Алина рак илдетине онкология ооруканасынын маммология бөлүмүндө медайым болуп иштеп жүрүп кабылган

Оорумду укса апамдын көзү көрбөй калат. Ракка чалдыккан беш аялдын тагдыры

2204
(жаңыланган 00:38 29.11.2018)
Цех кылып алган кичинекей бөлмөнүн ичинде беш аял өткөн-кеткени тууралуу сүйлөшүп жатышты. Бири медайым, экинчиси мамкызматкер, айтор ар кесиптин ээлери жана ар кайсы муундун өкүлдөрү. Рак оорусу аларды тагдырлаш кылып башын кошкон.

Sputnik Кыргызстан агенттиги залалдуу шишик оорусунун ар кандай түрүнө кабылган беш келиндин тагдырын жазды. Булар — онкологиялык илдетке кабылган "Курдашым" коомдук фондусунун мүчөлөрү.

Баласынын күйүтүнө чыдабай…

Сыртынан күчтүү көрүнгөн Шайырбү Сагынбаева убагында көп кыйынчылыкты башынан өткөргөн. Бирок азыр анын баарын эстегиси келбейт. "Рак менен күрөшүү керек, дарттан адам өлбөйт, дартты дарылоого акчасы жоктор айласыздан ооруга моюн сунуп берип жатышат",- дейт ал. Бир учурда ал дагы жатын моюнчасынын залалдуу шишик илдетине кабылган. 

Шайырбу Сагынбаева работающая в швейном цехе
© Sputnik / Табылды Кадырбеков
Шайырбү Сагынбаева убагында көп кыйынчылыкты башынан өткөргөн

— 25 жаштагы уулумду балдар сабап кетип, төшөккө жатып калды. Ага кайгырып, оорусу күчөп кетип, алты ай өтпөй жолдошум каза болду. Ал кант диабети менен жабыркачу. Майып болуп калган уулумдун бир эле колу кыймылдачу. Жанынан жарым карыш жылбай 10 жыл бактым. Бирок 35 жашында аны шум ажал алып тынды…

Күйүт кишини жинди кылып жибере жаздайт экен. Арман кылып, калган балдарым менен кала бердим. Азыр бир уул, үч кызым бар. Балама күйүп отуруп өзүмө коркунучтуу илдетти жабыштырып алганымды билбей калыптырмын. Көрсө, оору деле кайгыдан, ызадан пайда болот экен. Көп өтпөй дарыгерлер жатын моюнчамда залалдуу шишик бар экенин аныкташты.

Аны дарылайбыз деп оңбогондой акча кетти. Бирок жакындарымдын көмөгү менен оору менен күрөштүм, алыштым. Буюрса баары артта калды. Бирок дагы эле дарыгерлердин каттоосунда турам.

Айыккандан кийин кайрымдуулук кылгым келди. Анткени айрым аялдар акчасынын жоктугунан эле ооруга алдырып, каза болуп калат экен. Ооруканада жатканда жанымда таластык аял бар болчу. Бир сиңдисинен башка жардам берер кишиси жок көзү өтүп кетти. Ошондон кийин ушундай кыз-келиндерге жардам берүүнү чечип "Курдашымды" түптөдүк. Азыр биз экобаштык тигип сатып, түшкөн каражатты химия терапиясына акчасы жетпеген оорулуу аялдарга берип жатабыз.

Онкологияда иштеп жүрүп рак илдетине кабылган

Алина 28 жашта. Ал рак илдетине онкология ооруканасынын маммология бөлүмүндө медайым болуп иштеп жүрүп кабылган. Дарт менен эки жылдан бери алышып, көрбөгөндү көргөнүн баяндап берди. 

Сотрудница швейного цеха, где трудятся женщины, страдающие онкологическими заболеваниями
© Sputnik / Табылды Кадырбеков
Швейный цех, где трудятся женщины, страдающие онкологическими заболеваниями

— Өзүм Чүйдүн кызымын, бирок Казакстандын Бишкекке жакын бир айылына келин болгом. Күйөөм менен ооруканада иштеп жүргөндө таанышып, баш кошконбуз. Эки күн иштеп, эки күн бош болгондуктан барып-келип иштечүмүн. Жакшынакай жашап жүрдүк, кыздуу болдук. Бирок бактыбыз көпкө созулган жок. Кызым төрөлгөндөн кийин бат эле эмчегимде шишик пайда болуп калганын байкадым. Бирок башында аны мастит го деп эле ойлоп, массаж кылып жүрө бергем. Анын үстүнө наристебиз кичине алсыз төрөлүп өзүмө көңүл бурбай калгам. Бир күнү мойнумда шишик бар экенин байкап, жүрөгүм шуу дей түштү. Бишкекке келип анализ тапшырсам, эмчек рагы деген диагноз коюшту. Бишкекте каттоого тургандыктан Кыргызстандан дарыланууга туура келди.  Айлап төшөккө жатып калсам дагы жолдошум мени моралдык жактан колдогон жок. Азыр ал күндөрдү эстегим келбейт.

Кызымды кайненем алып калган. Ошентип эки жылдан бери бул илдет менен күрөшүп келе жатам. Апам эки-үч жумушта иштеп дарыларыма акча таап берип жатат. Ал болбосо жашамак белем, билбейм.

Ооругандан чыккандан бери Бишкектемин. Кызым Казакстандын жараны болгондуктан аны өзүмө ала албайм. Күйөөмөн деле талашпайм, болгону жанында болгум келет. Сагынганда, оорубай жакшы жүрүп калганда чүрпөмө барып бир күн жүрүп кетем. Жолдошума "Дарыланып бүткүчө бул жакта кызым менен жашап тургулачы",- деп сурангам. Бирок болбой койду, кыязы мени наристени алып калат го деп коркот окшойт. Бирок кантип алып калмак элем? Бир күн минтип жакшынакай күлүп-жайнап жүрсөм, эртең тилим булдуруктап төшөктөн тура албай калам. Болгону кызым жанымда болушун каалайм…

Дартын уккан күйөөсү бир кызы менен таштап кеткен

Керээз фамилиясын айтуудан баш тартты. Башында "апам менин дартымды уга элек, көрүп калса шок болбосун" деп жүзүн камерадан ала качып жаткан. Бирок кийинчерээк "көзү жакшы көрбөйт, тааныбастыр" деп макул болду. "Ага айткандан корком, укса ыйлап, сарсанаа болуп көзү такыр эле көрбөй калсачы",- деп ыйламсырады. Керээздин күйөөсү да аялынын дартын уккан соң алты жашар кызы менен таштап кеткен. 

Сотрудница швейного цеха, где трудятся женщины, страдающие онкологическими заболеваниями
© Sputnik / Табылды Кадырбеков
Керээздин күйөөсү да аялынын дартын уккан соң алты жашар кызы менен таштап кеткен

— 39 жаштамын. Эки жыл мурун дарыгерлер мага эмчек рагы деген диагноз коюшкан. Оорумду укканда ишенип-ишенбей көпкө чейин нес абалда жүрдүм. Анысы аз келгенсип, жолдошум да жардам берүүдөн баш тартып басып кеткен.

Негизи кызым эки жашка чыкканда эле күйөөм менен ажырашкам. Андан кийин жыл өтпөй кайра келип кечирим сурап "сүйөм, күйөм" дегенинен ишенип чогуу жашай баштаганбыз. Ошол учурда рак илдетине кабылып калганымды уктум. Жолдошума "Ооруп калыптырмын, бир химия терапиясы эле 50 миң сом болот экен",- деп айтсам, артына карабай кетти.

Ошол бойдон оору менен жалгыз күрөшүүгө туура келди. Бул дарт менен жалгыз күрөшүү кыйын, анан кымбат экен. Кесиптеш, туугандарым жардам бербесе жашоо кандай болорун билбейм…

Каттоо кызматынын алдындагы "Инфоком" бөлүмүндө иштечүмүн. Жамаатым аябай чоң колдоо көрсөттү. Бирок ооругандан кийин ал жактагы жумушту улантып кете алган жокмун. Себеби компьютер менен иштөөгө болбойт экен. Эки жолу операция жасаттым. Эми химия терапиясынын калганын алыш керек. Акча каражат таба албай, "Курдашымда" экобаштык тигип сатып жатам.

Дартым тууралуу туугандарымдын баары билет, бир гана апама айткан эмеспиз. Көзү араң эле көрөт. Айтсам ыйлап жатып көзү көрбөй калабы деп корком. Учурда 14 жаштагы кызым экөөбүз калаада батирде турабыз.

Оорусун кыздарынан жашырып…

Бишкектеги мектептердин биринде орус тили жана адабиятынан сабак берген Айгүл 49 жашында жатын моюнчасында шишик бар экенин билген. Бирок балдарына бул суук кабарды операциядан кийин гана угузган. 

Сотрудница швейного цеха, где трудятся женщины, страдающие онкологическими заболеваниями
© Sputnik / Нургуль Максутова
Айгүл 49 жашында жатын моюнчасында шишик бар экенин билген

— Жолдошумдун эрте эле көзү өтүп кеткен. Илдет эмнеден улам жабышканын билбейм, жумушта жүрүп алым кетип ооруканага барсам, жатын моюнчамда залалдуу шишик бар экенин айтышты. Ошол кезде турмушка чыккан эки кызым тең кош бойлуу болчу. Угуп алып сарсанаа болбосун деп эч кимге айтпай дарыгер менен операция боло турчу күндү пландадым. Үйдөгү балдарыма Ошко командировкага барып келейин деп айла жок алдап, операцияга кеттим. Бир жумадан кийин ооруканадан чыгып, курбу келинге "Ош" базардан мөмө-жемиш алдыртып, аларды алып үйгө Оштон келген киши болуп барып калдым. Балдарым эч нерсе билбей калышты. Туугандарыма да айткан эмесмин. Бир күнү химия терапиядан жаңы эле келип жатсам, иним келип калыптыр. Кебетемди көрүп эмне болгонун сурады. Айла жок айттым. Андан кийин экинчи операцияга даярдана баштадым. Анда да балдарым билген жок. Ооруканага жатканда кыздарым билип калып аябай ыйлашкан. Каражаттан кыйналган жокмун. Туугандарым, куда-сөөк, балдарым таап берип жатышты. Бирок оорунун азабын аябай эле тарттым, органды толугу менен алып салышкан. Азыр алаксыйын деп мектепте сабак берем.

Ракты жеңген Мамлакат Халматова

Бишкекке Баткенден көчүп келген Мамлакат Халматова да "Курдашым" коомдук фондусунун мүчөсү. Учурда ал химия терапиясын толугу менен алып бүткөн, бирок ооруну башынан өткөргөн тагдырлаштары сыяктуу ракты жеңүүгө каражаты жетпеген кыз-келиндерге жардам берүүнү чечкен. 

Сотрудница швейного цеха, где трудятся женщины, страдающие онкологическими заболеваниями
© Sputnik / Табылды Кадырбеков
Бишкекке Баткенден көчүп келген Мамлакат Халматова да "Курдашым" коомдук фондусунун мүчөсү

— 2016-жылдын март айында өтүмө операция жасатып, дарыгерлер 23 таш, ага кошуп өтүмдү да алып салышты. Ошол учурда аябай катуу стресс болгом. Дарылануудан кийин Ысык-Көлгө барып эс алып келип, кызымды турмушка узатайын деп жүрсөм, эмчегим талып оорута баштады. Доктурлар эмчекте бир эмес, үч залалдуу шишик бар экенин аныкташты. Өтүмдү алдырганыма алты эле ай болгон. Уккан кулагыма ишенбей бир жумадай нес болуп жүрдүм. Бир баскан жеримди он басып, ким эмне деп сүйлөп жатканын түшүнбөй, айтор өзүмө келе албай жүрдүм. Кудалар менен кыз узатуу күнүн да белгилеп койгонбуз. Эч кимисине айтпай кызымды күйөөгө узатып, 10 күндөн кийин ооруканага жаттым. Бактыга жараша, шишик химия терапиясынан кийин жок болуптур. Бирок дарыланып жүргөн эки жыл ичинде жинди болуп кете жаздадым. Акыры ушул "Курдашым" фондусуна келип кошулуп, өзүмдүн тагдырлаш адамдарымды жолуктуруп жеңилдеп калдым. Бул илдеттин канчалык кыйын экенин ооруган адамдар эле түшүнөт.

Бул рак илдетине кабылган беш аялдын эле тагдыры. Ал эми Улуттук статистикалык комитеттин маалыматында Кыргызстанда күн сайын 15 киши аталган дартка кабылганын угат экен.

2204
Белгилер:
аял, тагдыр, оору, рак, Кыргызстан
Тема боюнча
Жансыз бейтапты кучактап ыйлап, кечирим сурадым... Хирургдун маеги
Рак илдетин жеңген кыргызстандык айымдардын укмуштай кулпурушу
Жатын моюнчасындагы эрозиянын жеткен чеги — рак. Гинеколог илдет тууралуу
Студент работает за своим компьютером в своей комнате на квартире в Дортмунде во время пандемии нового коронавируса COVID-19. Западная Германия. 27 марта 2020 года

Кесиптик орто окуу жайларга онлайн тапшыруунун жол-жобосу айтылды

2
(жаңыланган 16:50 08.07.2020)
Документтерди электрондук форматта тапшыруу үчүн абитуриент spuz.edu.gov.kg. сайтына кириши шарт. Андан кийин тизмеден өзү каалаган орто кесиптик окуу жайды (колледжди) тандайт.

БИШКЕК, 8-июл. — Sputnik. Кесиптик орто окуу жайларына абитуриенттерди кабыл алуу 13-июлдан тарта башталат. Бул тууралуу Билим берүү жана илим министрлигинин маалымат кызматы кабарлады.

Билдирмеге ылайык, кесиптик орто окуу жайларына бүтүрүүчүлөрдү кабыл алуу үчүн "СПУЗ-онлайн" автоматташтырылган маалыматтык системасы иштелип чыккан.

"Окууга кабыл алуунун 1-туру (документтерди онлайн каттоо) 13-июлдан 31-июлга чейин уланат. 3-августта окууга өткөн бүтүрүүчүлөрдүн тизмеси илинет. Ал эми 2-тур 1-августтан 20-августка чейин жүргүзүлөт. Абитуриенттердин арасында сынак аттестат же күбөлүктүн орточо баллынын суммасы жана конкреттүү адистик үчүн профилдик предметтин баасын эске алуу менен өткөрүлөт", — деп айтылат маалыматта.

Абитуриент ЖОЖго кантип онлайн тапшырат? 7 суроого жооп

Окууга онлайн тапшыруу эрежеси:

  • Документтерди электрондук форматта тапшыруу үчүн абитуриент spuz.edu.gov.kg. сайтына кириши шарт;
  • Тизмеден өзү каалаган орто кесиптик окуу жайды (колледжди) тандоосу керек;
  • Өзү каалаган адистикти тандап, "өтүнмө берүү" баскычын басуу зарыл;
  • Андан кийин өтүнмөнүн бардык керектүү талаачаларын толтуруп, керектүү документтерди (аттестат же күбөлүк жана сүрөт) тиркейт.

Министрлик орточо баллды көрүү үчүн абитуриент өзүнүн аттестатынын (күбөлүгүнүн) сериялык номерин билиши керектигин жана окууга өткөн-өтпөгөнүн колледждин сайтынан биле аларын кошумчалады.

2
Белгилер:
онлайн, бүтүрүүчү, билим, окуу
Красноярскидеги Сибирь федералдык университети (СФУ). Архивдик сүрөт

Пандемия университетте окууга бөгөт эмес. Билимдин изи менен Россияга карай

9
(жаңыланган 16:47 08.07.2020)
Сибирь федералдык университети чет өлкөлүк абитуриенттерге бир кыйла шарттарды түзүп берет: окууга чейинки жол кире, медициналык камсыздандырууну алып берет. Бул жерде учурда кыргызстандыктар да билим алууда.

Россиялык университеттер аралыктан иштөөнү улантып, чет элдик абитуриенттерди кабыл алууну ачууда. Бүгүнкү күндө Кыргызстандын тургуну россиялык окуу жайларга интернет аркылуу тапшыра алат.

Красноярскидеги Сибирь федералдык университети (СФУ) — Россиянын азиялык бөлүгүндөгү эң ири окуу жай. Россия Федерациясынын эң алдыңкы 20 университетинин катарында.

СФУ жүздөгөн россиялык жана чет өлкөлүк компаниялар менен кызматташат. Бүтүрүүчүлөрүнүн ишке орношуу көрсөткүчү боюнча да Россиядагы он окуу жайдын бири болуп саналат.

Россиянын ЖОЖдоруна тапшыруу да, окуу да өз маалында башталат. Жол-жобосу

Университетте бүгүн 30 миңден ашуун киши, анын ичинде миңден ашуун чет өлкөлүк студенттер, дүйнөнүн 52 өлкөсүнөн (КМШ, Жакынкы Чыгыш, Африка, Европа, Латын Америка, Азия, Океания) угуучу жана стажерлор билим алат.

Чет өлкөлүк студенттердин катарында Кыргызстандын 163 жараны да бар, алардын 134ү бакалавриат же специалитет боюнча негизги билим берүү программаларын өздөштүргөн. 28 студент магистратурада жана бирөө аспирантурада билим алат.

Кыргызстандык студенттерди көбүнесе маалыматтык тутум жана технологиялар, технология, металлургия, тоо-кен иши, прикладдык геология, менеджмент, курулуш багытында даярдоочу бөлүмдөр кызыктырат.

Кыргызстандын жарандары россиялык жарандар менен тең укукта эле бюджеттик орундарды ээлөө үчүн ат салыша алат. Мындай мүмкүнчүлүк "Экономикалык жана гуманитардык багыттарга интеграциялоону тереңдетүү жөнүндөгү Келишимге мүчө мамлекеттердин жарандарына бирдей укук берүү" тууралуу 1996-жылдын 29-мартындагы өкмөттөр аралык келишимге ылайык берилет.

Россиянын ЖОЖдору пандемияга карабай кыргызстандык студенттерди кабыл алат

Андан сырткары, чет өлкөлүк абитуриенттер акы төлөп окууну тандоо менен каалаган адистиктер боюнча факультеттерге тапшыра алат. Чет өлкөлүк жарандарды кабыл алуу тартиби менен аталган университеттин сайтынан таанышууга болот (http://international.sfu-kras.ru/education).

Тапшыруу жана окуу маалында колдоо чоң

Окуу жайга чет өлкөлүк абитуриенттерге бир кыйла шарттарды түзүп берет: окууга чейинки жол кире, медициналык камсыздандырууну алып берет. Жогорку балл алгандарга окуу акысын төлөөдө жеңилдиктер каралган. Бул туурасында Сибирь федералдык университетинин Эл аралык кызматташтык департаментинин жетекчиси Анна Мезит маалымдайт.

"Университеттин инфраструктурасы – биздин сыймыгыбыз. Ал 24 окуу корпусу, көз жоосун алган заманбап китепкана, конгресс-холл, көп функционалдуу спорттук комплекс, медициналык борбордон турат. Соңку беш жылда эле кампустун аймагында батир тибиндеги тогуз жатакана курулду. Ушул тапта СФУнун турак жай фонду 30 жатаканадан турат. Ага 11,5 миң студент жайгашып, шаар сыртынан келген жана чет өлкөлүк студенттердин турак жай муктаждыгын толук чечет", – дейт ал.

Анна Мезит белгилегендей, Сибирь федералдык университети чет өлкөлүк студенттерди кызуу колдоп келет. Кызматкерлер аларга көп маселелерди чечүүгө көмөктөшөт. Алтургай, кышка жылуу кийим тандоого, банк же врачка коштоп барууга чейинки иштерде да жардамдашат.

Келечектин кесибине жөнөкөй жол

"СФУнун Ыктыярчылык борбору чет өлкөлүк студенттерге экскурсияларды уюштуруп, аларды орус маданияты менен тааныштырып, баарлашуу клубун уюштурушат. Өзүбүздүн Эл достугу борборубуз да бар. Бул – чет өлкөлүк жарандардын студенттик бирикмеси, алардын жаңы шарттарга көнүп кетишин камсыз кылуу үчүн бир катар иш-чараларды өткөрөт. Бирок башкысы – бул достук, бири-бирине камкордук. Кээде мага биздин окуу жайдагы студенттердин союздары бир үй-бүлөдөй жашагандай туюлат", – деп билдирет ал.

Сибирь федералдык университетинде чет өлкөлүк студенттер үчүн даярдоо бөлүмү бар, анда орус тилин үйрөнө алышат. Жыл сайын ар кайсы өлкөлөрдөн келген студенттердин көпчүлүгү СФУнун Филиология жана тил коммуникация институтуна тил өздөштүрүү үчүн келип турушат. "Лингвистика" жана "Филология" багыттарына даярдык боюнча бакалавриат жана магистратуралык программаларда тилди профессионалдык деңгээлде үйрөнө алышат.

"Биринчи курста бардык чет өлкөлүк студенттер үчүн орус тили боюнча акысыз адаптациялык курс уюштурулат. Студенттер кептин илимий стилин өздөштүрүп, грамматиканы кайталашат", – деп кошумчалайт Анна Мезит. Анын айтымында, СФУнун бардык чет өлкөлүк бүтүрүүчүлөрү өз мекенинде котормочу, инженер, экономист жана башка болуп, жумушка оңой орношо алат.

"Көп учурда биздин мурдагы студенттер өздөрүнүн жана РФ ортосунда өз ара кызматташууну өрчүтүү менен алектенишет. Бир нече жылдан кийин аларды жаңы мүнөздө, олуттуу тартып, ийгиликтүү болуп калышканына күбө болуу абдан жагымдуу. Маселен, Кыргызстандагы бүтүрүүчүлөрүбүз президенттик аппаратта, өкмөттүн аппаратында, Улуттук банкта, Кыргызстандын күч органдарында, ири жеке жана мамлекеттик ишканаларда эмгектенишет", – дейт ал.

Тажрыйба менен сыналган

Нурзамат Искендербеков Сибирь федералдык университетине Кыргызстандан келип окуйт, бакалавриаттын үчүнчү курсун аяктоодо. Жогорку билим алуу үчүн заманбап өнөр жай үчүн кадр даярдоодо тажрыйбага бай россиялык окуу жайды тандап алган. Андан сырткары, бөлөк өлкөнү көрүп, маданияты менен таанышкысы келген. 

Студент Сибирского федерального университета (СФУ) в Красноярске Нурзамат Искендербеков из КР, сейчас оканчивает третий курс бакалавриата
© Фото / Dogdurbekov N.
Нурзамат Искендербеков Сибирь федералдык университетине Кыргызстандан келип окуйт, бакалавриаттын үчүнчү курсун аяктоодо

Нурзамат Кыргызстандын эмгек рыногундагы керектөөгө таяна "транспорт түтүктөрүнүн эксплуатациясы" адистигин тандаган.

"Бул адистик мага кызыктуу сезилген. Кийин деле кызыгуум тарап кетпеди. Окуу негизинен мыкты өтүүдө. Айрым учурда Кыргызстан менен Россиянын мектептеринде даярдоо деңгээлиндеги айырмачылыктардан улам аз-маз кыйынчылыктар болуп калат. Бирок аларды жеңүүгө досторум, тайпалаштар жардам берет", – дейт ал.

Нурзамат студенттик илимий, чыгармачыл жана спорттук иш-чараларга активдүү катышат.

Кыргызстандан Россияга билим сапары: пандемия учурунда кантип окууга өтсө болот

"Менимче, ансыз университетте окуу жана инсан катары өсүш кыйын. Эгер керээли кечке бөлмөңдө отура бербесең эле мында кааласаң да, каалабасаң да өнүкпөй кое албайсың. Университетте илимий иштин уюштурулганы, студенттик турмуш жана эс алуу да жолго коюлганы жагат. Бул көп адамдар менен таанышып, баарлашууга, жаңы досторду табууга өбөлгө болот", – дейт ал. Окуу жайда алган билимин Нурзамат келечекте Кыргызстандын мунай-газ багытында пайдаланууну пландайт.

Университеттин аброю

Сибирь федералдык университети – кеңири адистиктер боюнча даярдоочу көп тармактуу университет. 90 бакалавриат жана специалитет, 144 магистрдик программа боюнча билим алууга болот. Окуу жайда орус жана англис тилдеринде окутулат.

СФУда эки миңден ашуун жогорку квалификациялуу окутуучу иштейт, алардын 1833ү – илимдин доктору жана кандидаттары. Жыл сайын университетке 400дөн ашуун профессорлор чакырылып, ошондой эле Англия, Германия, Испания, Кытай, АКШ жана башка мамлекеттерден алдыңкы окумуштуулар келип турат.

Университет жогорку квалификациядагы кадрларды даярдап, инновациялык технологияларды жаратат. Окуу жайдын илимий долбоорлору өнөр жай технологиялары, спутниктик тутумдар, нанотехнологиялар, масштабдык инвестициялык долбоорлордун экологиялык камсыздоосун камтыйт.

СФУ – дүйнөдөгү эң кеңири белгилүү Institut Paul Bocuse окуу жайы менен болгон келишими боюнча "Гастрономия жогорку мектеби" уникалдуу программаны ишке ашырып келе жаткан Россиядагы жападан жалгыз университет.

Россия ТИМинин алдындагы эл аралык институтка кабыл алуу башталды. Шарты

Болочок бүтүрүүчүлөр, тагыраагы, ресторан шефтери "Менеджмент" адистиги боюнча россиялык, ошондой эле Institut Paul Bocuse окуу жайынан эл аралык дипломду колго алат.

Учурда СФУ Кыргызстандын жети окуу жайы менен кызматташат. Сибирь федералдык университети Ош технологиялык институту жана Кыргыз улуттук агрардык университети менен кошо "экология" багыты боюнча биргелешкен магистрдик программаны ишке ашырат.

Кыргызстандын Билим берүү жана илим министрлиги Сибирь федералдык университетин квалификациялуу кадрларды – жогорку окуу жайга чейинки, кесиптик жана кошумча билим берүү системасы аркылуу Кыргызстандын жарандарын даярдоо боюнча кызмат көрсөтүүнүн расмий провайдери катары аныктаган.

Кыргызстанда СФУнун Профориентациялык борбору иштейт. Ошондой эле аталган университеттин бүтүрүүчүлөрүнүн ассоциациясы иш алып барат. Ал эми университетте кыргызстандык студенттердин "Манас" биримдиги түзүлгөн. Бишкектеги Панфилов атындагы №6 гимназияда СФУ өкүлдөрү абитуриенттер үчүн мастер-класс жана фестивалдарды улам өткөрүп турат.

СФУ – Times Higher Education (THE) жана Quacquarelli Symonds (QS) рейтингдик агенттиктеринин версиясы боюнча дүйнөдөгү 1000 мыкты университеттердин бири. Анын ичинде физика жана инженердик-техникалык илимдер боюнча 801+ орунду ээлейт. Ошондой эле СФУ беш алдыңкы улуттук рейтингдик агенттиктеринин тандоосуна таянсак, россиялык 20 мыкты университеттин катарына кирет.

9
Белгилер:
жогорку окуу жайлар, абитуриент, Университет, Сибирь, Россия
Тема боюнча
Өмүров: ЖОЖго онлайн тапшыруунун биринчи туру 20-июлда башталат
ММУнун Оштогу филиалына Москвадан 100гө чукул адис келип, сабак бермекчи