Сулуулук сынагынын катушуучусу. Архив

Кишини тез арыктаткан 4 ыкма. Окумуштуулардын сунушу

5064
(жаңыланган 11:12 18.11.2018)
Азырынча тажрыйба чычкандарга гана жүргүзүлгөн. Жакын арада алардын айрымдары адамдарга карата да пайдаланылмакчы.

БИШКЕК, 17-ноя. — Sputnik. Ар кыл окумуштуулардын изилдөөлөрүнө таянуу менен ашыкча салмактан арылуунун төрт ыкмасы тууралуу РИА Новости жазды. 

Дүйнөлүк саламаттык сактоо уюмунун маалыматы боюнча бүгүнкү күндө жалпы калктын үчтөн бир бөлүгү семирүүдөн жапа чегип келет. Ашыкча салмактан жабыркагандардын басымдуу бөлүгү АКШ, Мексика жана Жаңы Зеландияда.

Муздак аба. Япониялык физиологдор алты жума бою күн сайын эки сааттан таза абада жөө басуу кишинин арыктатарын аныктап чыгышкан. Мындай көнүгүү ашыкча майды "жоготуп кое алчу" күрөң майдын көбөйүшүн шарттап, курсакта жана сан этте топтолгон майды эритет.

Сыйкырдуу таблетка. Техас университетинин медицина бөлүмүнүн кызматкерлери атайын дары ойлоп таап, ал тамакка чектөө койбой эле арыктоого шарт түзөрүн айтышты. Каражат организмде май топтолгон учурда зат алмашууну жайлаткан NNMT белогунун эксперссиясына жолтоо болот. Дары чычкандарга сыналган. Он күндөн кийин жандыктардын салмагы төмөндөп, майдын жалпы көлөмү азайган.

Окумуштуулар бул дарыны семирүүдөн катуу жабыркаган жана зат алмашуусу кескин начарлаган адамдарды дарылоодо кошумча каражат катары пайдаланууга сунушталарын айтышууда.

Углеводу аз тамак-аш. Углеводу аз тамак жеген кишинин мээси жана башка органдары кубат алуунун негизги булагы катары глюкоза эмес, майлуу кислоталар менен кетондорду пайдалана баштайт. Бул туурасында Рокфеллер университетинин биологдору иликтеп чыкканы айтылды. Организмде ал-күчтү үнөмдөө режими иштеп, булчуңдар чыңалып, клеткалардын картаюусу жайлайт.

Иликтөөнүн жыйынтыгына 20 апта бою 164 ыктыярчыга көз салган америкалык биологдор да макул. Тажрыйбага катышкандар  белоктуу жана майлуу тамак жегендер углеводу көп аш жегендерге караганда 200-300 калорийинен арылганы аныкталган.

Чай менен арыктоо. Калифорния университетинин окумуштуулары келген тыянак боюнча кара жана көк чайдын курамындагы полифенол заты ичеги-карынга таасир этип, салмак кошууга тоскоол болот.

5064
Белгилер:
диета, арыктоо, салмак, Окумуштуулар
Тема боюнча
Окумуштуулар диета кармабай, машыкпай эле арыктоонун ыкмасын айтып беришти
Чай ичүүнүн өзгөчө пайдасы айтылды
Тоодогу жамгыр. Архивдик сүрөт

Жекшембиге карата аба ырайы

32
Синоптиктер жекшемби күнү Кыргызстанда күн 33 градуска чейин ысый турганын маалымдашты.  Ал эми Чүйдө абанын өзгөрүп турары айтылды.

БИШКЕК, 6-июн. — Sputnik. Жекшемби күнү, 7-июнда, күндүз Чүй облусунун тоолуу райондорунда жамгыр жаап, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет маалымдады.

Абанын температурасы Чүй, Талас аймактарында +23...+28, Ош, Жалал-Абад, Баткен облустарында +28...+33, Ысык-Көлдө +19...+24, ал эми Нарын жергесинде +18...+23 градус болот. 

Күндүн табы борборубуз Бишкекте +26...+28, Ошто +30...+32 градус болору айтылды. 

32
Белгилер:
Кыргызстан, аба ырайы
Тема боюнча
Беш күн катары менен жамгыр жаайт. ӨКМ шашылыш билдирүү таратты
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.

60 жыл электр жарыгы жетпеген айылга электр мамылары коюлууда

92
(жаңыланган 20:59 06.06.2020)
Жазыкечүүлүктөрдүн сентябрдын башында башка кыргызстандыктар сыяктуу эле электр энергиясын кадимкидей пайдаланып калышары айтылды.

БИШКЕК, 6-июн. — Sputnik. Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду. Бул тууралуу "Жалал-Абад электр" ишканасынын маалымат кызматы билдирди.

1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.

  • Проводка электричества в селе Жазы-Кечуу Базар-Коргонского района
    Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
    © Фото / Зульфия Тургунова
  • Проводка электричества в селе Жазы-Кечуу Базар-Коргонского района
    1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.
    © Фото / Зульфия Тургунова
1 / 2
© Фото / Зульфия Тургунова
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
"Жалал-Абад электр" ишканасы Сузак районунун Кыз-Көл айылы тараптан Жазы-Кечүү айылына 18 чакырым аралыктан аба чубалгыларын тартуу иштерин баштады. 25 миллион сомдук долбоор аталган мекеменин өз каражатынын эсебинен жүргүзүп жатат", —  деп айтылган маалыматта.

Аталган ишканадан электр мамычаларды орнотуу жана башка иштер август айынын соңунда аяктап, 1-сентябрда айылга жарык берилип каларын билдиришти.

Жазы-Кечүү айылы Базар-Коргон районунун борборунан 110 чакырым алыста жайгашкан. Айылда 140 түтүн, тагыраагы, 600дөй адам жашайт. 100 орундуу мектеп жана ФАП бар.

Кышында кар калың жаап, кыш алты айга созулат. Эң алыскы тоолуу аймакта жайгашкан Жазы-Кечүү айылында 1960-жылдардан бери электр жарыгы жок.

92
Белгилер:
электр жарыгы, Базар-Коргон, Кыргызстан
Тема боюнча
Кар жаткан ашууда электриктер үч күн иштеп, бузулган линияны оңдоду. Сүрөт
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

0
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

0
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты