Цены на уголь в Бишкеке

Бишкекте көмүр канчадан сатылып жатат? Кара алтындын баасына саресеп

(жаңыланган 12:58 31.10.2018)
Кыргызгидромет бүгүнтөн баштап өлкөдө абанын температурасы төмөндөп, көпчүлүк аймактарда жаан, кар жаай турганын маалымдады.

Күн муздаса эле көмүр кампаларында кезек көбөйүп, кара алтынга болгон суроо талап да өсөт. Учурдан пайдаланып ортомчулар дароо бааны көтөрө калышат.

Sputnik Кыргызстан агенттиги калаадагы айрым көмүр кампаларын жана майда көмүр саткан жайларды кыдырып бааларын сурап билди.

Бишкектеги көмүр кампаларынын көбү Мурманский көчөсүндө жайгашкан. Дээрлик бардыгында Кара-Кече көмүрү сатылат. Баасы ар кайсы кампада ар кандай, көпчүлүгүндө тоннасы 3600-3900 сомдон кем эмес. 

Продажа угля на улице Мурманская в Бишкеке
© Sputnik / Бактияр Бердибеков
Учурда Кара-Кече көмүрүнүн бир тоннасы 3600-3900 сомго чейин сатылууда

Аба ырайы жылуу кезинде баргандыктанбы же көмүр кампалары көп болгондуктанбы, айтор узун кезекке тизилген алуучуларды деле көрө алган жокпуз. Арасында баага нааразы болгон кардарлар бар экенин байкадык.

"Көмүрдүн баасы күн сууктаган сайын көтөрүлөт. Кечээ эле 3500 сомдон сатып жатышты эле, бүгүн 3700-3800 болуп калыптыр", — деди көмүр алып жаткан калаа тургуну Үсөн Бегишев.

"Кыргызкөмүр" ишканасынын пландоо бөлүмүнүн башкы адиси Нурлан Омошевдин айтымында, Монополияга каршы жөнгө салуу мамлекеттик агенттигинин бекитип берген баасы боюнча Кара-Кеченин өзүнөн көмүрдүн бир тоннасы 1300 сомдон чыгат. 

Склад на улице Мурманская, где продается уголь
© Sputnik / Бактияр Бердибеков
Элге сатылып жаткан кара алтындын туруктуу баасын бир дагы маморган ишкерлерге бекитип бербейт

Бирок Бишкекке келгенде аны ишкерлер эки-үч эсе кымбат сатышат. Кызыгы, элге сатылып жаткан кара алтындын туруктуу баасын бир дагы маморган ишкерлерге бекитип бербейт. Ар бир ишкер наркты өзү коет. Ал эми Монополияга каршы жөнгө салуу агенттиги бааны көзөмөлдөө үчүн өкмөттүн атайын токтому чыгышы керектигин маалымдады.

Кара-Кечеден көмүр ташып келгендер болсо өздөрүнө аз эле акча түшөрүн айтып, көпчүлүк каражат күйүүчү май, айдоочунун акысы сыяктуу майда-чүйдө кызматтарга жумшаларын билдиришти.

Көмүр кампаларындагы сатуучулардын бири Чолпонбай Алымкулов көмүрдүн баасына нааразы болгондор баарына өздөрү күнөөлүү дейт. 

Склад на улице Мурманская, где продается уголь
© Sputnik / Бактияр Бердибеков
Кара-Кечеден көмүр ташып келгендер көпчүлүк каражат күйүүчү май, айдоочунун акысы сыяктуу майда-чүйдө кызматтарга жумшаларын айтты

"Күн жылууда тоннасы 3000 сомдон сатылып жатканда эч ким албайт. Мына азыр күн ачык, чакырсаң да эч ким келбейт. Эртең кар жаап салса, кезекке туруп араң алып кетишет, анан бааны көтөрүп жибердиңер деп нааразы болушат. Жол тайгак болуп, айдоочулар күндөп-түндөп узун жолдо унаа менен тонналап көмүр ташыйт. Ал жактан барып эле жүктөп кетпейт, кезекке турушат, суукта дөңгөлкөтөрү жарылат. Мунун баарын эсепке алуу зарыл", — деди Алымкулов.

"Кыргызкөмүр" ишканасынын пландоо бөлүмүнүн башкы адиси Нурлан Омошев быйылкы жылга көмүр жетиштүү экенин айтты. 

Главный специалист Кыргызкомура по топбазам Нурлан Омошев во время интервью
© Sputnik / Бактияр Бердибеков
"Кыргызкөмүр" ишканасынын пландоо бөлүмүнүн башкы адиси Нурлан Омошев: бүгүнкү күндө 583 миң тонна көмүр калкка берилди

"Өкмөттүн токтомуна ылайык, быйыл жалпы 2 миллион 300 миң тонна көмүр даяр болушу керек. Анын 1 миллион 83 миң тоннасы калктын керектөөсүнө жумшалса, 1 миллион тоннасы ТЭЦке, 246 миң тонна көмүр бюджеттик социалдык мекемелерге жумшалат. Ал эми 1 миллион 83 миң тоннасы элге керектөөгө берилет. Бүгүнкү күндө 583 миң тонна калкка берилди", — деди Омошев.

Кардарлардын арасында Казакстандын көмүрүнө кызыккандар да жок эмес. Бирок анын баасы жергиликтүү Кара-Кече көмүрүнө салыштырмалуу бир аз кымбат. Учурда Кара-Жыра көмүрүнүн бир тоннасы 4100 сомдон, ал эми Шабыркүлдүн бир тоннасы 4200 сомдон бааланууда. 

Цены на уголь в Бишкеке
© Sputnik / Бактияр Бердибеков
Учурда Кара-Жыра көмүрүнүн бир тоннасы 4100 сомдон, ал эми Шабыркүлдүн бир тоннасы 4200 сомдон бааланууда

Бишкектин батыш бөлүгүндөгү "Кара жыра" көмүр кампасынын жетекчиси Шерзот Ахмедов акыркы эки жылдан бери Казакстандан мурдагыдай көмүр көп келбей калганын айтты.

"Учурда кампада миң тонна көмүр бар. Жакында дагы 15 вагон менен миң тонна көмүр келиши күтүлүүдө. Акыркы эки жылдан бери вагондордун жетишсиздигинен көмүр мурункудай көп келбей калды. Анткени Казакстанда өздөрүнө вагон жетишпей жатат, бизде башынан эле тартыш. Жергиликтүү көмүрдөн кымбат болгон себеби, биздики 2000 чакырым алыстыктан келет, ал эми Кара-Кеченикин 200 чакырым эле алыстыктан алып келишет. Айырмасы 300-400 эле сом. Бизде баа дайыма туруктуу. Анын үстүнө дайыма монополияга каршы жөнгө салуу агенттиги келип текшерип турат. Былтыр өкмөт башчы тапшырма бергенде жумасына үч жолу келип текшеришчү", — деди Ахмедов.

Тонналап көмүр алгандардан дагы кап-кап менен алган шаардыктар көп экен. Учурда Кара-Кече көмүрүнүн бир кабы 200 сомдон, Шабыркүл менен Кара-Жыраныкы 250 сомдон сатылып жатат. 

Мешки с углями на улице Мурманская в Бишкеке
© Sputnik / Бактияр Бердибеков
Тонналап алгандардан дагы кап-кап менен көмүр алган шаардыктар көп экен

Бишкек шаарындагы көмүр сатылган жайлардын даректери:

Ленин району

"Ак-Жол" ЖЧКсы, Мурманск көчөсү, №1а;
"Торг-Синтез" ЖЧКсы, Мурманск көчөсү, №59а;
Гагарин көчөсү, 67;
Гагарин көчөсү, 86;
Баррикадный туюк көчө;
Саранск туюк көчө;
Гагарин көчөсү, 59
Гагарин көчөсү, 61а
Гагарин көчөсү, 63
Гагарин көчөсү, 67
Гагарин көчөсү, 84

Биринчи Май району

"Ак босого" жаңы конушу;
Кызыл-Кыя көчөсү, 170;
Щербаков көчөсү, 121;
Саадаев — Чүй проспектиси, 56;

Свердлов району

"Восход и К" ишканасы, Достоевский көчөсү, 1;

Октябрь району

"Торго-Синтез" ишканасы, Төкөлдөш жаңы конушу, "Аламүдүн" станциясы;
Көмүр сатылган жайлардын даректери "Кыргызкөмүр" ишканасынан алынды. Ишкана өкүлдөрү учурда көмүр саткан ишкер, сатуучулардын телефон номерлери тез-тезден алмашып кетип жатканын айтып, тизме жаңыланып, толукталып турарын кошумчалады.

Белгилер:
нарк, көмүр, Бишкек
Тема боюнча
"Электр станциялары": Кыргызстандыкына караганда казак көмүрү арзан түшөт
Ашырбаев: 8 айда 247 миң тонна көмүр экспорттолду
Медициналык кызматкерлер COVID-19 менен ооругандарды дарылап жатышат

7 киши көз жумуп, 272 киши вирус жугузуп алды. COVID статистикасы

(жаңыланган 10:17 23.04.2021)
Кыргызстан боюнча коронавирус аныкталгандардын саны 93 278ге жетти. Ал эми орудан 87 717 киши айыкты. Каза болгондордун саны 1 573кө барды.

БИШКЕК, 23-апр. — Sputnik. Өткөн суткада Кыргызстанда 272 кишиден коронавирус табылып, 163 бейтап оорудан сакайып чыкты. Бул тууралуу Республикалык штабдан билдиришти.

Жуктургандар:

  • Бишкек шаары – 148;
  • Ош шаары – 6;
  • Чүй облусу – 86;
  • Ош облусу – 4;
  • Талас облусу – 2;
  • Нарын облусу – 3;
  • Ысык-Көл облусу – 18;
  • Жалал-Абад облусу – 4;
  • Баткен облусу – 1.

Айыккандар:

  • Бишкек шаары – 78;
  • Ош шаары – 3;
  • Чүй облусу – 52;
  • Ош облусу – 3;
  • Нарын облусу – 2;
  • Ысык-Көл облусу – 15;
  • Жалал-Абад облусу – 6;
  • Баткен облусу – 4.

Ушуну менен коронавирус аныкталгандардын саны 93 278ге жетти. Ал эми оорудан айыккандардын саны 87 717 болду.

Тилекке каршы, кечээтен бери коронавирус Бишкектен төрт, Чүй облусунан үч кишинин өмүрүн алды. Көз жумгандардын жалпы саны 1 573кө жетти.

Белгилер:
статистика, коронавирус, Бишкек, Кыргызстан
Тема:
Кыргызстандагы коронавирус жуктуруп алгандар
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Кыргызстанга "Спутник V" вакцинасы кантип жеткирилди. Видео
Каза болгон кыргызстандыктын сөөгүн жеткирүү. Архив

Кытайда каза болгон кыргызстандык студенттин сөөгүн алып келишти

(жаңыланган 09:47 23.04.2021)
Кыргызстандык 22 жаштагы жигиттин сөөгү Бишкекке учак менен жеткирилип, андан соң туугандарына өткөрүп берилди.

БИШКЕК, 23-апр. — Sputnik. Кытайда жол кырсыгына кабылып каза болгон кыргызстандык студенттин сөөгү Бишкекке жеткирилди. Бул тууралуу ТИМдин маалымат кызматынан кабарлашты.

"Кыргызстандын Ш.Б. аттуу жаранынын сөөгү Кытайдан Кыргызстанга жеткирилип, мекенине көмүү үчүн туугандарына өткөрүп берилди. Анын туугандарына Кыргызстандын Пекиндеги элчилиги тиешелүү консулдук-укуктук көмөк жана маркумдун сөөгүн Кыргызстанга жөнөтүүдө башка зарыл жардамдарды көрсөттү. Бул процедура катуу карантиндик чектөөлөр шартында жана түз эл аралык аба каттамдар болбогон учурда ишке ашырылган", — деп айтылган маалыматта.

Эске салсак, Кытайдагы окуу жайлардын биринде билим алып жүргөн 22 жаштагы Ш.Б. марттын соңунда кырсыктаган. ТИМ буга чейин Кытайдын укук коргоо органдары иш боюнча иликтөө жүргүзөрүн кошумчалаган болчу.

Белгилер:
студент, сөөк, Кыргызстан, Кытай
Тема боюнча
Чет жакта көз жумган КР жарандарынын сөөгүн алып келүүдө жеңилдик берилет

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн