Кара көз айнекчен Саякбай Каралаев менен залкарлар чай үстүндө. Таберик сүрөт

649
(жаңыланган 00:37 09.11.2018)
Солдон оңго Саякбай Каралаев, драматург Касымалы Жантөшев, жазуучу Шүкүрбек Бейшеналиев, акын Кубанычбек Маликов, адабиятчы Өмүркул Жакишев жана жазуучу Аалы Токомбаев
Солдон оңго Саякбай Каралаев, драматург Касымалы Жантөшев, жазуучу Шүкүрбек Бейшеналиев, акын Кубанычбек Маликов, адабиятчы Өмүркул Жакишев жана жазуучу Аалы Токомбаев
из семейного архива Маликовых

Көз айнек тагынып отурган улуу манасчы Саякбай Каралаев менен драматург Касымалы Жантөшев, жазуучу Шүкүрбек Бейшеналиев, акын Кубанычбек Маликов, адабиятчы Өмүркул Жакишев жана жазуучу Аалы Токомбаевдин сүрөтү 1959-жылы Жалал-Абад облусунда тартылган.

Ал жылдары кыргыз интеллигенциясы эл аралап чыгармаларын окуп, манас айтып, үгүт иштери жүргүзүп келишкен.

Ошол кезеңди белгилүү манасчы, филология илимдеринин кандидаты Талантаалы Бакчиев мындайча эскерет:

"Сүрөттөгү инсандар жыл сайын план коюп, айыл-кыштактарды аралап чыгарма, ырларын окуп мамлекеттик саясатты жүргүзүшчү. Көбүнчө сакмал, кыркын маалында жайлоолорго барып өздөрүнүн өнөрүн тартуулап турушкандыгын угуп калгам. Калемгерлерге комузчу, ырчы же манасчыларды атайын кошуп жиберишчү. Таланттар 1-2 жума бою элетти аралап жүрсө,  ал үгүт тобунун көркү ар дайым Саякбай Каралаев болгондугун айтышат. Малчылар, дыйкандар  "сакадай бою сары алтын" кишинин эл  алдына чыгуусун чыдамсыздык менен күтүшчү экен. Улуу манасчы кара көз айнекти зарылчылыктан улам кийиптир. Себеби адамдын жашы өтүп калганда көзү ооруп, жаш агып калат эмеспи. Ал киши өзүнө кам көрүп, сапаттуу көз айнектерди тагынчу экен", — деди Бакчиев.

Ошондой эле ал союз маалында акын-жазуучу, манасчылар кылган үгүт иштерге учурда да коомчулук суусап тургандыгын кошумчалады.

Эске сала кетсек, ошол жылы залкар манасчы Саякбай Каралаев 65 жашта болгон.

649
Белгилер:
Сүрөт, манасчы, Саякбай Каралаев, Кыргызстан
Тема:
"Таберик сүрөт" — сейрек кездешкен ирмемдер (113)
Тема боюнча
Шаар четине чыгып урушуп келишчү. Рыскулов менен Күмүшалиеванын таберик сүрөтү
Чокморов Аринбасарованы эмнеге "таарынтты"? "Уландагы" таберик сүрөт
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

8
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

8
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт
Терезенин жанында турган адам. Архив

Парламенттик шайлоого катышууну каалаган партиялардын кожоюндары кимдер? Тизме

21
Күздөгү парламенттик шайлоого катышуу ниетин 44 саясий партия билдирди. Sputnik Кыргызстан алардын лидерлери жана негиздөөчүлөрү тууралуу макала даярдады.

Шайлоо 4-октябрда өтөт. Ага катышууну каалаган 44 партия БШКга арыздарын беришти. Маалымат Юстиция министрлигинин сайтынан жана Шайлоо жана референдум ѳткѳрүү боюнча борбордук комиссиясынын сайтынан алынды.

Партия тууралуу кененирээк маалымат билүү үчүн анын аталышын басыңыз.

Маалыматта айырмачылыктар болуп жаткандыктан, булактарды көрсөтүү менен эки вариантты тең бердик. Ошондой эле партиялардын катталган (жаңы уюшулган) жана кайра катталган (партиянын саясий курамы өзгөргөндө) убактары көрсөтүлгөн.

Кызыгы, партияны кимдер түзгөндүгү тууралуу маалыматты айрымдар көрсөткөн эмес. Мындан тышкары, бул 44 партия тең парламенттик шайлоого катыша алат деген кепилдик жок. 24-августка чейин алар талапкерлердин тизмесин берүү менен күрөө коюшу керек. Ал эми 4-сентябрга чейин БШК каттоого алат же баш тартат.

 

21
Белгилер:
Парламент, тизме, саясый партия, БШК, шайлоо, Кыргызстан
Тема:
Шайлоо-2020
Тема боюнча
Добуш сатып алууга каршы күрөш. Жээнбеков мыйзамга кол койду
Шайлдабекова: үгүт иштеринде концерт, спорттук оюндарды өткөрүүгө тыюу салынат
Боронов: шайлоого даярдык боюнча Республикалык штаб түзүлдү