Бетин жаап турган адам. Архив

Импотенция жаш-карыга карабайт. Оорунун себептери тууралуу

3204
(жаңыланган 13:20 05.01.2019)
Уролог эркектин төшөктөгү алсыздыгына эмне себеп болгонун жана аны туура дарылоо жолун дарыгер гана так белгилей аларына токтолду.

БИШКЕК, 3-янв. — Sputnik. Импотенциянын себептерин органикалык жана психогендик деп аталган эки чоң тайпага бөлүүгө болот. Бул тууралуу Sputnik Кыргызстан агенттигине Европалык урологдор ассоциациясынын мүчөсү, медицина илимдеринин кандидаты Зуфар Хакимходжаев айтып берди.

Анын айтымында, ушу тапта импотенцияга жашы да, карысы да кабылууда.

"Эркектин саламаттыгы нейрогендик, кан тамыр, эндокриндик, анатомиялык жана дары-дармектерден улам да бузулушу мүмкүн. Бул органикалык себептерге кирет. Мындан тышкары, импотенцияга стресстен, психологиялык көйгөйлөрдөн улам дагы кабылуу мүмкүнчүлүгү күч. Бул психогендик себеби болот", — деди Хакимходжаев.

Уролог эки себеп бири-бири менен байланышта болорун белгиледи.

"Мисалы, органикалык себептен улам импотенцияга кабылган эркек сөзсүз түрдө психологиялык жактан да жабыркайт. Айрым учурда бир-эки ирет жолу болбой калган саламаттыгы жакшы эркек ошол учурларын эстеп, аял менен жакындашууда тоскоолдукка кабылышы мүмкүн", — деди дарыгер.

Хакимходжаев эркектин төшөктөгү алсыздыгына эмне себеп болгонун жана аны туура дарылоо жолун дарыгер гана так белгилей аларына токтолду. Дарыгердин айтымында, медицинадагы бүгүнкү жетишкендиктер импотенцияны мурункудай оор илдет катары кабыл албайт.

3204
Белгилер:
дарыгер, уролог, импотенция
Тема боюнча
Эркекти төшөктө алсыздандырган илдет. Урологдун кеңеши
Рысбаев: 60-70 жаштагы карыялар бел күчүмдү кубаттап бер деп кайрылат
Ооруканадагы бейтап. Архив

Бир суткада коронавирус 10 адамдын өмүрүн алды

4
(жаңыланган 14:45 01.08.2021)
Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 бейтаптын абалы оор болсо, 222синин абалы өтө оор деп бааланды.

БИШКЕК, 1-авг. — Sputnik. Өткөн суткада өлкө боюнча коронавирустан 10 бейтап көз жумду. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

Каза болгондор:

  • Бишкек шаары — 5;
  • Ысык-Көл — 3;
  • Нарын — 1;
  • Жалал-Абад — 1.

Ушуну менен Кыргызстанда жалпысынан 2 335 адам дарттын курмандыгы болду.

Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 кишинин абалы оор болсо, 222 бейтаптын абалы өтө оор деп бааланды. Бүгүнкү күндө 10 369 адам үй шартында дарыланып жатканы кошумчаланды.

4
Белгилер:
Кыргызстан, коронавирус, оору, дарт, өлүм, статистика
Тема:
Коронавируска байланыштуу Кыргызстандагы кырдаал
Тема боюнча
COVID жуктургандарга Бишкек жана Чүйдүн ооруканаларындагы бош орундар
Кыргызстанда бир суткада 17 миңден ашык адам вакцина алды
Стаканга суу алып жаткан адам. Архив

Диетолог суу тууралуу мифтерди жокко чыгарды

43
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

43
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды