Монеталар. Архивдик сүрөт

Кыргызстандын 20 тыйыны аукциондо 300 долларга сатылууда

(жаңыланган 12:54 19.10.2018)
Бул тыйын 1994-жылы аллюминийден жасалып чыгарылган.

БИШКЕК, 17-окт. — Sputnik. eBay интернет-аукционунда 20 тыйындык монета сатыкка коюлду.

Бул тыйын 1994-жылы аллюминийден жасалган. Ал сыноо иретинде гана чыгарылып, расмий төлөм каражаты катары эсептелбейт. Мындай тыйындар өтө аз, ошондуктан жогору бааланууда.

Лотко баштапкы баасы 299 доллар деп коюлган. Бул Улуттук банктын азыркы курсу боюнча санаганда 20,7 миң сомду түзөт.

Буга чейин 1 тыйын интернет аукциондо 21 миң эсе кымбат сатыкка коюлган. Ал эми 1 сом номиналындагы купюра 2750 рублдан (2,9 миң сом) сатылып жатканы маалым болгон. 

Белгилер:
интернет, сатуу, аукцион, тыйын
Тема боюнча
Бир сом номиналындагы акча үч миң эсе кымбат сатылууда. Себеби
Кагаз бир тыйын Россияда 3 миң рублге бааланууда. Себеби эмнеде?
Душ кабинасы. Архив

Бишкектеги турак жайлардын көпчүлүгүндө 4 күн бою ысык суу болбойт

(жаңыланган 14:54 19.04.2021)
Маалыматка караганда, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

БИШКЕК, 19-апр. — Sputnik. Бишкектин жеке секторлорунда 21-24-апрель аралыгында ысык суу өчүрүлөт. Кеп "Бишкек жылуулук тармагына" кошулган үйлөр жөнүндө болуп жатканын муниципалитеттин маалымат кызматынан билдиришти.

Ага ылайык, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

"Ысык суу жеке секторлордо гана өчүрүлөт. Көп кабаттуу үйлөргө тиешеси жок", — дешти ишканадан.

Ысык сууга жеке сектордогу көптөгөн турак үйлөр кошулганы белгиленип, алардын бардыгында тең суу өчүрүлөрү эскертилди.

Белгилер:
ысык суу, үй, Бишкек
Тема боюнча
Эртең Бишкектин кээ бир жерлеринде муздак суу өчөт. Тизме
Жаан-чачындуу болот. Келерки аптанын аба ырайы
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:33 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Абхазиядан алынган унааларга байланыштуу чуу

Кыргызстанда Абхазиядан алынган унааларды аныктоо боюнча рейд жүрүүдө. Себеби мындай унаалар ЕАЭБдин бажы мыйзамдарын бузуу менен алып келинген. Болжол менен онго жакын машина айып короого токтотулган.
Мындан улам Ала-Тоо аянтында жана өкмөт үйүнүн алдында Абхазиянын номери тагылган унаалардын ээлери митингге чыгышты. Алар Республикага буга чейин кирип кеткен автолорду мыйзамдаштырып берүүнү талап кылышууда. Айдоочулар буга чейин эскертүү берилбегенин билдирип, нааразы болушту. Митингчилер унааларын насыяга алгандар бар экенин, айрымдары такси айдап үй-бүлөсүн багарын айтышты.

Өткөн аптада Экономика жана финансы министрлиги абхазиялык номер тагылган унааларды мамлекет алып коюшу мүмкүн экенин эскерткен

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн