Активистка Гульзана Жаркынбаева с ОВЗ

Эркектер коляскадагы сүрөтүңдү кой дешет. Кырсык тооруган Гүлзананын баяны

3062
(жаңыланган 19:08 10.10.2018)
Гүлзана Жаркынбаева ошол таңда Алматыдан Бишкекке келе жаткан. Үлгүрөп бараткан айдоочудан "сиз эмне уктап баратасызбы?" деп сураса, ал "эже, сарсанаа болбоңуз" деп жолун улаган. Гүлзана андан ары эмне болгонун билбейт. Жол кырсыгынын айынан эки буту баспай, азыр коляскада отурат.

Жаркынбаева тагдырдын сыноосуна моюн бербей "басам" деген үмүт менен жашап, өзүнө окшогон майып кыздарга колдоо көрсөтүп келет.

Ал быйыл коляскада отурган кыздардын катышуусунда "Биз барбыз" жана "Кыргызстанда гүлдөгөндөр" фотодолбоорун ишке ашырды. Долбоордо катышуучулар улам алмашып, сүрөттөр жаңыланып турат. 

Гульзана Жаркынбаева организовывает фотосессии с девушками и женщинами, которые имеют особенности здоровья.
© Фото / Ержан Кадырбеков
40 жаштагы Гүлзана Жаркынбаева быйыл коляскада отурган кыздардын катышуусунда "Биз барбыз" жана "Кыргызстанда гүлдөгөндөр" фотодолбоорун ишке ашырды

— Өзүңүз тууралуу кыскача кеп кылсаңыз…

— 40 жаштамын. Борбордо чоңойдум. Атам Чүйдөн болсо, апам Нарындын кызы. Балалыгым эң сонун өттү. Кичинемде периште болууну самап бардык адамга жардам бергим келчү. Мектепти бүткөндө Улуттук университеттин журналистикасына тапшырып, бирок бүтүрө албай калдым.

— Эмне үчүн?

— Мектепти бүткөндө эле турмушка чыгып, бир жылдан кийин кыздуу болдум. 20 жашымда жолдошум менен эки жолго түшкөнбүз. Окууга тапшырып алгандан кийин иштеп баламды багыш керек болду же билим алып ата-энемдин мойнунда отурганга туура келмек. Мен иштейин дедим. 

— Үч жыл мурда кырсыкка кабылып, эки бутуңуз баспай коляскада отуруп калыптырсыз…

— Алматыда иштечүмүн. Бишкекке келе жатып жол кырсыгына кабылдым. Айдоочу ошол жерде жан берген. Мени Казакстандын аскердик ооруканасынан алгачкы жардам беришти. Омурткам, кабыргам сынып, өпкөм тешилип, бир бутум сынган. Кудайым чоң эле сактады.

Ошондон бери баспайм. Төштөн ылдый жан жок, тиштесенер да, ийне сайсаңар да сезбейм. Бишкекке келгенде омурткама конструкция койдуруп, биринчи топтогу майыптыкты алдым. Бирок өзүмдү мунун баары убактылуу деп жооткотуп келем. Маалы менен чет мамлекетке чыгып дарыланам.

— Жол кырсыгы кандайча болгону эсиңиздеби?

— Мен негизи жолдон уктабайм. Күзгүнү карасам айдоочунун көзү сүзүлүп баратат. Мен ага "эмне сиз уктап баратасызбы?" десем, сарсанаа болбошумду айтып жолун улаган. Андан ары эмне болгонун билбейм. Көзүмдү ачсам ооруканада экенмин. Кийин биздин унаа автобус менен кагышканын айтышты.

— Кырсыкка айдоочунун уйкуга алдырып койгону себеп деп айта алабызбы?

— Чындыгында эмне болгонун эч ким билбейт. Автобус менен бетме-бет кагышыптыр. Ошол эле учурда кимиси биринчи алдыдан чыкканы белгисиз. Өзүм жаным менен алышып жатканда аны териштирүүгө деле дарман болгон жок.

— Жакшынакай эле басып жүрүп майып болуп калуу жан дүйнөңүзгө абдан катуу тийсе керек. Өзүңүзгө келүү үчүн да бир топ убакыт жумшагандырсыз. Стресс, депрессиядан кантип чыктыңыз?

— Кудайга ыраазымын. Оор күндөрдө апам, кызым, жакын туугандарым, досторум колдоосун аяган жок. Абалымды көрүп жүз буруп кеткен адамды көргөн жокмун. Чынында оорулуу адамга колдоо эле керек. 

Гульзана Жаркынбаева организовывает фотосессии с девушками и женщинами, которые имеют особенности здоровья.
© Фото / Ержан Кадырбеков
Долбоордун максаты — өлкөдөгү майыптардын жашоосуна элдин көңүлүн буруу

— Алматыда эмне иш кылчу элеңиз?

— Жеке компанияда сатуу иштери боюнча менеджер болчумун. Жакшы эле каражат тапчубуз. Ачка топтоп Бишкектен үй алайын деп жүргөм.

— Анан үй ала алдыңызбы?

— Жок. 2014-жылы кызым экөөбүз үй алалы деп бир курулуш компанияга акчабызды бергенбиз. Алгачкы төлөмүнө 8 миң доллар төгүп, анан ай сайын 600 доллардан берип турганбыз. Аз калганда же үйдөн же акчадан жок, орто жолдо калдык. Компания акчабызды кайтарып берсе өзүбүзгө ылайыктуу үйдү куруп деле алат элек. 

— Курулуш компаниянын ээлерине карата доомат койдуңуздарбы?

— Арыз жазып артынан жүргөнүбүзгө көп болду. Укканыма караганда компаниянын ээси абакта экен. Аялы болсо биздин батирди башка бирөөгө сатып жиберген, бирок акчадан дайын жок. Эч эле көздөгөнүбүзгө жетпей койдук. Аягына чейин чыгабыз деп ишенем. Азыр апам, кызым менен инимдин үйүндө жашап жатабыз.

— Мүмкүнчүлүгү чектелген кыздарга арналган сүрөт долбоорлорун уюштуруп келесиз. Эмне үчүн мындай долбоорго токтолдуңуз?

— "Биз барбыз" жана "Кыргызстанда гүлдөгөндөр" аттуу эки долбоор бар. Маалы менен катышуучулар алмашып сүрөттөр жаңыланып турат. Атайын визажист, кесипкөй сүрөтчүлөр иш алып барат. Адистер алардын сулуу экенин көрсөтүп, бактылуу көз ирмемдерин сүрөткө түшүрөт. Ал сүрөттү катышуучулар социалдык тармактарга жүктөп, каалашынча колдонсо болот. Ошентип аны эл да көрөт.

Долбоордун максаты — өлкөдөгү майыптардын жашоосуна элдин көңүлүн буруу. Майыптар үчүн ыңгайлуу жолдордун курулушун, пандустардын коюлушун, биз үчүн коомдук транспорт жана жумуш орундары болушун каалайбыз. 

Участница фотопроекта Цветущие в Кыргызстане
© Фото / Ержан Кадырбеков
Саамалыктын катышуучусу Айгүл

— Мындай саамалыкты ишке ашыруу материалдык жактан деле кыйын болсо керек.

— Кайрымдуу адамдар көп. Мени менен иштешип жаткан адистер шартыма карап бекер жасап беришет. 

Предприниматель с ОВЗ Роза Бегалиева на фотосессии
© Фото / Гулзана Жаркынбаева
Коомдук активист Роза Бегалиева дагы долбоорго катышып берген

— Майып кыздар, деги эле коомчулук долбоорду кандай кабыл алды?

— Кыздар фотодолбоорго катышканына аябай сүйүнүп, жомоктогудай сезимдерге туш болушуп, бир канча күн рахмат айтып жүрүштү. Долбоордон кийин бизди телерадиого маекке чакырып башташты.

Cоциалдык тармактардан мындай сүрөттөрүбүздү көрүп, эркек кишилер көп жазышат. Бир кезде аябай көп жазып, таанышкысы келип, бирөө "үйлөнөм" деп чыккан. Мен аларга сүрөттөрүмдүн баарын карап, анан жазышын айтчумун. Андан кийин эле жок болуп кетишет. Дагы бирөөсү "анда коляскада отурган сүрөтүңдү кой" деп жазган. Бирок жан дүйнөсү күчтүү эркектер бар деп ишенем. 

Участница фотопроекта Цветущие в Кыргызстане
© Фото / Ержан Кадырбеков
Гүлзана Жаркынбаева: кыздар фотодолбоорго катышканына аябай сүйүнүп, жомоктогудай сезимдерге туш болуп, бир канча күн рахмат айтып жүрүштү

— Дагы эмне тууралуу кыялданасыз?

— Баскым келет. Көзүмдү ачсам эле ошону тилейм. Ошондой эле омурткасы сынган адамдар үчүн Ысык-Көлдө реабилитациялык борбор ачсам дейм. Кыргызстанда мындай борбор жок.

Өлкөдө майыптар үчүн бардык шарттар каралса дейм. Мамлекет башчы 2020-жылды "Майыптарга камкордук көрүү жылы" деп жарыяласа жакшы болмок.

3062
Белгилер:
аял, маек, батир, майыптар, Сүрөт
Тема боюнча
Үкөй Мураталиева менен маек. Ата-эне, майыптык, зордуктоого кабылган кыздар
Майып баланын энеси: уулумду өзүм менен тиги дүйнөгө алып кетким келет
Таксисттин ою бузулуп колумду кармады... Майып кыз Айпери Аралбаеванын маеги
Люди в медицинских масках во время празднования дня независимости в Оше

Аймактарда коронавирус көп катталууда. Себебин жергиликтүү дарыгерлер түшүндүрдү

1
(жаңыланган 23:05 25.09.2020)
Коронавирус боюнча статистиканын төмөндөгөнүнөн бир ай өтпөй өлкөдө кайра илдет илештирген жаңы учурлардын саны өсүп баштады. Азыркы тапта коронавирус көп аныкталып жаткан аймактарда абал кандай экенин Sputnik Кыргызстан агенттиги билип көрдү.

Акыркы эки күндүн ичинде Кыргызстанда коронавирус жуктургандардын саны кескин өсүп кетти. Кечээ 127 адамдан COVID аныкталса, бүгүн Республикалык штаб 175 адам вирус жуктуруп алганын кабарлады. Статистикада жазылгандай, ооругандардын басымдуу бөлүгү аймактарда.

Sputnik Кыргызстан агенттигинин кабарчысы коронавирус көп катталып жаткан аймактардагы абалды билип, жергиликтүү дарыгерлер менен сүйлөштү.

Ош облусу

Өткөн суткаларда коронавирус Кыргызстандын түштүк аймактарында көп катталган. Алсак, 25-сентябрга карата Ошто 50 кишиден вирус табылды. 31-август менен салыштыра турган болсок, ал күнү аталган аймакта алты гана кишиден коронавирус табылган.

Ош облусунун Ноокат аймактык ооруканасынын жетекчиси Асамидин Марипов коронавирустун белгилери менен ооруканага кайрылгандардын саны көбөйгөнүн белгиледи.

Директор Ноокатской территориальной больницы Асамидин Марипов
© Фото / Пресс-служба Министерства Здравоохранения КР
Ош облусунун Ноокат аймактык ооруканасынын жетекчиси Асамидин Марипов
"Акыркы жумаларда кайрылгандардын саны өстү. Биз болжонуп жаткан экинчи толкунга оорукананы даярдап, дары-дармектин корун камдадык. Бирок маселе башкада. Азыр мурдагыдай алгоритм жок. Анда эпидиликтөө жүргүзүлүп оорулуу менен байланышта болгондун баарын таап, обсервацияга жаткырчу. Мындай жол менен илдеттин жайылышын аз да болсо алдын алганбыз. Азыр оорулуу менен байланышта болгондор табылган күндө деле үйдө изоляцияга жөнөтүлүүдө. Бирок аны канчасы аткарып жатканын кайдан билебиз. Айрымдар эрежелерди эске алып да койгон жок", — деди Марипов.

Анын айтымында, райондогу оору жуктургандардын үчтөн эки бөлүгү үйдөн дарыланып жатышат. Калгандары ооруканага жаткырылууда. Марипов мамлекет үй карантинине жиберилгендерди көзөмөлдөө үчүн бийлик натыйжа берген ыкмаларды ойлоп табышы керектигин кошумчалады.

Өпкө жабыркай баштаганда алгач кандай белги берет? Адистин жообу

Жалал-Абад облусу

Өткөн сутканын ичинде Жалал-Абад облусунда 22 кишиден коронавирус аныкталган. Ошол эле мезгилде 10 киши дартты жеңгени айтылды. Белгилей кетсек, март айында өлкө ичинде биринчилерден болуп дал ушул аймактан коронавирус катталган.

Саламаттык сактоо министрлигинин аталган аймактагы координатору Замира Чойбекова бийлик азыр стационарлар менен мобилдик бригадалардын ишин кайра жандантуу боюнча маселени карап жатканын билдирди.

"22 учурдун 10у лабораториялык жактан такталды. Бактыга жараша, алардын ичинен тогузунун абалы орто жана жеңил формада өтүүдө. Бир бейтап болсо ооруканадан дарыланып жатат. Пневмонияга кабылган 12 адам дагы ооруканага жаткырылды. Азыр базар, дүкөндөр иштеп, тойлор башталгандыктан, адамдар вирусту кайдан жуктуруп алганын билбей калып жатышат", — деди Чойбекова.

Ал коронавирус жуктуруп бирок үйлөрүнө дарыланууга кеткен бейтаптарга дарыгерлер бардык инструкцияны түшүндүрүп жатканын айтып, бирок аларды дайыма көзөмөлдөп турууга мүмкүнчүлүк жок экенин кошумчалады.

"Оорунун очогу деле боло элек. Ар кайсы айылдан бирден-экиден кишиде вирус табылып жатат. Эгер алардын үй-бүлөсүндөгү бирөө жарымдан вирус чыкса, анда алар изоляция эрежесин сактабай эле жүргөндөн кабар берет", — деди министрликтин аймактагы координатору.

Баткен облусу

Эгер Баткен облусундагы калктын саны менен карай турган болсок, кооптуу кырдаал дал ушул аймакта байкалууда. Анткени бир сутканын ичинде эле Баткенде 41 кишиден коронавирус табылганы маалымдалды.

Экинчи толкун башталдыбы? COVID боюнча дүйнөдөгү азыркы абал

Баткендеги санитардык-эпидемиологиялык көзөмөл борборунун башчысы Асел Кошбаеванын айтымында, аймакта коронавирус менен ооругандар көп.

"Облус боюнча ар бир короону текшерип жатабыз. Мисалы, Кадамжайда 1 202 киши медициналык кароодон өткөрүлүп, анын 27синин дене табы жогору экени аныкталды. Коронавирустун белгилери байкалганда ооруканага өздөрү кайрылгандар бар, айрымдар үйлөрүнөн эле дарыланып жатат. Оорулуу адамдар менен байланышта болгондордун арасынан да коронавирус табылып жатат. Буга чейин биз бийликке ири базарларды жабуу сунушун киргизгенбиз. Бирок ал аткарылган жок",— деди Кошбаева.

Ал эпидемиологдор азыркы кырдаалды эске алып, облусту карантиндик зоналарга бөлүп, чектешкен жерлерине блокпостторду коюуну көздөп жатканын кошумчалады.

Өлкөдө коронавирус боюнча кырдаал начарлай баштаганына байланыштуу, Ысык-Көл облусунун бийлиги бет кап тагынуу режимин күчөтүү чечимин кабыл алды. Бишкекте да санитардык көзөмөл күчөгөнүн мэрия жар салды.

Мындан сырткары коронавирус жуктурган жаңы учурлар көп каттала баштагандыктан бүгүн Республикалык штаб шашылыш жыйын өткөрдү.

1
Белгилер:
экинчи толкун, статистика, дарт, оору, аймак, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде пневмония кайрадан баш көтөрүүдө. Акыркы суткадагы сандар
Ак-Кула ипподрому. Архивдик сүрөт

Ишембиге карата аба ырайы

31
(жаңыланган 21:01 25.09.2020)
Синоптиктер ишембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 25-сен. — Sputnik. Ишемби күнү, 26-сентябрда, күндүз Баткен, Ысык-Көл өрөөндөрүнүн кээ бир райондорунда, өлкөнүн тоо этектеринде жамгыр, тоолуу райондорунда кар жаайт. Башка облустардын дыйканчылык аймактарында жамгыр жаабайт. Бул тууралуу Кыргызгидромет билдирди.

Жер планетасына дагы бир астероид жакындап келе жатат

Абанын температурасы Чүй менен Ысык-Көлдө +16...+21, Талас аймагында +14...+19, Ош, Жалал-Абад, Баткен облустарында +20...+25, Нарын жергесинде +17...+22 градус болот.

Күндүн табы борбор калаа Бишкекте +18...+20, Ош шаарында +22...+24 градуска жетет.

31
Тема боюнча
Кыштын илеби жакындап... Октябрь айына карата аба ырайы