Кыргызстандын мурунку президенти Аскар Акаев. Архив

Учкучтардын кабинасына кирип алчу. Аскар Акаевдин пилоту экс-президент тууралуу

2961
(жаңыланган 09:26 10.12.2018)
Стальбек Алымкулов Аскар Акаевдин учкучу болуп жети жыл иштеген.

БИШКЕК, 8-дек. — Sputnik. Пилот Стальбек Алымкулов Tengrinews агенттигине берген интервьюсунда Кыргызстандын туңгуч президенти Аскар Акаевди тик учак менен алып жүргөнүн эскерген. Алымкулов 64 жашта. Авиациялык чөйрөдө Аскар Акаевдин жеке учкучу катары таанымал. 40 жылдык тажрыйбасы бар. Алгач учактардын кичи авиациясынан баштап кийин тик учактарга өткөн. Жети жыл Акаевдин жеке учкучу болуп иштеген.

Алымкуловдун айтымында, бортко биринчи адам отурганда бардык пилотторду атайын кызматтын өкүлдөрү текшерип турган.

"Тик учак абага көтөрүлөр алдында сөзсүз түрдө атайын комиссия келип текшерип турчу. Курамы дарыгерлерден түзүлгөн дагы бир комиссия борттогу тамак-ашты текшерчү. Тик учагыбыз кымбат жасалгалуу эмес, жөнөкөй эле болчу", — деди Алымкулов.

Ал ошондой эле VIP-жүргүнчүлөрдү эки борт коштоочу тейлеп турганын айтты.

"Акаев кээде учкучтардын кабинасына кирип келип, бортмеханиктин ордуна отуруп алчу. Ал асманды караганды жакшы көрчү. Анан, албетте, сүйлөшчүбүз. Абдан тарбиялуу жакшы адам, интеллигенттүү окумуштуу да. Дайыма жылмайып турчу. Жерге конгондо "рахмат, балдар" деп колубузду кысчу", — деп эскерди Алымкулов.

Аскар Акаев кандай кызматкер болгонун мурдагы жетекчиси айтып берген материалды Sputnik агенттигинен окуңуздар.

2961
Белгилер:
Учкуч, Аскар Акаев, Кыргызстан
Тема боюнча
Аскар Акаев кандай кызматкер болгонун мурдагы жетекчиси айтып берди
Караколдо тамтыгы чыккан имаратта рентгенге тартат

Караколдо тамтыгы чыккан имаратта рентгенге тартат. Дарыгердин түшүндүрмөсү

7
(жаңыланган 19:55 12.07.2020)
Эски үйгө окшош имаратта 1967-жылы чыгарылган рентген-томография иштетилет. Бул облус боюнча жападан жалгыз аппарат.

БИШКЕК, 12-июл. — Sputnik. Каракол шаардык кургак учук диспансеринин директору Жаңыл Акунова эмне себептен рентген-аппарат авариялык абалдагы имаратта жайгашканын айтып берди. Анын билдирүүсүн өкмөттүн Ысык-Көл облусундагы өкүлчүлүгүнүн маалымат кызматы жарыялады. 

Аварийное здание, где находится единственный рентген-аппарат в Караколе Иссык-Кульской области.
© Фото / Жаныбек Кожоев
Караколдо тамтыгы чыккан имаратта рентгенге тартат

Буга чейин социалдык тармактарда дубалдары көчкөн эски үйгө окшогон имаратта рентген тартып жатканы туурасында жазышкан.

Ысык-Атанын ооруканасында эртеден бери дарыгерлер жокпу? Министрликтин жообу

Акунова ал аппарат кургак учук менен ооруган бейтаптарга гана колдонула турганын жана жабдыктын иштөө убактысы чектелүү экенин билдирди.

“Бул 1967-жылы чыгарылган эски рентген-томограф, муну эчак эле колдонуудан чыгарыш керек болчу. Бирок облус боюнча бир эле ушул аппарат болгондуктан иштетүүгө туура келет. Учурда томографияга гана тартып жатабыз, рентген иштебей калды. Биз кургак учук менен ооруган бейтаптарды гана тейлейбиз. Бул аппаратты эч качан ордунан жылдырбаш керек, болбосо таптакыр эле  жарактан чыгып калат”, — деди дарыгер.

Ошондой эле ал каражаттын жоктугунан имарат оңдолбой турганын кошумчалады.

7
Белгилер:
оңдоо, дарыгер, имарат, рентген, Каракол
Тема боюнча
Көлдөгү кургак учукту дарылаган борбор COVID жуктургандарга берилеби? Расмий жооп
Ысык-Атанын ооруканасында жарык өчүп, аппараттагы бейтап көз жумду
№1 шаардык оорукананын медигинин кайрылуусу боюнча башкы дарыгер текшерилет
Чоң Чүй каналына түшүп кеткен кичи автобус

Кечээ Чоң Чүй каналына түшүп кеткен кичи автобустун айдоочусу табылды

90
(жаңыланган 19:27 12.07.2020)
Кечээ, 11-июлда, каналда калкып турган Mercedes-Benz Sprinter үлгүсүндөгү автоунаанын видеосу жарыяланган.

БИШКЕК, 12-июл. — Sputnik. Милиционерлер Кара жыгач токоюнда Чоң Чүй каналына түшүп кеткен кичи автобустун айдоочусун тапты. Бул тууралуу Кайгуул милициянын маалымат кызматы билдирди.

Кечээ, 11-июлда, каналда калкып турган Mercedes-Benz Sprinter үлгүсүндөгү автоунаанын видеосу жарыяланып, анын айдоочусу изделип жатканы айтылган

Талкаланыптыр! Бишкекте жеңил унаа тосмону сүзүп, чуңкурга түшүп кетти. Сүрөт, видео

Бүгүн автоунаа жана анын айдоочусу дагы табылды. Ал жол кырсыгынан эмес, кокустан сууга түшүп кеткени белгилүү болду.

"Кичи автобус Чоң Чүй каналынын чекесине токтотулган. Бирок анын кол менен тартылчу тормозу иштебей калып, машина каналга түшүп кеткен. Жабыркагандар жок", — деп билдирди Кайгуул милициясы.

Милиционерлер айдоочуга түшүндүрүү иштерин жүргүзгөн.

90
Белгилер:
айдоочу, Чоң Чүй каналы, Бишкек
Тема боюнча
Тез жардам унаасы Бишкектин чок ортосунда кырсыктан ала салды. Видео