Маралдарды көчүрүү программасы. Архивдик сүрөт

Нарындан жер которгон марал Аксынын айылын аралап... Адис эмне дейт

240
(жаңыланган 10:24 04.12.2018)
Долбоордун авторлору бийлик өкүлдөрүнө кайрылып, маралдын айылда кышташын суранышты.

БИШКЕК, 3-дек. — Sputnik. Социалдык тармакка Жалал-Абад облусуна караштуу Аксы районундагы айылдардын бирин марал аралап жүргөн сүрөт тарады. Ал быйыл Нарындан алынып келген тогуз маралдын бири.

"Маралдарды Батыш Тянь-Шанга реинтродукциялоо" долбоорунун демилгечиси жана жетекчиси Гамал Сооронкуловдун айтымында, бул "тарбиялоочу процесс" болгондуктан эч кандай деле коркунуч жок. Ал ошондой эле кайсы бир кезде Авлетим айылдык округундагы Тегирмен-Сай айылында дагы марал эл аралаган окуя болгонун билдирди.

"Марал мал багылган короодо чоңойгон. Ал адамдардын колунан момпосуй, токоч жечү. Аны тоого алып барып койсо, кайра эле айылга келип жатат. Биз бийлик өкүлдөрүнө кайрылып, жаныбарларга эмдөө жүргүзүүнү жана кышкысын алардын айылда болуусун сурандык. Жеке пикиримде кышкысын маралдарды айылда кармаган эле оң. Анын эч жаманы жок", — деди Сооронкулов.

Ал ошондой эле жергиликтүү калк маралга зыян тийгизбей турганына ишенерин кошумчалады.

Кыргызстандын тарыхында биринчи жолу Нарын облусунун коругунан Жалал-Абад облусунун Аксы районундагы Балтыркан коругуна үстүбүздөгү жылдын июнь айында маралдар которулган

Бул демилгени үч жыл мурда эле долбоордун жетекчиси Гамал Сооронкулов көтөргөн болчу. Жаныбарларды көчүрүүгө кеткен 30 миң доллар каражатты Леонардо Ди Каприонун фондусу бөлүп берген. Голливуд жылдызы жапайы жаратылышты коргоо үчүн акча бөлүп турат.

240
Белгилер:
Нарын, Жалал-Абад, марал
Тема боюнча
Москванын көчөсүн аралаган кой айдоочулардын шаштысын кетирди
Токойдогу жан-жаныбарлар үчүн соттошуп. Кеминдиктердин тоо-таш аралаган видеосу
Кабул шаары. Архив

ЖМК: талибдер өзбек тилин расмий макамынан ажыратып салды

54
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

54
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

69
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

69
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби