Визит президента Сооронбая Жээнбекова в Ош

Жээнбеков: Айтматовдун алтын балалыгы Сулайман-Тоонун этегинде өткөн

388
(жаңыланган 10:12 04.11.2018)
Ош шаарында Айтматовдун чыгармачылыгына байланыштуу иш-чара өтүүдө.

БИШКЕК, 3-ноя. — Sputnik. Президент Сооронбай Жээнбеков Ош шаарында өтүп жаткан "Ош — Чыңгыз Айтматовдун тагдырында" аттуу иш-чарада улуу жазуучунун балалык чагы Сулайман-Тоо менен Ак-Буура дарыясынын боюнда өткөнүн айтты. Бул тууралуу өлкө башчынын маалымат кызматы билдирди.

"Күнөстүү Ош менен Айтматовдун тагдыры да, үй-бүлөсүнүн тарыхы да бекем байланышкан. Мына ушул байыркы шаарда, Сулайман-Тоонун этегинде, Ак-Бууранын боюнда Чыңгыз Айтматовдун алтын балалыгы өткөн. Ал ордолуу Оштун бала бакчасында тарбияланган. Атасы Төрөкул Айтматовдун мамлекеттик ишмердиги касиеттүү Оштон башталып, партиянын Араван-Буура райкомунун биринчи катчысы болгон", — деди Жээнбеков.

Президент, ошондой эле, Айтматовдун өмүр таржымалын изилдеген окмуштуулар Ош шаарынан көптөгөн кызыктуу фактыларды тапса болорун айтып, жазуучу элин, өлкөсүн жана эне тилин чын дилден сүйгөнүнө токтолуп, ага бүт өмүрүн, зор талантын, чыгармачылык дараметин арнаганын кошумчалады.

Белгилей кетсек, улуу жазуучунун мааракесине арналган иш-чаралар Бириккен Улуттар Уюмунда дагы уюштурулду. Түрксой уюму быйылкы жылды "Айтматов жылы" деп жарыялады. Андан сырткары, Түркияда, Өзбекстанда, Россияда, Казакстанда, Азербайжанда Чыңгыз Айтматовдун мааракеси мамлекетик деӊгээлде белгиленди.

Айтматовдун китептери дүйнөнүн 176 тилине которулуп, Жер шарынын 128 өлкөсүндө 100 миллиондон ашык нуска менен басылып чыккан.

388
Белгилер:
Чыңгыз Айтматов, Сулайман тоо, Ош
Тема:
Чыңгыз Айтматовдун 90 жылдыгы (43)
Тема боюнча
Айтматовдун урматына коллекциялык тыйын чыкты. Сүрөтү окшошот бекен?
Бишкекте Айтматовдун мааракесине карата окуучулар ортосунда сынак өтөт
Субаналиева: Айтматовдун 90 жылдыгына карата бир топ фильм тартылууда
Асанбаева: "Айтматов жана театр" эл аралык фестивалы өтөт
Кыз парктта кол чатыр менен бара жатат. Архив

Жумага карата аба ырайы

11
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

11
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

104
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

104
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео