Бөлмөдөгү аял жана эркек. Архив

Төшөк кумары даба болчу дарттар аталды. Тизме

21590
(жаңыланган 09:43 05.11.2018)
Жумасына жок дегенде эки жолу сүйүктүүсү менен "эс алган" адамдын иммунитети башкалардыкынан 30 пайыз жогору болот.

БИШКЕК, 1-ноя. — Sputnik. Байма-бай дене кумарына батып туруу бир нече оорунун алдын алат. Бул тууралуу Bulletin of Experimental Biology and Medicine журналы жазып чыкты.

Мисалы, жумасына жок дегенде эки жолу сүйүктүүсү менен "эс алган" адамдын иммунитети башкалардыкынан 30 пайыз жогору болот.

"Сексуалдык жактан өтө активдүү эркектер жүрөк кан тамырлары ооруларына аз чалдыгат. Ошондой эле сасык тумоо, простатит сыяктуу илдеттерден оолак болот. Ал эми аял кишиники этек кири турукташып, ооруксунбай келет", — деп айтылат макалада.

Ал эми түркиялык окумуштуулар төшөк кумары бөйрөктөгү таштарды түшүрүүгө дагы пайдалуу экенин айтып чыгышкан.

Себеби эмнеде десеңиз, кумарга батуу учурунда адамдын ондогон, айрым учурда машыгуу залында оңой менен иштебей турган булчуңдары аракетте болот. Өзгөчө секс жүрөккө жана кан тамырларга жакшы таасир этип, айрым учурда жаңы капиллярлардын пайда болушун шарттайт.

21590
Белгилер:
эркек, ден соолук, илдет, секс, аял
Тема боюнча
Окумуштуулар идеалдуу төшөк кумарынын сырын ачты
Секс-роботторду төшөк мамилесинен баш тартууга да үйрөтүштү
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

50
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

50
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

85
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

85
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!