Жээнбеков мушкер Хабиб Нурмагомедов менен жолукту. Сүрөт

© Пресс-служба президента КР / Султан ДосалиевПрезидент Сооронбай Жээнбеков встретился с чемпионом UFC Хабибом Нурмагомедовым
Президент Сооронбай Жээнбеков встретился с чемпионом UFC Хабибом Нурмагомедовым - Sputnik Кыргызстан
Жазылуу
Кыргызстандын президенти Түркия жетекчисинин чакыруусу менен Стамбулга кеткен.

БИШКЕК, 30-окт. — Sputnik. Президент Сооронбай Жээнбеков UFC чемпиону Хабиб Нурмагомедов менен жолукту. Ал учурдан тартылган сүрөттөрдү мушкердин атасы, Iagles MMA клубунун башкы машыктыруучусу Абдулманап Нурмагомедов Instagram тармагындагы баракчасына киргизген.

Мушкердин атасы президент Жээнбеков менен жолугушуу жылуу маанайда өткөндүгүн жазган. Машыктыруучу кыргызстандыктар Хабибдин командасын дайыма кучак жайып тосуп аларын жазган.

Жолукканда президент мушкерди ирландиялык спортчу Конор Макгрегорду жеңгени менен куттуктаган. Абдулманап Нурмагомедов постунда президенттин фамилиясын жазууда "Жээнбекович" деп ката кетирип алган.

Хабиб Нурмагомедов кечээ Түркия лидери Режеп Тайип Эрдоган жана анын жубайы менен түшкөн сүрөтүн жарыялап, бул жолугушууга абдан кубангандыгын билдирген.

Жээнбеков кечээ, 29-октябрда Түркиянын 95 жылдыгына арналган жана Стамбулдун жаңы аэропортунун ачылыш салтанаттарына катышуу үчүн учуп кеткен.

Жаңылыктар түрмөгү
0