Жогорку Кеңештин депутаты Осмонбек Артыкбаев. Архив

Тергөө абагындагы Осмонбек Артыкбаев ооруканага которулду

214
(жаңыланган 13:03 05.12.2018)
Буга чейин Артыкбаевдин жүрөгүнө операция жасалганы айтылган болчу.

БИШКЕК, 4-дек. — Sputnik. Жогорку Кеңештин депутаты Осмонбек Артыкбаев УКМКнын тергөө абагынан ооруканага которулду. Бул тууралуу Sputnik Кыргызстан агенттигине УКМКнын расмий өкүлү Рахат Сулайманов билдирди.

Анын айтымында, Артыкбаев медициналык кароодон өткөндөн кийин дарыгерлер ооруканага жаткыруу керек деген бүтүм чыгарышкан.

Депутат учурда кайсы ооруканада экени айтылган жок.

Белгилей кетсек, жайында Артыкбаевдин жүрөгүнө операция жасалганы айтылган. Үстүбүздөгү жылдын октябрь айында ден соолугу начарлаганына байланыштуу тергөө абагына Тез жардам чакыртылган болчу.

214
Белгилер:
Осмонбек Артыкбаев, УКМК, коррупция, оорукана
Тема боюнча
Тергөө абагындагы Осмонбек Артыкбаевге тез жардам чакырылды
УКМК төрагасы: Сатыбалдиев ооруканага жатты, Артыкбаевге операция жасалды
Адамдар пляжга барышат. Архив

Глобалдуу жылуулуктан кийин адамдын келбети да, мээси да өзгөрөт. Иликтөө

14
(жаңыланган 12:46 01.12.2021)
Адистер климаттын өзгөрүшү адамдын сырткы көрүнүшүнө таасир этип, андан сырткары, ден соолугуна да өзүнүн "салымын" кошорун айтты.

БИШКЕК, 1-дек. — Sputnik. Жер планетасындагы глобалдуу жылуулуктан улам адамдын сырткы көрүнүшү кантип өзгөрө тургандыгын илимпоздор изилдеп чыкканын "Газета" кабарлады.

Илимий эмгектин авторлорунун белгилегенине караганда, эволюция теориясы боюнча жаратылыш шарттары алмашканда түрлөр, жандыктар да өзгөрөт. Бир катар окумуштуулардын айтымында, мындай нерседен адамдар да куру калбайт.

"Климаттын жылып башташы жаныбарлардын кебетесин өзгөртөт" деп аталган эмгектин автору, биолог Сара Райдинг климаттын өзгөрүшү жана глобалдык жылуулук жан-жаныбарлардын көнүшүп кетишинин темпин тездеткен деп эсептейт.

Ыңгайлашкан башка жан-жаныбарлар — европалык чычкандар менен келемиштин бир түрүнүн буттары узарып, денесинин башка түрлөрү да мурдагыдан чоңойгон.

Ал эми адамдарга келе турган болсок, өзгөрүлгөн жылуулуктун айынан меланинди көбүрөөк бөлүп чыгары айтылды. Бул пигменттин териге, чачка жана көзгө өзүнүн таасирин тийгизет. Ал көбүрөөк болсо, теринин өңү кара тору тартып, көз менен чач да карарат.

Климаттын алмашуусу менен адам баласы өзү да, мээсинин көлөмү да өзгөрөрү айтылууда. Изилдөөлөр адамдын орточо көлөмү менен мээси ар дайым өзгөрүп турарын, тагыраагы, суук чоңойтуп, ал эми ысык, тескерисинче, кичирейтерин көрсөткөн.

Илимпоздор глобалдуу жылуулуктун башталып келе жаткандыгынын айынан адамдын мээси менен денеси кайрадан кичирейиши мүмкүн дейт. Кембридждегилер адамдын эс тутуму, сүйлөөсү, бир нерсени тез үйрөнүп кетиши жана мээдеги кан айлануунун жайлай турганын айтышты.

14
Белгилер:
глобалдык жылуулук, илимпоз, изилдөө, адам, келбет
Тема боюнча
Ааламда ири жаратылыш кырсыктары эмнеге болуп жатканын окумуштуулар түшүндүрдү
Кытайда климат кескин өзгөрүп, кесепети оор болору болжолдонуп жатат
Кишилер Бишкектеги жарманкеден азыктарды алып жатат. Архив

Бишкекте азык-түлүк жарманкеси жылдын аягына чейин өтөт

12
(жаңыланган 12:41 01.12.2021)
Жарманкеге фермерлер жана өндүрүүчүлөр өз товарларын алып чыгып, арзан баада сата турганы айтылууда. Иш-чара Бишкектин чок ортосунда өтөт.

БИШКЕК, 1-дек. — Sputnik. Бишкек шаарынын борборунда жылдын аягына чейин ар жума сайын салтка айланган айыл чарба жарманкеси өткөрүлөт. Бул тууралуу Айыл чарба министрлигинин маалымат кызматы билдирди.

Жарманке ишемби жана жекшембиде саат 09:00дөн 16:00гө чейин баш калаанын Раззаков көчөсүндө Киев менен Токтогул көчөлөрүнүн ортосунда өтөт.

Министрлик жарманкеден айыл чарба жана тамак-аш өнөр жай өнүмдөрүн, жумуртка, эт, сүт азыктарын, жашылча жана башкаларды ортомчуларсыз, өндүрүүчүлөрдүн баасы менен сатып алууга болорун айтууда.

12
Белгилер:
Бишкек, Айыл чарба жана мелиорация министрлиги, азык-түлүк, жарманке
Тема боюнча
Жапаров: өлкөдө азык-түлүк менен камсыз кылуунун деңгээли кооптуу абалда
Кыргызстанда өсүмдүк майын өндүрүү боюнча кластер түзүлөт
Фемиданын эстелиги шаардык соттун имаратында. Архив

Кыргызстанда үч кодекс күчүнө кирди

0
(жаңыланган 13:27 01.12.2021)
Буга чейин мыйзамдык актыларда бир катар дал келбестиктер, Конституция жана Кыргызстанда иштеп жаткан мыйзамдар менен карама-каршылыктар болгондуктан президент тарабынан артка кайтарылган.

БИШКЕК, 1-дек. — Sputnik. Бүгүн үч кодекс күчүнө кирди. Алар: кылмыш, эреже бузуу кодекси жана кылмыш-процессуалдык кодекс.

Кодекстер боюнча мыйзамга президент Садыр Жапаров 28-октябрда кол коюп, 15 күн өткөндөн кийин күчүнө кирген.

Юстиция министрлигинен билдиргендей, кодекстердин өзү бүгүн, 1-декабрда, күчүнө кирди.

Министрликтин сайтынан кодекстер менен таанышууга болот. Ыңгайлуу болушу үчүн шилтемелерин сунуштайбыз. Ведомствонун сайтына кирип документ менен таанышуу үчүн төмөнкү шилтемелерди басып коюу жетиштүү.

Буга чейин жогоруда белгиленген мыйзамдык актыларда бир катар дал келбестиктер, Конституция жана Кыргызстанда иштеп жаткан мыйзамдар менен карама-каршылыктар болгондуктан, тыкыр иштеп чыгуу үчүн президент тарабынан артка кайтарылган.

0
Белгилер:
Кыргызстан, кылмыш, Эреже бузуу жөнүндөгү кодекс, кылмыш кодекси
Тема боюнча
Садыр Жапаров мыйзамдан тергөө менен кызматташуу нормасын алып салды