Жогорку Кеңештин имараты. Архивдик сүрөт

Айып пулун камдап алып Жогорку Кеңешти көздөй түкүргөн киши изделүүдө

6201
(жаңыланган 09:35 08.01.2019)
Ал түкүргөндөн кийин 5500 сомун санап, "айып пулуңарды келип алып кеткиле" деп кайрылган.

БИШКЕК, 7-янв. — Sputnik. Социалдык тармактарда Ак үйдүн тосмосунан ашыра түкүрүп, бийликке нааразычылыгын билдирген кишинин видеосу тарады.

Анда ал: "Мамлекет башчылары чыгарган мыйзамдар кыргыз мамлекетин оңдой турган болсо, мен дагы өзүмдүн салымымды кошкум келип жатат",- деп кайрылган. 

Ошондой эле мамлекетти уурдап жегендерге жана карызга батыргандарга нааразычылыгын билдирип, Ак үйдүн тосмосунан ашыра түкүргөн.

Андан кийин 5500 сомун санап, "Айып пулуңарды келип алып кеткиле",- деген.

Шаардык милициянын маалымат кызматы Sputnik Кыргызстан агенттигине билдиргени боюнча, учурда Биринчи Май РИИБдин кызматкерлери эреже бузган кишини жазага тартуу үчүн издеп жатат.

Белгилей кетсек, 1-январдан тарта Эреже бузуу жөнүндөгү кодекс күчүнө кирген. Ага ылайык, көчөдө түкүргөндөргө карата 5500 сом айып салынат.

6201
Белгилер:
түкүрүү, видео, милиция, Бишкек
Тема:
Түкүргөндөргө салынган айып пул (22)
Тема боюнча
Депутаттар корпусу 11 күн иштебейт
Тамеки чегүүгө болбой турган жерлер. Мыйзамдагы урунттуу учурлар
Бишкекте түкүргөндөргө 5500 сом айып салынат
Баткен районундагы турак жайдын фундаментин салуусу. Архив

Кармышаков: курулуш компаниялары баткендиктерге күзгө чейин үй салып берет

3
Экономика министри өкмөттүн атынан өз каалоосу менен үй салып берем деген ишкер, курулуш компанияларынын жетекчилерине ыраазчылык билдирди.

БИШКЕК, 7-май — Sputnik. Өкмөт менен жолугушуу учурунда курулуш компаниялары Баткенде чек ара чырынан турак жайы жок калгандарга 1-сентябрга чейин үй салып берүү ниетин билдиришти. Бул тууралуу министрлер кабинетинин төрагасынын орун басары, экономика жана каржы министри Улукбек Кармышаков Sputnik Кыргызстан агенттигинин маалымат борборундагы брифингде билдирди.

Анын айтымында, азыр качкындардын баарына убактылуу жашап туруу үчүн ӨКМдин чатырлары берилген.

"Президент үй-жайынан ажырагандардын баарына там салып берүү тапшырмасын койду. Бул багыт боюнча министрлер кабинети ишкерлер, анын ичинде курулуш компанияларынын өкүлдөрү менен жыйын өткөрдүк. Алар 1-сентябрга чейин жабыркагандарга бардык шарты менен үй салып берүү ниетин билдиришти", — деди экономика министри.

Кармышаков курулуш компанияларынын бири 30 үй салып берүүнү убадаласа, кээ бири 10, айрымдары 6-8ден там салууну айтышканын белгиледи.

"Жардам берем дегендер көп. Биз алардын баарын чогултуп туура жолго багытташыбыз керек. Республикалык бюджеттен кошумча 700 миллион сом бөлдүк. Анын 200 миллиону талкаланган үйлөрдү калыбына келтирүү үчүн ӨКМге берилсе, 500 миллиону чек ара чырынан жабыркаган башка объектилерди оңдоого жумшалат" — деди ал.

Министрлер кабинетинин төрагасынын орун басары социалдык объектилер республикалык бюджеттин эсебинен оңдоло турганын кошумчалады.

Ал өкмөттүн атынан өз каалоосу менен үй салып берем деген ишкер, курулуш компанияларынын жетекчилерине ыраазчылык билдирди.

3
Белгилер:
чыр, чек ара, курулуш, үй, жардам, Улукбек Кармышаков, Баткен
Тема:
Баткендеги кыргыз-тажик жаңжалы
Тема боюнча
Бийлик чек ара чырынан жабыркагандарга компенсация төлөөгө каражатты кайдан алат
Бир айыл 5 уулун жоготту. Турдубайдын чек арада окко учканын 4 баласы биле элек
Бишкектеги күндүзгү оорукананын медициналык кызматкерлери. Архив

COVID-19: медиктерге компенсация төлөө үчүн 243 млн. сом бөлүндү

9
(жаңыланган 11:50 07.05.2021)
Буга чейин министрлер кабинетинин төрагасы Улукбек Марипов митингге чыккан медиктерге компенсация төлөөгө акча тапканын айткан.

БИШКЕК, 7-май — Sputnik. Республикалык бюджеттен коронавирус инфекциясын жуктуруп алган жана анын кесепетинен каза болгон 1165 медициналык кызматкерге бир жолку акчалай компенсация төлөөгө 243 миллион сом бөлүндү. Бул тууралуу өкмөттөн билдиришти.

Тийиштүү чечимге министрлер кабинетинин төрагасы Улукбек Марипов кол койгон.

Эске салсак, 16-апрель күнү ондогон медицина кызматкери Ак үйдүн жана Өкмөт үйүнүн жанында акция өткөрүшкөн. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылган.

Митингчилерди биринчи вице-премьер Артём Новиков кабыл алган болчу. Кийин премьер-министр Марипов митингге чыккан медиктерге компенсация төлөөгө акча тапканын айткан.

9
Белгилер:
коронавирус, компенсация, медицина, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Митингге чыккан медиктер менен бийлик кандай келишимге келди
COVID: үч бейтап көз жумуп, 385 киши жуктурду. 7-майга карата маалымат