Белгилүү алып баруучу, тамада Санжар Мыкыев

Тамада Санжар Мыкыев: күйөө баланы тоюнда сабап... ошолор да доспу

4977
(жаңыланган 11:39 22.10.2018)
Санжар Мыкыевдин чыгармачылыгы тууралуу канча сын айтылбасын ал түшүнүү менен кабыл алып, жыйынтык чыгарганга аракет кылат. Атүгүл "Тамашоу" долбоорунда жылдызы жанган жигит куйкум тамашаларды да көтөрөт. Бирок "намысыма шек келтирген киши жоопсуз калбайт" дейт өзү...

Мыкыевди коомчулук шоумен, тамада катары тааныйт. Той, кечелерден сырткары ал мамлекеттик ири иш-чараларды дагы алып барат.

— Аскер кызматкеринин үй-бүлөсүндө чоңойгон экенсиз. Мектепти көчүп-конуп окусаңыз керек?

— Өзүм Алайдан болгонум менен, сиз айткандай, барбаган жерим калган жок. Атам чек арачы болгондуктан, Кытай, Тажикстан, Тоолуу Бадахшан, Мургаб, Сары-Таш, Афганистан тарапка чейин бутубуз басты.

Эсимде, кичирээк чагымда апам иним Тимур экөөбүздү салюттарды карагыла деп ойготту. Терезени карасак асманда ар кандай түстө жарык пайда болуп, тарсылдаган үн чыгып жатыптыр. Бир маалда каалганы тээп бир жоокер кирип келди. Көрсө, биз жайгашкан аскер базада кол салуу болуп, солдаттар аткан сигналдык ракетаны апам салют деп ойлоптур. Биздин терезедеги караанды көргөн атам санааркап, берки жигитти жөнөткөн экен. Учурунда билинбейт, бирок кийин ойлоп көрсөм, ошондой күлкүлүү жагдай түзүлүптүр.

Кыргызский телеведущий, тамада Санжар Мыкыев  на площади Ала-Тоо в Бишкеке во время празднования 27-летия независимости Кыргызстана
© Sputnik / Табылды Кадырбеков
Мыкыев: чоң-чоң иш-чараларды алып баруу менен мамлекетке пайдам тийип жатат

— Атаңыз аскер адамы болсо, чыгармачылык сизге кимден берилген?  Же апаңыз өнөргө жакын адамбы?

— Апам музыкант. Пианинодо ойноп, жаш балдарга сабак берет. Өзүм санжырага кызыгам. Жети атама чейин сураштырсам, анын бири Ормотой сөзгө чечен, анын атасы Мыкый да чукуп сүйлөгөн адам болгон дешти. Алып баруучулукка жетелеген өнөр эки жактан тең берилсе керек деп ойлойм.

Балалык темасын улай айтсам, ата-энемден алыс чоңойдум. 7-классымдан тарта түрк лицейине окуп кеттим. Жакындарымды эс алуу күнү гана көрчүмүн. Мектепти аяктаганда эл аралык "Ала-Тоо" университетинин программист бөлүмүнө тапшырып, орус, англис, түрк тилдерин өздөштүрдүм. Лицейде, университетте жүргөндө ар темада жергиликтүү олимпиададан тарта Дүйнөлүк олимпиадага чейин барып, алдыңкы орундарга илинчүмүн.

Программисттик ишти лицейде жүргөндө эле "чагып" койгондуктанбы, студент кезде убактым бош жана кызыксыз өтө баштады. Анан өзүмдү спортко арнайын деп кикбокска жазылдым. Бала кезде каратэ менен да машыккам. Оюмда мындан ары спортчу болуп кетем деп аракет кылып жүрдүм. Бир жыл машыктым. Жаракат ала бергенден улам токтотуп салдым.

Биринчи курста окуп жүргөндө студенттердин КВН долбооруна кызыгып, курама командасына кирдим. Кийин чакан иш-чараларды алып бара баштадым. Андан ары "Тамашоу" долбоору ачылып, "Достук" деген команданы түптөдүк. Мени элге тааныткан ушул оюндар болду.

Университетте алып баруучу болуп жүргөндө иш-чара болсо эле Мирбек Атабековду чакыра берчүбүз. Ал ошол кезде эле Канат Култаев менен иштечү. Култаев сыртымдан баамдап жүрсө керек, "телеге келип көрбөйсүңбү" деди эле баш тарткан жокмун. Алгачкы жолу көгүлтүр экранда "Муз-Обо" берүүсүн алып бара баштадым. Кийинчерээк той, жакшылыктарга дагы өтүп кеттим.

Кыргызский телеведущий, тамада Санжар Мыкыев во время интервью на радиостудии Sputnik Кыргызстан
© Sputnik / Жоомарт Ураимов
Алып баруучу саясаттан таптакыр түшүнүгү жок экенин айтат

— Бир суроо менен алып баруучулук, тамадалык иштерге кантип аралашып калганыңызды айта кеттиңиз. Бакыйган окуу жайды бүтүрүп, бир нече тилди билгенден кийин дипломуңуз алып баруучулукка эле жумшалып калганына өкүнбөйсүзбү?

— "Бөдөнөнү сойсо да касапчы сойсун" дейт. Колуман келбеген ишке аралашпайм. Азыркы заманда тил билүүнү артыкчылык катары деле көрбөйм. Ири иш-чараларды алып баруу менен мамлекетке пайдам тийип жатат. Маселен, ага Көчмөндөр оюндары, эл аралык форумдар, мааракелер кирет. Ал жактардан деле бир нече тилде сүйлөйбүз. Мындан тышкары, програмисттик иштерди аткарган командам бар.

— Мурдагы маектердин биринде "саясатка кызыкпайм, анткени бардыгы качып кете берет" деп айтыптырсыз. Азыр кандай пикирдесиз?

— Ошол кезде чын-тамашасы менен айтылса керек. Негизи эле саясаттан түшүнүгү жок адаммын. Санап отурса саясаттын жакпаган жерлери арбын.

— "Тамашоу" долбоору сиздердин убакта абдан күчтүү чыкты эле. Жеке оюмда, азыр оюнчуларды кой, команданын атын жатка билбей калдык.

— "Тамашоу" жаңы чыкканда эл күтүп көрчү. Анткени жаңы бир  көңүл ачуучу нерсе катары ордун тапты. Ар бир эле иш көнүмүшкө айланганда кызыгы тарап кеткенсийт. Анын сыңары учурда көрөрмандын бардыгы "Тамашоунун" сезону кайсыл мезгилде боло тургандыгын жатка билишет. Экинчиден, биздин убакта социалдык тармактар популярдуу  эмес болчу. Азыр кааласа оюнду интернеттен деле көрүп алышат. Азыр деле уучубуз куру эмес деңизчи, бирок ошол убакта кудай бир берсе керек, активдүү балдар, кыздар чогулган экенбиз. Бири-бирине окшобогон таланттуу жаштар арбын болчу. Ар бир нерсенин өз убактысы бар деп ойлойм.

Кыргызский телеведущий, тамада Санжар Мыкыев на ущелье Кырчын во время III Всемирных игры кочевников
© Sputnik / Табылды Кадырбеков
Тамада: ырчылардын бардыгы менен мамилем жакшы

— Бир жыл мурда сиз, Гүлжайна Атаканова жана Назира Жетигенова үчөөңөр алып барган КТРКнын "Салам Кыргызстан" көрсөтүүсү конокторду ашкере сындагандан улам коомчулуктан талкуусуна алынып, а түгүл жетекчиңиздер жабылат деген таризде билдирүү таратты эле. Бирок көп өтпөй кайрадан алып бара баштадыңыздар…

— Биринчиден, маалымат тараткан айрым журналисттерге алкыш. Эртең менен телефонду ачсам митинг болгондой ар бири "Салам Кыргызстан" тууралуу уу-дуу кептерди удургутуп жаза бериптир. Биздин берүүнүн сезондору бар. Ар бири аяктаганда тыным алабыз. Алып баруучу айымдардын убактысы тар. Тартуу иштеринин биринде мен жалгыз чыгып калдым. Андан кийин Гүлжайна (Атаканова. — ред.) эже менен иштедик. Андан кийин Назира Жетигенова эжекебиз келип кошулду.

Бизди берүүнүн талылуу жерлерин кескилеп элге жайылткан адам болду. Ал айымдын аты деле бизге белгилүү. Биздин "ашынган" күйөрманыбыз го деп ойлоп калам.

Жанындагы кесиптештеримди атайын иликтеп көрүп чакырганбыз. Программада бири кайын эненин, экинчиси келиндин образын бериши керек болчу. Ойду жеткирүүдө адабий эмес, элге жакын тилди тандадык. Анүстүнө программа кечинде көрсөтүлөт. Эл чарчап, чаалыгып келгенде бир жакшы маанай тартуулаганга далалат кылдык. Берүүдөн кийинки ушакташуу да ушул образга багытталган. Негизи ал деле артисттердин көзүнчө тартылат. Күлүп жакшынакай эле кабыл алып отурушат. Жакшы-жаман пикирлер айтылууда, реакция болуп жатса демек элге кызык.

— Коноктордун арасында тамашаны туура эмес кабыл алып же жактырбай чыгып кеткен, бүткөндөн кийин нааразылыгын айткандар болдубу?

— Жок, андай болгон жок. Биз келген конокторду сыйлайбыз..

Кыргызский телеведущий, тамада Санжар Мыкыев во время интервью на радиостудии Sputnik Кыргызстан
© Sputnik / Жоомарт Ураимов
Мыкыев: ата-энем, тууган-туушкандарыма асылган кишилерге кармана албайм

— Сиз алып барган үч мыкты тойду атасаңыз.

— Алар абдан көп. Кыргыздын уул-кыздарынын чет элдиктери менен баш кошуусу кызык. Биринчи кезекте алар салттары менен айырмаланат эмеспи. Америкалык кудагыйларды акцент менен "кулдугубуз бар" деп айттырганга чейин барганбыз.

— Той убагында кандай кызыктуу учурлар кездешет?

— Кесиптештеримде шумдуктуу окуялар болот экен. Мушташып кетип же кыз мурдагы жигитине кетип калган учурлар болот дешти.  Эң эле күтүүсүз болгону, күйөө баланы достору туура эмес жакка отургуздуң деп сабап салышкан. Андайлар дос деле эмес. Орун жок болсо бир жөн, бизге жакпаган жер деп керсейишкен. Той адамдын пейилине жараша өтөт. Тогуз жылдан бери муну жакшы билем. Ушуга байланыштуу бир окуя эсиме түштү. Жубайлар той өткөргөндө "жетекчилик кечикпейт, бир аз кармалат" деген принцип менен бардык тойго саат тогузда барчу экен. Өздөрүнүн тою саат ондо башталды. Кудалардан башка киши жок. Баарыбыз тунжурап турабыз. Эже басып келип себебин түшүндүрүп берди. Анан той учурунда байке эл алдына чыгып кечирим сурап, эми тойлорго убагында барабыз деп убада беришкен.

— Тамаданын кыжырын кайнаткан көп эле нерсе бар. Алардын бири ырчылар кезекке карабай эл алдына чыкканга ашыгып, тамада менен айтышып, мунун айынан чыр чыкканын да көрүп жүрөбүз.

— Ырчылардын бардыгы менен мамилем жакшы, арасында душманым жок. Бардыгына калыс мамиле жасайм. Бирок беш кол тең эмес, ар кандай ырчылар бар. Кичипейилдик, дипломаттык менен түшүндөргөнгө аракет кылам.

Эгер чыгармачылыгыма, ишиме байланыштуу маанилүү сындар айтылса туура эле кабыл алам. Сын айткан киши деле сага убактысын коротуп жатат. Тамаша айтса да көтөрөм. Бирок жеке беделиме, ата-энем, тууган-туушкандарыма асылган кишилерге кармана албайм. Ачуум чукул, андай адамдар жоопсуз калбайт. Аны командам жакшы билет. Бирок дароо эле айтып коеюн, ачууга алдырып жаңжал чыгарган күндөрүм чанда.

Кыргызский телеведущий, тамада Санжар Мыкыев на ущелье Кырчын во время III Всемирных игры кочевников
© Sputnik / Табылды Кадырбеков
Алып баруучу: алдыга койгон пландарымды кагазга убакыт, сааты менен жазып алам

— Сыр болбосо тойдогу "ставкаңыз" канча?

— Бир жумушту узак убакыт аркалап жатсаң демек пайдасын көрүп жатасың. Тойго чакырсаңыз айтам.

— Түшүнүктүү…  Жакшылыктан эле кезигип жүрөлү. Өзүңүздү 10 жылдан кийин кандай элестетесиз?

— Жубайым менен бир кызды тарбиялап жатабыз. Көбүрөөк уул-кыздуу болууну самайм. Иш жаатында пландар көп. Алар керек болсо кагазга убакыт, сааты менен жазылган.

4977
Белгилер:
тамада, алып баруучу, той, маек, Санжар Мыкыев, Кыргызстан
Тема боюнча
Кыргыз тилин үйрөнүп, тойлордун көркүн ачкан нигериялык жигиттин тарыхы
Тамада Вячеслав Мантусов: кыргыздын адабий тилин үйрөнүүгө кириштим
Sputnik Кыргызстан агенттиги техникалык маселер боюнча директору Михаил Рогожин. Архивдик сүрөт

Чайпалткан кырдаал сизди да чарпый кетти. Sputnik Михаил Рогожин менен коштошту

17
(жаңыланган 19:43 13.07.2020)
Бүгүн түндө Sputnik Кыргызстан агенттиги техникалык маселелер боюнча директору Михаил Рогожинден айрылды. Анын акка моюн сунушу жалпыбыз үчүн оор жоготуу.

Көпчүлүктү кайгыга салган кооптуу оору, тилекке каршы, кесиптешибизден дагы кыйгап өтпөптүр. Ал эки тараптуу пневмонияга чалдыгып ооруканада дарыланып жаткан. Михаил Степанович аз күндө бутуна туруп катарыбызга кошуларын күтүп жатканбыз. Эми аны Sputnik Кыргызстандын түптөлүшүнө жана өсүп-өнүгүшүнө чоң салым кошкон жетекчи, кең пейил адам катары эстеп жүрөбүз.

Sputnik агенттигинин эмгек жамааты Михаил Рогожиндин жакындарына жана туугандарына терең кайгыруу менен көңүл айтып, анын редакция үчүн жасап кеткен иштерин, өзгөчө сапаттарын эскерди.

Елена Череменина, Sputnik Кыргызстан маалымат агенттиги жана радиосунун жетекчиси

Мы познакомились в 2002 году в университете. Сегодня 2020. Цифры те же, а его не стало.

Во всем мне хочется дойти до самой сути — это о нем.

Острое чувство справедливости — это о нем.

Большой человек с хрупкой душой — это о нем.

Обширность и глубина знаний — это о нем.

Бесконечное желание узнавать новое — это о нем.

Любовь к жизни во всех ее проявлениях — это о нем.

Скромность — это о нем.

Всего не написать, не рассказать…

Это огромная потеря для всех, кто его знал, как будто на небе погасла звезда. Прости нас, что не уберегли тебя. 

Технический директор информационного агентства и радио Sputnik Кыргызстан Михаил Рогожин и руководитель агентства Елена Череменина
© Sputnik / Табылды Кадырбеков
Технический директор Sputnik Кыргызстан Михаил Рогожин

Эркин Алымбеков, башкы редактор

Степаныч, разве может Вас не стать? Такой сгусток доброй энергии, который несли в себе Вы, просто бессмертен. Я ни в ком еще не наблюдал столько порядочности, столько тонкого юмора, столько смущения и мужества одновременно — все это Вы "совмещали" в себе так легко, так естественно. Как же теперь будет не хватать нам/мне этой энергетики!

Как мне хочется уснуть и увидеть всех любимых людей, которых уже не стало, обнять всех вас в этом сне. И познакомить. И рассказывать какие-то нелепости и смеяться вместе, и радоваться друг другу…

Дорогой Степаныч, простите, что не смогли уберечь Вас! Никто не сможет заменить Вас нам. Обнимаю и крепко жму Вашу богатырскую руку. Когда-нибудь увидимся. До встречи!

Батыр Мамыркулов, башкы продюсер

Эх, Миша... Как же так? Ты же обещал, что выкарабкаешься. И я ждал тебя. Столько планов было. Покойся с миром, друг мой. Прощай...

Кош болуңуз, Михаил Степанович! Sputnik Кыргызстандын эскерүү видеосу

Канышай Бешбаева, жооптуу редактор

Сүрдүү болчу... Анча-мынча киши батына алчу эмес. Көптө барып Sputnik дегенде ичкен ашын жерге койгон, буту-бутуна тийбей чуркаган иштерман, эмгекчил адам экенин билгем. Редакциянын кеңсеси техникалык жактан бардык талапка жооп берген заманбап, абдан ыңгайлуу кеңсе. Журналисттин иштөөсүнө мыкты шарттар түзүлгөн. Азыр ойлосом, биз ушунун баарын өзүнөн өзү болуп калгандай кабыл алат экенбиз. Баары Михаил Степановичтин эмгеги эле. Тамашакөй болчу. Көп элес албагандай түр көрсөткөнү менен баарын жүрөгүнө жакын кабыл алчу окшойт, айтор, маселең чечилип калчу. Атабыздай эле көрчүбүз. Сизге ушундай сөз жазып калам деп эч ойлобопмун...

Жаткан жериңиз жайлуу болсун...

Нургүл Максутова, жооптуу редактор

Михаил Степаныч... Сизди ошентчүбүз... Михаил Рогожин Sputnik Кыргызстанды түптөгөндөрдүн бири, тыным албай иштеп, анын интернет айдыңга чыгышына техникалык жактан жан үрөгөн адам болчу. Сизди кандай маселе болбосун чече билген, көп нерсени жайгарган адам катары тааныгам. ...Анда жамаат азыркыдай көп эмес, үркөрдөй эле аз адам элек. Биринчи күндөрү далдайган турушуңузга, маселени чечип, ары-бери жагын жөндөп жаткан кыймылыңызга көз салып койгом. Андан бери бир нече жыл өтүп, сиз Sputnik Кыргызстандын көзгө байкалбаган, бирок салмактуу жүгүн көтөрүп келдиңиз.

Түйшүгү көп, мээнети андан да арбын, бири-бирибизсиз ишибиз жүрбөгөн бул жумушубузда кесиптештердин ичинен акка моюн сунары түк ойго келбептир. Мындан бир нече айлар кандай тынч, бейгам эле. Ал эми Кыргызстанды чайпалтып турган кырдаал, тилекке каршы, сизди да чарпый кетти. Ич күйөт, селт этесиң, башка дүйнөгө кыйбайсың... Кандай болуп кетти. Ойлор сабалайт, бирок сөз чыкпайт, эскерүү жазууга кол барбайт... Кош болуңуз, Михаил Степаныч. Жаткан жериңиз жайлуу болсун... Башка эч нерсе дей албайм, азыр. 

Нурзат Усебаев, жооптуу редактор

Эх, Михаил Степанович, как же так? Не верится! Еще такой молодой… Коварная болезнь никого не щадит. Чтоб ее… Вы были таким мудрым, добрым профессионалом, знающим все на свете специалистом. Помню беседу про внутренний стержень человека. Вы говорили, что людей с крепким стрежнем можно увидеть издалека. Вас тоже было видно издалека — большого человека с большим сердцем. Таким я вас запомню.

Скорблю бесконечно, разделяю боль утраты с близкими Михаила Степановича. Крепитесь!

Елена Агеева, жооптуу редактор

Ни одно в жизни лето не казалось мне таким бесконечным. Слишком много потерь. И одна из самых горьких — уход Михаила Рогожина, нашего большого, доброго, умного, человечного Степаныча, которого всем нам будет ужасно не хватать. Уже не хватает, потому что он был очень нужным для жизни человеком — умел интеллигентной шуткой поддержать так, как этого больше никто не сумеет. Умел сказать или написать веселое "не дрейфь, ты же женщина, грех тебе" с таким участием, что самая беспросветная ситуация "выравнивалась" сначала у тебя в голове, а потом и в жизни. С ним было всегда предельно надежно — в офисе, в поездках, на посиделках, в любых нештатных ситуациях. Думая о нем, я говорю себе: незаменимые люди есть. В том смысле, что их замена в любом случае будет неполноценной.

Нуржан Найзабекова, маалымат катчы

Наш добрый, всегда справедливый, всезнающий Михаил Степанович, благодаря вам кыргызстанцы могли излить душу, высказать наболевшее, попросить о помощи, решить проблемы, обратить внимание властей через "Черный список" — группу, которую вы создали в Facebook. Число ее подписчиков достигло почти 100 тысяч. Вы дали людям возможность быть услышанными, стать лучше и исправить ошибки. Спасибо за все, что вы сделали для своих коллег, подрастающего поколения и народа Кыргызстана! Вы всегда останетесь в наших сердцах! 

 Технический директор информационного агентства и радио Sputnik Кыргызстан Михаил Рогожин во время поздравления коллеги
© Sputnik / Табылды Кадырбеков
Технический директор Sputnik Кыргызстан Михаил Рогожин

Бегимай Бакашева, кабарчы

Күн эмес, саат сайын суук кабар угуп калган күнгө туш болобуз деп ким ойлоптур?.. Эми минтип ажалдын укуругу Сизге да жетиптир, кесиптеш. Бул оору улуу-кичүүнү ылгабаган албуут неме экенин эми моюндап, эми аңдап отурабыз. Жаткан жериңиз жайлуу болсун, жаркын элесиңиз ар дайым жүрөгүбүздө.

Таалайгүл Усенбаева, кабарчы

Михаил Степанович, Миша байке... Сиздин акыркы сапарга узап кеткениңизге дагы эле ишене албай жатабыз.

Жүрөгү кенен, тамашакөй адам эле. Кеңсеге кирери менен колунда ар дайым бир баштык конфет болчу. Аяз атабыздай баарыбызга бирден берип, таңкы маанайды көтөрчү. Оору жакшы адамдарды алып кетип жатканы өтө өкүнүчтүү... Кош деп айтууга аргасызбыз, Миша байке. Жаткан жериңиз жайлуу болсун!

Ак жүрөк, колу ачык киши эле. Михаил Рогожиндин кадрда калган ирмемдери

Нурайым Рысмамбетова, кабарчы

Михаил Степанович, жаткан жериңиз жайлуу болсун. Сиз бирөөгө ата, жар, жолдош, дос болсоңуз, мен үчүн жакшы адам бойдон эсимде калдыңыз. Жакындарына терең кайгыруу менен көңүл айтам.

Мирбек Сакенов, кабарчы

Михаил Степаныч жөнүндө өткөн чакта сөз кылгым келбей турат. Айла жок баарыбыз акка моюн сунат экенбиз. Ал инсанга мага окшогон жаштар көп кеп-кеңеш сурап кайрылып калчу. Дайыма оозунда айтчу сөзү, колунда кармата турчу техникасы даяр эле. Жамаатыбыздагы эркектердин командири, баарын тегиз караган агабыз элеңиз. Кесипкөй адис, жөнөкөй адам, иш билги жетекчи катары жүрөгүбүздө сакталып каласыз.

Эламан Карымшаков, кабарчы

Ата-энелерибиз жатаар алдында "түндөн түгөл чыгалы" деп тиленип коюшчу. Анын маанисин эми түшүнүп жатам. Бул караңгы түн эмне деген жакшылардын өмүрүн алып, канчалаган адамдарга кара кийгизди. Өкүнүчтүүсү бүгүнкү түн да арабыздан асыл адамды алып кетти. Михаил Степанович, сизге жакшы сөз айтпасам да, керектүүбүздү кечиктирбей камсыздап турганыңызга ыраазы болчу элем. Жетекчибиздин үй-бүлөсүнө жана жакындарына сабыр тилейм!

Гүлдана Талантбекова, кабарчы

Михаил Степанович дайыма "Здрасти, здрасти" деп күүлүү-күчтүү учурашар эле. Дайым биздин кем-карчыбызды ойлоп, толуктап жүрчү. Чыныгы чарбачыл адам эле.

Бир ирет анын Facebook тармагындагы "Черный список" деген баракчанын негиздөөчүсү экенин угуп таң калгам. Себеби ал жакта орчундуу маселелер көтөрүлүп, талкууланып, ошол боюнча эле калып калбастан кайсы бир тараптан реакция болуп турчу. Бул өзүнүн негизги ишинен тышкары айланадагы көйгөйлөрдүн чечилишине дагы салымын кошконун айгинелеп турары маалым.

Азамат Аралбаев, кабарчы

Михаил Степанович… Как узнали этой ночью страшную новость, так до сих пор и не верится. Помню, каждое утро до карантина вы подходили здороваться. Я, как обычно, погруженный в работу, протягивал руку не глядя. Дурацкая привычка. Обстановка разряжалась, когда вы обращали на себя мое внимание и выдавали такую шутку, после которой и день проходил веселее.

Вы были с нами с момента создания агентства, любили коллектив и офис, как свою семью. Многое сделали для Sputnik Кыргызстан. Очень жаль, что мы расстаемся вот так, этого не должно было быть. Покойтесь с миром… 

Технический директор информационного агентства и радио Sputnik Кыргызстан Михаил Рогожин во время отдыха с коллегой
© Sputnik / Табылды Кадырбеков
Технический директор Sputnik Кыргызстан Михаил Рогожин

Асел Минбаева, кабарчы

Часто утро у нас в редакции начиналось так: запыхавшаяся Света, опаздывая на 8 минут, прибегает в офис и обнаруживает на своем рабочем столе чернослив в шоколаде.

— Ой, а кому спасибо?

— Свет, ты чего? Кто еще может расщедриться на чернослив в шоколаде, причем для всего отдела?

— А, понятно. Михаил Степаныч, спасибо!

Из его вотчины доносилось басистое "наслаждайся"…

Мы многому у вас учились, Михаил Степанович. Например, именно у вас я подцепила моду обходить каждого сотрудника с конфетами и полушутя-полуворчливо приговаривать: "Да больше бери, ты у нас и так исхудавший".

Мы учились у вас быть стойкими, принципиальными и честными. Вы вообще научили нас многому и только одно делали неправильно — никогда себя не берегли. Мне сейчас безумно больно, потому что вы для меня не директор и коллега, а старший товарищ и очень хороший человек. Я с трудом представляю, как это: редакция есть, а вас там никогда уже не будет… Покойтесь с миром, дорогой друг.

Кош, Исма! Жайдары мүнөз кесиптешибиздин кадрда калган элеси

Бакыт Толканов, кабарчы

Михаила Степановича я знал много лет, был его студентом, и преподавал он очень важные предметы. Рассказывал о технике и программах. Еще со студенческой скамьи он казался мне умным, порядочным, открытым человеком, который всегда прямо говорил свое мнение. Уже после окончания университета я неоднократно видел Михаила Степановича, и то впечатление оказалось верным. Честно говоря, очень сложно говорить о Михаиле Степановиче в прошедшем времени и вообще говорить о нем... Я до сих пор в шоке.

Светлана Федотова, кабарчы

Михаил Степанович, мне не верится... Пару недель назад вы убеждали меня перечитать "Игру в бисер". Сказали, что отсутствие диалогов в книге вовсе не значит, что она скучная. Наоборот! Сказали, что книга ведет диалог с читателем, и вмиг скучные абзацы повествования стали интересными.

С вами можно было говорить о чем угодно — и вы понимали, шутили. Вы знали все, во всяком случае — ответы на все вопросы, которые находились у меня и ребят.

Вы помогли мне перевернуть весь офис в поисках блокнота из командировки. Я даже не помню, сказала ли вам спасибо. Вас можно было слушать часами и спорить с вами тоже можно было часами.

Вам хочется так много сказать. Очень жаль, что я не сделала этого лично. В последнюю нашу встречу вы выручили меня. Разрешили угостить вас чем-нибудь вкусным. Я не успела.

Алимджан Валиев, кабарчы

Я говорю себе, что больше никто из знакомых не скончается от коронавируса, что они будут жить долго и счастливо. Говорю, что уровень смертности от этой заразы заметно снизится и она исчезнет очень быстро… Кроме прочего, вас ценили за сильный интеллект, Михаил Степанович. Мне очень жаль. Мы будем сильными и стойкими, иначе из этого кризиса не выйти. Все будет хорошо, я твердо верю.

Карина Разетдинова, кабарчы

"Спроси у Михаила Степаныча, он точно знает", — советовали мне коллеги и всегда были правы. Он знал все и обо всем: мог на пальцах объяснить сложный технический термин и так же играючи поведать о малоизвестном литературном шедевре.

Казалось, ничто не способно сломить этого волевого человека, никакой болезни такое не по силам... Бесстрашный и справедливый, он окружал нас отеческой заботой, учил настойчивости и решительности, никогда не отказывал в помощи.

Какие рабочие письма он писал, вы бы знали! Даже в офисной переписке его яркую прозу, живую и смелую, можно было легко узнать из тысячи других. Михаил Степанович блестяще владел словом, умело обращался с витиеватыми сравнениями, которые неизменно били точно в цель.

Возле его компьютера так и лежит внушительная стопка книг на самые разные темы. Не верится, что больше мы не услышим его громогласный бас, не спросим у него совета, не поблагодарим хором за гостинец, заботливо оставленный на столе.

Покойтесь с миром, Михаил Степанович. Нам будет очень вас не хватать.

Ангелина Инюшина кабарчы

Михаил Степанович... Любитель "Эликсира здоровья" с огромным количеством имбиря и не любитель плохих выражений. В это просто невозможно поверить! Еще совсем недавно во время обедов мы с вами горячо спорили на разные темы. Казалось, вы знаете все и немного больше. А потом началась эта проклятая эпидемия...

Я всегда буду помнить вашу теплоту, заботу и такую искреннюю поддержку. Спасибо за все, что вы для меня сделали. Боль от этой утраты невозможно утешить. Вы всегда будете живы в наших сердцах, Михаил Степанович! 

 Технический директор информационного агентства и радио Sputnik Кыргызстан Михаил Рогожин и пресс-секретарь редакции Нуржан Найзабекова
© Sputnik / Табылды Кадырбеков
Технический директор Sputnik Кыргызстан Михаил Рогожин

Айтурган Сатиева, радио алып баруучу

Михаил Степанович! Барыбыз бул ысымды өзгөчө бир сый, урмат, анан да тээ жүрөктүн түпкүрүнөн сызылып чыккан жылуулук менен айтчубуз. Анткени сиз ушундай мамилеге татыктуу инсан элеңиз. Жеке мен үчүн сиз аз, бирок саз сүйлөгөн, ар бир сөзүндө терең мааниси бар, ойлору курч, салмактуу ошол эле убакта калыс, кең пейилдикти көрсөтүп турган адам элеңиз. Сиздин абдан кылдат, бирок таамай айтылган тамашаларыңызга суктанар элем. Сизди алгач сүрдүү адам катары көрсөм, бара-бара абдан тамашакөй, кең пейил экениңизге күбө болдум. Биздин жамааттын тоодой таянычы элеңиз. Сиздеги ишке болгон жоопкерчиликтүү мамилени, жашоого болгон энергияны көрүп, минтип эскерүү жазып калам деп ойлогон эмесмин, Михаил Степанович. Ажал улук элек, айла барбы...

Шабдан Абылгазиев, радио алып баруучу

Суук кабарды жаман көрөм. Ал учурда эмне сүйлөп, эмне жасашты билбей каласың. Тилекке каршы, акыркы убактарда жаман кабарлар менен ойгонуп, жакшы үмүт менен жата турган болдук. Бирок бүгүн кесиптешибиз кайтыш болду деген суук кабар келди. Жакшы киши, кесипкөй жетекчи, оор учурларды моюндабай басып жүрөр эле. Тамашакөйлүгү менен баарынын жүзүнө жылмаюу пайда кылган адам болчу.

Асел Сыдыкова, радио алып баруучу

13-июль күнү биз жакшы адамдан айрылдык. Жамаатыбызда эми анын билими, чексиз күч-кубаты жетишсиз болот. Михаил Степановичтин ишмердүүлүгү жана чечкиндүүлүгү мен үчүн үлгү болчу. Ал биздин жүрөгүбүздө ишенимдүү жолдош, акылдуу кеңешчи бойдон жана ар кандай кырдаалда жардамга дайым даяр адам катары кала берет.

Наталия Князева, радионун редактору

Не представляю, как это произошло. Не верю, что он не справился… Михаил Степанович был примером силы и стойкости. Он был настоящим Человеком. Таким, каких описывают в детских рассказах: в меру строгим, справедливым, но невероятно добрым и открытым. Михаил Степанович был бесконечно умным: он знал все и обо всем на свете, не было ни единой темы, беседу на которую он не мог бы поддержать. Как и любому человеку с таким интеллектом, ему был свойственен сарказм — я, кстати, нередко становилась его объектом, но все это было по-доброму, любя. Он любил нас и баловал, а мы любили его. Это страшная боль. Прощайте, Михаил Степанович.

Тимур Осмонов, радио алып баруучу

Добрый, большой дядька, Михаил Степанович… В то, что Вы ушли, не верится: так и ждешь, что увидишь в коридоре Вашу капитальную фигуру, но нет — уже не увижу. Радио — это коллектив, где все больше и ближе, чем коллеги, здесь позволено и прощается больше. Мы шутили, что Вы большой во всех смыслах человек, но это и правда было так — Вы были человеком с большим и добрым сердцем. И для нас, радийщиков, Вы никуда не ушли. Мы будем продолжать вспоминать и говорить о грозном повелителе радиоволн, благодаря которому нас слышно и иногда видно. Будет грустно обедать без Вас и грустно вспоминать, как в ближайшем кафе все знали, что в "Эликсир здоровья" нужно положить двойной имбирь специально для дяди Миши. Здоровье подвело… Но мы не подведем Вас, Михаил Степанович, и будем стараться, чтобы начатое Вами дело продолжало жить и бесперебойно работать. Покойтесь с миром.

Табылды Кадырбеков, фотокабарчы

Дядя Миша казался довольно грубым, но он всегда был добр ко мне. Именно он настоял на том, чтобы я работал в Sputnik. Он был убедителен, а его шутки были настолько остроумными, что их не всегда можно было понять сразу. Михаил Степанович был для меня наставником, и только я с первых дней знакомства называл его "дядя Миша". Мне больно осознавать, что потерял такого великодушного человека…

Максим Марочкин, үн режиссеру

Очень больно воспринимать новость об утрате замечательных, необычных и дорогих нам людей. Михаил Степанович навсегда останется в моей памяти добрым, светлым и очень интересным человеком. Он творец, благодаря которому был создан наш маленький мир с колоссальными техническими возможностями. Благодаря Михаилу Степановичу мы можем делится информацией с огромной аудиторией. Пусть земля ему будет пухом! 

Основатель популярной Фейсбук-группы Черный список — нам не понравилось и сотрудник агентсва Sputnik Кыргызстан Михаил Рогожин
© Sputnik / Табылды Кадырбеков
Основатель популярной Фейсбук-группы "Черный список" — нам не понравилось" Михаил Рогожин

Иван Шульдяков, үн режиссеру

Михаил Степанович, как же так?! Еще буквально полторы недели назад мы с Вами здоровались утром как ни в чем не бывало! Справедливый, разносторонний, с блистательным умом и великолепным чувством юмора, человек с большой буквы! Нам будет Вас не хватать! Покойтесь с миром...

Бактияр Бердибеков, SMM адиси

Михаил Рогожиндин туугандарына терең кайгыруу менен көңүл айтам. Аза кайгысын тең бөлүшөм. Биз үчүн оор жоготуу болду. Ал өз ишин мыкты билген адам эле.

17
Белгилер:
Sputnik Кыргызстан, пневмония, өлүм, эскерүү, жетекчи
Тема боюнча
Аялдын сырттаны эле... Бүбүкан Досалиевага жазылган некролог
Бишкек шаарынын казысы Садридин ажы Маджитов көз жумду
Өлкө башчы Сооронбай Жээнбеков премьер-министр Кубатбек Боронов менен онлайн кеңешме өткөрдү

Президент өткөргөн онлайн кеңешмеде Боронов эки көйгөйдү атады

34
(жаңыланган 18:55 13.07.2020)
Өкмөт башчы чет өлкөлөрдөгү Кыргызстандын элчиликтери аркылуу зарыл болгон дарыларды алып келүү сүйлөшүлүп жатканын кошумчалады.

БИШКЕК, 13-июл. — Sputnik. Өлкө башчы Сооронбай Жээнбеков премьер-министр Кубатбек Боронов менен онлайн кеңешме өткөрүп, анда өлкөдөгү эпидемиологиялык кырдаалды турукташтыруу боюнча чаралар талкууланды. Бул тууралуу президенттин маалымат кызматы кабарлады.

Ага ылайык, онлайн кеңешмеде өкмөт башчы коронавирус менен күрөшүүдө эки негизги көйгөйдү атады. Алар — дары-дармек боюнча кырдаал жана медициналык адистердин жетишсиздиги.

Боронов эл көп колдонгон бир катар дары-дармектин жана медициналык каражаттардын партиясы өлкөгө келгенин айтып, чет өлкөлөрдөгү Кыргызстандын элчиликтери аркылуу зарыл болгон дарыларды алып келүү боюнча маселе сүйлөшүлүп жатканын кошумчалаган.

Боронов "Гансиге" барып, медиктер менен бейтаптардан кабар алды. Сүрөт

Ал эми президент айрым дары-дармектердин кымбатташы жана таңсыктыгы эл ичинде нааразычылык жаратып жатканын айткан. 

Президент Кыргызской Республики Сооронбай Жээнбеков сегодня, 13 июля, провел онлайн-совещание с Премьер-министром Кыргызской Республики Кубатбеком Бороновым.
© Пресс-служба президента КР / Султан Досалиев
Өлкө башчы Сооронбай Жээнбеков
"Биз элди дары-дармек менен камсыздашыбыз шарт. Бул багытта фармацевтикалык компаниялар менен тыгыз иштешип, элге керектүү дары-дармектерди алып келиш керек", — деди өлкө башчы.

Жээнбеков медиктердин, анын ичинде ооруп калган дарыгерлердин айлык акылары жана компенсациялык төлөмдөрү убагында берилиши керектигин да белгилеген. Ошондой эле компьютердик томографиядан өтүүдө элге жеңилдиктер каралышы керектигин айткан.

Бишкектегидей кырдаал кайталанбашы үчүн аймактарда даярдык кандай? Расмий жооп

Боронов биринчи жарым жылдыкта мындай жабдуудан алтоо алынганын, Бишкекте азыр жалпы 12 компьютердик томография бар экенин билдирген. Азыркы тапта облустарды да ушундай жабдуу менен камсыз кылуу пландалып жатканы кошумчаланды.

34
Белгилер:
көйгөй, кеңешме, Кубатбек Боронов, Сооронбай Жээнбеков, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Мэрия: эми ар бир райондо түнкү стационарлар ачылат