Телефон карамап турган адам. Архив

Уюлдук телефондор эмне себептен жарылып кетет? Бишкектик адистин кеңеши

6042
(жаңыланган 12:10 29.12.2018)
Адатта телефондун жарылып кетиши тууралуу окуяларды чет мамлекеттеги ЖМКлардан көп угуп жүрсөк, мындай окуя жакында эле өз өлкөбүздө кездешти.

Тагыраагы, үстүбүздөгү жылдын 24-ноябрында Тоң райондук аймактык ооруканасына шымынын чөнтөгүндөгү телефону жарылып, төшү, ичи, алаасы күйгөн 14 жаштагы өспүрүм келип түшкөн. Кырсыктын кесепетинен бала 1-2-даражадагы (30 пайыз) күйүк алган. Учурда анын абалы туруктуу экендиги айтылат.

Ал эми Ысык-Көл облустук милициянын маалымат катчысы Сталбек Усубакунов бул окуя боюнча кылмыш иши козголбой турганын билдирди.

"Телефондун жарылуусу бөөдө кырсык деп эсептелди. Себеби баланын чөнтөгүнө эч ким жарылуучу зат салган жок да. Башкача айтканда, окуяда кылмыштын курамы жок. Ээси телефон чыгарган компанияга доомат кое алат. Бирок ишти аныктоо кыйын. Себеби баланын энеси жарылган телефондун калдыгын таштандыга ыргытып ийген", — деди Усубакунов.

Основатель, специалист и преподаватель центра обучения Академия Smart Азамат Айткулов
© Фото / Болот Мергенбай уулу
"Академия Smart" окутуу борборунун негиздөөчүсү, чебер жана окутуучу Азамат Айтыкулов

Мындан улам Sputnik Кыргызстан маалымат агенттиги уюлдук телефондордун жарылып кетүүсүнүн себебин жана алдын алуу жолдорун билип көрдү. Суроого "Академия Smart" окутуу борборунун негиздөөчүсү, чебер жана окутуучу Азамат Айтыкулов жооп берди.

Адис уюлдук телефондун өзү эмес, анын ичиндеги аккумулятордук батарейкасы жарыла турганын айтып берди.

"Уюлдук телефондорго, смартфон жана планшеттерге Li-ion батарейкасы салынат. Ал өзүнө аябагандай кубаттуу энергияны сактайт. Батарейкаларда тийишүү (замыкание — ред.) болсо, жарылууга алып келет", — деди Айтыкулов.

Ал белгилегендей, Li-ion батарейкаларында тийишип кетүүдөн сактаган атайын микросхема (батарейканы көзөмөлдөп туруучу — ред.) орнотулган. Микросхема эки максатты көздөйт:

1. Телефондун батарейкасына энергия толук кандуу топтолгондо зарядды кабыл алуунун өз убагында токтотулушу үчүн каралган;

2. Телефондогу батарейкаларды майда-барат тийишүүдөн коргоп, алдын алат;

Аккумуляторы сотовых телефонов
© Фото / Азамат Айтыкулов
Айтыкулов: уюлдук телефондун өзү эмес, анын ичиндеги аккумулятордук батарейка жарылат

Уюлдук телефондун жарылуусуна дал ушул аккумулятордук батарейкалардын көзөмөлүнүн иштен чыгуусу себеп.

Айтыкулов телефондордун жарылуусу адамдын өзүнө же предметке өтө кооптуу экендигин белгиледи.

"Li-ion батарейкасынын кубатын вулкандуу тоого салыштырса болот. Анда тийишүү болгондо чоң энергия тышка чыгат. Бул ден соолукка өтө кооптуу. Жарылуу өрт менен коштолгондуктан адамга жана айланасындагы нерселерге чоң зыян келтирет", — деди ал.

Ошондой эле адис кайсы компаниянын телефондору жарылууга көбүрөөк кабыла турганын так айтуу кыйын экендигин айтып берди.

"Албетте, телефон чыгарган компаниялар продукциясынын жарылып кетпеши үчүн кам көрөт. Бул же тигил телефон чыгарган компаниялардыкы көбүрөөк жарылат деп айтуу кыйын. Өйдөдө белгилеп кеткендей, телефондун жарылуусуна "мандеми" бар аккумуляторлор себеп. Эмне үчүн кемчилиги бар аппараттар чыгып жатат десеңиздер, ар бир компания жаңы телефонду сынактан өткөрүшү керек, айрымдары мындай талапты аткарбай эле сатыкка коюп жиберүүдө", — деди ал.

Адис уюлдук аппараттын жарылып кетишин алдын алуунун жолдорун тизмектеп берди.

Аккумулятор сотовых телефонов
© Фото / Азамат Айтыкулов
Адис: Li-ion батарейкасынын кубатын вулкандуу тоого салыштырса болот. Жарылуу өрт менен коштолгондуктан адамга жана айланасындагы нерселерге чоң зыян келтирет

1. Уюлдук телефонду өзүнүн оригиналдуу зарядкасы менен гана заряддоо керек. Аппаратты жаңы алганда ичинде өзүнүн заряддагычы болот;

2. Уюлдук телефонду таң аткыча заряддабаш керек;

3. Чөнтөк телефондорду унаадан заряддоо кооптуу. Бул туурасында компаниялар ар убак эскертип келет;

4. Гаджет заряддалып бүткөнчө колдонбой эле турган жакшы;

5. Телефондогу батарейка шишип кетсе, дароо телефон оңдогон адистерге кайрылып, себебин билүү керек. Адатта каражат барсайып көөп кеткен учурлар көп кездешет.

Sputnik Кыргызстан маалымат агенттиги буга чейин уюлдук телефонду жоготуп алган адам кандай кадамдарга барышы керек экендигин жана уурулуктун алдын алуу жолдору тууралуу жазган.

6042
Белгилер:
себеп, телефон, жарылуу, Азамат Айтыкулов
Тема боюнча
Телефон уурдалганда карайлабай эмне кылуу керек? ИИМ менен IT адистен кеңеш
Тоңдо чөнтөгүндөгү телефон жарылып, 14 жаштагы бала күйүп калды
Унаадагы кар. Архив

Жекшембиге карата аба ырайы

74
(жаңыланган 21:26 28.11.2020)
Көпчүлүк аймактарда мезгил-мезгили менен кар жаайт. Чүй, Ош, Жалал-Абад, Ысык-Көл облустарынын кээ бир райондорунда жаан-чачын катуу жаашы ыктымал. Зымдарга жана бактарга суу кар жабышып, жолдор тайгак жана тоңголок болот.

БИШКЕК, 28-ноя. — Sputnik. 29-ноябрь, жекшембиде, күндүз Чүй, Ысык-Көл облустарынын айрым райондорунда кар жаайт. Республиканын башка аймактарында жаан-чачын болбойт. Батыштан соккон шамалдын ылдамдыгы айрым жерлерде секундасына 15-20 метрге жетет. Бул тууралуу Кыргызгидромет кабарлады.

Абанын температурасы Чүй, Талас жана Нарын өрөөндөрүндө -3...-8 градус, Ош, Жалал-Абад, Баткенде -3...+2, Ысык-Көл облусунда 0...-5 градус суук болот.

Ош шаарында күн ачык болуп -1...+1 градуска чейин жылуу болсо, Бишкекте мезгил-мезгили менен кар жаап, -3...-5 градусту көрсөтүп турат.

74
Белгилер:
Кыргызстан, аба ырайы
Тема боюнча
Бишкек – Ош жолуна чектөө киргизилип, бардык унаалар текшерилип жатат
Телефон колдонуп жаткан адам. Архив

Апам менен аялымдын урушунан тажадым. Мигрант болуп кетүүнү көздөгөн жигиттин каты

736
(жаңыланган 19:25 28.11.2020)
"Психолог менен баарлашуу" рубрикасына бул ирет энеси менен аялынын ортосунда чайналган эркектин каты жарыяланды.

Саламатсыздарбы! Мен сиздер аркылуу психологго кайрылууну туура көрдүм. Себеби үйдөгү аба ырайы ошондой болууда. Азыр менден бирөө "эркектер үчүн үйдөгү эң кыйын маселе эмне?" деп сураса багып өстүргөн алтындай энең менен сүйүктүү жубайыңдын тил табыша албагандыгы деп айтар элем. Муну угуп кээ бир жолдошторум мыйыгынан күлөт чыгар. Мен деле буга чейин бул үй-бүлөлүк олуттуу маселе экенин этибар албапмын. Бойдок кезде "келинчегим апама сүйлөсө жолуна салам" дечүмүн. Көрсө ажырашып кетүү менен эле баары бүтүп калбайт экен.

Өзүм үйдүн жалгыз уулумун. Эжем турмушка чыгып кеткен. Өзүмдүн бир кыз, бир уулум бар. Келинчегим балдар менен үйдө. Апам деле эки күндө бир нөөмөттүк жумушка чыгып турат.

Үйдөгү эки жакын адамым, энем менен жубайымдын бири-бирине жасаган мамилесинен тажап бүттүм. Кээде апама болушуп келинчегимди катуу урушуп салам. Андайда ал ыйлап, буркулдап кыялын көрсөтөт. Апамды тыйсам, ал киши да ыйлап, ар нерсени айтып зээнди кейитет. Эмне кыларды билбей деле калдым. Ажыраша да албайм. Экинчисин алсам ушул эле кырдаал кайталансачы? Эки баламдын тагдыры эмне болот? Өгөйлөнүп кор болору турган иш. Келинчегимди жакшы көрөм. Апам да биздин жакшылыгыбызды көрөйүн деп ушул эрезеге жеткирди. Келинчегим үй оокатынын баарын кылат, балдарды карайт. Бирок апамды көрсө эле кабагы бүркөлүп, жаман көрөрү билинип калат. Мага бул оор тиет. Апам деле неберелерин ойнотот, татынакай эле жүрөт. Бирок келинчегимдин оокат кылганын, кээ бир мүнөздөрүн жактырбай бетине айтып салат. Ошентип экөөнүн урушу башталат. Ортодо мен да беймаза болом.

Бир жылча чет жакта иштеп келсемби деп жатам. Сабак болобу деп ойлойм. Чынында үйгө келгим келбей калды. Дагы башка кандай аргам бар?

Саадат Сыдыкова, психолог:

—"Массалык психология жана адамдын "Менине" (Я) анализ жасоо" ишинде Фрейд белгилүү философ Артур Шопенгауэр айткан уламышты мисал кылат. Уламыш боюнча баш калкалоочу жайы жок бир нече жапайы жандык суукта калат. Алар бири-бирине жакын, жабышып, бири-бирин жылытууну каалайт. Бирок анткен сайын ортодогу абал мурункудан да кыйындайт. Себеби бирөөлөрүнүн ийнелери экинчилеринин терисин тешип кетип же мүйүзү тоскоолдук жаратып кыйналышат. Алар канчалык жакшылык кааласа да анысы, тескерисинче, жамандык алып келе берет. Акыры тажаган жапайы жандыктар өз алдынча аракет кылып, жашоо менен күрөшүүгө өтүшөт.

Тилекке каршы, турмушта да кээде эң жакын, кыйышпас адамдарыбыз жашообузду кыйындатып, оор кырдаалга кептеп коёт. Каттын ээси да эки аялдын ортосунда жабыр тартууда. Бирок үйдөгү эки айым тең сизди абдан жакшы көрүшөт. Кыйышпас жакын адамдарыңыз. Бул жерде ич ара конструктивдүү диалогго келүүнүн зарылчылыгы бар.

Бирок апаңыз менен келинчегиңиз сиз менен гана мамиле түзүп, башкача айтканда, "диаданы" (эки кишинин мамилеси) көздөп жатышат. Негизинен энелер баласын төрөлгөндө эле психологиялык жактан өз алдынча бөлүп коюшу керек. Баланы бешикке бөлгөндөй эле эмоционалдык жактан өз алдынча коюу зарыл.

Ушундай оор кырдаалда кат менен кайрылган мырзанын баарынан качып, алыска кетип калууну көздөгөнү өкүнүчтүү. Тилекке каршы, мындай жол менен үй-бүлөнүн пайдубалы урап калышы мүмкүн. Биз талкаланып калган көп эле үй-бүлөлөрдүн тагдырына күбө болуп жүрбөйлүбү. Ошондуктан кайнене менен келин үйдөгү мамилени жана абалды жөнгө салуу жагын карашы керек. Антпесе алар жакын адамынын эмоциялык туруктуулугун талкалап салат.

736
Белгилер:
үй бүлө, апа, эркек, аял, психолог
Тема:
Психолог менен баарлашуу
Тема боюнча
Ата-энем балалуу аял алышыма каршы чыгып, айлам кетти. Жесил эркектин каты
Бетиме пластикалык операция жасаткам, жигитим билип калабы деп корком. Кыздын каты
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

0
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

0
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш