Жаназа окуу. Архив

Сөөктү жерге берүү үчүн канча акча жана эмне документ керек? Расмий маалымат

596
(жаңыланган 18:18 25.10.2018)
Жакын адамдын өлүмүнө күбө болгон убакта кайда кайрылуу керек, өлкөнүн көрүстөндөрүнүн биринде жерге берүү үчүн кайсы документтер зарыл, ошондой эле маркумдун өлүмүнөн кийинки жөлөк пулду кантип алууга болот? Sputnik Кыргызстандын кезектеги материалы дал ушул туурасында.

Макала аза кызматын көрсөткөн агенттиктери, юристтер, Бишкек өлүкканасынын адистери берген жана Юстиция министрлигинин сайтында жайгаштырылган расмий маалыматтын негизинде даярдалды.

Адам каза болсо кайда кайрылуу керек?

Эгер адам каза тапса, дароо милицияга кайрылуу абзел. Участкалык инспектор менен соттук-медициналык эксперт келет. Милиция кызматкери сөөктү карап чыккандыгы боюнча протокол түзөт, ал эми сотмедэксперт киши колдуу болуп-болбогондугу боюнча бүтүм чыгарат.

Эгер соттук-медициналык эксперт киши колдуу болгон деп тапса же өлүмдүн эч кандай объективдүү себептери такталбаса, анда сөөктү өлүкканага патологоанатомдордун изилдөөсүнө жөнөтүшөт. Бардык экспертизалардан кийин өлүм себеби аныкталат. Эгер кырсык жолдо болсо, анда маркумдун сөөгү ошол жерден соттук-медициналык өлүкканага жиберилет.

Жогоруда айтылгандардын эч бирине маркумдун жакындары акы төлөбөйт.

Ички иштер органдарынын өкүлү чакырылып, сөөктү карап чыккандыгы боюнча протокол түзүлгөндөн кийин каза болгон киши көрүнүп жүргөн бейтапканага төмөнкү документтерди чогултуп алып кайрылуу зарыл:

— милиция кызматкеринин сөөктү карап чыккандыгы боюнча протокол, соттук-медициналык эксперттин ырастамасы;

— медициналык полис жана маркумдун амбулатордук картасы;

— маркумдун паспорту же анын өздүгүн аныктаган документ, ошондой эле кайрылып жаткан жакынынын паспорту.

Сөөктү союу керекпи? Бул канча турат?

Сөөктү патологоанатомиялык союу зарылдыгын өлүмдү ырастоого келген дарыгер аныктайт.

Эгер эксперт өлүм себебин аныктоодо эки анжы болсо, маркумдун сөөгүн изилдөөгө патологанатомиялык бөлүмгө жеткирүү үчүн атайын медициналык кызматка өзү кайрылат.

Бишкектин өлүкканасында изилдөө 2015-жылдан бери акысыз жүргүзүлөт. Бул кызмат каза болгон кишинин сөөгүн бальзамдоо, грим сүйкөө өңдүү процедураларды камтыбайт.

Өлүм боюнча күбөлүктү кантип алууга болот?

Өлүм боюнча врачтык күбөлүктү маркум мурда көрүнүп жүргөн райондук бейтапкана жазып берет. Аны алуу үчүн каза болгон кишинин паспорту жана күбөлүк алууга кайрылган жакынынын паспорту зарыл, бул документ маркумдун бир тууган жана жакындарынын бирине гана берилет.

Бул документтердин негизинде райондук бейтапкана же маркум катталган жердеги ооруканадан өлүм боюнча медициналык күбөлүк жазып берилет.

Ошондой эле өлүм боюнча жарандык күбөлүк да алууга туура келет. Анүчүн райондук ЗАГСка кайрылуу зарыл. Ал мекемеге кайрылардан мурун колдо төмөндөгү документтер болушу шарт:

— өлүм боюнча медициналык күбөлүк;

— маркумдун паспорту, ал болбосо, турак жай китепчесинен көчүрмө;

— кайрылган жакынынын паспорту.

Бул ырастама менен сөөктү коюуга социалдык жөлөк пул алууга болот.

Сөөк коюу ырасымы кайсы жерде өтөт? Сөөк көмүү канча турат?

Сөөк маркум катталган же каза тапкан жеринде жерге берилет.

Кыргызстанда эки миңден ашуун көрүстөн бар. Белгилей кетсек, Чүй облусунда гана көрүстөндөн орун алуу үчүн акы төлөш керек. Ички миграциянын жапырт башталгандыгынан улам ушундай көрүнүш келип чыккан.

Көрүстөндөрдүн бирине сөөк коюу үчүн жергиликтүү райондук администрация же айыл өкмөтүнө кайрылуу абзел. Сөөктү коюу акысы жергиликтүү бюджетке кетет. Бул суммага көрүстөндөгү орун баасы гана кирет. Сөөк көмүүчүлөрдүн акысы өзүнчө төлөнөт, анын өлчөмү тууралуу көрүстөнгө көз салуучу менен сүйлөшүлөт. Ал өз кезегинде мүрзө казуу үчүн жумушчуларды табат. (жумушчулардын ишин уюштурат).

Сөөк коюуга мамлекеттен кантип жөлөк пул алыш керек?

Бул төлөмдү бардык жарандардын алууга акысы бар. Анын өлчөмү — 1000ден 7000 сомго чейин. Мамлекет бул каражатты төлөп бериши үчүн төмөнкү документтердин топтому керектелет:

— сөөк коюу үчүн жөлөк пул төлөп берилиши боюнча арыз;

— кайсы жерде жайгашкандыгына карабастан, КР ЗАГСынан берилген өлүм боюнча ырастама же өлүмү тууралуу күбөлүктүн көчүрмөсү;

— маркумдун акыркы жашаган жеринен анын үй-бүлөсүнүн курамы тууралуу тастыктама;

— кайрылган кишинин жашаган (катталган) жери көрсөтүлгөн өздүгүн тастыктоочу документтин көчүрмөсү (сөөктү жерге берчү адамдардын);

— өлүк коюу ырасымын аткаруучу агенттик же айыл өкмөтү, үй жана кварталдык комитеттердин сөөк коюу фактысын тастыктаган ырастама кагазы;

— төлөм которула турган банк эсебинин реквизиттери.

Жөлөк пулду алуу үчүн маркум жашаган жердеги социалдык өнүктүрүү башкармалыгына кайрылуу зарыл.

596
Белгилер:
Кыргызстан, Бишкек, сөөк, көрүстөн, документ, азан
Тема боюнча
Өлгөнгө шарт, көмгөнгө жер жок! Көбөйүп бараткан көрүстөндөр көйгөйү
"Өлдү" деп балп эте көрбөңүз... Адамдын каза болгонун кантип туура айтуу керек?
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

4
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

4
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет
Көчөдө бараткан адам. Архив

Эксперт: COVID бир нече жылдан кийин кадимки сасык тумоодой болуп калышы мүмкүн

25
(жаңыланган 13:31 01.08.2021)
Адистин айтымында, дүйнөдө беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Ошентсе да алар коронавирустун жеңил түрү менен ооруй бериши мүмкүн.

БИШКЕК, 1-авг. — Sputnik. Коронавирус бир нече жылдан кийин кадимки сасык тумоо сыяктуу болуп калышы ыктымал. Ал тургай ага антителасы барлар да ооруп, эл дартты жеңил формада көтөрүшү мүмкүн. Бул тууралуу антисептиктин формуласын ойлоп тапкан швейцариялык адис Дидье Питте РИА Новости агенттигиндеги маегинде айткан.

Ал дүйнөдө пандемияга алып келген коронавирустун бир нече түрү бар экенин айтып, бирок адамдар жуктуруп жаткан түрүнө иммунитет бала кезден эле иштелип чыгарын белгилеген.

"Биз бул вирустарды билип, иммунитет иштелип чыккан күндө деле убакыт өткөн сайын ал жеңил сасык тумоо сыяктуу болуп калат. Беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Бирок анын жеңил түрү менен ооруй берет. Ал сасык тумоодой эле болуп калат", — деди ал.

Питте дүйнөдө коронавируска каршы вакцина иштелип чыкпаганда жамааттык иммунитеттин пайда болуусу үчүн 6дан 10го чейин коронавирус толкуну болушу керек эле деген ойду кошумчалаган. Ал калк канчалык көп эмделсе, дүйнө ошончо эрте кадимки жашоого кайтарын эскертип, балдарды да эмдөө керектигине токтолгон.

25
Белгилер:
коронавирус, сасык тумоо, мутация, эмдөө
Тема:
Дүйнөгө жайылган коронавирус
Тема боюнча
Дарыгер коронавирустан кийин кимдерде тромбоз пайда болорун айтты