БИШКЕК, 20-окт. — Sputnik. Москва шаарында өтүп жаткан XIX Эл аралык Куран жарышына Кыргызстандан Шергазы Жалил уулу катышууда. Бул туурасында муфтияттын маалымат кызматы билдирди.
9 Тогуздун айы 2018, 08:29
Азыркы тапта 30дан ашуун мамлекеттен келген каарылар Куранды жатка билүү боюнча ат салышып жатканы айтылат. Жеңүүчүлөр "Хафиз" наамына ээ болушмакчы.
Жарыштын финалы 21-октябрда Москва шаарындагы концерттик залдардын биринде өтөт. Анда көрүүчүлөр Россия муфтийлер кеңеши тарабынан чакырылган "Афганистандын алтын үнү" Абдуль-Кабир Хайдари, ыйык Харам мечитинин имамы Шейх Хасан Бухари жана белгилүү каары шейх Амир аль-Мухальхаль сыяктуу дүйнөгө белгилүү хафиздердин Куран окууларына күбө болмокчу.
