Кыргызстандын коргоого алынган аймактарында жапайы жаныбарлар менен Кызыл китепке кирген келгин куштардын түрү улам көбөйүп жатат

Кыргызстандагы жапайы жаныбарлардын саны көбөйүүдө. Сүрөттөр

1580
(жаңыланган 17:36 11.01.2019)
Сүрөттөрдөн корук менен жаратылыш парктын аймагында жапайы куштар менен жаныбарлардын бардык түрлөрүн кезиктирүүгө болот.

БИШКЕК, 11-янв. — Sputnik. Кыргызстандын коргоого алынган аймактарында жапайы жаныбарлар менен Кызыл китепке кирген келгин куштардын түрү улам көбөйүп жатат. Бул туурасында Айлана-чөйрөнү коргоо жана токой чарба мамлекеттик агенттигинен билдиришти.

  • Природный парк Алатай в Токтогуле
    Кыргызстандын коргоого алынган аймактарында жапайы жаныбарлар менен Кызыл китепке кирген келгин куштардын түрү улам көбөйүп жатат
    © Фото / пресс-служба ГАОСЛХ
  • Природный парк Алатай в Токтогуле
    Мындай бүтүм жасоого "Алатай" жаратылыш паркына коюлган фотокапкандарга түшкөн сүрөттөр негиз болгон.
    © Фото / пресс-служба ГАОСЛХ
  • Природный парк Алатай в Токтогуле
    Байкоочу камералар 2018-жылдын ноябрь айында Батыш Тянь-Шандагы жаратылыштын ар түрдүүлүгү боюнча долбоордун алкагында орнотулган.
    © Фото / пресс-служба ГАОСЛХ
  • Природный парк Алатай в Токтогуле
    Сүрөттөрдөн корук менен жаратылыш парктын аймагында жапайы куштар менен жаныбарлардын бардык түрлөрүн кезиктирүүгө болот.
    © Фото / пресс-служба ГАОСЛХ
1 / 4
© Фото / пресс-служба ГАОСЛХ
Кыргызстандын коргоого алынган аймактарында жапайы жаныбарлар менен Кызыл китепке кирген келгин куштардын түрү улам көбөйүп жатат

Мындай бүтүм жасоого "Алатай" жаратылыш паркына коюлган фотокапкандарга түшкөн сүрөттөр негиз болгон.

Байкоочу камералар 2018-жылдын ноябрь айында Батыш Тянь-Шандагы жаратылыштын ар түрдүүлүгү боюнча долбоордун алкагында орнотулган. Сүрөттөрдөн корук менен жаратылыш парктын аймагында жапайы куштар менен жаныбарлардын бардык түрлөрүн кезиктирүүгө болот.

Жаныбарлар байырлаган "Алатай" жаратылыш паркынын жалпы аймагы 56 миң 826 гектар. Ал жерден Кызыл китепке кирген илбирс, сүлөөсүн, аюу, суусар сыяктуу жаныбарларды кезиктирүүгө болот.

Булардан сырткары, сойлогон, жерде жашаган жаныбарлардын 200дөн, сүт эмүүчүлөрдүн 30дан, ал эми өсүмдүктөрдүн 260тан ашуун түрү бар. Анын 14 түрү дарылык касиетке ээ экендиги айтылат.

Учурда Кыргызстанда жапайы канаттуулардын 400дөн ашык түрү жашайт, алардын 57си Кызыл китепке киргизилген. Жылына жапайы канаттуулардын 350 түрү учуп келет.

1580
Белгилер:
куш, жапайы жаныбарлар, Кыргызстан
Тема боюнча
Өлкөдө жапайы жаныбарлар көбөйүүдө. Фотокапканга түшкөн сүрөттөр
Эңилчектеги фотокапканга үч мамалагын ээрчиткен аюу түшүп калды. Сүрөттөр
Телмире тиктеген ак илбирс. Ысык-Көлдөгү фотокапканга түшкөн жапайы жаныбарлар
Мамлекеттик каттоо кызматынын имараты. Архив

Каттоо кызматынын функциясы Санариптик өнүктүрүү министрлигине өттү

14
(жаңыланган 17:44 23.06.2021)
Санариптик өнүктүрүү министрлиги Улукбек Марипов башында турган министрлер кабинетинин курамында жаңы түзүлгөн.

БИШКЕК, 23-июн. — Sputnik. Мамлекеттик каттоо кызматынын функцияларын эми Санариптик өнүктүрүү министрлиги аткарат. Бул тууралуу Юстиция министрлиги кабарлады.

Маалыматта министрлер кабинетинин 2021-жылдын 1-июнундагы № 17 "Кыргыз Республикасынын Санариптик өнүктүрүү министрлигинин маселелери жөнүндө" токтому менен Санариптик өнүктүрүү министрлиги түзүлгөнү белгиленди.

Эми Юстиция министрлигинин карамагында болуп келген Архив агенттиги, Калкты жана жарандык абалдын актыларын каттоо департаменти, "Унаа" мамлекеттик мекемеси, "Инфоком" мамлекеттик ишканасы дагы Санариптик өнүктүрүү министрлигине өткөрүлүп берилди.

Ушуга байланыштуу архив иши, калкты, автотранспорт каражаттарын жана алардын чиркегичтерин, атайын технологиялык машиналарды, айдоочулук курамды, жарандык абалдын актыларын каттоо багытындагы бардык маселелер боюнча Санариптик өнүктүрүү министрлигине кайрылуу керектиги айтылды.

14
Белгилер:
Санариптик өнүктүрүү министрлиги, Юстиция министрлиги, Мамлекеттик каттоо кызматы
Тема боюнча
Иран жана Австриядагы элчилер кызматтан кетип, жаңылары дайындалды
Бишкектеги көргөзмө. Архив

"Эрип бараткан мөңгүлөрдүн бийин" көрүп кетиңиз. Бишкектеги көргөзмө

38
(жаңыланган 16:34 23.06.2021)
Көргөзмөнүн максаты — адамзатты сууга жана климаттын өзгөрүшүнөн улам азайып бараткан баалуу байлыктардын бири мөңгүлөргө аяр мамиле жасоого чакыруу.

БИШКЕК, 23-июн. — Sputnik. Бишкек шаарында "Эрип бараткан мөңгүлөрдүн бийи" деп аталган көргөзмө өтүп, ага Кыргызстандын мөңгүлөрүнүн сүрөтү коюлат. Бул тууралуу Гапар Айтиев атындагы Көркөм сүрөт өнөр музейинен билдиришти.

Кыргызстандын жаратылышынан сырткары "Мөңгүлөрдүн агониясы" деп аталган тоо чыгармачылыгы боюнча туруктуу долбоордун көргөзмөсүндөгү эмгектер да коомчулукка тартууланат.

Көргөзмөнүн максаты — адамзатты сууга жана климаттын өзгөрүшүнөн улам азайып бараткан баалуу байлыктардын бири мөңгүлөргө аяр мамиле жасоого чакыруу.

Бишкектиктер жана шаардын коноктору уникалдуу сүрөттөрдү 25-июндан тарта 9-июлга чейин көрө алат. Көргөзмөгө Жерди прикладдык изилдөө боюнча Борбор Азия институту берген сүрөттөр коюлары айтылды.

Каалоочулар 25-июндан тарта "Эрип бараткан мөңгүлөрдүн бийин" Бишкек шаарындагы Гапар Айтиев атындагы Көркөм сүрөт өнөр музейинен көрө алышат.

Бул иш-чара БУУнун климаттын өзгөрүшүнө арналган конвенциясынын 26-конференциясынын алкагында өтүп жатканы айтылды.

38
Белгилер:
көргөзмө, сүрөт, Мөңгү, Бишкек, Кыргызстан
Тема боюнча
Улуу Ата Мекендик согуштун башталганына 80 жыл. Канттагы аскердик базада эскеришти
Бишкекте кафе-ресторандарга коюлган чектөөлөр алып салынды
Россиянын президенти Владимир Путин. Архив

Путин: Россия өзүнүн жана коңшулардын коопсуздугу үчүн баарына даяр

0
Владимир Путин Россия эч качан өз оюн башкаларга таңуулабай турганын, ал эми дүйнөлүк жана аймактык көйгөйлөрдү саясий-дипломатиялык ыкма менен чечишүүгө даяр экенин белгиледи.

БИШКЕК, 23-июн. — Sputnik. Москва шаарында өтүп жаткан эл аралык коопсуздук боюнча IX Москва конференциясында Россия президенти Владимир Путин өз өлкөсүнүн эл аралык мамилелер жаатындагы позициясын эске сала кетти.

РИА Новости агенттигинин жазганына караганда, Путин Россия өз элинин коопсуздугу үчүн бардык аракеттерди көрөрүн айтты.

"Кечээ өлкө тарыхындагы эң өкүттүү даталардын бирин белгиледик. Туура 80 жыл мурда фашисттик Германия биздин мамлекетке кол салган. Бул окуя бизге чоң сабак болгон. Андыктан Россия өз элинин коопсуздугу үчүн колдон келген аракетин жасайт. Куралдарыбызды күчтөндүрөбүз, дипломатия жолу менен сүйлөшүүгө аракет кылабыз, кызыкдар тараптар менен диалогго барабыз", — деди Путин.

Ошол эле учурда президент Россия эч качан өз оюн башкаларга таңуулабай турганын, ал эми дүйнөлүк жана аймактык маселелерди саясий-дипломатиялык ыкма менен чечишүүгө даяр экенин айтты.

"Россия эч качан өз оюн башкаларга таңуулабайт. Дүйнөлүк жана аймактык көйгөйлөрдү саясий-дипломатиялык ыкмалар менен чечишүүгө салым кошкубуз келет. Россия жаратмандыкты колдойт", — деди РФ лидери.

Мындан тышкары, Путин Россия коңшу өлкөлөрдүн коопсуздугу үчүн жоопкерчиликтүү экенин эч качан унутпасын белгиледи.

"Коңшулар менен ажырагыс тарыхый жана маданий байланышыбыз бар. Биз алардын коопсуздугу үчүн жоопкерчилигибизди унутпайбыз. Биздин жалпы континентибиздеги тынч жашоо жана ачык асман үчүн аймактык чыр-чатактарды басаңдатууга салым кошо бермекчибиз", — деди ал.

Эл аралык коопсуздук боюнча Москва конференциясы — коргоо мекемелеринин, эл аралык уюмдардын жана бейөкмөт эксперттердин башын бириктирип, коопсуздук боюнча жыл сайын өтүүчү форум.

0
Белгилер:
диалог, коопсуздук, регион, Владимир Путин, Россия
Тема боюнча
Путиндин макаласы: өткөнгө карап кылчактай бербей, ачык болуш керек
Массалык жок кылуучу куралдын жайылуу коркунучу. Путин Москва форумунда сүйлөдү