Кучакташып турган түгөй. Архив

Көңүлдөш болуудан тажадым! Үй-бүлөлүү эркектин очогун бузгусу келген аял

7776
(жаңыланган 19:38 13.11.2018)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында өз жолун таба албай жүргөн аялдын катын жарыялайбыз.

Саламатсыздарбы, мен сиздерге кеңеш алуу үчүн кайрылып жатам. Анткени бир чечимге келе албай убарамын. Эки жыл мурун үй-бүлөлүү киши менен мамиле куруп баштагам. Анын көңүлдөшү болуу мен үчүн нормалдуу эле нерсе болчу. Бирок жакын адамдарым токол болуу кемсинүү экенин айтып, "үй-бүлөсүн таштатууга аракет жаса" дешти. Бирок башында сүйүктүүмө анын үй-бүлөсүнө "кийлигишпейм" деп сөз берип алгам. Чогуу болгон учурда балдары, аялы тууралуу такыр сөз кылбайбыз. Бирок акыркы кезде убактымды текке кетирип жаткандай сезиле баштады. Башкалар менен да мамиле кура албайм. Анткени ал мени каражат менен камсыздайт, мен болсо көзүнө чөп салбайм деп сүйлөшкөнбүз. Бирок мага жумасына бир эле ирет жолукканыбыз аздык кылууда.

Жакында аны менен бардыгын ачык сүйлөшүп, өзүмдүн кооптонууларым жана мамилебизди мыйзамдаштыруу тууралуу сүйлөштүм. Чындыгында жинденип көп нерселерди айтат го деп ойлогом. Бирок ал сабырдуулугун көрөсөтүп, жубайы болуу кыялымды сезгендей болду, бирок балдары үчүн тынчсызданып жатат.

Ошондон бери менин жана анын жашоосун толук өзгөртсөмбү, бирге түтүн булатсакпы деп ойлоно баштадым. Экинчи тарабынан коркуп жатам. Аялынын ордуна мени тапкандай эле дене-боюм өзгөргөндө мени дагы таштап башканы таап алабы деп кооптоном.

Эмне кыларымды билбей калдым, кеңеш бериңиздер.

Ильдар Акбутин, психолог:

Албетте, бир дагы аял өзүнүн сүйүктүү адамына көңүлдөш болууну каалабайт. Сиз "мен анын жубайынан жаш жана сулуумун. Ошол үчүн мени тандады" деп ойлойт экенсиз. Бирок ошол эле учурда "менин дагы көзүмө чөп салсачы" деп санаа тартып жатасыз.

Экөөңөр мамилеңерди ачыктап баш кошкон күндө дагы сиз аны "солго" баспай атабы деп шек санай бере турган болосуз. Анткени өзүңүз анын жашоосунда дал ушундай жол менен пайда болгонсуз. Экинчиден, азыркы жубайынан балдары болгондон кийин сиз менен жашап атып деле аларга барып, каралаша берет. Дегеним, азыркы үй-бүлөсү анын жашоосунан баш-оту менен эч качан жок болуп кетпейт. Сиз ушул нерсеге даярсызбы?

Дагы бир өтө маанилүү нерсе — бир эле эркек көңүлдөштүн ролунда башка, күйөөнүн ролунда башка адам болорун эске алышыңыз керек. Азыр сиз аны менен анда-санда кезигип, ошол сааттар майрамдай сезилет. Ал эми көртирлик — бул таптакыр башка нерсе, бири-бириңердин кемчиликтериңерди жакындан көрө баштайсыңар.

Акырында эмне үчүн сизди үй-бүлөлүү эркек кызыктырып жатканына акыл калчап көрүңүз. Балким мурда бирөөдөн көңүл калып, азыр бир жигиттин мыйзамдуу, жашоосундагы жалгыз аялы болуудан чочулап жаткандырсыз. Балким башы башка аялга байланган эркексиз деле өз алдыңызча жаңы жашоо баштоого алыңыз жететтир.

Мындай кеңештерден кийин дагы чечим кабыл ала албасаңыз, психолог менен көзмө-көз кезигип сүйлөшүп көрүңүз.

Эгер "Психолог менен баарлашуу" рубрикасынын алкагында ичиңиздеги букту чыгарып, кеңеш алгыңыз келсе, news@sputnik.kg mailto: news@sputnik.kg дарегине "Адиске анонимдик кайрылуу" деген белги менен кат жолдоңуз. Каттар ар кыл темада кабыл алынат.

7776
Белгилер:
психолог, көңүлдөш, үй-бүлө, ойнош
Тема:
Психолог менен баарлашуу (169)
Тема боюнча
Же кете албай, же кала албай... Кайын журтун кыя албаган жесир келин
Эмчектеги балам менен көчөдө калдым. Кайын журту кууп чыккан келиндин арманы
Кабул шаары. Архив

Электростанциядагы жарылуудан улам Кабул толугу менен жарыксыз калды

60
(жаңыланган 23:18 21.10.2021)
Өлкөнүн Мамлекеттик энергетикалык корпорациясы электр кубатын өткөрүүчү зымдар иштен чыкканын маалымдаган.

БИШКЕК, 21-окт. — Sputnik. Афганистандын борбору Кабул шаары жана башка бир катар провинциялар жарыксыз калды. Бул тууралуу Афганистандын Мамлекеттик энергетикалык корпорациясы билдиргенин РИА Новости жазды.

Маалыматка ылайык, борбор калаанын түндүк-батышындагы электростанцияда жарылуу болгон. Анын кесепетинен электр кубатын өткөрүүчү зымдар иштен чыккан.

60
Белгилер:
Кабул, электр энергиясы, жарылуу, өчүрүү
Тема боюнча
Кабулдагы терактылар, Багландагы салгылаш. Талибдер көзөмөлдү колдон чыгаргандай
Афганистанда полиция имаратынын жанында жардыруу болду
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

50
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

50
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн
Россиянын президенти Владимир Путин

Путин: коммунисттер менен улутчулдарга бирдей кароо такыр туура эмес

0
(жаңыланган 01:00 22.10.2021)
Россиянын башчысы экинчи дүйнөлүк согушка байланыштуу маселелерди талашууга аргументтери бар экенин айтты.

БИШКЕК, 22-окт. — Sputnik. Коммунисттер менен улутчулдарды бирдей кароо такыр туура эмес. Бул тууралуу Россиянын президенти Владимир Путин Эл аралык “Валдай” дискуссиялык клубунун жыйынында билдирди.

Путин тарыхый эстеликтер тууралуу сөз болгондо экинчи дүйнөлүк согушка байланыштуу маселелерди талашууга аргументтери бар экенин айтты.

“Бизде 1917-жылдан 1990-жылга чейинки өлкөнүн башкаруучуларына көптөгөн дооматыбыз бар. Бул кадыр эсе көрүнүш. Бирок экинчи дүйнөлүк согуштун алдында коммунисттер менен улутчулдарды бир жерге коюп, жоопкерчилигин 50\50 пайыздан бөлүп кароо такыр орунсуз”, — деди Россия лидери.

Путин бул сөздөрдү СССРдин мураскери аталган Россиянын башчысы жана орус жараны болгону үчүн гана айтып жатпаганын белгиледи.

“Мен муну изилдөөчү катары айтып жатам. Архивде жаткан документтерди окуп чыктым”, — деди Россиянын башчысы.

Анын айтымында, анын арасында лагерлер жана репрессия сыяктуу Сталин жөнүндө көп нерсени эстесе болот.

“Бирок мен документтерден анын резолюцияларын көрдүм. Совет өкмөтү экинчи дүйнөлүк согуштун башталышына жол бербөө үчүн күрөшкөн”, — деди Путин.

Ошондой эле ал тарыхты бурмалоо аракети ар дайым болушу мүмкүн экенин, бирок жок дегенде документтерди окуп коюуга чакырды.

0
Белгилер:
Владимир Путин, тарых, улутчул, коммунист
Тема боюнча
Путин Афганистандын экономикасын калыбына келтирүү үчүн көмөктөшүүгө чакырды