Премьер-министр Мухаммедкалый Абылгазиевдин архивдик сүрөтү

Абылгазиев суу каптаган балдар хосписи боюнча мэрге тапшырма берди

76
(жаңыланган 16:32 09.11.2018)
Бүгүн эртең менен ысык суу кеткен түтүк жарылып, Бишкектеги балдар хосписинин биринчи кабатын жана жер төлөсүн суу каптаган.

БИШКЕК, 8-ноя. — Sputnik. Премьер-министр Мухаммедкалый Абылгазиев "Биринчи балдар хосписи" коомдук кайрымдуулук фондуна жардам көрсөтүү боюнча Бишкек шаарынын мэри Азиз Суракматовго тапшырма берди. Бул туурасында өкмөттүн маалымат кызматы билдирди.

Белгилей кетсек, бүгүн, 8-ноябрда, эртең менен ысык суу кеткен түтүк жарылып, имараттын биринчи кабатын жана жер төлөсүн суу каптаган. Анын кесепетинен ичиндеги эмерек жана техника жарактан чыгып, бөлмөлөрдү капиталдык ремонттон өткөрүү зарылчылыгы жаралган. Мындан улам социалдык тармакта хосписке жардам көрсөтүү демилгеленген.

"Өкмөт башчы борбор калаанын муниципалитетине балдар хосписиндеги авариянын кесепетин жоюу жана тийиштүү жардам берүү боюнча тапшырма берди", — деп айтылат маалыматта.

"Биринчи балдар хосписи" коомдук кайрымдуулук фонду оор илдеттен жапа чеккен балдар менен үй-бүлөлөргө медициналык, материалдык жана психологиялык колдоо көрсөтүү менен алектенет.

76
Белгилер:
жардам, балдар, Мухаммедкалый Абылгазиев
Тема боюнча
Бишкектеги балдар хосписинде түтүк жарылып, имаратты суу каптады. Жардам керек
Суракматов сөзүнө турду! Сабалган окуучу боюнча чоңдор жазаланды
Нарын шаарынын бир бөлүгү он күнгө жылуулуксуз калды. Себеби
Пикирлер