Депутат Сурабалдиева ага Жогорку Кеңештен эркек киши асылганын айтты

© Sputnik / Табылды КадырбековДепутат Эльвира Сурабалдиева
Депутат Эльвира Сурабалдиева - Sputnik Кыргызстан
Жазылуу
Эл өкүлү бейтааныш кишини жазалоого аракет көрбөй турганын айтып, коомчулук аны туура эмес түшүнүп калуусунан кооптонорун кошумчалаган.

БИШКЕК, 19-ноя. — Sputnik. Жогорку Кеңештин депутаты Элвира Сурабалдиева ага парламент имаратынын ичинен эркек киши асылганын Twitter баракчасына жазып чыкты. 

​"ЖК кызматкери лифтиде мага тийишип, бир маалда кучактоого өттү. Кесепети кандай болорун түшүнгөндөн кийин мени Ак үйдүн катардагы кызматкери деп ойлогонун айтты. Ал эми анын кесиптештери окуяны тамашага айлантууга аракет кылышты. Ворк-харассмент (иш учурунда асылуу) тууралуу ушуну билүү керек", — деп жазды эл өкүлү.

Тубаса шал оорусуна кабылган  25 жаштагы Айпери Аралбаева маек учурунда - Sputnik Кыргызстан
Таксисттин ою бузулуп колумду кармады... Майып кыз Айпери Аралбаеванын маеги
Ал эми депутат менен байланышкан Sputnik Кыргызстан агенттигинин кабарчысына Сурабалдиева баарынан да мындай окуялар мамлекеттик кызматта иштеген адамдар үчүн көндүм көрүнүш болуп калганына аябай таң калганын айтып берди.

Бирок эл өкүлү бейтааныш адамдын жазаланышына аракет жасабай турганын кошумчалап, коомчулук аны туура эмес кабылдап калышы мүмкүн экенин белгилеген.

Депутат өз сөзүндө кыргызстандыктарга да кайрылып кетти.

"Ар бир адамдын иштеп жаткан энеси, аялы, карындаш-эжеси бар. Эркек киши аларга карата ушундай мамиле жасалышын каалар беле? Ушуну ойлонуп көрүшсүнчү", — деди Сурабалдиева.

Парламентарий асылуудан аялдар эле эмес, кыздар, жада калса кичинекей балдар да жабыр тартышы мүмкүн экенине токтолду.

Жаңылыктар түрмөгү
0