Чу дарыясы. Архивдик сүрөт

Чүйдүн Казакстан менен чектешкен жери боюнча үч мекеме үч башка жооп берди

162
(жаңыланган 21:03 10.10.2018)
Жогорку Кеңеште мамлекеттик органдар Чүй облусунун канча жери Казакстан менен чектешерин айта албай убара болду.

БИШКЕК, 10-окт. — Sputnik. Жогорку Кеңешин бүгүнкү жыйынында Мамлекеттик чек ара кызматы, ӨКМ жана өкмөттүн Чүй облусундагы өкүлчүлүгү Чүй облусунун канча жери Казакстан менен чектешерин так айта алган жок.

Депутат Аалы Карашев Чүй облусундагы чек ара Чу дарыясынын нугу менен кетерин айтып, анын жалпы узундугу канча экенине кызыккан.

Эл өкүлүнүн бул соболуна Мамлекеттик чек ара кызматынын төрагасы Уларбек Шаршеев 100 чакырымдай десе, өкмөттүн облустагы өкүлүнүн орун басары Элкинбек Ашырбаев 47 чакырым, ал эми ӨКМдин өкүлү 205 чакырым деп жооп кайтарды.

Карашев мамлекеттик органдардын берген жоопторуна канааттанбаганын айтып, чек ара боюнча түрдүү маалымат болуп жатканын түшүнбөй турганын билдирди.

"Үчөөңөр үч башканы айтып жатасыңар, биз кимге ишенебиз? Өкмөттүн өкүлү ушуну карабайсыңар, эң ыйык болгон нерсе тууралуу үч мамлекеттик орган үч башка маалымат берип жатат", — деди депутат.

Эл өкүлү бул маселени тезинен тактап алууга чакырды.

162
Белгилер:
кыргыз-казак чек арасы, Жогорку Кеңеш, Аалы Карашев, Казакстан, Бишкек
Тема боюнча
Барак эксклавы Өзбекстанга өтөбү? Өкмөттүн жообу
ИИМ кызматкери. Архив

Милиция БШК мүчөлөрүн эмнеге суракка чакырды? ИИМдин жообу

35
(жаңыланган 18:12 21.10.2020)
Учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат.

БИШКЕК, 21-окт. — Sputnik. Ички иштер министрлигинин маалымат кызматы Борбордук шайлоо комиссиясындагы абал тууралуу билдирүү таратып, сотко чейинки өндүрүштүн алкагында милиция күбөлөрдү суракка алып келүүгө милдеттүү экенин маалымдады.

Ага ылайык, учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат. Бул иш Жазык кодексинин 264-беренесинин 1-бөлүмү ("Массалык башаламандык") боюнча Кылмыш жана жоруктардын бирдиктүү реестрине катталган.

"Массалык башаламандыкка түрткү болгон себептерди аныктоо максатында ИИМдин криминалдык милиция кызматы Борбордук шайлоо комиссиясынын бардык мүчөлөрүн күбө катары суракка алуу үчүн кабарлама берүүнү тапшырган", — деп айтылат маалыматта.

Бийлик кантип алмашты? Соңку окуялардагы урунттуу учурлар

Буга чейин ИИМдин кызматкерлери Борбордук шайлоо комиссиясынын мүчөлөрүн суракка алып кетүүгө аракет кылып жатканы кабарланган.

35
Белгилер:
күбө, митинг, сурак, БШК, ИИМ
Тема боюнча
БШК бул жолку шайлоого канча каражат кетерин кабарлады
БШК: милиция биздин мүчөлөрдү суракка алып кеткени жатат
Улуттук кийим кийген бала. Архивдик сүрөт

Максемус, Акбалбан, Девора... КРде балдарга кандай ысымдар берилүүдө

19
Өлкөдө ушул жылдын тогуз айында 114 миң 823 бала төрөлгөн. Ата-энелер балдарына кандай өзгөчө жана популярдуу ысымдарды беришери айтылды.

БИШКЕК, 21-окт. — Sputnik. Мамлекетти каттоо кызматы кыргызстандыктар балдарына ыйгарган өзгөчө, сейрек жана эң көп коюлган ысымдар тууралуу айтып берди.

Ага ылайык, өлкөдө ушул жылдын тогуз айында 114 миң 823 бала төрөлгөн. Ата-энелер көбүнчө уул-кыздарына Умар, Алинур, Раяна жана Амина деген аттарды беришкен.

Таанышканда кайталап сурашат. Олимпиада аттуу кыргызстандыктар менен маек

Жаңы төрөлгөндөрдүн арасында бөтөнчө ысымдарга ээ болгондор жок эмес. Маселен, эркек балдарга быйыл Артыкалы, Жасулан, Жайсаң, Элал, Тенгис, Алистер Белек, Добрыня, Акбалбан, Лелин жана Максемус деген ысымдарды ыйгарышкан.

Ал эми наристе кыздар Доминика, Марсиана Нури, Девора, Николина, Атика, Айсенэм, Белек-Айым, Элтаазим, Акылыйман жана Балкыял деген атка ээ болушту.

19
Белгилер:
ысым, бала, кыз, Мамлекеттик каттоо кызматы, Кыргызстан
Тема боюнча
Клеопатра, Семирамида... Байыркы канышалардын атын алып жүргөн кыргызстандыктар