Эстеликтеги гүлдөр. Архив

Котормочу, протокол бөлүмүнүн жетекчиси. Акаевдин экс-маалымат катчысы дүйнө салды

474
(жаңыланган 11:07 27.12.2018)
Досу Ильяс Бекболотовдун бир жылдан бери ооруп жүргөндүгүн айтты.

БИШКЕК, 26-дек. — Sputnik. Бишкек шаарында 26-декабрда эртең менен мурдагы президент Аскар Акаевдин маалымат катчысы болуп иштеген Илияс Бекболотов узак оорудан каза тапты. Бул маалыматты анын жакын достору тастыктады.

Ал Бекболотовдун бир жылдан бери ооруп жүргөндүгүн айтты.

"Быйыл жайында Индияга барып дарыланып келген. Жакшы болуп, ишине чыгып жаткан эле, бирок абалы кайра начарлады. Кезектеги дарылануусуна жетпей калды. Буга чейин Бишкектеги ооруканага жатып чыкканына бир аптадай болгон", — деп кошумчалады ал.

Ильяс Бекболотов мурдагы билим берүү, илим жана маданият министри Турсунбек Бекболотовдун уулу.

Кесиби боюнча англис тилчи Ильяс Бекболотов алгач КРдин тунгуч президенти Аскар Акаевдин учурунда мамлекет башчынын котормочусу болуп иштеген. Андан соң президенттик аппараттын протокол бөлүмүн жетектеп, маалымат катчылык кызматын аркалаган.

Бекболотовдун артында бир кызы калды. Ал 1972-жылы Фрунзе шаарында жарыкка келген.

Маркумдун сөөгү эртең, 27-декабрда, Бишкек шаарындагы үйүнөн чыгат. Ал Байтик айылындагы көрүстөнгө коюлмакчы.

474
Белгилер:
Аскар Акаев, Ильяс Бекболотов, маалымат катчысы
Тема боюнча
Дүйшөнбек Үкүев дүйнө салды
Жогорку Кеңештин экс-депутаты Руслан Чойбеков. Архив

300 миң доллар пара алды делген экс-депутаттын баш коргоо чарасы каралды

3
Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү боюнча өндүрүш ачылган

БИШКЕК, 18-сен. — Sputnik. Былтыркы парламенттик шайлоодо депутаттык мандат убадалап, пара алды деген шек менен кармалган "Кыргызстан" партиясынын мүчөсү, Ч.Р. аттуу экс-депутаттын баш коргоо чарасы каралды. Бул тууралуу УКМКнын маалымат кызматы билдирди.

"Биринчи май райондук соту аны тергөө аяктаганга чейин убактылуу кармоо жайына калтыруу өкүмүн чыгарды", — деп айтылат билдирүүдө.

Эске салсак, Ч.Р. 2020-жылкы парламенттик шайлоодогу коррупциялык иштер боюнча шектелип кармалган. Ал Жогорку Кеңештин депутаты мандатын убадалап 300 миң доллар алганы айтылган.

Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү ("Алдамчылык, өзгөчө ири өлчөмдө жасалган жосун") боюнча өндүрүш ачылган.

Кармалган Ч.Р. аттуу экс-депутаттын инициалы өткөн жылдын июнь айында мандатын тапшырган "Кыргызстан" партиясынын мүчөсү Руслан Чойбековдун аты-жөнү менен дал келүүдө.

Баса, ушул эле ишке тиешеси бар деген шек менен бүгүн Бишкек шаарынын Свердлов районунун мурдагы акими, азыр Нарын шаарынын мэри Б. С. кармалды.

 

3
Белгилер:
УКМК, депутат, мандат, коррупция
Тема боюнча
Нарындын мэри шайлоодогу коррупциялык иштерге шектелип кармалды
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

9
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

9
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды