Баткен облусунун прокурору Анарбай Мамажакыповдун өлүмүнө шектелип камалган Мелис Калыковдун тарапташтары облустук администрациянын алдына митингге чыгышты

Баткенде прокурордун өлүмүнө шектүүнүн жакындары митингге чыкты

557
(жаңыланган 15:20 27.11.2018)
Коомдук тартипти милиция кызматкерлери көзөмөлдөп турат.

БИШКЕК, 26-ноя. — Sputnik. Баткен облусунун прокурору Анарбай Мамажакыповдун өлүмүнө шектелип камалган Мелис Калыковдун тарапташтары облустук администрациянын алдына митингге чыгышты. Бул туурасында Sputnik Кыргызстан агенттигине шектүүнүн бир тууган эжеси Дариха Калыкова кабарлады.

  • Баткен облусунун прокурору Анарбай Мамажакыповдун өлүмүнө шектелип камалган Мелис Калыковдун тарапташтары облустук администрациянын алдына митингге чыгышты
    Баткен облусунун прокурору Анарбай Мамажакыповдун өлүмүнө шектелип камалган Мелис Калыковдун тарапташтары облустук администрациянын алдына митингге чыгышты
    © Фото / Дариха Калыкова
  • Алар Калыковдун кармалышы адилетсиз болгонун айтып, окуя болгон күнү Мамажакыповдун жанында жүргөн прокурорлордун да тергелишин талап кылышууда.
    Алар Калыковдун кармалышы адилетсиз болгонун айтып, окуя болгон күнү Мамажакыповдун жанында жүргөн прокурорлордун да тергелишин талап кылышууда.
    © Фото / Дариха Калыкова
1 / 2
© Фото / Дариха Калыкова
Баткен облусунун прокурору Анарбай Мамажакыповдун өлүмүнө шектелип камалган Мелис Калыковдун тарапташтары облустук администрациянын алдына митингге чыгышты

Алар Калыковдун кармалышы адилетсиз болгонун айтып, окуя болгон күнү Мамажакыповдун жанында жүргөн прокурорлордун да тергелишин талап кылышууда. Митингге чыккандар "Мыйзам баарына бирдей болсун", "Бир адамга эмес, баарына бирдей чара көрүлсүн" деген сыяктуу плакаттарды көтөрүп турушат.

Коомдук тартипти милиция кызматкерлери көзөмөлдөп турат.

Эске сала кетсек, прокурор Анарбай Мамажакыповдун сөөгү 18-ноябрга караган түнү Төрт-Көл суу сактагычына жакын жердеги жолдон табылган. Анын денесинде зомбулуктун белгилери болгон. Укук коргоо органдары шектүү катары Капиталдык курулуш башкармалыгынын начальниги Мелис Калыковду кармаган. Ал Оштогу убактылуу кармоо жайына киргизилген. Кылмыш ишти ИИМдин аймактар аралык башкармалыгы иликтеп жатат. Аталган факты боюнча Кылмыш-жаза кодексинин 97-беренеси ("Адам өлтүрүү") боюнча кылмыш иши козголгон.

Кийинчерээк Баткен ОИИБдин жетекчисинин орун басары Арстан Усанов прокурордун денесинин 80 пайызы күйүп калганын билдирген.

557
Белгилер:
шектүү, митинг, прокурор, өлүм, Баткен
Тема:
Прокурор Анарбай Мамажакыповдун өлүмү (17)
Тема боюнча
Баткенде киши колдуу болгон прокурордун денеси 80 пайызга күйгөн. Чоо-жайы
Баткенде атылган прокурордун өлүмүнө шектелген аткаминер камалды
Бейтапты карап жаткан медицина кызматкери. Архив

Боронов COVID-19дун экинчи толкунуна даярдыктар тууралуу айтып берди

3
(жаңыланган 16:40 11.08.2020)
1-октябрга чейин саламаттык сактоо уюмдарына дары-дармек, жеке коргонуучу каражат, дезинфекция каражаттары жана антисептиктердин үч айлык бөксөрбөс запасын камдоо пландаштырылууда.

БИШКЕК, 11-авг. — Sputnik. Эпидемиянын болжолдонуп жаткан экинчи толкунуна карата дары-дармектердин стратегиялык запасын түзүү үчүн Материалдык резервдер фондуна республикалык бюджеттен каражат каралып жатат. Бул тууралуу премьер-министр Кубатбек Боронов брифинг учурунда билдирди.

"15 миң бейтапка бир нече позициядан турган дарылардын муктаждыгын камсыздоо боюнча жумушчу топ түзүлдү. 1-октябрга чейин саламаттык сактоо уюмдарына дары-дармек, жеке коргонуучу каражат, дезинфекция каражаттары жана антисептиктердин үч айлык бөксөрбөс запасын камдоо пландаштырылууда", — деди Боронов.

Боронов: вирустан айыккандардын ден соолугун калыбына келтирүү колго алынат

Дагы кандай иш-чаралар жүргүзүлүп жатат:

  • сезондук гриппке каршы алдын алуучу вакциналарды сатып алууга республикалык бюджеттен 200 миллион сом бөлүндү;
  • медицина кызматкерлерин реабилитациялоо, колдоо иштери уюштурулуп жатат. Президенттин тапшырмасы менен Ысык-Көлдөгү пансионаттарда 130 медик эс алып келди, учурда 170 медик эс алып жатат;
  • медицина кызматкерлерине компенсациялык төлөмдөр өз убагында төлөнүүдө. Бүгүнкү күнгө чейин 807 миллион сом жумшалды. Анын ичинен июлда маянага кошумча төлөм 424 миллион сомду түздү. Ал республикалык бюджеттен берилди;
  • медицина адистерин кайра даярдоо, квалификациясын жогорулатуу, кыска курстардан окутуу иштери үзгүлтүксүз жүрүүдө.

 

3
Белгилер:
медицина, каражат, даярдык, пандемия, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Рентген аппараттарын алуу маселеси чечилген эмес. Боронов министрликти сындады
КРде жалпы канча киши коронавируска чалдыгышы мүмкүн. Өкмөттүн божомолу
Муштумун түйүп турган адам. Архив

Насыя үчүн аялын өлтүрө сабаган зөөкүр. Июлдагы соттук чечимдер

52
(жаңыланган 16:23 11.08.2020)
Узап кеткен айда өлкө аймагындагы Фемида өкүлдөрү бир топ чуулуу иштерди карап чыкты. Алардын арасында кызматтык, экономикалык мүнөздөгү жана адам өмүрүн алган кылмыштар да бар.

Sputnik Кыргызстан маалымат агенттиги июлдагы төбө чачты тик тургузган кылмыштардын айрымдарын сунуштайт.

Россияда сатылган КРдин паспорттору. Өзбекстандын жараны 2015-жылдан бери Россияда айдоочу болуп иштеп келген. Бирок 2019-жылдан баштап ЕАЭБдин миграция боюнча мыйзамдары күчүнө кирип, уюмга мүчө эмес мамлекеттерден баргандардын иштөөсүндө кыйынчылыктар жаралган. Ошондо айыпталуучу интернет аркылуу 45 миң рублге КРдин жасалма паспортун алган. Көп өтпөй ал россиялык укук коргоо органдарынын колуна түшүп, Кыргызстанга депортацияланган. Аны кайра "Манас" эл аралык аэропортундагы чек арачылар жасалма документ менен кармаган. Сот чет элдикти бир ай үй камагына калтырып, 110 миң сом айып салды.

Бишкекте 5 адамга кычкылтек концентраторун убадалап, алдап кеткен шектүү кармалды

Мурдагы аялын зордуктаган мамкызматкер. Мамлекеттик органда иштеген 29 жаштагы эркек ажырашып кеткен келинчегин түндө үйгө алып келип сабап, андан соң анын эркине каршы күч колдонуп зордуктаганы боюнча жабырлануучу милицияга арыз менен кайрылган. Тергөө маалында күнөөлөнүүчү ал түнү үйдө чогуу болгонун, кол көтөргөнүн, бирок келин менен жыныстык катнашта болбогонун билдирген. Погончондор материалдарды чогултуп, күбөлөрдөн көрсөтмө алып, ишти сотко өткөргөн. Фемида өкүлдөрү эргулду Жазык кодексинин 139-беренесинин ("Ден соолукка анча оор эмес зыян келтирүү") биринчи бөлүгү боюнча күнөөлүү деп таап, үч жыл түзөтүү жумуштарына бекитти. Ал эми келинге 150 миң сомго жакын акча төлөп бермей болду.

Насыя үчүн аялын өлтүрүп... Элетте жашаган эрди-катын банктан алган насыясынын айынан уруша кетишип, мас болгон бүлө башчысы аялын катуу сабап салган. Кожойке окуя болгондон бир нече саат өткөндөн кийин эле төшөктө жатып көз жумган. Аны байкаган күйөөсү коркуп кетип кошуналарын жана милиция кызматкерлерин чакырган. Зөөкүр эргул эми бир нече жылга темир тор артында калып, ири көлөмдө айып пул төлөйт.

Өзгөндө таксистти өлтүрүп, сөөгүн өрттөдү делген эки өспүрүм камакка алынды

Көчөдөгү зөөкүрчүлүк. Мурда соттолгон 24 жаштагы жигит көчөдө бейтааныш эркек менен арак ичип, экөө мушташа кеткен. Ал бөтөлкөлөш шеригинин колу-бутун байлап, оозуна чүпүрөк тыгып, катуу сабаган. Анысы аз келгенсип, үстүнө автоунаанын дөңгөлөгүн таштап кетип калган. Берки адам баш сөөгүнөн жаракат алып, мээсине кан куюлуп өлгөн. Соттук-психиатриялык экспертиза айыпталуучу кылмыш жасаган маалда акыл-эси ордунда, кылгандарына жооп берген абалда болгон деген бүтүм чыгарган. Эми ал 12,5 жыл темир тор артында болот.

Бычакташкан жаштар. Мектепти жаңы эле бүтүргөн бала өзүнүн сүйлөшкөн кызынын мурдагы жигити менен көчөдө кезигип, чаламандын чак түшүндө аны бычактап салган. Жыйынтыгында 18 жаштагы баланын ашказан, бөйрөгү бычактан жабыркап, ооруканада көз жумган. Жаштардын урушу кыздын айынан чыккан. Адам өмүрүн алган улан 12,5 жылга кесилди.

Ноокенде 10 жашар кызды зордуктаган бала өмүр бою эркинен ажыратылды

Кемпирдин өмүрүнө кол салган ишкер. Бишкек шаарынын 43 жаштагы тургуну ишкерлик менен алектенип, жеке фирманын жетекчиси болуп иштеп келген. Ал 2005-2006-жылдары мамлекетке 4,5 миллион сомдон ашык бажы төлөмдөрүн бербей Казакстанга качып кетип, издөөгө алынган. Бир нече жыл өткөндөн кийин Кыргызстанга кайтып келип, таксист болуп иштеп, пенсия курагындагы бир кемпирге азык-түлүк жеткирип берип тыйын таап жүргөн. Күндөрдүн биринде ал жалгыз жашаган пенсионер менен тил табыша албай, жашы улгайган аялды өз батиринде балка менен башка чапкылап өлтүрүп койгон. Эртеси милицияга өзү келген. Сот аны 17 жылга темир тор артына кесип, 100 миң сомго жыккан.

52
Белгилер:
соттук чечим, өкүм, кылмыш, Кыргызстан
Тема боюнча
Саймаитинин өлүмү: экс-консул айып төлөп, бошоп чыкты
Талас башчысынын "кеңешчиси" сүзгөн велосипедчи көз жумду. Мураталиев үн катты
Ноокенде 10 жашар кызды зордуктаган бала өмүр бою эркинен ажыратылды