Жол оңдоо иштери. Архив

Мэрия Бишкекте быйыл канча көчө оңдолгонун айтты

171
(жаңыланган 13:44 31.10.2018)
Кийинки жылы 6 көчө оңдолуп, 2 көпүрө колдонууга берилет.

БИШКЕК, 30-окт. — Sputnik. Бишкекте быйыл оңдоо үчүн пландалган көчөлөрдөгү иштер аяктаганын мэриянын маалымат кызматы билдирди.

Муниципалитет кийинки жылга коюлган пландар тууралуу да маалымат берди.

2017-жылдан бери ишке ашырылып келе жаткан шаардын көчөлөрүн жакшыртуу долбоорунун биринчи фазасынын алкагында 95 чакырымды түзгөн 49 көчөнү оңдоо каралган. Учурда 47 көчөдө оңдоо иштери аяктады, анын ичинде Баялинов көчөсү да бар. Аталган жолдун Баку көчөсү менен Махатма Гандиге чейинки үч чакырым бөлүгү толук оңдолду. Аны менен кошо жол белгилери да коюлган.

Тоголок Молдо көчөсүнүн Жибек Жолу проспектисинен Саадаевге чейинки бөлүгү төрт айда оңдолуп, 3 чакырым 120 метр жолго асфальт төшөлгөн.

Ошондой эле Токтогул көчөсү менен Аламүдүн дарыясына узундугу 34, туурасы 23 метр болгон көпүрө салынды. Андан сырткары, Орозбеков көчөсү менен Чоң Чүй каналына дагы көпүрө курулган.

Калган алты көчө 2019-жылы оңдолот. Алардын ичинде Абай, Нуркамал, Токтогул, Алтымышев жана башка көчөлөр бар.

171
Белгилер:
жол оңдоо, Бишкек мэриясы, Бишкек, Кыргызстан
Тема боюнча
Бишкекте жаңы бульвар курулат
Бишкекти кантип кулпуртса болот? Жаңы мэр Азиз Суракматов менен маек
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

13
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

13
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды
Бутакта конуп турган чымчык. Архив

Жаздын биринчи күнүнө карата аба ырайы

26
Дүйшөмбүгө караган түнү жаан-чачын күтүлбөйт. Өлкө аймагында жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-фев. — Sputnik. 1-мартта күндүз республика боюнча күн ачык болот. Бул тууралуу Кыргызгидромет маалымдады.

Абанын температурасы Чүй, Талас, Ош, Жалал-Абад жана Баткен облустарында +8..+13, Ысык-Көлдө +2...+7, Нарын жергесинде -3...+2 градус болот.

Бул күнү термометр Бишкекте +8...+10, Ошто +10...+12 градуска көтөрүлөт.

26
Белгилер:
Кыргызстан, аба ырайы
Тема боюнча
Күн качан жылыйт? Жаздын алгачкы жумасына карата аба ырайы