Соска жана акча каражаттары. Архив

Сүйүнчү акча бир айда эмес, бир жумада берилип жатат. Жөлөк пул тууралуу

1597
(жаңыланган 11:51 22.11.2018)
Жаңы төрөлгөн ымыркайга сүйүнчү пул алууда кайсы документтер жоюлуп, кандай жеңилдиктер киргизилгенин Sputnik Кыргызстан агенттигинин материалынан окуңуздар.

Эмгек жана социалдык өнүктүрүү министрлигинин "Балага сүйүнчү" төлөмү боюнча долбоор тууралуу коомчулук арасында кайчы пикирлер айтылды. Айрымдары "кичине болсо да тыгынчык" деп алган акчасына сүйүнсө, башкалары сүйүнчү акчаны эки-үч айлап ала албай жаткандарын айтып нааразы болгон. Sputnik Кыргызстан агенттигинин кабарчысы Каныбек Бейшенбековдун окуясы буга далил. Кесиптеш бул процесс боюнча атайын макала жазып, ага кеткен убакыт, толгон-токой документ тууралуу айтып берген.

Бирок Эмгек жана социалдык өнүктүрүү министрлиги ушул жылдын июль айынан бери балага сүйүнчү берүүнүн жол-жобосу жөнөкөйлөштүрүлүп, андагы айрым документтер кыскартылганын билдирди. Балага сүйүнчү алуунун жаңы киргизилген шартын, жол-жобосун министрликтин өкүлү Айкөл Турганбаева айтып берди.

"Балага сүйүнчү" төлөмүн ким ала алат?

"Балага сүйүнчү" төлөмү 2018-жылдын 1-январынан баштап жана андан кийин төрөлгөн балдарга каралган. Төлөм асырап алынган жана камкорчулукка алынган балдарга да берилет.

Акчанын көлөмү канча?

"Балага сүйүнчү" төлөмүнүн өлчөмү ар бир балага — 4000 сом.

"Балага сүйүнчү" төлөмүн дайындоого арызды кайда тапшыруу керек?

Сүйүнчү пул алуу үчүн арызды жашаган жери боюнча жарандык абал актыларын каттоо органына (ЗАГС), калкты тейлөө борборлоруна же маалыматтык киоскилерге калтыруу керек. Ошону менен төмөнкү документтерди кошо берүү зарыл:

— арыз ээсинин паспорту;

— баланын туулгандыгы тууралуу күбөлүк;

— банктагы эсеби жөнүндө маалымат;

— арызды камкорчу адам тапшырса, балага камкорчу дайындоо жөнүндө соттун чечиминин көчүрмөсү керектелет. Эгер арыз менен кайрылман барса, анда кайрылман деген күбөлүгүн көрсөтүү зарыл болот.

Буга чейин балага сүйүнчү акчаны дайындоодо жогоруда көрсөтүлгөн документтерден сырткары арыз берүүчүнүн жашаган жеринен маалымкат да талап кылынчу. Азыр бул документ алынып салды.

"Балага сүйүнчү" төлөмдү дайындоо үчүн арызды ким тапшыра алат?

— ымыркайдын ата-энесинин бири;

— асырап алган адам;

— ишеним каттын негизиндеги ишенимдүү адам.

"Балага сүйүнчүнү" дайындоодо өзгөчө шарттар

"Балага сүйүнчү" алыш үчүн арыз бала төрөлгөн күндөн баштап алты ай ичинде тапшырылышы керек.

Бул мөөнөттөн кеч кайрылган учурда "балага сүйүнчү" берилбейт.

Банктык эсепке төлөм качан которулат?

Арыз берген күндөн тартып жети күндүн ичинде которулат. Буга чейин төлөм бир айдан ашуун убакытты талап кылчу. Бирок "балага сүйүнчү" пилоттук долбоор болгондуктан, акчаны алуудагы маселелер кайрадан каралып, төлөм бир жуманын ичинде берилип жатат. Жакынкы аралыкта үч күн ичинде берүү пландаштырылууда.

Банктык эсеп боюнча

Эгер ата-эненин өзүнүн банктагы эсеби бар болсо, арызга ошол эсептин реквизиттерин көрсөтсө болот. Банктык эсеби жок болсо, анда жаңы эсеп ачтыруусу кажет. Белгилей кетсек, Эмгек жана социалдык өнүктүрүү министрлиги менен 16 банктын ортосунда атайын келишим бар. Алар сүйүнчү пул боюнча кайрылган жарандарга акысыз банктык эсеп ачып бере алышат. Балага ачтырган банктык эсепти ата-эне кийин башка кызыкчылыктар менен деле пайдалана берсе болот.

Жыл башынан бери сүйүнчү акча алган балдардын саны

Министрликтин маалыматына караганда, 2018-жылдын 1-январынан 16-ноябрга чейин өлкө боюнча жалпы 82 миң 437 балага сүйүнчү пул берилген.

Эгерде "балага сүйүнчү" төлөмүн ала албай же бул боюнча маселе жаралып жаткан болсо, жарандар жашаган жериндеги райондук/шаардык эмгек жана социалдык өнүгүү башкармалыктарына кайрылса болот.

Ошондой эле 0312 30-01-26 жана 0312 62-45-48 телефондоруна чалып, көйгөйдү чечип алууга мүмкүнчүлүк бар.

1597
Белгилер:
Кыргызстан, каражат, төлөм, сүйүнчү пул
Тема:
Жөлөк пул (30)
Тема боюнча
Эки айдан бери балама "сүйүнчү" ала албай жүрөм. Айтылбай турган сөз эле...
Жөлөк пул алуу жеңилдеп, талап кылынчу документтер кыскартылды
Кабул шаары. Архив

ЖМК: талибдер өзбек тилин расмий макамынан ажыратып салды

69
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

69
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы