Коопсуздук кеңешинин жыйынында кабыл алынган чечимдердин тизмеси

БИШКЕК, 18-дек. — Sputnik. Президент Сооронбай Жээнбеков Коопсуздук кеңешинин "Санариптик өнүктүрүү боюнча чаралар жөнүндө" чечимине кол койду. Бул тууралуу мамлекет башчынын маалымат кызматынан кабарлашты.

Чечимдин долбоору 2018-жылдын 14-декабрында Жээнбековдун төрагалыгы алдында өткөрүлгөн Коопсуздук кеңештин жыйынында кабыл алынган.

Чечимдердин тизмеси:

"Санарип Кыргызстан — 2019-2023" Санариптик трансформациянын концепциясы (мындан ары — Концепция) жактырылсын.

Жогорку Кеңешке жана өкмөткө сунуш кылынсын:

— мыйзам чыгаруу ишин жүзөгө ашырууда Концепцияны ишке ашыруу үчүн иштелип чыккан жана демилгеленген мыйзам актыларынын долбоорлорун артыкчылыктуу тартипте кароо;

— Концепцияны ишке ашырууга багытталган ченемдик укуктук актылардын тиешелүү долбоорлорун өз учурунда иштеп чыгуу максатында атайын парламенттик-өкмөттүк комиссия түзүү тууралуу маселени карап чыксын.

Өкмөткө төмөнкүлөр сунушталсын:

— "Түндүк" ведомстволор аралык өз ара аракеттенүү системасы аркылуу калкка санариптик мамлекеттик кызмат көрсөтүү жол-жобосун автоматташтырууга жана жөнөкөйлөтүүгө багытталган автоматташтырылган мамлекеттик маалыматтык системаларды түзүүнү жана башка иш-аракеттерди аягына чыгаруу боюнча;

— 2019-жылдын 1-июлуна чейинки мөөнөттө мамлекеттик органдарды, анын ичинде Транспорт жана жолдор министрлигин — 2019-жылдын 15-январына чейинки мөөнөттө, Саламаттык сактоо министрлигин — 2019-жылдын 31-мартына чейинки мөөнөттө "Түндүк" ведомстволор аралык өз ара аракеттенүү системасына кошуу менен байланышкан технологиялык процесстерди аягына чыгаруу боюнча;

— Концепцияны ишке ашыруу процессин финансылык жана уюштуруучулук жактан камсыз кылуу боюнча;

— Маалыматтык-коммуникациялык технологияларды иштеп чыгуу менен алектенген мамлекеттик ишканалардын жана мекемелердин адистери үчүн эң аз эмгек акыны жеке IT-компаниялар деңгээлинде белгилөө жана ушул адистерге эмгек акы төлөө фондун түзүү боюнча;

— 2019-жылдын 30-декабрына чейинки мөөнөттө бардык мамлекеттик кызмат көрсөтүүлөрдү электрондук форматка өткөрүү, анын ичинде 2018-жылдын 30-декабрына чейинки мөөнөттө Маалыматтык технологиялар жана байланыш мамлекеттик комитетинин төрагасы тарабынан жарыяланган, 25 мамлекеттик кызмат көрсөтүүнү электрондук форматка өткөрүү процессин аягына чыгаруу;

— IT-технологиялар чөйрөсүндө квалификациялуу адистерди даярдоо боюнча.

2019-жылдын 1-январына чейинки мөөнөттө "Электрондук өз ара аракеттенүү борбору" мамлекеттик ишканасына электрондук башкарууну киргизүү процессин техникалык координациялоону жана ишке ашырууну камсыз кылуу тапшырылсын;

2019-жылдын 1-февралына чейинки мөөнөттө төмөнкү маселелерди ишке ашыруу боюнча ыкмаларды жана көз караштарды аныктоочу Кыргызстандын киберкоопсуздук стратегиясын жеткире иштеп чыксын жана кабыл алсын:

— банктык, телекоммуникациялык жана башка сервистик инфраструктуранын киберкоопсуздугун камсыз кылуу үчүн компьютердик чыр-чатактарга чара көрүү топтору, киберкоркунучтарга мониторинг жүргүзүү жана чара көрүү борборлору сыяктуу өз ара так чектелген уюштуруучу түзүмдөрдү түзүү;

— компьютердик кылмыштарга каршы аракеттенүү үчүн укуктук жана усулдук негиздерди түзүү;

— криптографиялык коргоо системасын кошо алганда, маалыматты коргоонун улуттук системасын түзүү;

— Кыргызстандын купуя маалыматтык инфраструктурасынын коопсуздугун, мамлекеттик түзүмдөрдүн жана мамлекеттик эмес сектордун уюмдарынын киберкоопсуздугун камсыз кылуу системасын түзүү;

— техникалык стандартташтыруу жана киберкоопсуздукту камсыз кылуу жаатында эл аралык кызматташтыкты түзүү;

— киберкоопсуздукту камсыз кылуу жаатында адамдык потенциалды өстүрүү жана бекемдөө;

2019-жылдын 15-февралына чейинки мөөнөттө Концепцияны ишке ашыруу боюнча Жол картасынын долбоорун бекитүү жөнүндө чечимди кабыл алсын. Кыргызстандын биринчи вице-премьер-министри Концепцияны ишке ашыруу боюнча Жол картасын аткаруу үчүн жооптуу болуп аныкталсын.

— квартал сайын премьер-министрдин төрагалыгы астында Концепцияны ишке ашыруу боюнча Жол картасын аткаруунун жүрүшү жөнүндө кеңешме өткөрүлсүн.

— 2019-жылдын 1-февралына чейинки мөөнөттө өкмөттүн аппаратына караштуу Концепцияны ишке ашыруу процессин тескөө боюнча борбор түзүлсүн;

Кыргыз Республикасынын бардык кызыкдар болгон мамлекеттик органдары менен өз ара аракеттенип:

— Концепцияны ишке ашырууну камсыз кылууга багытталган тиешелүү чараларды көрсүн;

— Кыргызстандын Коопсуздук кеңешинин катчылыгына Концепцияны ишке ашыруунун жүрүшү жөнүндө маалыматты квартал сайын, отчёттук мезгилден кийинки айдын 5ине чейин берип турсун.

— Кыргыз өкмөтүнө караштуу Мамлекеттик салык кызматы, Экономика министрлиги, Мамлекеттик бажы кызматы жана Маалыматтык технологиялар жана байланыш мамлекеттик комитети 2019-жылдын 1-мартына чейинки мөөнөттө бул чөйрөнү регламенттеген тиешелүү ченемдик укуктук актыларды иштеп чыгуу жана демилгелөө менен Кыргыз Республикасына кирүүчү/чыгуучу интернет-трафикти эсепке алууну жүргүзүүгө мүмкүндүк берүүчү механизмдерди колдонууга киргизүүнү камсыз кылсын.

— Билим берүү жана илим министрлиги, Саламаттык сактоо министрлиги кызыкдар болгон мамлекеттик органдар менен биргеликте "Мектеп медицинасы — IT-бейтапкана" жана "Акылдуу мектеп" долбоорлорун 2019-жылдын 1-июлунан тартып колдонууга киргизүү боюнча чараларды көрсүн.

Кыргызстандын Коопсуздук кеңешинин катчылыгы:

— 2018-жылдын 20-декабрына чейинки мөөнөттө Коопсуздук кеңешинин катчылыгына караштуу Концепцияны ишке ашырууну камсыз кылуу боюнча жумушчу топту түзүү жөнүндө президенттин буйругунун долбоорун иштеп чыксын жана киргизсин;

— 2019-жылдын 20-январына чейинки мөөнөттө Коопсуздук кеңешинин Концепцияны ишке ашырууну камсыз кылуу боюнча жумушчу тобу менен биргеликте "Санарип Кыргызстан — 2019-2023" Санариптик трансформациянын концепциясын ишке ашыруу боюнча Жол картасынын долбоорун иштеп чыксын жана өкмөткө жөнөтсүн;

— Концепцияны аткаруунун мониторингин аны ишке ашыруу процессине баа берүү менен туруктуу негизде жүргүзсүн;

Бул чечимдин аткарылышын контролдоо Коопсуздук кеңешинин катчылыгына жүктөлдү.