойт. Азыр да сиңдимди аябай эркелетет, мени менен чоң кишидей сүйлөшөт. Экөөбүз саясат, илим тууралуу баарлашабыз. Ал менин оюм менен эсептешип, жасап жаткан жумуштарына кеңеш да алып турат. Балалык күндөрүмдүн барагын "Керемет көч" да толуктады. Ал жакта да кызыктуу күндөр көп өттү.

— Демек, чыгармачыл чөйрөгө кичинеңден эле аралашкан турбайсыңбы. Ата-энеңдин жолун жолдоюн деген оюң жокпу?

— Мага караганда сиңдим артист болгусу келет. Жакшы ырдап, бийлейт. Мага андай нерсе көп жага бербейт. Кичинемден эле окуганды жакшы көрөм, энциклопедиянын түрүн алдырчумун. Башында журналист болсом деген кыялдар бар эле. Бирок ортодон кайра ойлонуп кеттим. Бирок чыгармачыл чөйрөдөн азыр алыстай элекмин. "Керемет көчтөн" кийин ЮНИСЕФ уюмунун "Бирге окуйбуз", "Китеп дүйнөсүнө саякат" деген долбоорлорунда Сулууке деген кыркаяктын үнүн коштодум. Азыр деле ар кандай долбоорлорго катышууга чакыруу келет, бирок окуума байланыштуу убактым жок.

Актриса Адеми Кулмамбетова, которая озвучивает Акылай из кыргызского мультфильма Керемет көч во время интервью на радиостудии Sputnik Кыргызстан
© Sputnik / Табылды Кадырбеков
Адеми учурда Бишкек гуманитардык университетинин кытай тили факультетинде билим алууда

— Кайсыл жакта окуйсуң?

— Учурда Бишкек гуманитардык университетинин кытай тили факультетинде билим алып жатам.

— Эмне үчүн кытай тилин тандап алдың?

— Азыр бизде Кытай тарап менен алака жакшырып көптөгөн ири долбоорлор иштелип жатат. Эл аралык деңгээлде сүйлөшүү учурунда өлкөбүзгө кытай тилин жакшы билген адистер көп эле керек болот деп ойлойм. Мыкты адис жерде калбайт.

— Кытай тили боюнча факультет, курстар да көбөйдү. Аны бүткөндөрдүн айрымдары базарда кытайлык сатуучуларга жардамчы болуп иштеп жүрөт. Өз кесибиң менен жумуш таппай калам деп коркпойсуңбу?

— Андайы да бар. Бирок менин койгон максатым бар. Азыр бакалавр болсо, андан кийин магистратураны аяктап илимий даража алам. Жогоруда айткандай башында мен журналист болом деп улуттук университеттин орус тили жана филология факультетине тапшыргам. Бирок бир жыл окугандан кийин ал жак меники эмес экенин сезип, кытай тилин тандап алдым. ТВнын ашканасын билем, кийин убагы келсе балким журналист деле болуп кетермин. Азырынча кытай тилин өздөштүрүп окуп жатам.

— "Керемет көчтөгү" Актанды сүйлөткөн Дастан Мадалбеков менен азыр мамилеңер кандай?

— Дастан Мадалбеков менден эки жаш уулу. Аябай көп тасмаларда үн коштогон. Манасчы катары Францияга барып байгелүү орун менен кайткан. Дайыма байланышып, мамилебиз жакшы болчу. Чоңойгон сайын эркек балдардын өткөөл мезгилинде үнү өзгөрө баштайт турбайбы, ошол кезде ал "Керемет көчтө" иштебей калды. Мурда дайыма бир студияда үн жаздырып чогуу жүрчүбүз. Кийин билишимче Москвада режиссердун окуусун аяктаптыр.

— Бири-бириңерди жакшы көрчү эмес белеңер?

— Буга чейин эч кимге айткан эмесмин. Чынын айтсам кичине кезимде Дастанды акылдуу бала экен деп аябай жакшы көрүп, ал тургай андан сүрдөчүмүн. Андан кийин чоңойгон сайын көз караш, кызыкчылык өзгөрөт турбайбы (күлүп).

Актриса Адеми Кулмамбетова, которая озвучивает Акылай из кыргызского мультфильма Керемет көч
© Sputnik / Табылды Кадырбеков
Кулмамбетова: кичине кезимде Актанды "сүйлөткөн" Дастандан сүрдөчүмүн

— Алдыда кандай максаттарың бар?

— Алдыда чоң максаттар деле жок. Башкысы — жакшы окуу.

— Азыр сен курактуу кыздар-балдар социалдык тармакта, айрыкча Инстаграмсыз жашай албай калган өңдүү. Сенин да баракчаңа жазылгандар көп болсо керек.

— "Одноклассники" деген жаңы чыга баштаганда, мен деле ошол жакта отурчумун. Андан кийин тааныган-тааныбагандары деле жазып тажатканда, ал жакты өчүрүп Инстаграмга киргем. Бирок анда деле ошондой көрүнүш болуп, баарын өчүрүп салгам. Бирок мезгилдин талабы болгондон кийин чет өлкөдөгү достор менен сүйлөшүп, өзүмө керектүү маалыматтарды алып туруу үчүн кайра Инстаграмга кошулдум. Мен тааныбаган адам болсо достукка кошпойм.

2013
Белгилер:
үн, маек, мультфильм, "Керемет көч", Адеми Кулмамбетова, Кыргызстан
Тема боюнча
Альбина Имашова: "стерва" менен улуу аялдардын ролун аткарганыма терикпейм
Муниципалдык кызматкер карды тазалап жатат. Архив

Ишембиге карата аба ырайы

28
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

28
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди
Пишпек уездик Аткаруу комитетинин төрагасы Иманалы Айдарбеков кызы Рафа менен. Архив

Улуу кызы киши колдуу болуп, кичүүсүн качырып. Иманалы Айдарбеков жөнүндө 10 факты

431
(жаңыланган 21:33 22.01.2021)
Кыргызстандын түптөлүшү үчүн бир топ кишинин эмгеги жумшалган. Азыр барк-баасын билип-билбей, баалап-баалабаган мамиле менен "эркелеп" жашап жаткан мекенибиздин эгемендүүлүгү үчүн өмүрүн аябаган дагы бир адам бар. Ал — Иманалы Айдарбеков.

"Мындан жүз жыл мурда мамлекеттүүлүк үчүн күрөшүп, биздин аймакта жашаган элди бир чамгарак алдына бириктирүү маселеси жаралган. Өз мезгилинде чоң таятам Иманалы Айдарбеков жолдоштору менен биргеликте өзүнчө автономдуу республика түптөөгө жетишти. Ал жогорку билимдүү, алысты көрө билген, даанышман мамлекеттик ишмер болгон. Айдарбеков элдин башын бириктирип, кыска мөөнөттүн ичинде мамлекеттин түзүлүшүн калыптандырып, борбор шаарды азыркы Бишкектин аймагына которгон. Калкка кызмат кылуу — анын бирден-бир милдети болчу. Бул үчүн ал өз өмүрү менен да кош айтышкан...".

Бул Иманалы Айдарбековдун чөбөрөсү, экс-министр Чыңгыз Айдарбековдун жазганы.

Sputnik Кыргызстан агенттиги ысымы тарыхта алтын тамгалар менен жазылып калган, кыргыз интеллигенциясынын каймактарынын бири Иманалы Айдарбековдун өмүрүндөгү урунттуу учурларга кайрылып, анын оор жана маңыздуу турмушу тууралуу факты даярдаган. Материалды даярдоого Иманалы Айдарбековдун небере келини Зифаргүл Айдарбекова (аны кээ бир басылмалар небере кызы деп жаңылыш жазып жүрүшөт - ред.) жана чөбөрөсү Чыңгыз Айдарбеков жардам берди.

Билим алуусу. Иманалы Айдарбеков 1884-жылы азыркы Сокулук районунун Жал айылында жарык дүйнөгө келет. Атасы Айдарбек Турдин Күнтуу болуштугунда манап болгон. Кичинекей Иманалынын зиректигин байкаган атасы уулунун билимдүү болушун көздөп, аны орус-тузем мектебине окутат. Кийин ал билимин тереңдетүү максатында Пишпек айыл чарба мектебин да аяктайт. Андан нары Ташкенттеги гидротехникалык техникумда үч жыл билим алган соң атасынын дүйнөдөн кайткандыгына байланыштуу окуусун таштоого мажбур болот. Анткени атасынын ордуна ошол аймактагы элге баш-көз болуу анын милдети эле.

Эмгек жолу. Иманалы Айдарбеков алгач Пишпек уездинин генерал-губернаторунун жардамчысы жана котормочу болуп эмгектенет. Кийинчерээк "Алыш ордо" партиясын түзүүгө катышат. Айдарбеков өзү манаптын уулу болгондугуна карабай советтик бийликтин орношуна зор салым кошуп, мамлекеттик ишмер катары таанылган. 1918-жылдын башында РКП(Б)га мүчөлүккө өтүп, бара-бара Пишпек шаардык уездинин кеңешинин мүчөсү катары ага төрагалык милдет тагылат. 1924-жылы Кара Кыргыз автономиялуу облусунун Ревкомунун төрагасы болуп дайындалат.

Үй-бүлөсү. Иманалы Айдарбеков жубайы  Кичкен Айдарбекова менен кантип таанышып, экөө качан баш кошкону тууралуу маалымат жок. Кичкен апа Сокулук районунун Байгелди айылында туулуп-өскөн. Жубайлар Токтобүбү жана Рапия аттуу эки кыздуу болушат. Айдарбеков үйдөн үнүн бийик чыгарып сүйлөбөгөн, өтө интеллигенттүү адам болгон дешет. Китеп окуганды жакшы көргөндүктөн үйүндө чоң китепканасы бар эле. Ошондой эле жылкы баласына жакын болуп, ата конушунда мал да кармачу экен.

Жан чыдагыс кыйноо. Иманалы Айдарбеков кан жыттанган кара келтекке тушугуп, 1937-жылы 53 жашында камакка алынат. Аны совет бийлигин орнотууда чогуу иштеп, кыргызга жан-алы калбай кызмат кылган Жусуп Абдрахманов, Абдыкадыр Орозбеков, Баялы Исакеев, Төрөкул Айтматов, Касым Тыныстанов өңдүү санаалаш адамдарына каршы үгүттөп, "кыргыздын саткындары" деп жазып бересиң" деп кыйноого алышат. Айдарбеков бир жыл бою түрмөдө сабалып, азап чеккен.

"Алаш" партиясынын душмандарынын бири Рахманкул Худайкуловдун жалган жалаасы менен Айдарбеков бардык кызматтан алынгандыгы тууралуу Рафа Айдарбекованын айткандарын Зифаргүл апа баяндап берди. 

Кыргызстандын тышкы иштер министри Чыңгыз Айдарбеков. Архивдик сүрөт
© Пресс-служба президента КР / Султан Досалиев
"1937-жылы кооптуу түндөрдүн биринде Ички иштер эл комиссариаты (НКВД) чүмбөттөлгөн автоунаасы менен келип, Иманалы Айдарбековду үйүнөн алып кетишкен экен. Үй-бүлөсү анын каякта экендигин жана ага эмне болгондугун билген эмес. Бир жыл бою түрмөдө кыйнап, шылдыңдап, жалган айыптоо кагазына кол коюусун талап кылышкан. Болбосо атып саларын айтып коркутушат. Бирок Айдарбековду майыштырып, айтканынан баш тарттыра алышпаптыр", — деп баяндап берди келини Зифаргүл Айдарбекова.

Эгер Айдарбеков кордукчуларга макул болсо, анын абактан бошотуларын да айтышат. Бирок ал керт башынын, үй-бүлөсүнүн амандыгын эмес, мамлекеттин кызыкчылыгын жогору койгон.

Кызы киши колдуу болуп... Кийин камалып кеткенде кыйноонун талабына макул болбогондугу үчүн Иманалы Айдарбековдун үй-бүлөсүнө да мыкаачылык жасалган. Камалгандан көп өтпөй, 22 жаштагы улуу кызы, студент Токтобүбүнү сабактан чыгып келе жатканда өлтүрүп кетишет. Кыздын сөөгү эки күндөн кийин көчөдөн табылган. Бул бейкүнөө өлүм үчүн эч ким жооп берген эмес. Сиңдиси Рафа Иманалиевнанын эскерүүлөрүндө Токтобүбү Фрунзедеги Айыл чарба институтунда билим алып жаткан. Ал абдан боорукер, жумшак мүнөз, камкор кыз болгон экен.

Ошондой эле Айдарбековдун бир туугандарынын да көзүн тазалашкан. Энеси кичүү кызы Рафа Айдарбекованын өмүрүн сактап калуу үчүн аны Москвага качырат.

Актриса Айша Карасаева жана филолог Кусеин Карасаев. Архив
© Фото / предоставлено мемориальным музеем им К. Карасаева
"Апабыз кызын куткаруу максатында жакын санаалаш достору менен сүйлөшөт. Алар Рафаны Москвага кетүүчү поезддин алдындагы ит салуучу кутуга катып, алып кетишет. Москвага эптеп жеткен кыз ооруканага санитарка болуп орношот. Бейтаптарды карап, палаталарды жыйнап, оорулууларга тамак берчү экен. Анын тырышчаактыгын, эмгекчилдигин жана өтө кылдат кыймылдаганын байкаган Москванын биринчи мединститутунун кафедра башчысы андан жакшы врач чыгарын айтып, мединституттун дарылоо факультетине тапшырууга түрткү берген экен", — деди Зифаргүл апа.

Кийин Рафа Иманалиевна медицина тармагында белгилүү врач-хирург болуп чыга келет. 4-курста окуп жүргөндө согуш башталып, атасынын ак экенин далилдөө үчүн 1941-жылы өз эрки менен фронтко аттанат. Согуш талаасында жарадар болгон аскерлерге жардам берип, жеринде операция жасап, өлүмдөн арачалап отуруп Берлинге чейин жеткен. Согушта 1941-жылдан 1946-жылга чейин жүрүп, подполковник чини менен кайтат.

Атасынын өлүмүн иликтейм деп эсинен танып... "Апабыз 1946-жылы, согуш аяктаганда, мекенине кайтып келип атасынын атылып кеткенин угат. Иманалы Айдарбековду реабилитациялоо маселесин көтөрүп, Москвага бир нече ирет кайрылган. 1957-жылы гана Москвадагы аскердик коллегия кылмыштын курамы жок болгондугуна байланыштуу Айдарбековду актаган. Ушундан кийин гана Рафа Иманалиевна КГБнын жашыруун архивине кирүүгө уруксат алып, каматуунун себептери, сурактын жүрүшү жана атылышы боюнча документтер менен таанышат. Атасы менен тергөөчүнүн алгачкы сурактарындагы бир эпизодду айтып бергени эсимде. Тергөөчү адаттагыдай эле аны жолдошторун "эл душмандары" деп кол коюп бересиң деп кыйноого алат. Айдарбеков: "Мени атып салсаңар мейли, бирок мындай жалган жалаага эч качан кол коюп бербейм. Менин ишимди улантуучу жолдошторум ушулар", — деп жооп кайтарып туруп алат. Буга ачуусу келген тергөөчү колуна табуретканы алып, болгон күчү менен Айдарбековду башка чаап жиберет. Эс-учун билбей жатып калган Айдарбековдун башынан кан жая берет. Андан кийин тергөөчү: "Иманалы Айдарбековду кол койдурууга эч мүмкүн болбой жатат, муну тезинен жок кылуу керек", — деп басып кеткен экен. Мындай зулумдукту окуган апабыз кан күйгөн согушту көрүп келгенине карабай ошол жерден эсин жоготуп жыгылыптыр", — деди Зифаргүл Мусулманкуловна.

Иманалы Айдарбеков 1938-жылдын 5-ноябрында жергиликтүү шаардык абактын алдында атылган. Бул тууралуу үй-бүлөсү согуш бүткөндөн кийин гана билген.

Кичкен Айдарбекова көргөн азап. Күйөөсү камалып кеткенден кийин жетиштүү турмушка, элдин сый-урматына көнүп калган айым үчүн турмуш оңой болгон эмес. Ички иштер эл комиссариаты шаардын чок ортосундагы заңгыраган үйүн, кичи мекениндеги жер тилкелерин, мал жандыгын, баалуу буюмдарынын баарын дароо алып койгон. Кичкен апа кыздары менен көчөдө калган. Айла жок досторунукунда жашайт, иштейин десе "эл душманынын аялы" катары жумушка алынбайт.

"Кызы Рафа Иманалиевна фронтто өзүнө берилген тамактарын (тушенка, шоколад, консерва) чогултуп, апасына жиберип турчу экен. Кээ бир жибергендери жетпей да калчу деп айтчу эле. Кичкен апа 1946-жылга чейин кызынын согуштан кайтып келишин күтүп, анын үлпөт тоюна да күбө болгон. Ал киши небереси Азаматты көрүп, багып да калган экен", — деди келини Зифаргүл Мусулманкуловна.

Кичкен Айдарбекова 1948-жылы узакка созулган оорудан улам көз жумган.

Сөөгү туулган айылына жакын жашырылып... Иманалы Айдарбековдун сөөгү Абдыкерим Сыдыков, Касым Тыныстанов, Төрөкул Айтматов, Баялы Исакеев өңдүү замандаштары жана үзөңгүлөштөрү менен бирге өзү туулуп-өскөн Жал айылынан анча алыс эмес жердеги "Ата-Бейитке" коюлган. Бул тарыхый окуяга Рафа Айдарбекова да катышып, бул жагынан көөнү тынч кетет.

Уучу кур эмес - министр, профессор чөбөрөлөр. Иманалы Айдарбековдун небереси, Рафа Айдарбекованын уулу  Азамат Айдарбеков белгилүү хирург болуп, докторантураны Москва шаарында Россиянын Илимдер академиясынын онкология борборунда аяктаган. Ал 2005-жылы оорудан каза тапкан. Келини Зифаргүл Айдарбекова да медицина илимдеринин доктору, профессор. Азыркы тапта Медициналык академиянын гистология кафедрасынын жетекчиси. Ал эми алардын кызы Айжан Айдарбекова да медицина илимдеринин доктору, профессор. Анын уулу — Иманалы Айдарбековдун чөбөрө жээни Чыңгыз Айдарбеков КРдин мурдагы тышкы иштер министри.

Кызынын керээзи. Рафа Айдарбекова Бишкектин бир көчөсүнө атасынын атын койдуруп, эстелигин тургузууга абдан далалат жасайт. Бирок бул маселе убагында ишке ашкан эмес. Ошондой эле өзү чоңойгон үйдү, атасынын Бишкектин Биринчи май (азыркы Раззаков) көчөсүндө жайгашкан тамын музейге айлантуу тилеги бар эле.

"Көзү тирүү кезинде мени атасынын үйүнө ээрчитип барып көрсөтүп: "Ушул үйдө чоңойгом, үйдү кайтара албай жүрөм. Эгер көзүм өтүп кетсе, Иманалы Айдарбековдун үй-музейи кылгыла", - деп айткан. Бирок ушу кезге чейин ишке ашыра албай келе жатабыз. Мамлекеттин балансындагы эле үй-музей кылуу максатыбыз бар. Азыр башка кишилердин колуна өтүп кетиптир", — деди Зифаргүл Айдарбекова.

Рафа Айдарбекова 1996-жылы каза болор алдында келини Зифаргүлгө атасынын ишин аягына чыгарууну керээз кылат. Келини болгон күчүн жумшап, бала-бакырасы менен 2010-жылы "Иманалы Айдарбеков атындагы фондду" негиздеп, 2014-жылдын августунда эстелик койдурууга жетишип, "Биринчи" аттуу китебин чыгарышат.

431
Белгилер:
Чыңгыз Айдарбеков, мамлекет, факты, Иманалы Айдарбеков
Тема боюнча
Кыргыздын салт-санаасын жайылтты деп жектеп... Константин Юдахин тууралуу 10 факты
Атактуу ирландиялык мушкер Конор Макгрегор. Архив

Жыргап күлүп, кучакташып... Макгрегор менен Порьенин көз караштар таймашы

0
(жаңыланган 22:32 22.01.2021)
Эки белгилүү мушкердин кармашы жекшембиде Абу-Дабидеги "Мушкерлер аралы" спорттук жайында өтөт. Атлеттер жети жыл мурун октагондо кезигишкен.

БИШКЕК, 22-янв. — Sputnik. UFC 257 турниринин алдында атактуу ирландиялык мушкер Конор Макгрегор менен америкалык Дастин Порье көз караштар таймашын өткөрүштү. Видео уюмдун расмий Instagram баракчасына жүктөлдү.

Посмотреть эту публикацию в Instagram

Публикация от ufc (@ufc)

Видеодон Конор Дастинге сес көрсөтүмүш болгону менен акырында экөө тең күлүп, кучакташып, жадагалса тамалашканга да үлгүрүшкөн.

Бул иш-чара спортчулар салмакка түшкөндөн кийин уюштурулган. Таразага түшкөн Макгрегор адатынча кыйкырып алганын көрүүгө болот.

Посмотреть эту публикацию в Instagram

Публикация от ufc (@ufc)

Кармаш 24-январда Абу-Дабидеги "Мушкерлер аралы" спорттук жайында өтөт. Атлеттер жылдызы жанып келе жаткан мезгилде, 2014-жылы беттешип, ирландиялык спортчу биринчи эле раундда техникалык нокаут менен уткан.

Арадан алты жыл өткөндөн кийин алар чыныгы такшалган мушкер катары кайра беттешип жатышат. Жеңүүчү жеңил салмактагы чемпиондук наамга башкы талапкер болот. Ошондуктан утуп чыгуу экөө үчүн тең өтө маанилүү.

0
Белгилер:
видео, кармаш, Дастин Порье, Конор Макгрегор, UFC
Тема боюнча
Макгрегор — Порьенин кармашын кайдан көрүүгө болот? Түз эфирлердин тизмеси
UFC: Хабиб Нурмагомедовдун иниси алгачкы беттешинде атаандашын утуп алды. Видео