Кафе. Архивдик сүрөт

Бишкектин эң начар жана эң мыкты кафе-ресторандары. Тизме

5155
(жаңыланган 13:34 11.10.2018)
Материалдан Бишкектин тамактануучу жайларына санитардык-эпидемиологиялык көзөмөлдөө борборунун кандай баа бергенин көрүүгө болот.

Эсиңиздерде болсо ушул жылдын 1-апрелинен баштап Экономика министрлиги жана Санитардык-эпидемиологиялык көзөмөлдөө борборунун кызматкерлери Бишкек жана Ысык-Көл облустарындагы бардык коомдук тамактануучу жайларды текшерип, алардын абалын көрсөткөн стикерлерди имараттын сыртына чаптамакчы болгон.

Жыл жыйынтыкталып бара жаткандыгына байланыштуу Sputnik Кыргызстан агенттиги Санитардык-эпидемиологиялык көзөмөлдөө борборунан октябрга чейин текшерилип бүткөн Бишкектеги кафе-ресторан, тез татымдардын тизмесин алды.

Коомдук тамактануучу жайларда кызмат көрсөтүүнүн коопсуздук деңгээли жөнүндө токтом ушул жылдын 10-январында кабыл алынган. Анын биринчи бөлүгүндө 2018-жылдын 1-апрелинен тарта Бишкек жана Ысык-Көл облустарында жайгашкан коомдук тамактануучу жайлар 12 айдын ичинде текшерилет деп жазылса, экинчи бөлүгү 2019-жылдын 1-апрелинде башталып, анда өлкөнүн бардык аймактарында жайгашкан тамактануучу жайлар көзөмөлгө алынары айтылган.

Экономика министрлигинин көзөмөлдөө жана жөнгө салуу башкармалыгынын текшерүү бөлүмүнүн башкы адиси Бакыт Давлеталиев чапталган стикерлер аркылуу кардар кайсы кафе же ресторанга кирип тамак ичүү кооптуу же коопсуз экенин сырттан кирип келе жатып эле биле алат деп айткан.

Жашыл түс талаптарга туура келет дегенди билдирсе, сары түс аталган жайды бир аз жакшыртуу зарыл дегенди түшүндүрөт. Ал эми кызыл кыйла жакшыртуу керек деген маанини билдирет.

Баса белгилей кетчү нерсе, стикер аркылуу кафедеги тейлөө, тамактын даамы же өлчөмү деген нерселер бааланбайт.

Санитардык-эпидемиологиялык көзөмөлдөө борборунун тамак-аш бөлүмүнүн санитардык дарыгери Майрам Иманкулованын айтымында, баалоо төмөнкү критерийлерге таянуу менен жасалган;

— кафе, бар же ресторандагы тамак-аштын адам ден соолугуна зыяндуулугу;

— тастыкталган документтердин бар-жогу;

— ашканасынын абалы;

— эт жууп, жер-жемиш сактаган бөлмөлөрүнүн саны;

— тамак-аштын бышкандан кийинки сапаты;

— иштеп жаткан кишилердин медициналык справкаларынын бар-жогу. 

Стикеры для оценки качества обслуживания и питания в кафе Бишкека и Иссык-Куля
© Фото / предоставлено Бакытом Давлеталиевым
Стикер аркылуу кафедеги тейлөө, тамактын даамы же өлчөмү деген нерселер бааланбайт.

Санитардык-эпидемиологиялык көзөмөлдөө борборунун тамак-аш гигиенасы бөлүмүнүн башчысы Махаммадхалил Мурзашев Бишкек шаарынын бардык кафелери текшерилип бүтө электигин айтып, жыл соңуна чейин бул тизме дагы жаңылана турганын кошумчалады.

"Бишкекте жалпысынан 1000дей объект бар. Алардын айрымдары иштебей жабылып калган болсо, кээ биринин ээси алмашып кеткен. Эми төртүнчү квартал калды, октябрь, ноябрда дагы калган тамактануучу жайлар текшерилет. Бул негизи эл аралык уюмдун Экономика министрлиги менен түзүлгөн пилоттук долбоору болгондуктан жаңы жылда долбоордун ишинин жыйынтыгы, канчалык жемиштүү болгону каралат. Азыр бул долбоорду эл аралык уюм каржылап жатат, эгер ал улана турган болсо өкмөттүн аны каржылоого каражатынын жетээр-жетпеси да жыл аягында талкууланат. Долбоор апрель айында башталгандыгына байланыштуу биринчи кварталга кирген кафелер текшерилген жок. Азыр бул тизмеде 2-3 кварталдык планга киргизилген кафе-ресторан, барлар каралды. Эми төртүнчү кварталдыкын жыл соңунда беребиз", — деди Мурзашев.

Баса, бул долбоордун алкагында Ысык-Көлдүн тамактануучу жайлары да текшерилмек, ал жактын тизмесин кийинчерээк жарыяламакчыбыз.

Алдыдагы инфограмдан Бишкектин кайсы тамактануучу жайына кандай стикер чапталганын билип алыңыздар.

Белгилей кетсек, тизме Санитардык-эпидемиологиялык көзөмөлдөө борбору тарабынан түзүлгөн. 

Эскертебиз, жашыл түс — талаптарга туура келет дегенди билдирсе, сары түс бир аз жакшыртуу зарыл дегенди түшүндүрөт, ал эми кызыл кыйла жакшыртуу керек деген маанини билдирет.

5155
Белгилер:
стикер, тамактануучу жайлар, ресторан, кафе, текшерүү, баалар, Кыргызстан
Тема боюнча
Стикерин көрүп төрүнө өт! Тамактын сапаты кафенин сыртына жазылганда
КР мигранттарынын кимге иштегени пайдалуу? Москвалыктаргабы же жердештергеби
Майда, бирок маанилүү! Той өткөрөм дегендердин кулагына күмүш сырга
Медиктер. Архивдик сүрөт

Жүрөк жылытат. Карыяга акча чогулткандар медиктерге да жардам берди

8
(жаңыланган 18:19 12.07.2020)
"Тазалыктын" маалымат катчысы гармонь чертип жан баккан карыянын аспабын уурдап кетишкенин айтып, жаңысын алуу үчүн каражат чогулта баштаган.

БИШКЕК, 12-июл. — Sputnik. Бишкекте кайрымдуу жарандар тарабынан улгайган кишиге гармонь алууга чогулган акча ашыгы менен жыйналды.

"Тазалык" муниципалдык ишканасынын маалымат катчысы Жибек Каракеева бир нече күн мурун калаадагы соода борбордун алдында гармонь чертип, тамак-ашына акча тапкан карыянын музыкалык аспабын уурдап кетишкенин жазган. Активисттер интернет аркылуу 5000 сомго гармонь табышкан. Мындан улам Каракеева акча чогултуп баштаган.

Посмотреть эту публикацию в Instagram

Публикация от Жибек Каракеева (@jibek_karakeeva)

Натыйжада кайдыгер эмес адамдардан каражат ашыгы менен түшүп, жалпы суммасы 41 708 сомду түзгөн.

Ал эми Давлет аттуу шаар тургуну өзүнүн гармонун карыяга белек деп Каракеевага берип кеткен. Мындан улам аспапка кошуп ага 5000 сом накталай, 1527 сомго азык-түлүк алып барып беришкен. Калганын 15 медицина кызматкерине 2000 сомдон берип чыгышкан. Ошону менен бирге күндүзгү стационарларга миңден ашуун асма уколдун штативин жасаган "Тазалыктын" кызматкерлерине пицца алып берген.

Аягында 2 571 сом калган, аны медиктердин телефонуна сүйлөшүү үчүн акча сала турганын айтты.

8
Белгилер:
жардам, медик, акча, МП "Тазалык"
Тема боюнча
Имарат берип, жабдуу таап, медик чогултуп... Эл ооруга каршы бир муштумга түйүлгөндө
Ооруканадагы медик. Архивдик сүрөт

Ысык-Атанын ооруканасында эртеден бери дарыгерлер жокпу? Министрликтин жообу

135
(жаңыланган 17:40 12.07.2020)
Видеонун автору бейтаптар жаткан палаталарды көрсөткөн. Бул учурда бир дагы ак халатчан көзгө урунган эмес.

БИШКЕК, 12-июл. — Sputnik. Социалдык тармактарда Кант шаарында жайгашкан Ысык-Ата аймактык ооруканасында бир суткадан бери дарыгерлер менен медайымдар жок деген видео тарады.

Видеонун автору коридор менен басып бейтаптар жаткан палаталарды көрсөткөн. Бул учурда бир дагы ак халатчан көзгө урунган эмес. Ал коронавирус жана пневмония оорусу менен түшкөндөрдү дарылоо эмнеге токтоп калганын жана медиктер кайда кеткени боюнча эч ким түшүндүрбөй жатканын айткан.

Ал эми Саламаттык сактоо министрлигинин Чүй облусундагы координатору Бактыгүл Мамытова Sputnik Кыргызстанга видео ак халатчандар смен алмашып жаткан учурда тартылганын билдирди.

"Дарыгерлер душка түшүп, даярданып, жеке коргонуу каражаттарын кийгенге чейин убакыт талап кылынат. Ооба, чынында эле дарыгерлер жетишпей жатат. Алар өздөрү ооруп калууда. Бирок биз кошумча дагы медиктерди тартып жатабыз", — деди Мамытова.

Ысык-Атанын ооруканасында жарык өчүп, аппараттагы бейтап көз жумду

Ошондой эле ал Токмок медициналык училищесинен бир дарыгер, эки медайым, Чүй облустук тиш стоматология клиникасынан алты медайымды жөнөтүү пландалып жатканын кошумчалады.

Кыргызстанда коронавирус жугузуп алгандардын саны 10 629 адамга жетти. Анын ичинен 3387си айыгып, 132си каза болду. Мындан сырткары, пневмония менен кайрылгандар көп болууда. Март айынан бери бул оорудан 432 бейтап кайтыш болду. Алардын басымдуу бөлүгү Бишкекте.

135
Белгилер:
оорукана, медик, Ысык-Ата, коронавирус
Тема:
Коронавируска байланыштуу Кыргызстандагы кырдаал
Тема боюнча
№1 шаардык оорукананын медигинин кайрылуусу боюнча башкы дарыгер текшерилет
Апасынан айрылган кыз: "Гансиде" ачылды делген реанимациялык блок иштеген жок
Чүйдүн төрөт үйлөрү иштебей жатат деген маалымат төгүндөлдү