Кучакташып турган жуп. Архив

Жаш келинге арзып калдым окшойт... Бүлөлүү эркектин баяны

10322
(жаңыланган 22:50 10.12.2018)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында көңүлдөшүнө арзып калган бүлөлүү эркектин жашоосу баяндалат.

— Үй-бүлөлүүмүн, эки баланын атасымын. Жашым 40ка чукулдап калды. Жакшынакай аялым, мончоктой болгон кыздарым бар.

Эки кыздуу болгондон кийин келинчегим экөөбүздүн мамилебиз мурункудай болбой, муздай баштады. Өзүн өтө жакшы көргөн аял. Экөөбүз тең эле жакшы жумуштарда иштейбиз, жашообуз кудайга шүгүр болчу, ага карабай мага болгон талабы күндөн-күнгө көбөйө баштады. Сырткы келбети сулуу болгону менен төшөктө муздак болчу. Акыркы күндөрү болбогон эле нерселер үчүн көп уруша баштадык.

Көңүлүм чөгүп жүргөн кезде өзүмдү алаксытыш үчүн аялдарга бара баштадым… Жиним, ызам менен. Тааныштарым аркылуу бир келин таап алгам. Башында ага жөн гана эркектик моокумумду кандырыш үчүн анда-санда эле барчумун. "Үй-бүлөм бар, болгону экөөбүз анда-санда эле жолугуп туралы" деген сунуш менен кошулгам. Ал да аныма макул болгон. Бара-бара ал башынан өткөн окуяларын айтып берип, мага жылуу мамиле жасап, айтор өзүнө тартып алды. Минтип ала жипти аттап жүргөнүмө жарым жыл болуп калды. Бирок аялыма эч нерсе билгизген жокмун, өзү деле мендеги өзгөрүүнү байкаган жок.

Кылыгы чыгып, көздөрүн жайнаткан кыздарымды кантип бир келинге кыйып кетем. Аялымчы… бул кылыгымды укса, ал кыздарды алып басып кетет, жөн ажырашпай сот менен ажырашат. Анын кыялын жакшы билем. Бирок үй-бүлө бузулса, кайра калыбына келбейт да. Кыздарымды атасыз, бөлөк өстүргүм келбейт.

Келинчегим мага суз мамиле жасай баштаганда "мунун башка бирөөсү жокпу" деп да байкап көргөм. Бирок кыялы эле болбосо, мага окшоп жаман жолго баспайт, аны да аяп кетем.

Көңүлдөш келинди да кыя албай кыйналдым. "Болду, барбайм" деп өзүмө жакшы эле сөз берем. Бирок ага кантип кетип калганымды түшүнбөй калам. Башымды айлантып алгыдай шуулдаган, өтө сулуу деле неме эмес. Жөнөкөй, назик жан.

Кыздарымдын, аялымдын көзүн карай албай кыйналам. Кайнатамдар менен менин ата-энем жакшы катышкан кудалардан. Бул кылыгымды укса эмне дешет? Менден андайды эч ким күтпөсө керек. Бирок башкага арзып калдым…

Кырдаалдан кантип чыгам?

"Психоанализ. кг" психотерапия борборунун жетекчиси Муратбек Султанбеков

— Үй-бүлө, жашоо бул "мындай кылып көрөйүн, болбосо тигиндей кылам" дегендей оюнчук эмес. Бүлө бузулса, мамлекет ураганга барабар. Кайра жарашкан күндө да баягыдай жашоо болбойт, ынтымак ыдырайт, ишенич жоголот. Өзү айткандай, кыздар атасыз өсөт. Кээ бир ажырашкан эркектер "балдарыма барып турам, алимент төлөйм" дейт. Бирок барып турган менен чогуу жашагандын айырмасы асман менен жердей. Ар бир бала атанын да, эненин да мээримине бөлөнүп, толук кандуу үй-бүлөдө чоңойгусу келет. Аялын деле жакшы көрүп алып, пландап балалуу болушкан да. Эми ички пикир келишпестик же "дискомфорттун" айынан аларды ара жолго таштап кеткен эркектик сапатка жатпайт.

Эркектик сапатка ошондой эле аялынын чечимин күтүү да жатпайт. Эркек чечкиндүү болушу керек. Жубайын сулуу кылам деген эркек сулуу кылып коет. Балким, келинчеги андан бир чечкиндүү кадам күтүп жаткандыр…

Бул кишинин өзү чече албай жаткан ички конфликтилери бар. Анысын ачык айта албай, көңүлдөш келинин же аялынын ага көңүл бурбай жатканын шылтоо кылып жатат. Аны менен өзүн алдоодо. Мындай учурлар даяр жашоодон дагы жаралышы мүмкүн. Эгер бул адам майып же колунда жок болсо, эч качан мындай жолго бармак эмес. Ичтеги боштукту толтуруп, өзүн алаксытыш үчүн дагы мындай кадамдарды кылып жатышы мүмкүн. Үй-бүлөдө гармония, теңдик болбосо, аял-эркектин ортосунда пикир келишпестик жарала берет, төшөктө да муздак болушат.

Баарын өзү чечет, өз тагдыры өз колунда. Ошондуктан шашып бир чечим чыгарбай, ойлонсун. Үй-бүлөсү жок жашай алабы? Же "арзып калдым" деген көңүлдөш келини менен кантип жашайт? Баарын реалдуу элестетип көрсүн.

Аялын таптакыр жек көрүп, көргүсү келбей калган жок да. Аны аяп жатат, демек, ага болгон сезимдери дагы эле өчө элек. Болгону "мага мындай кылсаң, мен минтем" деп коркутуп жаткандагы кербези болушу мүмкүн. Өзүн убактылуу алдап жатат, бирок жыйынтыгы жаман болот. Бузулган үй-бүлөнү кайра калыбына келтириш кыйын. Ошондуктан жакшылап ойлонсун, аялына болгон сезимин текшерсин. Үй-бүлөнү сактап калуу аялдын эле эмес, эркектин да милдети. Мамилелерин чыңдоо үчүн ар кандай аракеттерди жасап көрсүн, чечкиндүү кадамдарга барсын. Эгер "жок, кыздарым, аялымды тандайм" деген чечим кабыл алса, аялына билгизбей тезинен көңүлдөш келинден алыстасын. Акыркы чечимди бир гана өзү кабыл ала алат.

10322
Белгилер:
психолог, үй-бүлө, көңүлдөш
Тема:
Психолог менен баарлашуу (169)
Тема боюнча
Көңүлдөш болуудан тажадым! Үй-бүлөлүү эркектин очогун бузгусу келген аял
Кыздарым көзүмөн учат, бирок бара албайм. Мигрант келиндин каты
Кабул шаары. Архив

Электростанциядагы жарылуудан улам Кабул толугу менен жарыксыз калды

65
(жаңыланган 23:18 21.10.2021)
Өлкөнүн Мамлекеттик энергетикалык корпорациясы электр кубатын өткөрүүчү зымдар иштен чыкканын маалымдаган.

БИШКЕК, 21-окт. — Sputnik. Афганистандын борбору Кабул шаары жана башка бир катар провинциялар жарыксыз калды. Бул тууралуу Афганистандын Мамлекеттик энергетикалык корпорациясы билдиргенин РИА Новости жазды.

Маалыматка ылайык, борбор калаанын түндүк-батышындагы электростанцияда жарылуу болгон. Анын кесепетинен электр кубатын өткөрүүчү зымдар иштен чыккан.

65
Белгилер:
Кабул, электр энергиясы, жарылуу, өчүрүү
Тема боюнча
Кабулдагы терактылар, Багландагы салгылаш. Талибдер көзөмөлдү колдон чыгаргандай
Афганистанда полиция имаратынын жанында жардыруу болду
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

52
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

52
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн
Россиянын президенти Владимир Путин

Путин: коммунисттер менен улутчулдарга бирдей кароо такыр туура эмес

0
(жаңыланган 01:00 22.10.2021)
Россиянын башчысы экинчи дүйнөлүк согушка байланыштуу маселелерди талашууга аргументтери бар экенин айтты.

БИШКЕК, 22-окт. — Sputnik. Коммунисттер менен улутчулдарды бирдей кароо такыр туура эмес. Бул тууралуу Россиянын президенти Владимир Путин Эл аралык “Валдай” дискуссиялык клубунун жыйынында билдирди.

Путин тарыхый эстеликтер тууралуу сөз болгондо экинчи дүйнөлүк согушка байланыштуу маселелерди талашууга аргументтери бар экенин айтты.

“Бизде 1917-жылдан 1990-жылга чейинки өлкөнүн башкаруучуларына көптөгөн дооматыбыз бар. Бул кадыр эсе көрүнүш. Бирок экинчи дүйнөлүк согуштун алдында коммунисттер менен улутчулдарды бир жерге коюп, жоопкерчилигин 50\50 пайыздан бөлүп кароо такыр орунсуз”, — деди Россия лидери.

Путин бул сөздөрдү СССРдин мураскери аталган Россиянын башчысы жана орус жараны болгону үчүн гана айтып жатпаганын белгиледи.

“Мен муну изилдөөчү катары айтып жатам. Архивде жаткан документтерди окуп чыктым”, — деди Россиянын башчысы.

Анын айтымында, анын арасында лагерлер жана репрессия сыяктуу Сталин жөнүндө көп нерсени эстесе болот.

“Бирок мен документтерден анын резолюцияларын көрдүм. Совет өкмөтү экинчи дүйнөлүк согуштун башталышына жол бербөө үчүн күрөшкөн”, — деди Путин.

Ошондой эле ал тарыхты бурмалоо аракети ар дайым болушу мүмкүн экенин, бирок жок дегенде документтерди окуп коюуга чакырды.

0
Белгилер:
Владимир Путин, тарых, улутчул, коммунист
Тема боюнча
Путин Афганистандын экономикасын калыбына келтирүү үчүн көмөктөшүүгө чакырды