Чу дарыясы. Архивдик сүрөт

Чүйдүн Казакстан менен чектешкен жери боюнча үч мекеме үч башка жооп берди

167
(жаңыланган 21:03 10.10.2018)
Жогорку Кеңеште мамлекеттик органдар Чүй облусунун канча жери Казакстан менен чектешерин айта албай убара болду.

БИШКЕК, 10-окт. — Sputnik. Жогорку Кеңешин бүгүнкү жыйынында Мамлекеттик чек ара кызматы, ӨКМ жана өкмөттүн Чүй облусундагы өкүлчүлүгү Чүй облусунун канча жери Казакстан менен чектешерин так айта алган жок.

Депутат Аалы Карашев Чүй облусундагы чек ара Чу дарыясынын нугу менен кетерин айтып, анын жалпы узундугу канча экенине кызыккан.

Эл өкүлүнүн бул соболуна Мамлекеттик чек ара кызматынын төрагасы Уларбек Шаршеев 100 чакырымдай десе, өкмөттүн облустагы өкүлүнүн орун басары Элкинбек Ашырбаев 47 чакырым, ал эми ӨКМдин өкүлү 205 чакырым деп жооп кайтарды.

Карашев мамлекеттик органдардын берген жоопторуна канааттанбаганын айтып, чек ара боюнча түрдүү маалымат болуп жатканын түшүнбөй турганын билдирди.

"Үчөөңөр үч башканы айтып жатасыңар, биз кимге ишенебиз? Өкмөттүн өкүлү ушуну карабайсыңар, эң ыйык болгон нерсе тууралуу үч мамлекеттик орган үч башка маалымат берип жатат", — деди депутат.

Эл өкүлү бул маселени тезинен тактап алууга чакырды.

167
Белгилер:
Бишкек, Казакстан, Аалы Карашев, Жогорку Кеңеш, кыргыз-казак чек арасы
Тема боюнча
Барак эксклавы Өзбекстанга өтөбү? Өкмөттүн жообу

1 500 аскер катышууда. Россия менен Өзбекстандын аскердик машыгуусу видеодо

18
Россия менен Өзбекстан коңшу өлкөнүн Термез шаарындагы полигонунда биргелешкен аскердик машыгуу өткөрүп жатат.

Видеону Россиянын Коргоо министрлиги жүктөдү.

Күжүрмөн окуунун алкагында атайын даярдыктагы бөлүктөр Ми-171 жана Н-215 тик учактарынан секирип түшүп, "куралдуу топторду жок кылышты". Ошондой эле аскерлер 15 чакырымга жүрүш жасап, жолдо катар татаал сыноолордон өттү.

Машыгууга эки тараптан кеминде 1 500 миңдей аскер катышууда.

18
Белгилер:
Россия, Өзбекстан, Аскер, машыгуу, видео
Тема боюнча
Афганистанга жакын аймакта Тажикстан, Россия, Өзбекстандын машыгуусу башталды
Советтер Союзунун Баатыры Иван Панфилов. Архив

Бишкекке Россиянын демилгеси менен Панфиловдун кайра жасалган эстелиги коюлат

18
(жаңыланган 22:19 05.08.2021)
Президенттик администрациянын жетекчиси Сүйүнбек Касмамбетов Россия тарапка ыраазычылыгын билдирип, мамлекеттик органдарга уюштуруу иштеринде көмөк көрсөтүүнү тапшырган.

БИШКЕК, 5-авг. — Sputnik. Россиянын Свердлов облусунун администрациясы Советтер Союзунун Баатыры Иван Панфиловдун эстелигин жасап, Кыргызстанга өткөрүп берет. Бул тууралуу президенттин администрациясы кабарлады.

Эстелик Бишкекте Иван Панфиловдун атын алып жүргөн паркка коюлмакчы.

Ппрезиденттик администрациянын жетекчиси Сүйүнбек Касмамбетов Свердлов облусунун эл аралык жана тышкы экономикалык байланыштар министри Василий Козлов менен жолугушту. Ага Россиянын элчиси Николай Удовиченко, Кыргызстандын Екатеринбургдагы башкы консулу Руслан Бийбосунов жана россиялык скульптор Иван Дубровин катышкан.

"Россия тарап Кыргызстандын эгемендүүлүгүнүн 30 жылдыгына карата Свердлов облусунун администрациясынын колдоосу менен Советтер Союзунун Баатыры Иван Панфиловдун эстелигин колодон окшош кылып кайра жасап, өлкөгө өткөрүп берүү демилгесин көтөрүп чыкты", — деп айтылат маалыматта.

Касмамбетов эстеликти кайра жасоо демилгеси үчүн Россия тарапка ыраазычылыгын билдирип, тиешелүү мамлекеттик органдарга уюштуруу иштеринде ар тараптуу колдоо жана көмөк көрсөтүүнү тапшырган.

18
Белгилер:
Кыргызстан, Россия, Иван Панфилов, эстелик
Тема боюнча
Жеңиш үчүн жан үрөп... Чолпон-Атадагы дүйнө чемпионатынан 13 сүрөт