БИШКЕК, 23-ноя. — Sputnik. Жума күнү премьер-министр Мухаммедкалый Абылгазиев жумушчу сапары менен Талас облусуна барат. Бул тууралуу өкмөттүн маалымат кызматынан кабарлашты.
Сапардын жүрүшүндө Абылгазиев аймактын бир катар айыл чарба объектилеринин ишмердиги менен таанышат.
"Анын ичинде Бакай-Ата районундагы "Нур" көп тармактуу айыл чарба кооперативин, Кызыл-Адыр айылындагы сүттү кайра иштетүүчү "Эмилия" заводун жана Кара-Буура районундагы Жоон-Дөбө айылындагы Михаил Лущихин атындагы мамлекеттик асыл тукум заводун көрүп чыгат", — деп айтылат билдирүүдө.
Мындан тышкары, өкмөт башчы Мамлекеттик чек ара кызматынын Талас шаарындагы кызматкерлери үчүн көп кабаттуу үйдүн курулушун дагы текшерет.