"Коопсуз шаарды" ишке ашырчу компанияга доомат коюлду. Багы жокко дагы жокпу?

© Sputnik / Владимир Астапкович / Медиабанкка өтүүОсмотр светофора в Москве
Осмотр светофора в Москве - Sputnik Кыргызстан
Жазылуу
"Коопсуз шаар" долбоору ишке ашпай келе жатканына бир нече жылдын жүзү болду.

БИШКЕК, 5-окт. — Sputnik. Даттануулар жана каршылык боюнча ведомстволор аралык көз карандысыз комиссия "Коопсуз шаар" долбоору боюнча аукциондо жеңип чыккан россиялык "Вега" радиокуруу концернин сынга алып, чечимди толугу менен жараксыз деп табууну талап кылууда.

Аталган комиссиянын бир нече беттен турган протоколу Sputnik Кыргызстан агенттигинин редакциясына келип түштү.

Проект безопасного города во Франции - Sputnik Кыргызстан
"Коопсуз шаар" долбоору кимге табышталды: тендердин жеңүүчүсү тууралуу 5 факты
Андагы маалыматка караганда, комиссияга аукционго катышкан "Маалыматтык системанын коопсуздугу" компаниясы "Вега" ишканасына каршы даттанып кайрылган. Документте жеңүүчү компаниянын дарегине бир нече доомат коюлган.

Эң негизгилерине токтолсок, даттануучулар "Веганын" "акыркы үч жылда жол кыймылынын эрежелерин видеокаттоого алуу боюнча иш тажрыйбасы көрсөтүлбөгөнүн" айтат. Ошондой эле "уткан компания негизги иш аткаруучу катары эки лотто көрсөтүлгөн 9 миллион долларга бааланган жумуштун жок дегенде 45 пайызын өзү аткарууга милдеттүү" экен.

Бирок "Маалыматтык системанын коопсуздугу" компаниясы "билишибизче "Вега" концернинин буга чейинки иш тажрыйбасын тастыктачу документтери жок" деп жазган даттануусунда.

Маалыматтык технологиялар жана байланыш мамлекеттик комитетинен билдиришкендей, мекеме көз карандысыз комиссиянын протоколу менен таанышып чыкты.

"Комиссиянын чечимин, андагы коюлган дооматтардын канчалык негиздүү экени такталып жатат. Мыйзамда каралган үч күндүн ичинде жооп беребиз", — деп айтылат комитеттин билдирүүсүндө.

Эске салсак, 4-сентябрда "Коопсуз шаар" долбоору боюнча аукцион өтүп, ага "Вега", "Альфа телеком" жана "Маалыматтык системанын коопсуздугу" компаниялары катышкан. Жыйынтыгы 21-сенбярь күнү чыгып, жеңүүчү деп Россиянын "Вега" ишканасы табылган.

Платная дорога в объезд города Одинцово в Московской области - Sputnik Кыргызстан
Министрлик: Кыргызстанда акы төлөп жүрүүчү үч жол ачуу каралып жатат
Тендердин баштапкы баасы 2,5 миллиард сом. Аукцион бул сумманы төмөндөтүш үчүн өткөрүлүп, ал эки лотко бөлүнгөн. Ар биринин баштапкы баасы 1 миллиард 276 миллион 353 миң 120 сом. Аукциондун натыйжасында эң аз сумма сунуштаган "Концерн радиостроения "Вега" компаниясы жеңишке жетти. Ал биринчи лотко 1 миллиард 125 миллион 765 сом, экинчисине 1 миллиард 195 миллион 575 сом сунуштаган.

Даттануулар жана каршылыктар боюнча ведомстволор аралык көз карандысыз комиссия 2018-жылдын 28-майында Финансы министрлигинин жарлыгы менен түзүлгөн. Бул комиссия ишенимсиз подрядчыларды маалымат базасына киргизүү менен дагы алектенет.

Жаңылыктар түрмөгү
0