MegaCom компаниясынын мурдагы жетекчиси айына 12 миң доллар айлык алып турган
(жаңыланган 15:23 28.10.2018)
Аталган компанияга жаңы дайындалган Акылбек Жамангулов өзүнүн айлыгы канча болорун айтты.БИШКЕК, 26-окт. — Sputnik. MegaCom компаниясынын башкы директорлугуна дайындалган Акылбек Жамангулов мекеменин мурдагы жетекчиси айына 12 миң доллар алып келгенин Sputnik Кыргызстан агенттигине берген маегинде билдирди.
Белгилей кетсек, Жамангулов буга чейин Жогорку Кеңештин жыйынында MegaCom компаниясынын жетекчилиги 20 миң долларга чейин айлык аларын айтып чыккан.
"Компаниянын топ-менеджери аларды эч ким текшербей турганынан пайдаланып негизсиз түрдө өзүлөрүнө көп айлыкты белгилеп алышкан. Жыйында мен ушул нерсени сынга алгам. Андан кийин Мамлекеттик мүлк фонду менен премьер-министр MegaСom компаниясынын топ-менеджерлеринин айлыгын кыскартуу чечимин кабыл алышты. Башкы директордун маянасы 60-70 пайызга чейин кыскартылды. Ал эми директор айына 20 миң доллар алып турган деген маалымат такталбай, аныгында жетекчинин айлыгы 12 миң доллар болгону ырасталды. Ошентсе да бул аябай көп деп ойлойм", — деди ал.
©
Sputnik / Табылды Кадырбеков
30 жаштагы Акылбек Жамангулов 24-октябрда "Альфа Телеком" (MegaCom) компаниясынын башкы директору болуп дайындалган.
Жаш жетекчи тууралуу кызыктуу 8 фактыны окуңуз.
Жамангулов менен болгон маектин толук вариантын орус тилинде бул жактан окуңуз.
Баткен облусунда коомдук транспорт жүрө баштады
БИШКЕК, 10-авг. — Sputnik. Баткен облусунда район, шаар аралык коомдук транспорттун ишмердүүлүгүнө уруксат берилди. Бул тууралуу Республикалык штаб кабарлады.
"Баткен облусунда учурдагы кырдаал талап кылган бардык санитардык-эпидемиологиялык эрежелерди жана талаптарды сактоо менен жандандырууга уруксат берилди. Мындай чечим коронавирус менен күрөшүү боюнча облустук штабда кабыл алынды", — деп айтылат маалыматта.
Бишкек: соода жана тамактануу жайлары, транспорт жаңы тартипте иштөөгө өтөт
Автотранспорт агенттигинин жетекчилигине коомдук транспорттордо санитардык норманы сактоо боюнча айдоочуларга жана жүргүнчүлөргө түшүндүрүү иштерин жүргүзүү, автотранспортторду дезинфекциялоо, алардын ишине такай рейддерди жүргүзүп туруу тапшырмалары коюлду.
Азырынча облустар аралык коомдук транспорттун каттоосуна уруксат бериле элек.
Кыргызстан Түркия менен туруктуу аба каттамдарын жандантты
(жаңыланган 13:19 10.08.2020)
Учурда Республикалык ыкчам штаб бир катар алыскы жана жакынкы мамлекеттер менен туруктуу аба каттамдарды кайрадан баштоо боюнча сүйлөшүүлөрдү жүргүзүүдө.БИШКЕК, 10-авг. — Sputnik. Кыргызстан менен Түркиянын ортосундагы туруктуу аба каттамдары жанданды. Бул тууралуу брифинг учурунда Жарандык авиация агенттигинин директору Курманбек Акышев айтты.
"Бүгүнкү күндөн тарта Түркия менен Кыргызстандын ортосунда туруктуу каттамдарды түрктөрдүн эки, Кыргызстандын бир компаниясы аткара баштайт. Pegasus Airlines, Turkish Airlines жана Avia Traffic компаниялары аптасына эки жолудан учат", — деди Акышев.
Ошондой эле ал Кувейт жана Өзбекстандын авиакомпанияларынан туруктуу каттамдарды ачуу боюнча сунуш түшкөнүн, учурда бул маселе Республикалык штабда каралып жатканын кошумчалады.
Кыргызстандан Россияга кетчү каттамдар. Күнү жана шарты
Буга чейин Бириккен Араб Эмирлигинин ортосундагы аба каттам кайра жанданганы айтылган эле. Алгачкы учактар 14, 21, 28-август күндөрү абага көтөрүлөт.
Ал эми россиялык "Аэрофлот" эпидемиологиялык абалга байланыштуу деп буга чейин пландалган август айындагы бардык каттамдарын токтоткон.