Акча. Архивдик сүрөт

Финчалгындоо кызматы ячейка ээлери боюнча реестр түзүүдөн баш тартты

(жаңыланган 13:15 26.12.2018)
Буга чейин Финчалгындоо кызматы сунуш эл аралык уюмдардын талабы экенин түшүндүрүп, анын максаты кылмыштуу кирешелерди адалдоого каршы туруу экенин айткан.

БИШКЕК, 25-дек. — Sputnik. Финансылык чалгындоо мамлекеттик кызматы бирдиктүү реестр түзүү үчүн банктагы эсеп жана ячейка ээлери тууралуу банктан маалымат алуу талабынан баш тартты. Бул туурасында аталган ведомствонун статс-катчысы Чыңгыз Кененбаев билдирди.

Буга чейин Финчалгындоо кызматы сунуш эл аралык уюмдардын талабы экенин түшүндүрүп, анын максаты кылмыштуу кирешелерди адалдоого каршы туруу экенин айткан

"Ооба, бул сурамды кайра артка чакыртып алдык. Мурункудай эле система болот", — деди Кененбаев.

Ошондой эле ал кийинки жылы коммерциялык банктар менен жолугушуу өткөрүү пландалып жатканын кошумчалады.

Финансылык чалгындоо кызматы банктардан эсеп жана ячейка ээлери боюнча маалыматты талап кылган. Бул банктын кардарларын эле эмес, мамлекеттик органдардын да нааразычылыгын жараткан

Улуттук банктан билдиришкендей, финансылык мекемелер "Террордук ишти каржылоо жана кылмыштуу кирешелерди адалдоого каршы аракеттенүү жөнүндөгү" мыйзамга ылайык, Финчалгындоо талап кылган маалыматтарды бере алат.

Бирок талап кылынган кат "Улуттук банк, банктар жана банктык ишмердик" тууралуу мыйзамга туура келиши керек. Анда кардардын аты-жөнү, маалыматтын көлөмү жана ал кандай максатта колдонулары так көрсөтүлүшү зарыл.

Белгилер:
ячейка, эсеп, реестр, банк, Финансылык чалгындоо кызматы
Тема боюнча
Эми УКМК үн катты. Зилалиевдин ячейкадагы акчалары тууралуу видеонун таржымалы
Кадыр түн учурунда мусулмандар. Архив

Кадыр түн качан болору айтылды

(жаңыланган 16:56 22.04.2021)
Шарият боюнча бул түн миң айдан да артык деп эсептелет. Орозонун 26-күнүнөн 27-күнүнө караган түнү белгиленип келет.

БИШКЕК, 22-апр. — Sputnik. Быйылкы Кадыр түн 9-майга караган түнү белгиленет. Бул тууралуу муфтияттын маалымат кызматы кабарлады.

Орозо быйыл 13-апрелге караган түнү башталды. Кадыр түн дайыма орозонун 26-күнүнөн 27-күнүнө караган түнү белгиленип келет.

Шарият боюнча бул түн миң айдан да артык деп эсептелет. Эгерде Кадыр түнү инсан эки ирет намаз окуса, 84 жыл бою ибадат кылганга барабар соопко ээ болот деп айтылат. 

Белгилер:
муфтият, орозо, Кадыр түн, Кыргызстан
Тема:
Орозо-2021
Тема боюнча
Касиеттүү түн интернет менен өтпөшү керек! Кадыр түнгө карата 7 "болбойт"
Бишкек шаары. Архив

Эртең Бишкектин 56 көчөсүндө электр кубаты болбойт. Тизме

(жаңыланган 16:35 22.04.2021)
"Түндүк электр" ишканасы электр энергиясын убактылуу өчүрүү оңдоп-түзөө иштерине байланыштуу болуп жаткандыгын айтышты.

БИШКЕК, 22-апр. — Sputnik. Эртең борбор калаанын 56 көчөсүндө электр кубаты убактылуу өчүрүлөт. Бул тууралуу "Түндүк электр" ишканасынын сайтында кабарланган.

Бул күнү бригадалар тирөөчтөрдү орнотуп, үйлөрдүн, короолордун ичиндеги кабелдерди иретке келтирип, оңдоп-түзөө иштерин жасайт.

Электр кубаты төмөнкү жерлерде болбойт:

  • 09:00дөн 12:00гө чейин — Островская, Сухомлинов, Бакаев, Целинная көчөлөрүндө, андан сырткары Ак-Өргөө конушунда (Ашар, Ак шоокум, Адышева көчөлөрүндө) болбойт;
  • 09:00-19:00 — Алыбаев, Маликов, Термечиков, Захарьев көчөлөрүнүн тилкелеринде;
  • 09:30-14:00 — 10-кичи райондо (№36, 36/1, 37/1, 37, 38 үйлөр);
  • 09:30-17:00 — Ахунбаев, Бектенов көчөлөрүндө, Балхаш туюк көчөсүндө, 9-кичи райондо (№6Б үй), Арча-Бешик конушунда (Кызыл-Адыр, Термечиков, Камбар-Ата, Бердибаев, Эр-Тайлак, Шералиева, Проектируемая, Арча-1 көчөлөрүндө);
  • 09:30-18:00 — Лев Толстой, Леваневская, Строительная, Красная, Тыныбеков, Матыев көчөлөрүнүн тилкесинде, Көлмө жана Алтын-Бешик конуштарында (Максат, Медина, Республиканская, Мыскал, Кулиев, Полевая, Азаттык, Коммунаров, Айкөл, Козу-Баглан, Жийде, Жаз, Минская, Багратион, Краснодонцев жана Малышев көчөлөрүндө);
  • 10:00-14:00 —Урожайная жана Аламүдүн көчөлөрүнүн тилкелеринде;
  • 10:00-17:00 — Жумабек, Осмонкул, Баетов көчөлөрүнүн тилкелеринде;
  • 12:00-17:00 — Шота Руставели, Севастопольская, Үчүнчү линия көчөлөрүндө, Чыңгыз Айтматов проспектисинде, Абдраев, Месароша көчөлөрүндө, Чугуев туюк көчөсүндө, 5-кичи райондо (№79-83, №72/1, №64, 65 үйлөр) өчүрүлөт.
Белгилер:
өчүрүү, электр кубаты, Бишкек
Тема боюнча
Кыргызстандын аймактарына кар түштү. Видео жана сүрөттөр