Рейд по выявлению несовершеннолетних в ночное время в компьютерных клубах в Бишкеке

Көчөгө түкүрүнгөн милиционердин аты-жөнү жана иштеген жери аныкталды

5682
(жаңыланган 14:59 12.01.2019)
Милициянын формасын кийген үч кишинин бири көчөдө тамеки чегип, түкүрүп жаткан видеосун күбө Sputnik Кыргызстан агенттигине жиберген.

БИШКЕК, 9-янв. — Sputnik. Аялдамада чылым чегип, түкүрүнүп турган милиция кызматкери кайсы жерде иштээри жана ким экени аныкталды. Бул тууралуу Чүй облустук милициясынын маалымат кызматынан кабарлашты.

Эске салсак, милициянын формасын кийген үч кишинин бири көчөдө тамеки чегип, түкүрүп жаткан видеосун күбө Sputnik Кыргызстан агенттигине жиберген

"Бул факты боюнча облустук ички иштер бөлүмүндө иликтөөлөр жүргүзүлүп, көчөдө түкүрүнгөн милиционердин ким экени аныкталды. Ал Чүй ОИИБинин кайгуул посттук кызматында иштеген милициянын старшинасы болуп чыкты", — деп айтылат маалыматта.

Ошондой эле ал КРдин Эреже бузуулар жөнүндөгү кодексинин 71-беренесин ("Белгиленбеген жерлерге таштандыларды таштоо, өрттөө") жана 14-главасын ("Абатташтырууну кайтаруу чөйрөсүндөгү башкаруу тартибине каршы бузуулар") бузгандыгы кошумчаланды.

Мындан улам чечим кабыл алуу үчүн топтолгон материалдар Аламүдүн районунун Лебединовка айыл өкмөтүнө жиберилди.

Белгилей кетсек, 1-январдан тарта Эреже бузуулар жөнүндөгү кодекс күчүнө кирген. Ага ылайык, көчөдө түкүргөндөргө 5500 сом айып салынат. Ал эми юридикалык жактар 17 миң сом төлөйт.

Ал эми тыюу салынган жерде чылым чеккендерге эскертүү берилет же I категориядагы айып салынат, жеке жактарга 1000 сом, юридикалык жактарга 5 миң сом өлчөмүндө.

5682
Белгилер:
түкүрүү, чылым, кодекс, аялдама, териштирүү, милиция, Чүй облусу
Тема:
Түкүргөндөргө салынган айып пул (22)
Тема боюнча
Жогорку Кеңешти көздөй түкүргөн киши Тоңдон табылды. Сүрөт
Милициянын формасын кийген киши көчөдө беш ирет түкүрдү. Күбөнүн видеосу
Бишкекте түкүрдү делген аялдын чуусу. Окуя чындыгында кандай болгон
Ала-Тоо аянтындагы фонтандар. Архив

Жекшембиге карата аба ырайы

51
16-майга караган түнү кээ бир аймактарда жаан жаап, күн күркүрөшү, бийик тоолуу райондордо кар жаашы күтүлөт. Бийик тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 15-май — Sputnik. 16-май, жекшембиде, күндүз республика боюнча күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +22...+27, Ош, Жалал-Абад жана Баткен облустарында +26...+31, Ысык-Көл өрөөнүндө +14...+19, Нарында +15...+20 градус жылуу болот.

Ош жана Бишкек шаарларында жаан-чачын күтүлбөйт. Күндүн табы борбор калаада +24...+26, Ош шаарында +26...+31 градуска чейин көтөрүлөрү маалымдалды.

51
Белгилер:
Кыргызстан, аба ырайы
Тема боюнча
Кытай алгачкы жолу Марска космостук аппаратын кондурду
Кыргызстандын желеги. Архив

Өкмөт эгемендүүлүк майрамында кыргыздардын дүйнөлүк курултайын өткөрүүнү сунуштады

71
(жаңыланган 20:26 15.05.2021)
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн.

БИШКЕК, 15-май — Sputnik. Министрлер кабинети эгемендүүлүктүн 30 жылдыгына карата
кыргыз элинин бүткүл дүйнөлүк курултайын өткөрүүнү сунуштады. Бул тууралуу өкмөт башчы Улукбек Марипов аталган күндү майрамдоо боюнча уюштуруу комитетинин кеңешмесин өткөрүп жатканда сөз болду.

Өкмөттүн маалымат кызматынан билдиришкендей, республиканын түптөлүшүнүн 30 жылдыгын майрамдоо боюнча иш-чаралардын планына Бишкек шаарында жана аймактарда өткөрүлчү 100дөн ашуун иш-чара киргизилген.

“Кеңешменин жүрүшүндө өлкө президентинин кайрылуусуна ылайык, планга кыргыз элинин бүткүл дүйнөлүк курултайын өткөрүүнү киргизүү сунушталды. Министрлер кабинетинин башчысы 30 жылдыкты майрамдоо боюнча иш-чаралар планын толуктап иштеп чыгууну жана сын-пикирлерди эске алуу менен үч күндүн ичинде уюштуруу комитетинин талкуулоосуна сунуштоону тапшырды”, — деп айтылат билдирүүдө.

Маалыматка караганда, юбилейлик датага карата театрлаштырылган оюн-зооктор уюштурулуп, бир катар ири көргөзмөлөр жана ат оюндары өткөрүлөт. Ошондой эле улуу Кыргыз каганатынын түзүлүшүнөн баштап, азыркы мезгилге чейинки басып өткөн жолу тууралуу сүрөт китебин түзүү пландаштырылууда.

Марипов белгилегендей, бардык иш-чаралар республикадагы эпидемиологиялык кырдаалды эске алуу менен санитардык ченемдерге жана талаптарга ылайык жүргүзүлүшү керек.
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн. Анткени жаңы Конституцияга Курултай институту тууралуу киргизилген.

71
Белгилер:
план, курултай, Кыргызстандын эгемендүүлүк күнү, майрам, Улукбек Марипов, Кыргызстан
Тема боюнча
Жапаров кыргызстандыктардын бүткүл дүйнөлүк курултайын өткөрүүнү сунуштады