"Ак-Таш" пункту ачылып, Барак эксклавынан Ошко жетүү жеңилдеди

© Пресс-служба правительства / Сабыр АильчиевРабочий визит премьер-министра Узбекистана Абдуллы Арипова в КР
Рабочий визит премьер-министра Узбекистана Абдуллы Арипова в КР - Sputnik Кыргызстан
Жазылуу
Мамлекеттик чек арада турган өткөрүү жайы кыргыз айылы болгон Барактын тургундарын 2013-жылдан тарта өткөрбөй калган.

БИШКЕК, 27-дек. — Sputnik. Кыргызстан менен Өзбекстандын чек арасындагы "Ак-Таш" өткөрүү жайы беш жылдык тыныгуудан соң ишин жандантканын кыргыз өкмөтү билдирди.

Эскерте кетсек, аталган бекет Ош облусунда жайгашкан.

Ишти жандантуу боюнча макулдашуу 18-декабрь күнү КР премьер-министри Мухаммедкалый Абылгазиев менен Өзбекстандын өкмөт башчысы Абдулла Ариповдун сүйлөшүүсүнүн натыйжасында кабыл алынган. Жолугушуу мамлекеттердин чектеш облустарынын жетекчилер кеңешинин экинчи жыйынынын алкагында жүргөн.

Работа КПП Чалдыбар-Автодорожный - Sputnik Кыргызстан
Россияда иштейм деген кыргызстандык чек арадан эмне деп айтышы керек
"Ак-Таш" өткөрүү пункту мамлекеттик чек арада жайгашып, Барак эксклавын Ош облусунун Кара-Суу району менен байланышытырып турат. Барактын тургундарын 2013-жылдан тарта өткөрбөй калган.

Ошол кезде жетишилген макулдашууга ылайык, 2013-жылдан 2015-жылга чейин аталган айылга азык-түлүк, дары-дармек, күйүүчү май, урук, жер семирткич жеткирилип турган.

Белгилей кетсек, буга чейин Барактын жашоочулары Кыргызстандын негизги аймагына кирүү үчүн 150 чакырым басып "Кызыл-Кыя" пунктунан өтүүсү керек болчу. Ошко чейин 300 чакырым аралык экени айтылат. Ал эми "Ак-Таш" аркылуу жол болгону бир чакырымдын тегерегин түзөт.

Көзөмөл өткөрүү жайы күн сайын саат 9дан 19.00гө чейин иштемекчи. Маалыматта эгерде адаттан тыш жагдай жаралса, бекет күнү-түнү иштөөгө даяр экендиги айтылат.

Жаңылыктар түрмөгү
0