Альфа Телеком (MegaCom) компаниясынын башкы директору болуп дайындалган Акылбек Жамангулов. Архив

Өкүл атасы аэропортту, өз атасы арак заводду башкарган. Жамангулов жөнүндө 8 факты

4058
(жаңыланган 09:20 26.10.2018)
Бүгүн эл өкүлү Акылбек Жамангулов "Альфа Телеком" (MegaCom) компаниясынын башкы директору болуп дайындалды.

30 жаштагы жаңы жетекчи буга чейин кандай кызматтарды аркалаганына жана ата-тегине Sputnik Кыргызстан агенттиги кызыгып көрдү.

30 жашта. 1988-жылдын 24-октябрында Чүй облусунун Кемин шаарында туулган.

Депутат ЖК Акылбек Жамангулов. Архивное фото
© Фото / пресс-служба ЖК
Жамангуловдун эмгек жолу 15 жашында башталган

Атасы аткаминер жана бизнесмен болгон. Жекшен Жамангулов Спирт жана алкоголдук ичимдиктерди өндүрүү, сактоо жана жүгүртүү мамлекеттик агенттигинин директору болгон. Ошондой эле ал Балыкчыдагы ликер-арак заводун негиздеген компаниялардын бирин жетектеген. Апасы Нуржамал Ысык-Көлдүн Тоң районунун кызы.

Өкүл атасы. Жамангуловдун өкүл атасы — Эрик Шайдинов, 2011-2013-жылдары "Манас" аба майданын жетектеген. Ошол эле жылдары Жамангулов аэропорттун башкаруу кеңешинин мүчөсү, жетекчинин жардамчысы болгон.

Депутат Жогорку Кенеша от Республики — Ата-Журт Акылбек Жамангулов
© Фото / Атабек Жамангулов
Аэропортто өкүл атасынын жардамчысы болуп иштеген

15 жашында иштей баштаган. Эмгек жолун 2003-жылы 15 жашында Балыкчыдагы "Көк-Ойрок" ликер-арак заводунан баштаган. 17 жашында "Альфа Ширсфилд Аудит" ишканасынын кардарларды тартуу бөлүмүнө ишке орношкон. 18 жашында "Альфа Маркетинг" ЖЧКсында коомчулук менен байланышуу боюнча менеджер болуп иштей баштаган.

Үй-бүлөсү. Жубайы Чолпон экөө эки баланы тарбиялап, учурда үчүнчүсүн күтүп жаткан кези. Келинчеги ага мектепти аяктаары менен турмушка чыккан.

Тойлорго мораторий. Ушул жылдын сентябрь айында Жогорку Кеңеште мамлекеттик маанилүү болбогон той-топурга 5 жылга чейин мораторий киргизүүнү сунуштаган. Анда Жамангулов мамлекеттик бюджеттин эсебинен 100дөн ашуун иш-чаралар өткөрүлөрүнө нааразы болгон.

Депутат Жогорку Кенеша от фракции Республика — Ата-Журт Акылбек Жамангулов. Архивное фото
© Фото / пресс-служба ЖК
Депутат кезинде мамлекеттик маанилүү болбогон той-топурга 5 жылга чейин мораторий киргизүүнү сунуштаган

Үч жогорку билими бар. 2011-жылы Кыргыз-Россия славян университетин "финансы жана кредит" адистиги боюнча аяктаган. 2014-жылы ТИМдин дипломатиялык академиясынын "эл аралык мамилелер" бөлүмүн бүтүргөн. Үчүнчү жогорку билимге Кыргыз мамлекеттик юридикалык окуу жайынан ээ болгон.

Жылкыга кызыгат. Жылкы баласын абдан баалап, эс алуусун ат үстүндө өткөрүүнү жакшы көрөт. Буга чейин берген маектерине караганда, айына жок дегенде эки жолу шаар четине чыгып, таза абада ат минет. Негизи эле мал-жанга жакын. Кичине кезинен эле чоң атасына кошулуп, жайлоого мал көчөрүп, тоо койнунда конуп-түнөп жүргөн.

4058
Белгилер:
факты, MegaCom, Акылбек Жамангулов, Кыргызстан
Тема:
Кыргыздын көркөм өнөрү, белгилүү инсандары жөнүндө фактылар (375)
Тема боюнча
212 чарчы метрлик үйү бар. Акылбек Жамангуловдун байлыгы
Депутат Акылбек Жамангулов MegaCom компаниясынын жетекчиси болду
Ырчы Самара Каримова. Архив

Самара Каримова кызматынан кол жуушу мүмкүн. Маданият министрлиги сотко даттанды

11
(жаңыланган 14:26 19.01.2021)
Министрлик ырчы кызмат ордун калыбына келтирүү жөнүндө доо арызын эки жылдан кийин жазып, сотко кайрылуу мөөнөтүн өткөрүп жибергенин белгилейт.

БИШКЕК, 19-янв. — Sputnik. Маданият, маалымат жана туризм министрлиги ырчы Самара Каримованы музыкалык окуу жайга кайрадан дайындоо боюнча Биринчи май райондук сотунун чечимине каршы доо арыз менен сотко кайрылды. Бул туурасында ведомствонун маалымат кызматы билдирди.

Анда Биринчи май райондук сотунун судьясы процессуалдык мыйзамдардын бузулушуна жол бергени белгиленет.

"Эмгек укугу боюнча адистер жана тажрыйбалуу юристтер менен кенен талкуулаган соң министрлик Биринчи май райондук сотунун чечимине макул болбой 15-январда Бишкек шаардык сотуна доо арыз менен кайрылды", — деп айтылат маалыматта.

Маданият министрлиги келтирген жүйөлөр:

Министрликтин атынан сотко ыйгарым укугу жок өкүл катышкан. Демек, бул процедуралык мыйзамды одоно бузуу болуп саналат;

КР Жарандык процессуалдык кодексинин талабы боюнча өкүлгө ишеним кат берилиши керек. Сотко баруудагы ишеним кат 2020-жылдын 14-октябрында кызматынан бошотулган министр Азамат Жаманкулов тарабынан берилген. Бирок 14-октябрда министр болуп Нуржигит Кадырбеков дайындалган. Сот азыркы министрден жаңы ишеним кат талап кылышы керек болчу;

Доогер Самара Каримова 2020-жылдын ноябрь айында, башкача айтканда, жумуштан бошотулгандан эки жылдан кийин, кызмат ордун калыбына келтирүү жөнүндө доо арыз жазган. Эмгек кодексинин 414-беренесине ылайык, эки айдын ичинде ыйгарым укуктуу органга кайрылышы керек. Доогер сотко кайрылуу мөөнөтүн өткөрүп жиберген.

Ошондой эле бул ишке тиешеси бар кызматкерлерге карата министрликте кызматтык иликтөө жүргүзүлөрү айтылды.

Эске салсак, КРдин эмгек сиңирген артисти Самара Каримова Оштогу Ниязалы Борошев атындагы музыкалык окуу жайына соттун чечими менен директор болуп келген. Бирок аны эмгек жамааты кабыл албай, бир топ талаш-тартыш жаралууда. Ал эми кечээ, 18-январь күнү кечинде директордун кабинетинин эшигин буздуруп кирген.

Ырчы аталган музыкалык орто окуу жайына директор болуп 2018-жылдын октябрында дайындалып, эки күндөн кийин ал буйрук кайра жокко чыгарылган.

Ошол кездеги маданият, маалымат жана туризм министри Азамат Жаманкулов дайындоо мыйзамсыз болгонун билдирген.

Каримова экс-министрдин чечимин сотко берип, утуп алганы быйыл 13-январда маалым болду.

11
Белгилер:
кайрылуу, сот, Маданият министрлиги, жетекчи, Самара Каримова
Тема боюнча
Кайрат Примбердиев "КР эмгек сиңирген артисти" наамын сактап калды
Маданият министрлиги Курал Чокоев менен Кайрат Примбердиевге чара көрдү

Бишкекте православдар Крещение майрамын белгилешти. Чиркөөдөн сүрөттөр

11
  • Сүрөттөр православ христиандарынын Бишкектеги чиркөөсүнөн тартылды
  • Кудайга сыйынып жаткан аял
  • Православдардын ишенимине ылайык, сыйынуу шам жагуу менен башталат
  • Дин кызматкери зыярат учурунда
  • Крещение майрамын Кудайга тилек айтуу менен баштайт
  • Майрамды белгилөө маалында дагы санитардык нормалар эске алынып, бет кап тагынып келгендер болду
  • Жыл сайын Крещениеден бир күн мурун православдардын чиркөөсүндө ыйык сууну келгендерге чачуу жөрөлгөсү жасалат
  • Крещение майрамы ыйык Рождестводон кийин (6-18-январь) белгиленет
  • Крещение майрамынын экинчи атын Богоявление деп атап коюшат
  • Ыйык Жазууларга ылайык, Иисус атайын Галилеядан Иордан дарыясына келип ыйык сууга түшүп кетчү
  • Чиркөөнүн кызматкери келгендерге ыйык суу чачууда
  • Крещение майрамынын жөрөлгөлөрү 19-январга караган түнү өттү
Sputnik Кыргызстандын фотокабарчысы Табылды Кадырбеков бул кадрларды Жибек Жолу жана Тоголок Молдо көчөлөрүнүн кесилишинде жайгашкан чиркөөдөн тартып келди.

Салт боюнча Крещение майрамы сыйынуу менен башталат. Жыл сайын Крещениеден бир күн мурун православдардын чиркөөсүндө ыйык сууну келгендерге чачуу жөрөлгөсү жасалат. Андан соң Чүй облусундагы сууга чөмүлүп чыгышат.

Крещение майрамын ыйык Рождестводон кийин (6-18-январь) белгилешет. Ыйык Жазууларга ылайык, Иисус атайын Галилеядан Иордан дарыясына келип сууга түшүп кетчү.

 

11
  • Сүрөттөр православ христиандарынын Бишкектеги чиркөөсүнөн тартылды
    © Sputnik / Табылды Кадырбеков

    Сүрөттөр православ христиандарынын Бишкектеги чиркөөсүнөн тартылды

  • Кудайга сыйынып жаткан аял
    © Sputnik / Табылды Кадырбеков

    Кудайга сыйынып жаткан аял

  • Православдардын ишенимине ылайык, сыйынуу шам жагуу менен башталат
    © Sputnik / Табылды Кадырбеков

    Православдардын ишенимине ылайык, сыйынуу шам жагуу менен башталат

  • Дин кызматкери зыярат учурунда
    © Sputnik / Табылды Кадырбеков

    Дин кызматкери зыярат учурунда

  • Крещение майрамын Кудайга тилек айтуу менен баштайт
    © Sputnik / Табылды Кадырбеков

    Крещение майрамын Кудайга тилек айтуу менен баштайт

  • Майрамды белгилөө маалында дагы санитардык нормалар эске алынып, бет кап тагынып келгендер болду
    © Sputnik / Табылды Кадырбеков

    Майрамды белгилөө маалында дагы санитардык нормалар эске алынып, бет кап тагынып келгендер болду

  • Жыл сайын Крещениеден бир күн мурун православдардын чиркөөсүндө ыйык сууну келгендерге чачуу жөрөлгөсү жасалат
    © Sputnik / Табылды Кадырбеков

    Жыл сайын Крещениеден бир күн мурун православдардын чиркөөсүндө ыйык сууну келгендерге чачуу жөрөлгөсү жасалат

  • Крещение майрамы ыйык Рождестводон кийин (6-18-январь) белгиленет
    © Sputnik / Табылды Кадырбеков

    Крещение майрамы ыйык Рождестводон кийин (6-18-январь) белгиленет

  • Крещение майрамынын экинчи атын Богоявление деп атап коюшат
    © Sputnik / Табылды Кадырбеков

    Крещение майрамынын экинчи атын Богоявление деп атап коюшат

  • Ыйык Жазууларга ылайык, Иисус атайын Галилеядан Иордан дарыясына келип ыйык сууга түшүп кетчү
    © Sputnik / Табылды Кадырбеков

    Ыйык Жазууларга ылайык, Иисус атайын Галилеядан Иордан дарыясына келип ыйык сууга түшүп кетчү

  • Чиркөөнүн кызматкери келгендерге ыйык суу чачууда
    © Sputnik / Табылды Кадырбеков

    Чиркөөнүн кызматкери келгендерге ыйык суу чачууда

  • Крещение майрамынын жөрөлгөлөрү 19-январга караган түнү өттү
    © Sputnik / Табылды Кадырбеков

    Крещение майрамынын жөрөлгөлөрү 19-январга караган түнү өттү

Белгилер:
белгилөө, майрам, чиркөө
Тема боюнча
Путин Рождество күнү байыркы чиркөөгө барып зыярат кылды. Видео
Православдар Рождествону кантип белгиледи. Чиркөөдөгү сүрөттөр