Ысык-Көлдүн Григорьевка айылынын тургуну Айсулуу Сейдеева жолдошу өпкөнүн рак оорусуна кабылган

Көлдүк келин: ай-күнүмө жетип калганда күйөөм рактан бүк түшүп жатат

(жаңыланган 09:43 17.12.2018)
Ысык-Көлдүн Григорьевка айылынын тургуну Айсулуу Сейдеева жолдошу өпкөнүн рак оорусуна кабылганын айтып, редакцияга жардам сурап кайрылды.

Анын айтымында, жолдошу Курманбек Жанузаков акыркы беш айдан бери ден соолугу начарлап, төшөккө жатып калды. Чет жерден дарылануу үчүн ири суммадагы акча керек. Айсулуу эки чиедей баласы менен иштей албайт, 8 айлык боюнда да бар.

Күйөөмдүн оорусу нес кылды

Курманбектин ден соолугундагы өзгөрүүлөр быйыл февралдан тарта башталды. Желкеси менен далысы тартылып ооругандан алгач ийне аркылуу дары алды. Кийинчерээк "өпкө тушум ооруп жатат" дей баштады. Бети менен моюнуна майда шишиктер жайылганда Караколдогу ооруканага алып барсак, алар Бишкекке жөнөтүштү. Бирок биз камынып жөнөгүчөктү жаз келди.

Онкология борборуна барганыбызда күйөөмө өпкөнүн рагы деген диагноз коюшту. Мындай илдетке чалдыгам деп ким эле ойлосун, угуп алып нес болдук. Илдет кайдан илээшкенин билбейм, туугандар арасында деле мындай жок эле. Дарыгерлерге ишенбей кайрадан анализ тапшырууну эп көрдүк. Анын акысы 20 миң сом экен, беш миң сомго арзандатып өткөрө алдык. Баягы эле дарт чыкты — рак… 

Житель села Григорьевка Курманбек Жанузаков, заболевший раком легких с супругой Айсулуу Сейдеева
© Фото / Элдос Бексадыров
Айсулуу Сейдеева: күйөөм өпкө рагынан жабыркап беш айдан бери төшөктө

Молдокелер акчаны шыпырып алды

Көлдөн Бишкекке каттап маалы менен дарыланып турдук. Химиялык дарылоо курсунан бир ирет өттүк. Кийинкилерин каражаттын жоктугунан алуу кыйынга турду. Ар ким эмнени айтса, ошону кыла бериптирбиз. Табып менен молдого да алып бардык. Кызыгы, молдо деле дарыканадагы таблеткаларды жазып берди. Кыскасы бекер эле акча коротуптурбуз, сакайгандын ордуна абалы начарлады. Дем алганда абдан кыйналат. Кан аралаш какырык чыгат. Денесин шылып алгандай эле арыктады. Тамакка табити тартпайт. Суюк шорпо эле жасап берем. Басып турганда дене-башы ооругандыктан көбүнчө төшөктө жатат. Акыркы беш ай оор өтүүдө. 

Житель села Григорьевка Курманбек Жанузаков, заболевший раком легких с супругой Айсулуу Сейдеева
© Фото / Элдос Бексадыров
Сейдеева: мектеп курагындагы уул-кызыбыз бар, жакында үчүнчү наристемди жарыкка алып келем

8 айлык боюмда бар

Жолдошум экөөбүздүн баш кошконубузга 13 жылдын жүзү болду. Ал 38де, мен бир жашка кичүүмүн. Аз убакыт сүйлөшүп баш кошконубуз менен жакшы жашап кеттик. Ал көп жылдан бери курулуш тармагында эмгектенди. Мен деле майда-барат жумуштарда иштеп калчумун. Билимибиз орто, карапайым үй-бүлөдөнбүз. Өзүбүздүн үйүбүз жок болгондуктан Көлдө кайненемдер менен турабыз. Ортодо мектеп курагындагы уул-кызыбыз бар. Ай-күнүмө жетип үчүнчү перзентимди жарыкка алып келейин деп турам. 

Житель села Григорьевка Курманбек Жанузаков, заболевший раком легких с супругой Айсулуу Сейдеева
© Фото / Элдос Бексадыров
Айсулуу: ак пейил, боорукер адамдардан куру эмеспиз го, жардам сурап турабыз…

Түркиядан сакайтууга мүмкүнчүлүк бар

Жолдошум өзүнүн дарты жөнүндө укканына бир айдан эле ашты. Угуп алып абдан жаман абалга түштү. Туугандар көңүлүн оорутпайлы деп жашырып келгенбиз. Азыр илдети акыркы стадияга кептелип, ден соолугу күндөн-күнгө начарлоодо. Бишкектеги дарыгерлер жоопкерчилик ала албайбыз дешти. Теңтуштарыбыз аркылуу Түркиядагы дарыгерлер менен сүйлөшкөнүбүздө саламаттыгын калыбына келтирип берүүгө убада беришти. Жалпысынан 7 миңдей доллар керектелүүдө. Ага үй-бүлөбүз менен жалгыз жардам бере алчудай эмеспиз. Дос-тууган, тааныштар колдон келишинче жардам көрсөттү. Өзүм мындай абалда иштей албайм. Кудайдан тилегеним эле күйөөмдүн аман-эсен сакайып кетиши. Бала-чакабызды чогуу тарбияласак дейбиз. Ак пейил, боорукер адамдардан куру эмеспиз го, жардам сурап турабыз…

Белгилер:
тагдыр, кош бойлуу, рак, оорук, Ысык-Көл
Тема боюнча
Танзила Эргешова: ракка кабылганымды билген күйөөм таптырбай кетти
Оорумду укса апамдын көзү көрбөй калат. Ракка чалдыккан беш аялдын тагдыры
Оорулуу баласына чогулткан акчасын уурдаткан эне көз жумду. 8 жашар Акылдын баяны
Коомдук жана саясий ишмер Жусуп Абдрахманов. Архив

Жусуп Абдрахманов өмүр баяны

Жусуп Абдрахманов 1901-жылы 28-декабрда Ысык-Көл облусундагы Чиркей айылында манаптын үй-бүлөсүндө төрөлгөн.

Билими:

Абдрахманов Сазановка кыштагындагы (азыркы Ананьево айылы) орус-тузем мектебинде 3-класска чейин окуп, 1914-жылдан баштап билимин Каракол шаардык жогорку-башталгыч окуу жайында уланткан. Тилекке каршы, 1916-жылы Үркүн окуясынан улам Абдрахманов окуусун бүтүрө албай калган.

Болочоктогу саясий ишмердин атасы — Абдрахман Балапанов бий жана болуш болгон. Ал 1916-жылдагы көтөрүлүшкө катышып, ошол жылы келте оорусунан каза тапканы айтылат. Жусуп Абдрахмановдун энеси жана жети бир тууганы Нарындагы көтөрүлүштү басууда өлтүрүлгөн. Натыйжада Абдрахманов Токо аттуу иниси менен томолой жетим калып, 15 жашында эл менен кошо Кытайга качат. Бир жылдан соң мекенине кайтып келип, Каракол гарнизонунда офицерлердин аттарын, короосун карап жашаган.

Жусуп Абдрахманов Кызыл Армияга жазылып, бир жылга жетпеген убакытта катардагы жоокерден эскадрондун командирлигине чейин көтөрүлгөн. Алгач 1919-жылы Верныйдагы (азыркы Алматы шаары) командирлик курстан, андан кийин Ташкенттеги аскердик жогорку мектептен окуган.

Эмгек жолу:

Совет бийлиги орногондон кийин партиялык курулушка баш-оту менен киришкен Абдрахманов алгачкылардан болуп комсомолдун катарына өтүп, 1920-жылы Россия комсомолдорунун 3-курултайына өкүл катары катышкан.

Кыргыз мамлекеттүүлүгүнүн түптөөчүсү, алгачкы кыргыз интеллигенциясынын эң көрүнүктүү өкүлү, саясий жана коомдук ишмер Жусуп Абдрахманов
© Фото / иллюстрации из книги Ж. Абдрахманова "1916. Дневники. Письма к Сталину"
Жусуп Абдрахманов 1924-жылга чейин Жети-Суу аймагында жооптуу партиялык-советтик кызматтарда иштеген. Ошол жылдары санаалаштары менен жаңы, жаш мамлекетти бутуна тургузуп, цивилизацияга кошуу иштерине киришет. Абдрахманов Кыргызстандын азыркы чектерин аныктап, ал гана эмес өлкө аянтын дагы да кеңейтүүнү максат кылган. Абдрахмановдун аракети менен Кыргызстан адегенде автономиялуу облус, андан кийин автономиялуу республика болгон.

Коомдук ишмер 1925-жылы Москвага кызматка чакырылып, Бүткүл союздук коммунисттер партиясынын Борбордук Комитетинде жооптуу инструктор болуп эмгектенген. Ошол эле жылы кыргыздан чыккан алгачкы дипломат катары Иран өлкөсүнө эки тараптын мамилесин чыңдоо үчүн жөнөтүлөт.

Саясий ишмер 1927-жылы март айында, болгону 26 жашында Кыргыз АССРинин Элдик комиссарлар төрагасы болуп дайындалат. Ал бул кызматты аркалаган беш жыл ичинде жаңы түзүлгөн жаш республикадагы бардык маанилүү жумуштарды баштап? айыл чарба, өнөр жай, билим берүү, укук, маданият сыяктуу тармактарды негиздөөгө салым кошкон. Колхоздошуу башталганда чоңдордун каршылыгына карабастан кооперация идеясын көтөрүп, көчмөн калкты жапырт отурукташтырууга макул болбой, жергиликтүү шартты билбеген москвалык кызматкерлерди катуу сындап, кыргыз тилинин ролун жогорулатуу, улуттук кадрларды даярдоо жана кызматка коюу маселелерин ар дайым көтөргөн. Ал турсун Сталинге эки жолу кат жөнөтүп, Москванын туура эмес саясатын белгилеген. 1930-жылдары ачкачылык башталып, Украина, Казакстанда миллиондогон адам кырылганда Абдрахманов бул көрүнүштү алдын ала сезип, Кыргызстанда жыйналган данды жогору жактын каршы чыкканына карабастан Москвага жөнөтпөй койгон. Ошентип канчалаган кыргызды ачарчылыктан сактап калган. Бирок так ушул жагдай кийин анын "улутчул" деп күнөөлөнүшүнө себепкер болгон. Абдрахманов 1933-жылы сентябрда "Компартияга каршы аракеттенген" деген жалаа менен ишинен бошотулуп, партиянын катарынан чыгарылган.

Жусуп Абдрахманов 1937-жылы камакка алынып, ага антисоветтик террорист, Социал-Туран партиясынын түзүүчүсү деген жалган күнөөлөр коюлат. Кыргызстанда совет бийлигин кулатып, өзүнчө мамлекет түзмөкчү болгон деген айып тагылат. Бирок түрмөдөгү адам чыдагыс кыйноолорго карабай күнөөлөрдү мойнуна алган эмес. Бийликти аёосуз сындаса да, советтик түзүлүштүн активдүү жарчысы жана куруучусу болуп, ар дайым Лениндин идеяларын колдоп келген. Жусуп Абдрахманов 1938-жылдын 5-ноябрда өлтүрүлгөн. Артында анын жубайы жана беш баласы калган.

Белгилер:
саясий ишмер, коомдук ишмер, таржымал, өмүр баян, Жусуп Абдрахманов
Тема боюнча
Бишкектеги жогорку окуу жайга Жусуп Абдрахмановдун ысымын ыйгаруу сунушталды
Жусуп Абдрахмановдун 120 жылдыгы быйыл улуттук деңгээлде белгиленет
WhatsApp мессенджердин логотиби. Архив

Жаңы эрежени кабыл албасаңыз WhatsApp сиздин профилди өчүрөт

(жаңыланган 15:26 19.04.2021)
Жаңыланган келишимге ылайык, сиздин адаттарыңызды жана табитиңизди анализдөө үчүн WhatsApp колдонуучулардын жеке маалыматтарын Facebook тармагына өткөрүп берет.

БИШКЕК, 19-апр. — Sputnik. WhatsApp мессенжери жаңыланган колдонуу келишимин кабыл албаган аккаунттарга 15-майдан тарта чектөө киргизет. Бул тууралуу платформанын сайтында айтылат.

Компания колдонуучунун жаңылануулар боюнча кенен маалымат алуусу үчүн 15-майга чейин убакыт берди. Мессенжер кардарлардын профилин дароо өчүрүп салбайт. Деген менен алар жаңы эрежени кабыл алмайынча башкалардан келген коңгуроолор менен билдирүүлөргө жооп бере албайт.

Россиянын "Башкы радиожыштык борбору" Федералдык мамлекеттик унитардык ишканасынын илимий-техникалык борборунун адистери WhatsApp тиркемесин колдонуу келишиминдеги жаңыланган саясатында АКШнын чалгындоо кызматы тиркеме колдонуучуларын аңдып, алардын пикирин бурмалоо коркунучу пайда болушу мүмкүн деген тыянакка келишкен.

Январь айынын башында WhatsApp колдонуу шарттарын өзгөрттү. Ага ылайык, эми колдонуучулар Facebook жарнама тутумуна жана анын тиркемелерине өзүлөрүнүн адаттары жана табити боюнча маалыматтарын тапшыруусу керек. Кийинчерээк айтылган сындарга байланыштуу мессенжер колдонуу келишиминин мөөнөтүн 8-февралдан 15-майга чейин узартып койду.

Белгилер:
эреже, өчүрүү, жазышуу, аңдуу, WhatsApp
Тема боюнча
Clubhouse колдонгон 1,3 млн. кишинин маалыматы ачыкка чыгып кетти