Баласын карап жаткан эне. Архив

Балага сүйүнчү алган ата-эне банкка акча төлөбөшү керек. Министрликтин түшүндүрмөсү

197
(жаңыланган 23:37 26.11.2018)
Банктарга сүйүнчүнү ээсине жеткиргендиги үчүн министрлик 20 сомдон төлөп берет.

БИШКЕК, 22-ноя. — Sputnik. "Балага сүйүнчү" алууда ата-энелердин кайсы банктарда эсеби болушу керектигин жана банктын кызмат акысын ким төлөй турганын Эмгек жана социалдык өнүктүрүү министрлигинен айтып беришти.

Буга чейин редакцияга окурман балага сүйүнчү алганда "айрым банктар 100 сомго чейин акча кармап жатат" деп кайрылган.

Министрлик ушул тапта сүйүнчү берүү боюнча 16 банк менен келишим түздү. Алар:

— "БТА Банк" ЖАКы;

— "Айыл банк" ААКсы;

— "Кыргыз инвестициялык-кредиттик банкы" ЖАКы;

— "Азия Банкы" ЖАКы;

— "Росинбанк" ААКсы;

— "Дос-Кредобанк" ААКсы;

— "Аманбанк" АКсы;

— "ЭкоИсламикбанк" ЖАКы;

— "Банк-Бакай" ААКсы;

— " Кыргызстан коммерциялык банкы" ААКсы;

— "Бай Түшүм" ЖАКы;

— "ФинансКредитБанк" ААКсы;

— "Халык Банк Кыргызстан" ААКсы;

— "РСК Банк" ААКсы;

— "Банк Компаньон" ЖАКы;

— "ФИНКА Банк" ЖАКы.

Ата-энелердин дал ушул банктарда эсеби болуп, сүйүнчүнү ушулар аркылуу алса, бир дагы сом чыгым болбошу керек. Дегеним балага мамлекет тарабынан сүйүнчү катары берилген 4 миң сом ашык-кеми жок эсебине түшүүсү шарт. Негизи банк бир сүйүнчүнү ээсине жеткирүү үчүн анын 0,5 пайызын, тагыраагы 20 сом алат. Бул акчаны министрлик сүйүнчүгө тийбей, өз чөнтөгүнөн төлөйт.

"Бирок биз менен келишим түзбөгөн банктар аркылуу сүйүнчү алам дегендер кызмат акысын өздөрү төлөөгө туура келет. Адатта ар бир банктын кызмат акысы ар кандай", — деп түшүндүрдү ведомствонун маалымат катчысы Кымбат Кадыралиева.

Анын айтымында, акчаны жарандарга банк аркылуу берүүнүн негизги максаты — каражатты ээсине толугу менен жеткирүү.

"Акчаны жарандын колуна накталай карматсак, адамдык факторлор роль ойноп кетиши мүмкүн. Кыргызда балалуу болгон адам кубанганынан сүйүнчү берет эмеспи. Мисалы, маалымат даярдаган же кассада отурган кызматкер сүйүнчү сурап, ата-эне ошол акчанын бир бөлүгүн берип коюшу ыктымал. Ал эми банктын эсебине которулган акча толугу менен өз колуна тиет", — деди маалымат катчы.

Белгилей кетсек, 2018-жылдын 1-январынан 16-ноябрга чейин өлкө боюнча жалпы 82 миң 437 балага сүйүнчү пул берилген.

Эгерде "балага сүйүнчү" төлөмүн ала албай же бул боюнча маселе жаралып жаткан болсо, жарандар жашаган жериндеги райондук/шаардык эмгек жана социалдык өнүгүү башкармалыктарына кайрылса болот.

Ошондой эле 0312 30-01-26 жана 0312 62-45-48 телефондоруна чалып, көйгөйдү чечип алууга мүмкүнчүлүк бар.

197
Белгилер:
банк, кызмат, эсеп, акы, сүйүнчү пул
Тема:
Жөлөк пул (30)
Тема боюнча
Жаңы конушта жашагандар эмне үчүн балага жөлөк пул албайт? Министрдин жообу
"Сүйүнчү" алуу эмне үчүн мынча татаал? Министрлик жооп берди
Кабул шаары. Архив

ЖМК: талибдер өзбек тилин расмий макамынан ажыратып салды

67
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

67
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

82
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

82
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби