Ысык-Көлдү айланта жол кыймылына көз салган 24 камера орнотулат

Жазылуу
Өкмөттүн облустагы өкүлүнүн орун басары жаңы өзгөрүүлөр боюнча жетекчилер ар бир мекеменин кызматкерлерине түшүндүрүү иштерин жүргүзүү зарылдыгын айтты.

БИШКЕК, 9-янв. — Sputnik. Каракол шаарында жакындан баштап күчүнө кирген 5 кодекс менен 2 мыйзам боюнча жыйында облустук мекемелердин жетекчилери, мэриянын кызматкерлери кызматтык автоунааларга тиешелүү, ылдамдыкты көбөйтүүдөгү жана тартип бузгандарга карата айып пулдар боюнча суроолорду беришти. Арасында жарандардын ортосунда чатак чыккан учурда ички иштер кызматкерлери убактылуу кармоочу жайга алып барып камай албаганына нааразылыгын билдиргендер да болду.

Жаңы кодекстер менен түшүндүрүү ишин облустук ички иштер башкармалыгы жана облустук прокуратура жүргүзүп баштады. Өкмөттүн облустагы өкүлүнүн орун басары Дамир Моңолдоров алган маалымат боюнча жетекчилер ар бир мекеменин кызматкерлерине түшүндүрүү ишин жүргүзүү зарылдыгын айтты.

"Жол коопсуздук эрежелери боюнча мурдагы административдик кодексте 54 берене болсо, анын 36сын Жол кыймылынын коопсуздугун көзөмөлдөө боюнча башкармалык карачу. Азыр бул мекеме жаңы Эреже бузуулар боюнча Кодекстин 19-беренесинин сегизин гана карайт", — деди ИИМдин Ысык-Көл облусу боюнча Жол кыймылынын коопсуздугун көзөмөлдөө боюнча райондук бөлүмдүн жетекчиси Бакыт Жанкабылов.

Ысык-Көл облустук ички иштер башкармалыгынын башчысы Октябрь Урманбетов облуста көлдү айланта 24 видеокөзөмөлдөөчү камералар коюла турганын билдирди.

Случаи наезда на автомобиле - Sputnik Кыргызстан
Ысык-Көлдө мас айдоочуга алгачкы жолу 17,5 миң сом айып салынды. Сүрөт
"Жаңы кодекстер боюнча коомчулукта ар түрдүү пикирлер айтылып жатат. Бул түшүнбөстүктөн улам келип чыгууда. 2019-жылдын 1-январынан тартып Кылмыш-жаза кодекси, Жазык-процессуалдык кодекс, Жазык-аткаруу кодекси, Жоруктар тууралуу кодекс жана Эреже бузуу тууралуу кодекс, ошондой эле "Пробация жөнүндө" жана "Мунапыс жөнүндө" мыйзамдар күчүнө кирди. Буга карата Кылмыштардын жана жоруктардын бирдиктүү реестри түзүлөт, мындан ары баары электрондук форматка өтөт", — деген Урманбетов.

Ал жарандардын арыздары жана билдирүүлөрү да электрондук түрдө кабыл алынарын кошумчалаган.

Урмамбетов система үч блоктон туруп, сотко чейинки өндүрүш, сот өндүрүшү, жаза аткаруу өндүрүшү болорун дагы бир ирет айтып, түшүндүргөн.

Маалыматка ылайык, Ысык-Көл облусунда өткөн жылы 361 жол кырсыгы катталса, анын 43ү ичимдиктин кесепетинен келип чыккан. Бул кырсыктардан 82 адам каза болгон.

Жаңылыктар түрмөгү
0