Кыргызстандын желеги. Архивдик сүрөт

Элдин балдары... Жогорку кызматты ээлеген жаштардын тизмеси

3775
(жаңыланган 22:57 08.10.2018)
Эл арасында жаштарга да бийлик бериш керек деген сөз маал-маалы менен айтылып турат. Замандын агымы менен жарыша өскөн жаштар коммунизмди көргөн кишилердин ордун басып чоң саясатка туруштук бере алабы?

Мамлекеттик кызматтарга көз чаптыра келгенде жаш жетекчилерди бирин-серин гана көрүүгө болот. Өкмөттүн 12 министринин экөөндө гана жаш орун басары иштейт. Деген менен жакында эле Бишкек шаардык кеңешине 30 жаштагы Жаныбек Абиров төрага болду. Президент Сооронбай Жээнбеков да өзүнө жаш кеңешчи дайындаганы маалым.

Sputnik Кыргызстан агенттиги жашы 35ге чыга элек, бирок мамлекеттин жетекчилик кызматтарында иштегендерди тизмектеди.

1. Жаныбек Абиров, 30 жашта

28-летний депутат Бишкекского городского кенеша Жаныбек Абиров во время интервью на радио Sputnik Кыргызстан
© Sputnik / Жоомарт Ураимов
Бишкек шаардык кеңештин төрагасы Жаныбек Абиров
Жаныбек Абиров 2016-жылы КСДПнын атынан Бишкек шаардык кеңешине депутат болуп шайланган. Жакында эле аны шаардык кеңешке төрага кылып шайлашты. Бул кызматка келгенге чейин ал жеке ишкерлик менен алектенген. 2008-жылы АКШда жашап, иштеген.

Эки жогорку билими бар. Кыргыз-орус славян университетинин "Юриспруденция", Президенттин алдындагы башкаруу академиясынан "Мамлекеттик жана жергиликтүү башкаруу менеджементи" адистиги боюнча окуган.

2. Мирлан Парханов, 31 жашта

Заместитель директора Государственного агентства по делам молодежи, физической культуры и спорта Мирлан Парханов во время интервью Sputnik Кыргызстан
© Sputnik / Жоомарт Ураимов
Жаштар иши, дене тарбия жана спорт агенттигинин директорунун орун басары Мирлан Парханов

Мирлан Парханов 2016-жылдын ноябрь айынан бери Жаштар иши, дене тарбия жана спорт агенттигинин директорунун орун басары болуп эмгектенет. Ага чейин вице-премьердин жардамчысы, президенттин аппаратында референт, социалдык саясат бөлүмүндө эксперт, мындан сырткары, бир нече уюмдарда жетекчилик кызматтарды аркалаган.

В.С.Черномырдин атындагы Москва мамлекеттик ачык университетинде "Уюмдун менеджменти" адистигин бүткөн.

3. Чыңгыз Эсенгул уулу, 31 жашта

Заведующий отделом информационного обеспечения Аппарата правительства Кыргызстана Эсенгул уулу Чынгыз
© Пресс-служба правительства / Сабыр Аильчиев
Өкмөт аппаратынын маалыматтык камсыздоо бөлүмүнүн башчысы Чыңгыз Эсенгул уулу
Чыңгыз Эсенгул уулу 2017-жылдын октябрынан тарта өкмөт аппаратынын маалыматтык камсыздоо бөлүмүнүн башчысы болуп иштеп келет. Ал эмгек жолун Нарындагы радиостанциялардан баштаган. Бир топ жыл КТРКнын "Ала-Тоо" программасында кабарчы, жооптуу редактор жана алып баруучу болуп иштеген. Ошону менен катар Транспорт жана коммуникация министринин кеңешчиси, маалымат катчы болгон. Андан соң ТИМдин маалымат, басма сөз жана маданият башкармалыгынын атташелигин аркалаган. Ал жакта бир жыл иштеп, "Актив Курулуш " ЖЧКсында үч жыл директор болгон.

Жусуп Баласагын атындагы КУУнун "Бухгалтердик эсеп, анализ жана аудит" адистигин бүтүргөн. Дипломатиялык академиядан "Эл аралык мамилелер" адистиги боюнча билим алган.

4. Эрнис Толтоев, 32 жашта

Назначенный помощником президента Кыргызской Республики Эрнист Толтоев
© Пресс-служба правительства / Сабыр Аильчиев
Президент Сооронбай Жээнбековдун жардамчысы Эрнист Толтоев
Эрнис Толтоев эмгек жолун Ош шаардык администрациясынан баштап алдыңкы адис, маалымат катчы, губернатордун жардамчысы болуп эмгектенген. Ош шаардык кеңешинин депутаты, премьер-министрдин жардамчысы болгон. 2017-жылдын 27-ноябрынан тарта президент Сооронбай Жээнбековдун жардамчысы.

Ош мамлекеттик университетин Электроника жана микроэлектроника адистиги боюнча аяктаган.

5. Дастан Догоев, 32 жашта

Председатель Государственной регистрационной службы Дастан Догоев. Архивное фото
© Sputnik / Табылды Кадырбеков
КР президентинин коомдук башталыштагы кеңешчиси Дастан Догоев
Дастан Догоев Мамлекеттик каттоо кызматынын жетекчисинин орун басары болуп үч жыл, жетекчи болуп сегиз ай иштеген. Үстүбүздөгү жылдын июнь айында КР президентинин коомдук башталыштагы кеңешчиси болуп дайындалган

Лондон Кавендиш колледжинде жана Кингстонск университетинде "Бизнести башкаруу" адистиги боюнча окуган.

6. Алтынбек Исмаилов, 32 жашта

Директор парка высоких технологий Алтынбек Исмаилов во время интервью на радиостудии Sputnik Кыргызстан
© Sputnik / Табылды Кадырбеков
Өкмөттүн алдындагы Жогорку технологиялар паркынын директору Алтынбек Исмаилов
Алтынбек Исмаилов быйыл жазда негизделген өкмөттүн алдындагы Жогорку технологиялар паркынын директору болуп дайындалган. Ага чейин Борбор Азиядагы Америка университетинде мугалим жана изилдөөчү болуп эмгектенген.

Өзү да ушул эле окуу жайда "Финансы, банк жана сандык экономика" адистигин бүткөн. Ал эми магистратураны Колумбия университетинен "Экономика жана саясий өнүгүү" адистиги боюнча магистратурадан окуп келген.

7. Азамат Жаманкулов, 32 жашта

Заместитель министра культуры, туризма и информации, глава Департамента туризма Азамат Жаманкулов во время интервью на радио Sputnik Кыргызстан
© Sputnik / Табылды Кадырбеков
Маданият, маалымат жана туризм министринин орун басары Азамат Жамангулов
Азамат Жамангулов Маданият, маалымат жана туризм министринин орун басары, Туризм департаментинин директору болуп 29 жашынан бери иштеп келет. Ошондой эле Кыргызстан курорттор ассоциациясынын директору. Көчмөндөрдүн I жана II дүйнөлүк оюндарын уюштуруу жана өткөрүү катчылыгынын директору, орун басары болгон. Мындан сырткары, "Риэлт Партнер" ЖЧКсында аткаруучу директор, Таш-Көмүр шаарындагы "Кристалл" ААКта инвестиция жана экономиканы илгерилетүү боюнча адис болуп иштеген.

Эки жогорку билими бар. Кыргыз-түрк "Манас" университетинин "Уюштуруу менеджменти", Кыргызстан эл аралык университетинин "Финансы" адистигин аяктаган.

8. Лунара Мамытова, 33 жашта

Депутат ЖК VI созыва Лунара Мамытова от партии Бир Бол. Архивное фото
© Sputnik / Табылды Кадырбеков
Эмгек жана социалдык өнүгүү министринин орун басары Лунара Мамытова
Элге диктор катары таанылган Лунара Мамытова учурда Эмгек жана социалдык өнүгүү министринин орун басары. Ал 2015-жылы "Бир Бол" саясий партиясынын тизмеси менен Жогорку Кеңештин депутаты болуп шайланган. Парламентте туура бир жыл отурган соң азыркы кызматына дайындалган. Эмгек жолу ЭлТР, Пирамида, КТРК телеканалдарында алып баруучу болуп иштөө менен башталган.

Ош мамлекеттик университетинин тарых факультетин, андан соң юридика факультетин бүтүргөн.

9. Элдар Алишеров, 33 жашта

Элдар Алишеров ушул жылдын 23-июлунда экономика министринин орун басары болуп дайындалган. Ага чейин өкмөттүн аппаратында бир катар кызматтарды аркалаган. Жеке менчик уюмдарда жана банктарда иш тажрыйбасы бар.

Санкт-Петербург мамлекеттик университетинде "Экономика" боюнча окуп, президенттин алдындагы башкаруу академиясынан "Мамлекеттик жана муниципиалдык башкаруу" адистигине ээ болгон.

10. Нурбек Кадыров, 34 жашта

Вице-мэр города Ош Нурбек Кадыров
© Фото / Зульфия Тургунова
Ош шаарынын вице-мэри Нурбек Кадыров
Нурбек Кадыров Ош шаарынын вице-мэри. 2015-жылы шаардык кеңешке депутат болуп шайланган. Жеке компанияда директор, Ош шаардык мэриясынын бөлүмдөрүндө жана миграция тармагында иштеген. 2016-жылы КСДПнын борбордук штабында кызмат кылган. Жогорку Кеңештеги КСДП фракциясынын ага консультанты болгон.

Ош мамлекеттик университетинен "Эл аралык мамилелер", Ош мамлекеттик юридикалык институтунан "Юриспруденция" адистигин бүткөн.

3775
Белгилер:
бийлик, саясат, жумуш, кызмат, жаштар
Тема боюнча
29 жаштагы Жаныбек Абиров Бишкек шаардык кеңештин төрагасы болду
Бекназаровдун уулу — Бабановдун өкүл баласы. Талапкерлердин балдары жөнүндө
Кимдин баркы менен? Атасын ээрчип саясатка баш баккан уул-кыздар
Теңтуштары оромпой тээп жүргөндө саясаттан ордун тапкан 9 адам
Чу дарыясы. Архивдик сүрөт

Шейшембиге карата аба ырайы

2
(жаңыланган 21:01 28.09.2020)
Шейшембиге караган түнү Ысык-Көл, Ош, Баткен облустарынын тоо этектеринде жамгыр, тоолуу райондорунда кар жаашы күтүлөт.

БИШКЕК, 28-сен. — Sputnik. Шейшемби күнү, 29-сентябрда, күндүз Баткен облусунун кээ бир райондорунда, Ош, Жалал-Абад облустарынын тоо этектеринде жаан жаап, тоолуу райондорунда кар түшөт. Ал эми өрөөндөрүндө жаан-чачын күтүлбөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жана Ысык-Көл аймактарында +14...+19, Ош, Жалал-Абад, Баткен облустарында +16...+21 градус болору айтылды.

Күндүн табы борбор калаабыз Бишкекте +18...+20, Ош шаарында +19...+21 градус жылыйт.

2
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Twitter социалдык тармагы. Архив

Twitter РИА Новостиге санкция киргизди. "Россия сегодня" үн катты

9
Социалдык тармактын бул кадамы боюнча эл аралык агенттик маалымат берип, азырынча администрация кайрылууга эч кандай жооп бербегендигин айтты.

БИШКЕК, 28-сен. — Sputnik. Америкалык Twitter социалдык тармагы РИА Новостиге цензура койду. Бул тууралуу аталган агенттик жазды.

Анын аккаунтуна катталбаган интернет колдонуучулар эми агенттиктин баракчасын Россиядан да, башка аймактардан да таба албайт. Мындан мурдараак ушундай жол менен Russia Today менен Sputnik профилдери да чектөөгө алынган.

"Twitter тарабынан көрүлгөн мындай чектөө ЖМКга болгон цензура деп эсептейбиз, буга Россиянын Конституциясында тыюу салынган. Биздин кайрылып, сураганыбызга эч кандай реакция болгон жок жана чечимдерин түшүндүрө алышкан жок. Маргарита Симоньяндын жеке аккаунтунда "мамлекеттик басылма" деген белги турат. "Америка үнү" же "Азаттык радиосунда" коюлган андай нерсени таба албайсыз. Бул ушундай адилеттүүлүк жана тең укуктуулук. Анан, албетте, туура "сөз эркиндиги", ансыз кантип болсун. Бул текстти Роскомнадзор кайрылуусу деп эсептөөнү суранабыз", — деп билдиришти "Россия сегодня" эл аралык агенттигинин маалымат кызматынан.

Мамлекеттик думанын маалымат саясаты боюнча комитетинин мүчөсү Антон Горелкин цензура террордук ыкма менен киргизилди деп эсептейт.

Жаңылыктарга каршы үгүт: батыш ЖМКлары позициясын алдырдыбы?

"Бул жарыяланбаган согуш деп аталат... Эгерде РИАнын түрмөгүнүн администрациясы тарабынан эрежелери бузулса, санкциянын салынышы туурасында түшүндүрүшү керек эле. Ал эми бул жерде тармактагы издөө кызматынан ири маалымат агенттигинин аккаунтун чыгарып салып, унчукпай отурушат", — деди Горелкин.

Федерация кеңешинин Конституциялык мыйзамдуулук боюнча төрагасынын орун басары, Маалымат саясаты боюнча комиссиянын мүчөсү Александр Башкин РИА Новостинин Twitter тармагындагы профилин чектеп салуу Россияга каршы жарыяланган кадимки маалыматтык согуш деп мүнөздөдү.

Август айында Twitter жетекчилиги бийликтин көзөмөлүндө болгон ЖМКларды маркалоо башталарын билдирген эле. Албетте, бул эреже баарына бирдей тиешелүү эмес.

9
Белгилер:
цензура, чектөө, Twitter, АКШ, Россия
Тема боюнча
Кокусунан кетирген катадай эмес. Facebook неге актанды?