Хакер. Архив

Хакерлер башка бирөөнүн почтасын, социалдык баракчасын бузуп берүүгө даяр. Баасы

423
(жаңыланган 22:44 11.11.2018)
Дүңүнөн сатып алгандарга жеңилдиктер каралган.

БИШКЕК, 10-ноя. — Sputnik. Хакерлер бир киши тууралуу маалыматтарды 50 долларга сатууга даяр. Анда кишинин электрондук почтасынын, социалдык тармактагы баракчаларынын сыр сөздөрү жана кандай порносайттарга кирерине чейинки маалыматтар камтылганын "Популярная механика" басылмасы жазды.

Хакерлер бири-бири менен купуя түрдө маалымат алмашуучу Даркнет сайтында баалар мындан да төмөн. Бул жактан "кызмат сурап" кайрылгандардын басымдуу бөлүгү кишинин электрондук адреси менен сыр сөзүн сурашат. Facebook баракчасын бузуп кирүү бир доллар, компьютерге же серверге аралыктан туруп кирүү беш доллардан 50 долларга чейин турат. Хакерлер комплекстүү түрдө кызмат сатып алгандарга жеңилдиктерди карап, өмүр бою кепилдик берет. Башкача айтканда, сиздин бир аккаунтуңуз иштебей калса, экинчисин бекер беришет.

Алынган маалыматтарды түрдүү колдонсо болот. Мисалы, ал кишинин акчасын колдонуп, анын компьютерине түрдүү вирус программаларды орното аласыз.

Мындай коркунучтардан кантип коргонуу керек? Бейтааныш кишиден почта аркылуу келген программаларды жана файлдарды ачпоо керек. Шек жараткан сайттарга кирбеңиз. Компьютер менен телефонуңузга ишенимдүү антивирус программасын орнотуп алыңыз.

423
Белгилер:
хакерлер, социалдык тармак, интернет
Тема боюнча
Википедиядагы тентектик. КР президенти — Шамаксутова, премьери — Осмонов
АКШда жаза өтөп жаткандар түрмөнүн атайын эсебин талкалап, 225 миң доллар уурдашты
Пикирлер