Депутат Акылбек Жамангуловдун архивдик сүрөтү

212 чарчы метрлик үйү бар. Акылбек Жамангуловдун байлыгы

2013
(жаңыланган 10:35 25.10.2018)
Sputnik Кыргызстан агенттиги Акылбек Жамангуловдун 2015-2016-жылдары тапшырган декларациясы менен таанышты.

БИШКЕК, 24-окт. — Sputnik. Бүгүн, 24-октябрь күнү, Жогорку Кеңештин депутаты Акылбек Жамангулов MegaCom бренди менен таанымал "Альфа Телеком" компаниясына жетекчи болуп дайындалды

Бүгүн 30 жашка толгон Акылбек Жамангулов "Республика — Ата-Журт" фракциясынан депутат болуп келген.

Sputnik Кыргызстан агенттиги мамлекеттин менчигинде турган ири компаниялардын бирине жетекчи болгон депутаттын эмне байлыгы бар экенин 2015-2016-жылдары тапшырган декларациясынан карап чыкты.

Белгилей кетсек, Мамлекеттик салык кызматы 2017-жылдын декларациясын азырынча жарыялай элек.

Акылбек Жамангуловдун 2015-жылы тапшырган декларациясына караганда, бир жылдын ичинде депутаттык кызматынан 835 миң 719,29 сом тапкан. Мындан сырткары, 212 чарчы метрлик батири, 19,1 чарчы метрлик гаражы жана контейнери бар. Ошондой эле чарба субъектисинин (ЖЧК) 60 пайыз үлүшүнө ээлик кылат. Унаасы жок. Жакын туугандарынын байлыгы көрсөтүлгөн эмес.

Депутат 2016-жылы тапшырган декларациясына ушул эле мүлкүн көрсөткөн. Болгону тапкан акчасы бир аз кыскарып, 689 миң 719 сомду түзгөн.

2013
Белгилер:
депутат, MegaCom, Жогорку Кеңеш, Акылбек Жамангулов
Тема боюнча
Депутат Акылбек Жамангулов MegaCom компаниясынын жетекчиси болду
Бош турган министрликтердин башчылыгына талапкерлер сунушталды