Ымыркай. Архив

"Сүйүнчү" алуу эмне үчүн мынча татаал? Министрлик жооп берди

435
(жаңыланган 17:19 06.10.2018)
Sputnik Кыргызстан агенттигинин кабарчысы жаңы төрөлгөн ымыркайга жөлөк пул алуунун оордугу тууралуу макала жазган.

БИШКЕК, 5-окт. — Sputnik. Эмгек жана социалдык өнүгүү министрлиги Sputnik Кыргызстан сайтына чыккан "сүйүнчү пул" алуунун татаалдыгы боюнча макалага түшүндүрмө берди.

Автор жаңы төрөлгөн уулуна жөлөк пул алуу үчүн документ чогултууда кандай кыйынчылыктарга туш болгонун айтып берген. Дал ушул аталган министрликтин кызматкерлери берген кеп-кеңештин айынан бир топ убактысын жоготкон. Аягында ал документтердин көбүнүн кереги жок болуп чыккан.

Мекеменин билдирүүсүндө үстүбүздөгү жылдын 1-июлуна чейин ымыркайдын ата-энесинен жашаган жеринен тастыктама талап кылынып келгени айтылат. Анткени "сүйүнчүнүн" акчасы райондук коэффицентти эсптөө менен чыгарылып келген. Андан кийин бул фактор жокко чыгарылып, тастыктаманын кереги жок болуп калган.

Эми ата-энеден төмөнкү документтер талап кылынат:

— паспорттун копиясы;

— баланын күбөлүгү;

— банк реквизиттери.

Документтерди кабыл алган ЗАГС, Калкты тейлөө борборлорунун, маалымат киоскилеринин кызматкерлери электрондук арызды каттап, министрликтин маалымат системасы аркылуу райондун, шаардын эмгек жана социалдык өнүктүрүү башкармалыктарына жиберет. Министрлик долбоор өлкө аймагында биринчи жолу ишке ашырылып жаткандыктан, айрым кемчиликтер болушу мүмкүн экенин эскертип, мындан улам айрым арыздарды кароо создугуп кетиши мүмкүн экенин белгилейт.

Ал эми автордун "сүйүнчү" боюнча маселесин карап жатып, электрондук анкета жаңылыштык менен Кочкор районунун эмгек жана социалдык өнүктүрүү башкармалыгына жөнөтүлүп кеткени аныкталган. Учурда Каттоо кызматынын адистери окуянын чоо-жайын тактап жатышат.

435
Белгилер:
арыз, жөлөк пул, сүйүнчү, Эмгек жана социалдык өнүгүү министрлиги
Тема:
Жөлөк пул (30)
Тема боюнча
Эки айдан бери балама "сүйүнчү" ала албай жүрөм. Айтылбай турган сөз эле...
Майып балдардын жөлөк пулу көбөйөт. Акчанын топко карата бөлүштүрүлүшү
Ички иштер министринин мурдагы орун басары Курсан Асанов. Архив

Курсан Асанов пневмония болуп ооруканага түшүп, соту жылдырылды

55
(жаңыланган 00:52 11.07.2020)
Эске салсак, шаардын Биринчи май райондук сотунда Асановго козголгон кылмыш иши боюнча жараян болмок. Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган.

БИШКЕК, 11-июл. — Sputnik. Ички иштер министринин мурдагы орун басары Курсан Асанов өпкөнүн эки тараптуу пневмониясына чалдыкты. Бул тууралуу Sputnik Кыргызстан агенттигине өзү билдирди.

Ал шаардагы ооруканалардын биринде дарылана баштаганын айтып, буга байланыштуу сот жараяны жылдырылганын кошумчалады.

Эске салсак, шаардагы Биринчи май райондук сотунда Курсан Асановго карата козголгон кылмыш иши боюнча жыйын болмок.

Суракка чакырылган экс-министр Космосбек Чолпонбаев оор абалда ооруканага түштү

Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган. Ага карата кылмыш иши козголуп, үй камагына алынган.

Анын артынан жан сакчысы Дамирбек Пайзылда уулу кармалып, кийин үй камагына чыгарылган. Ал эми өкүл баласы Турсунбек Бейшенбековду ушул жылдын 20-январында Аскер прокуратурасы сурактан кийин кармаган. Бирок баш коргоо чарасын тандаган сот аны үй камагына чыгарган. Мындан сырткары, Асановдун жубайы жана туугандары да суракка чакырылганы айтылган.

Ал эми уулу Мухаммед-Али Асановго издөө жарыяланган.

55
Белгилер:
кылмыш иши, сот, оору, оорукана, пневмония, Курсан Асанов
Тема:
Курсан Асановдун министрдин орун басарлыгынан алынышы
Тема боюнча
Саламаттык сактоо министринен пневмония, орун басарынан COVID аныкталды
Дарыгер шаардык клиникалык ооруканада. Архив

COVID жана пневмонияны дарылаган ооруканаларга бирден өкмөт мүчөсү бекиди. Тизме

352
(жаңыланган 22:01 10.07.2020)
Буга чейин өкмөт башчы борбор калаадагы коронавирус жана пневмонияны дарылаган ар бир мамлекеттик ооруканага бирден өкмөт мүчөсү бекитилерин айткан. Ал өкмөт мүчөлөрү оорукананын башкы дарыгери менен "тең жатып, тең турарын" кошумчалаган.

БИШКЕК, 10-июл. — Sputnik. Өкмөттүн маалымат кызматы коронавирус жана пневмония дарттарын дарылап жаткан ар бир ооруканага министрлик жана ведомстволордун жетекчилери бекитилгенин кабарлап, алардын тизмесин жарыялады.

Эске салсак, буга чейин өкмөт башчы Кубатбек Боронов борбор калаадагы коронавирус жана пневмонияны дарылаган ар бир мамлекеттик ооруканага бирден өкмөт мүчөсү бекитилерин айткан. Премьер-министр бекиген өкмөт мүчөсү ошол жерден ишин баштап, ошол жерден жумушун бүтүрөөрүн, оорукананын башкы дарыгери менен "тең жатып, тең турарын" кошумчалаган.

  • Улуттук госпиталь — вице-премьер Акрам Мадумаров;
  • №1 шаардык клиникалык оорукана — вице-премьер Эркин Асрандиев;
  • Жугуштуу оорулардын республикалык клиникалык ооруканасы —вице-премьер Аида Исмаилова;
  • "Семетей" обсервациясы (Ганси) — өзгөчө кырдаалдар министри Замирбек Аскаров;

Бишкектеги кырдаал сабак болсун! Президент облус башчыларына тапшырма берди

  • Кыргыз-Түрк достугу ооруканасы — тышкы иштер министри Чыңгыз Айдарбеков;
  • Улуттук урология борбору — юстиция министри Марат Жаманкулов;
  • Улуттук фтизиатрия борбору — маданият, маалымат жана туризм министри Азамат Жаманкулов;
  • Темир жол ооруканасы — транспорт жана жолдор министри Жанат Бейшенов;
  • Кыргыз курортология жана калыбына келтирип дарылоо илим-изилдөө институту — эмгек жана социалдык өнүктүрүү министри Улукбек Кочкоров;
  • Улуттук онкология борбору — эмгек жана социалдык өнүктүрүү министри Улукбек Кочкоров;

Кыргызстанга анализ жыйынтыгын 30-45 мүнөттө көрсөтчү ПЦР-тесттер келди

  • Мамбет Мамакеев атындагы Улуттук хирургия борбору — коргоо иштери боюнча мамлекеттик комитетинин төрагасы Эрлис Тердикбаев;
  • "Континент Интергельпо" обсервациясы — маалыматтык технологиялар жана байланыш мамлекеттик комитетинин төрагасы Алтынбек Исмаилов;
  • №2 төрөт үйү — милдеттүү медициналык камсыздоо фондунун төрайымы Эльнура Боронбаева;
  • Көзү азиз жана көрүүсү начар балдардын атайын билим берүүчү мектеп-интернаты — мамлекеттик каттоо кызматынын төрагасы Акын Мамбеталиев;
  • Абдылда Каниметов атындагы №1 интернат — мамлекеттик мүлктү башкаруу фондунун төрагасы Жылдызбек Исакулов;
  • №6 шаардык клиникалык оорукана — архитектура, курулуш жана турак жай-коммуналдык чарба мамлекеттик агенттигинин директору Урматбек Кокочаров.
352
Белгилер:
пневмония, коронавирус, тизме, көзөмөл, оорукана, өкмөт, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Германиядагы кыргызстандык дарыгерлер онлайн кеп-кеңеш бере баштайт