Бир тонна бешбармак. Архивдик сүрөт

Бешбармактын Гиннес китебине киргенин тастыктаган сертификат тапшырылды

579
(жаңыланган 14:45 03.12.2018)
Бишкекте жасалган бешбармак май айынын аягында Гиннестин рекорддор китебине кирген болчу.

БИШКЕК, 2-дек. — Sputnik. Бир тонна бешбармактын Гиннестин рекорддор китебине киргенин тастыктаган расмий сертификат тапшырылды. Бул тууралуу уюштуруучулар билдирди.

Алардын айтымында, сертификатты тапшыруу аземи Бишкектеги соода борборлорунун биринде калың элдин катышуусу менен өттү.

Белгилей кетсек, быйыл 11-мартта бир тонна бешбармак, 110 метр чучук жасалып Гиннестин рекорддор китебине кирүү аракети болгон. Натыйжада бешбармактын салмагы пландалгандан ашып түшүп 1464 килограмм чыкса, чучук 117 кулачты түзгөн

© Sputnik / Эмиль Садыров
Тер төккөн ашпозчулар, сыймыктанган эл. Бешбармак жасалган жерден керемет ирмемдер

25-майда бешбармак Гиннестин рекорддор китебине киргени маалым болгон.

579
Белгилер:
рекорд, Гиннес китеби, сертификат, Бишкек
Тема боюнча
Тер төккөн ашпозчулар, сыймыктанган эл. Бешбармак жасалган жерден керемет ирмемдер
Айта келсе аты улук бешбармактын түрлөрү же нарын деген эмне?
Бишкек троллейбус башкармалыгы ишканасынын жетекчиси Талантбек Капаров

Капаров: бир троллейбусту толук ремонттон өткөрүүгө 150 миң сомдой керек

5
(жаңыланган 12:18 18.01.2021)
"Бишкек троллейбус башкармалыгы" ишканасынын жетекчиси Талантбек Капаров мекемеде эскилиги жеткен 27 троллейбус бар экенин айтты.
Капаров: бир троллейбусту толук ремонттон өткөрүүгө 150 миң сомдой керек

2020-жылы пандемия убагында 19 миллион жүргүнчү ташыдык. Бул 2019-жылга салыштырмалуу 10 миллион кишиге аз. Бул тууралуу Талантбек Капаров Sputnik Кыргызстан радиосунун эфиринде маек куруп жатып билдирди.

Анын айтымында, троллейбус айдоочуларынын айлык акысы 12-20 миң сомго жетет.

"Бишкек троллейбус башкармалыгында 183 троллейбус бар. 120 транспорт 11 маршрут боюнча линияга чыгып, каттамдарды тейлейт. Жалпы жамаатта 700дөй кызматкер иштейт. Ишканага 2013-жылы 79 жаңы троллейбус, 2018-жылы дагы 52си алынган. Ал эми 1989-1990-жылдары чыгарылган жалпы 27 троллейбустун эскилиги жеткендиги тууралуу мэрияга айтылды. 2020-жылдын башынан тарта "Тулпар" көзөмөл кызматы менен иштеше баштадык. Шаар тургундары электрондук билетке толугу менен өтсө жүргүнчүлөрдүн саны, бюджетке түшкөн каражат боюнча ачык-айкындуулук болот эле", — деди Капаров.

Жетекчи ошондой эле бир троллейбусту капиталдык ремонттон өткөрүүгө болжол менен 150 миң сом талап кылынарын кошумчалады.

5
Белгилер:
маршрутка, троллейбус, транспорт
Тема боюнча
"Бишкек троллейбус башкармалыгы" ишканасына жаңы жетекчи дайындалды
Бирдиктүү салык декларациясы. Архив

Мурдагы жылдыкын да кошууга болот. Салык декларациясын тапшыруу башталды

23
(жаңыланган 12:22 18.01.2021)
Салык кызматы 2019-жылдагы декларациясын толтурууга жетишпей калгандар эки жылдыкын дароо бир учурда тапшырып койсо болорун эскертти.

БИШКЕК, 18-янв. — Sputnik. Мамлекеттик салык кызматы 2020-жылдын жыйынтыгы боюнча Бирдиктүү салык декларациясын кабыл алуу боюнча кампаниясын баштады. Бул тууралуу аталган мекеменин маалымат кызматынан кабарлашты.

Декларациялык кезектеги кампаниянын эки этапта өтөрү айтылды.

"1-мартка чейин – юридикалык жактар, 1-апрелге чейин жеке тараптар өткөн жылы тапкан кирешелери, жер тилкелери, мүлктөрү, экономикалык ишмердиктери тууралуу жана башка маалыматтар жөнүндө салык органдарына отчёт берүүлөрү керек", — деп айтылган маалыматта.

1-мартка чейин Бирдиктүү салык декларациясын кыргызстандык уюмдар, дыйкан жана фермердик чарбалар, туруктуу мекемесин түзүү менен өлкө аймагында ишмердигин жүргүзгөн чет өлкөлүк уюмдар тапшырууга милдеттүү.

1-апрелге чейин мамлекеттик жана муниципалдык кызматкерлер, жеке ишкерлер, анын ичинде патенттик негизде салык төлөгөндөр, менчигинде салык салынуучу кыймылдуу (транспорт) жана кыймылсыз (батир жана үй) мүлкү, жер тилкелери (короо-жай участкаларынан башка) бар жеке жактар, ошондой эле юридикалык жакты түзбөй туруп ишмердиктерин ишке ашырган дыйкан жана фермердик чарбалар Бирдиктүү салык декларацияны тапшырууга милдеттүү.

"Белгилей кетсек, мыйзамга ылайык, 2020-жылдын 1-апрелине чейин 2019-жыл үчүн салык декларациясын тапшырууга жетишпей калган жеке жактар жана жеке ишкерлер 2021-жылдын 1-апрелине чейин – 2019 жана 2020-жыл үчүн эки декларация тапшыра алышат", – деп айтылган маалыматта.

Салык кызматы декларация боюнча толук маалыматты 116 номурунан же www.sti.gov.kg сайтынан алууга болорун кабарлады.

23
Белгилер:
мыйзам, бирдиктүү салык декларациясы, Кыргызстан
Тема боюнча
Мүлкүн ачыктагандарга кол тийбестик макамын берүү мыйзамы күчүнө кирди