Lexus LX 570 автоунаасы. Архив

Аймакка барган чоңдорду тосуш үчүн унаа жалданабы? Өкүлчүлүктөрдүн жообу

463
(жаңыланган 13:34 11.10.2018)
Депутат Тынчтык Шайназаров аймактарга барган чоңдорду облус жетекчилери ижарага алынган жол тандабас менен тосуп алып жатканын айткан. Бул боюнча өкмөттүн облустардагы өкүлчүлүктөрү эмне дейт?

БИШКЕК, 9-окт. — Sputnik. Жогорку Кеңештин депутаты Тынчтык Шайназаров парламенттин 4-октябрдагы жыйынында Ошко барган өкмөттүн өкүлдөрүн жергиликтүү бийлик ижарага автоунаа жалдап тосуп, кымбат кафе-ресторандарга карызга батып коноктой турганын айткан.

Эл өкүлү Sputnik Кыргызстан агенттигине мындайга жол берген аткаминерлердин аттарын атабаганын мындайча түшүндүрдү.

"Айткандарым эскертүү гана болсун дегем. Ошол аймактарга барган чоңдор тартиптүү болуп калабы деген эле ой болгон. Чынын айтканда бардык эле аймактарда ошондой. Эгер кайтадан эле ушундай көрүнүштөр кайталана берсе атын айтканга туура келет", — деди Шайназаров.

Депутат ошондой эле анын билдирүүсүнөн кийин өкмөттө жана министрликтерде катуу талкуу болуп, "жөнөкөй болгула, депутат бул маселени көтөрүп жатат" деген жалпы сөз болгонун кошумчалады.

КР өкмөтүнүн маалымат кызматынын жетекчиси Чыңгыз Эсенгул уулунун айтымында, өкмөт өкүлдөрү аймактарга өзүлөрүнүн унаасы менен чыгат.

"Өкмөт башчы, вице-премьерлер же министрлер аймактарга чыкканда көпчүлүк учурда өздөрүнүн кызматтык машиналары менен барышат. "Бизди мындай автоунаа менен тосуп аласыңар" деген талаптар коюлбайт", — деди Эсенгул уулу.

Ал эми өкмөттүн аймактардагы өкүлчүлүктөрү Жогорку Кеңештин депутаты Тынчтык Шайназаровдун буга чейин билдиргендерин четке кагып, чоңдорду тосуп алуу үчүн ижарага автоунаа жалдоо деген түшүнүк жок экенин, алардын бюджетинде машинаны ижарага алуу боюнча акча каралбаганын айтышты.

Аймактарда абал кандай?

Ош облусундагы өкүлчүлүгүндө чоңдорду тосуп алуу үчүн атайын автоунаа даярдалбайт. Өкүлчүлүктөн билдиришкендей аппаратта учурда кызматтык беш автоунаа бар.

Ал эми Нарын облусундагы өкүлчүлүктө да чоңдор үчүн деп камдалган машиналар жок. Өкүлчүлүктүн маалымат катчысы Айнура Дүйшөк кызынын айтымында, Бишкектен Нарынга келген аткаминерлер ар дайым эле өзүлөрүнүн автоунаасы менен келет.

Өкмөттүн Жалал-Абад облусундагы өкүлчүлүгүндө жалпысынан кызматтык беш автоунаа бар. Чоңдорду тосуу үчүн деп атайын машина каралган эмес. Өкүлчүлүктүн маалымат кызматынын билдиришинче, кээде чоңдорду тосуу үчүн өкмөттүн өкүлүнүн же орун басарынын автоунаасы колдонулат.

Таластагы өкүлчүлүктө жалпысынан үч автоунаа бар. Борбордон келген чоңдорду тосуп алуу үчүн атайын машина жок.

Өкмөттүн Баткен облусундагы өкүлчүлүгүндө Ош менен Жалал-Абаддагыдай кызматтык беш автоунаа бар. Чоңдор үчүн деп атайын автоунаалар беленделген эмес. Эгер борбордон же башка жактан чоңдор келип калса өкмөттүн аймактагы өкүлүнүн, анын орун басарынын же аппарат жетекчинин машиналары колдонулат.

Ысык-Көл облусунун жетекчилигинде жалпысынан кызматтык төрт автоунаа бар. Борбордон келген бийик даражалуу аткаминерлерди тосуп алуу үчүн автоунаа каралган эмес. Маалымат кызматынын ырасташынча аймакка келген аткаминерлер өзүнүн машинасы менен келет. Ал эми делегация президент менен өкмөттүн иш башкармалыгы берген транспорт менен келерин кошумчалады.

Өкмөттүн Чүйдөгү өкүлчүлүгүндө жалпысынан алты автоунаа бар. Чоңдорду тосуу үчүн автоунаа жалдашпайт. Өкүлчүлүктүн өзүнүн машиналары жетиштүү.

463
Белгилер:
ижара, унаа, депутаттар, Айнура Дүйшөк кызы, Тынчтык Шайназаров, Кыргызстан
Тема боюнча
Депутат: Оштун чиновниктери министрлерди ижарага алган "Жиптер" менен тосот
Эң көп сатылган автоунаалар аталды
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

30
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

30
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео
Карды тартып аткан адамдар. Архивдик сүрөт

Жекшембиге карата аба ырайы

43
24-январга караган түнү туруксуз аба ырайы күтүлүп, көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүү коркунучу бар. Бул тууралуу Кыргызгидромет билдирди.

БИШКЕК, 23-янв. — Sputnik. Жекшембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас, Ысык-Көл облустарында -1…-6, Ош, Жалал-Абад, Баткен аймактарында -4…+1, Нарын өрөөнүндө -7…-12 градусту көрсөтөт.

Бишкекте жана Ошто кар жаайт. Термометрдин көрсөткүчү борбордо -2…-4, Ош шаарында 0…-2 градуска жетет.

43
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди
Санкт-Петербургдагы макулдашылбаган акциялар

Россиядагы макулдашылбаган акциялардын урунттуу учурлары

0
(жаңыланган 23:14 23.01.2021)
Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен.

БИШКЕК, 23-янв. — Sputnik. Россиянын айрым шаарларында макулдашылбаган каршылык акциялары болуп өттү. Төмөндө окуянын урунттуу учурларын сунуштайбыз.

РИА Новости кабарлаганына караганда, Москвадагы Пушкинский аянтына чыккан митингчилер полицияны көздөй желим бөтөлкөлөрдү ыргытышкан. Укук коргоочулар аларды сүрүп чыгарууга аракет жасашты. Митингчилер ак сыр куюлган банканы ыргытып, ал тартип сакчыларына барып тийген.

Саламаттык сактоо департаменти "Социалдык мониторинг" тиркемесиндеги маалымат боюнча Пушкинский аянтындагы акцияда COVID-19 жуктурган 19 адам жүргөнүн кабарлаган.

Москвадагы макулдашылбаган акциянын айынан жол тыгын жаралганын Транспорт департаменти билдирди. Шаардык метрополитен митинг болуп жаткан аймактан 2,6 миң адам метро менен кеткенин кабарлаган. Аянттан 15 киши кармалып, кээ бирлери кайра коё берилген.

Москвадагы макулдашылбаган митинг учурунда полициянын 39 кызматкери жабыркаганын РИА Новостиге укук коргоо органдарындагы маалымат булагы билдирди. Кийинчерээк РФтин Тергөө комитети полицейлерге карата зомбулук фактысы боюнча тергөөгө чейинки текшерүүлөр жүрүп жатканын маалымдады

Екатеринбургда болсо полиция кызматкерлери үн күчөткүчтөр менен акция макулдашылбаганын эскертип, элди тарап кетүүгө чакырышкан. Бирок топтошкон адамдар тартип сакчыларын көздөй кар жана түтүн чыгарган каражаттарды ыргыта баштаганда аларды сүрүп чыгарууга аракет жасашты. Кийин 14 киши кармалганы маалым болду.

Иркутскиде болсо 2,5 миңге жакын адам макулдашылбаган акцияга чыкканын шаардык администрациядан билдиришкен.

Владивостокто бийлик өкүлүнө карата зомбулук көрсөтүү фактысы боюнча эки кылмыш иши козголду. Ыкчам-издөө аракеттеринин негизинде ОМОНдун кызматкерине күч колдонгон адам табылган. Ал 28 жаштагы Владивостоктун жашоочусу экени аныкталды.

Мурманскинин борбордук аянтындагы макулдашылбаган акцияга 550гө жакын адам чыккан. Алар бир аз туруп эле тынч тарап кеткен.

АКШ элчилигинин маалыматы жана Россия ТИМинин реакциясы

Жума күнү АКШнын Россиядагы элчилиги 23-январда өтө турган макулдашылбаган акциялардын убактысын жана даректеринин тизмесин жарыялап, америкалыктарды ал жактарга барбоого чакырган. РФтин Тышкы иштер мининстрлиги мындай аракеттер Россиянын ички ишине кийлигишүү катары бааланарын айтты.

РФ ТИМинин өкүлү Мария Захарова америкалык кесиптештери Смоленск аянтында (Анда Россия ТИМинин имараты жайгашкан) жасаган ишине түшүндүрмө бериши керек болорун белгиледи.

Бийликтин эскертүүсү

Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен. Иш-чара провокация катары бааланары белгиленген. Муну менен катар Башкы прокуратура интернетке тарап жаткан митингге катышуу чакырыктарын өчүрүү талабын койду (буга мыйзам менен дагы тыюу салынган). РФ президентинин маалымат катчысы Дмитрий Песков акцияга провокаторлор чакырып жатканын билдирип, алардын максаты баарына белгилүү экенин белгиледи.

Өзгөчө көңүл окуучуларга бөлүндү. Ата-энелерге балдарын акциядан "калкалоо" сунушталды.

0
Белгилер:
полиция, бийлик, акция, Россия
Тема боюнча
Москвада полиция макулдашылбаган акцияга чыккандарды кармай баштады
Токсиколог Александр Сабаев: Навальныйдын ууланганы такталган жок