Бетин боегон кыз. Архивдик сүрөт

Бетти эле жыша бербей, курсакты тартып койчу! Сулуулар кыжырды кайнатканда

1811
(жаңыланган 22:36 13.11.2018)
Кыргызстанда той, андан кийинки орунда эле сулуулар сынагы көп өткөрүлсө керек. "Бишкек сулуусу, Кыргызстан периси, дүйнө сулуусу, аалам сулуусу", айтор сулуу тандай албай эле убарабыз. Алар же бир шумдук сулуу болсочу...

Sputnik Кыргызстан агенттиги сулуулар сынагына катышып жүргөн кыздардын кыжырга тийген учурларын калаа тургундарынан сураштырып көрдү.

Жасалма сулуулар. Бетке косметиканын баарын чаптап, кирпик, чачты коштуруп, өзүн сулуу сезип сынакка катышкандар аман эле болсун. Тулку бою келишкен болсо дагы мейли дейсиң, купальник кийип подиумга чыкса жоон буттарын көрүп уялып кетесиң. 

Курсактуулар. Сулуулар сынагына чыгып жаткандан кийин бети эле эмес, фигурасы да келишип турушу керек да. Айрымдары курсагы чыгып турса деле "сулуумун" деп чыга келишет. "Байлыгынын баары" купальник кийип чыкканда көрүнөт. Бетиңерди эле жыша бербей, фигурага деле көңүл бөлүп койсоңор боло.

Чачы узун, акылы кыскалар. Жүздөгөн, миңдеген элдин алдына чыгып жаткандан кийин "уят болуп калбайын" деп интеллектуалдык суроолорго даярданып келишсе. Кыргыздын беделдүү эле инсандарын билбей тантыраганда сынакты суутуп коюптурбу дегиң келет. Анан да "дүйнө сулуусуна ат салышам" дегенде күйбөгөн жериң күл болот.

Таажы талашкандар. Таажы тагынса эле жашоосу өзгөрүп кетчүдөй жеңилип калса ыйлап, анысы аз келгенсип жеңүүчү кызды болушунча жамандаган сулуулар да жинге тиет. Сынак деген сынак да, аны менен жашоо бүтүп калбайт. Баш байгени албаса эле сулуу болбой калмак беле, кызык. Башкысы, келбетиңди эл бааласа болду.

Коендой окшоштор. Сулуулук сынактар сандан сапатка өтпөй эле, сапаттан санга өтүп кеткендей. Катышуучулар деле бири-биринен айырмаланбайт, инкубатордон чыккансып макияжы, чач жасалгасы бүт окшош. Өх… тажап кетесиң! Ар ким өзүнө сулуу деңизчи, бирок сырткы келбетин элдин сынына койгондон кийин өзгөчөлүк деген болуш керек да.

1811
Белгилер:
келбет, сулуу, сынак
Тема:
Кыжырды кайнаткандар (57)
Тема боюнча
Бишкекте эң сулуу кыргызстандык бийкеч тандалды. Конкурстун видеосу
Сүрөт жөнөтүп кууратасыңар! WhatsApp тайпадагылар кыжырды кайнатканда
Маалкатпай тез өтчү! Жөө жүргүнчүлөр кыжырды кайнатканда
Эшикти катуу жапканда ыргып кетейин дейм! Жүргүнчүлөр кыжырды кайнатканда
Фантазия нөл, изденгенди билесиңерби?! Тамада кыжырды кайнатканда
Кишенчен киши. Архивдик сүрөт

Бишкекте дарыны кымбаттатып саткан шектүү кармалды

22
(жаңыланган 18:24 14.07.2020)
Белгисиз адам Б.Б. аттуу кишиге баасы 2 000 сомдук дарыны 6 000 сомго сатып, алдап кеткен. Изи сууй электе 31 жаштагы шектүү колго түштү.

БИШКЕК, 14-июл. — Sputnik. Борбор калаада мыйзамсыз дары сатууга шектелип 31 жаштагы адам кармалды. Бул тууралуу Милициянын кайгуул кызматынан кабарлашты.

Ага ылайык, 13-июлда Бишкек шаардык ИИББдин 102 кызматына Ахунбаев — Чапаев көчөлөрүнүн кесилишинде алданып калган жаран чалган.

Боронов: эл издеп жаткан дарыларды катып жаткан эки кампа табылды

"Айтылган дарекке ошол замат кайгуулчулар барган. Жыйынтыгында Б.Б. аттуу адамга болжол менен баасы 2 000 сомдук дарыны белгисиз киши 6 000 сомго сатып, алдап кеткени маалым болду. Ыкчам аракеттердин натыйжасында милиция кызматкерлери 31 жаштагы кишини кармашкан. Ал Ленин райондук ИИБдин тергөө бөлүмүнө өткөрүп берилген", — деп айтылат маалыматта.

Аталган факты Кылмыш жана жоруктардын бирдиктүү реестрине катталып, сотко чейинки өндүрүшкө алынганы кошумчаланды.

22
Белгилер:
милиция, мыйзам, алдамчылык, шектүү, дары, Бишкек
Тема боюнча
Жээнбеков: Кыргызстанда дары-дармек өндүрүү жолдору каралууда
Боронов: эл издеп жаткан дарыларды катып жаткан эки кампа табылды
Президент Сооронбай Жээнбеков Бишкекте ачылган түнкү стационарда

Жээнбеков ыктыярчыларга: мындай уул-кыздарыбыз барда дартты жеңерибизге ишенем

21
(жаңыланган 18:20 14.07.2020)
Өлкө башчы ыктыярчылар медиктерди камкордукка алып колдон келген жардамын көрсөтүп жүргөнүнө ыраазычылык билдирди.

БИШКЕК, 14-июл. — Sputnik. Президент Сооронбай Жээнбеков Бишкекте ачылган түнкү стационарларга барганда азыркыдай кырдаалда жан үрөп иштеп жаткан ыктыярчыларга өзгөчө баа берди.

Мамлекет башчы илдет менен күрөшүүдө ыктыярчылар медиктерди камкордукка алып колдон келген жардамын көрсөтүп жүргөнүнө ыраазычылык билдирди. Ошону менен бирге алардын активдүү жарандык позициясы менен стационарлар ачылып жатканын белгиледи.

Бөлмөгө киргенде өңүм бозоро түштү... Ыктыярчылар ооруканалардагы абал жөнүндө

"Бүгүнкү күндө ыктыярчылардын эмгеги баа жеткис. Мындай уул-кыздарыбыз турганда илдетти жеңерибизге бекем ишенем. "Жабыла көтөргөн жүк жеңил" дейт элибизде, калк башына түйшүк түшкөндө ынтымакташа кол сунган ыктыярчыларга ыраазычылык билдирем", — деди Жээнбеков.

Ошондой эле президент элдин күчү биримдикте, ынтымакта жана тартипте экенин кошумчалады.

 

21
Белгилер:
ыраазычылык, колдоо, медик, ыктыярчылар, Сооронбай Жээнбеков
Тема:
Коронавируска байланыштуу Кыргызстандагы кырдаал
Тема боюнча
Түркияда жашаган 18 кыргызстандык медик жардамга келмей болду
Калкка жардам көрсөтүү үчүн ыктыярчылар изделүүдө